Jɛnɛsis 27
27
Isak jɔɔ Yakob
1Be ni Isak egbɔ, ni ehiŋmɛii anɔ eha ni enaaa nii lɛ, etsɛ ebi nukpa Esau, ni ekɛɛ lɛ akɛ, “Mibi!” Ni Esau here nɔ ekɛɛ akɛ, “Naa mi!”
2Isak kɛɛ lɛ akɛ, “Naa, migbɔ, ni mileee migbele gbi. 3No hewɔ lɛ, agbɛnɛ kɔlɔmɔ ogbɔbimɔ nibii lɛ, ogãi kotoku kɛ ogãi lɛ, ni oje kpo oya ŋa lɛ mli ni oyami milɛloo obahã mi 4#Heb 11.20 koni okɛbafee niyenii kɛ ŋɔɔmɔ, tamɔ bɔ ni misumɔɔ lɛ, ohã mi maye koni majɔɔ bo dani magbo.”
5Be ni Isak kɛ ebi Esau wieɔ lɛ, Rebeka miibo toi. No hewɔ lɛ, be ni Esau eyiŋ etee ŋa lɛ mli eyaami milɛloo lɛ kɛba lɛ, 6Rebeka yakɛɛ ebi Yakob akɛ, “Minu akɛ otsɛ kɛ onyɛmi Esau miiwie akɛ, 7‘Yaatao milɛloo, ni okɛfee niyenii kɛ ŋɔɔmɔ obahã mi maye koni majɔɔ bo yɛ Yehowa hiɛ dani magbo.’ 8No hewɔ lɛ, agbɛnɛ, mibi, bo nɔ ni mikɛɔ bo nɛɛ toi! 9Yaa toi lɛ ateŋ ni oyamɔmɔ toobii kpakpai enyɔ yɛ abotiai lɛ ateŋ obahã mi ni mikɛfee niyenii kɛ ŋɔɔmɔ mahã otsɛ, tamɔ bɔ ni esumɔɔ lɛ, 10koni okɛyahã otsɛ ni eye, bɔ ni afee ni ejɔɔ bo dani egbo.”
11 #
Jɛn 25.25
Shi Yakob kɛɛ enyɛ Rebeka akɛ, “Naa, minyɛmi Esau lɛ tsɔiatsɛ ji lɛ, shi mi lɛ, mihe yɛ trotro. 12Eko lɛ mitsɛ aaatara mihe ni matsɔ shishiulɔ yɛ ehiɛ ni maloo loomɔ mabua miyiteŋ, shi minaŋ jɔɔmɔ moŋ.”
13Enyɛ kɛɛ lɛ akɛ, “Oloomɔ lɛ ababua mi miyiteŋ, mibi; bo mi toi kɛkɛ ni oyamɔmɔ toi lɛ obahã mi!” 14No hewɔ lɛ, Yakob yiŋ etee ni eyamɔmɔ toobii lɛ ebahã enyɛ; ni enyɛ kɛfee niyenii kɛ ŋɔɔmɔ tamɔ bɔ ni etsɛ sumɔɔ lɛ. 15Kɛkɛ ni Rebeka kɔlɔ ebi nukpa Esau atadei fɛɛfɛji ni yɔɔ eŋɔɔ yɛ shĩa lɛ, ni ekɛwo Yakob, ebi gbekɛ lɛ, 16ni ekɛ toobii lɛ ahewoji lɛ wo Yakob niji kɛ ekuɛ, hei ni yɔɔ trotro lɛ. 17Kɛkɛ ni ekɛ niyenii kɛ ŋɔɔmɔ lɛ kɛ aboloo ni eshã lɛ wo ebi Yakob dɛŋ.
18No hewɔ lɛ, Yakob ba etsɛ ŋɔɔ ni ebakɛɛ akɛ, “Ataa!” Ni etsɛ here nɔ akɛ, “Naa mi! Bo namɔ ni, mibi?”
19Ni Yakob kɛɛ etsɛ akɛ, “Mi Esau, okromɔbi lɛ ni; mifee bɔ ni okɛɛ mi lɛ. Ofainɛ, tee shi ota shi ni oye mimilɛloo lɛ eko koni ojɔɔ mi!”
20Isak kɛɛ ebi lɛ akɛ, “Te fee tɛŋŋ ni ona lɛ oya nɛkɛ, mibi?” Ni Yakob kɛɛ akɛ, “Ejaakɛ Yehowa, oNyɔŋmɔ lɛ, ye ebua mi nɛɛ.”
21Kɛkɛ ni Isak kɛɛ Yakob akɛ, “Tsi oba, mibi, ni matara ohe makwɛ akɛ mibi Esau lɛ diɛŋtsɛ ni, aloo jeee lɛ ni.” 22No hewɔ lɛ, Yakob tsi ebɛŋkɛ etsɛ Isak, ni Isak tara ehe, ni ekɛɛ akɛ, “Gbee lɛ Yakob gbee ni, shi niji lɛ Esau niji ni.” 23Isak yooo Yakob, ejaakɛ eniji ahe yɛ tsɔi sulaŋŋ tamɔ enyɛmi Esau niji ahe pɛpɛɛpɛ. Kɛkɛ ni Isak jɔɔ lɛ. 24Kɛkɛ ni ebi akɛ, “Ani bo mibi Esau pɔtɛɛ nɛ lo?” Ni Yakob kɛɛ akɛ, “Mi ni”.
25Kɛkɛ ni Isak kɛɛ Yakob akɛ, “Okɛ niyenii lɛ abahã mi koni maye mibi milɛloo lɛ eko koni majɔɔ bo.” No hewɔ lɛ, Yakob kɛ niyenii lɛ bahã lɛ, ni eye. Ebahã Isak wain hu, ni enu. 26Kɛkɛ ni etsɛ Isak kɛɛ lɛ akɛ, “Mibi, tsi obɛŋkɛ mi koo koni obashwɔ minaa!” 27Ni etsi ebɛŋkɛ ni ebashwɔ enaa, ni Isak nu Yakob atadei lɛ amli ŋma lɛ, ni ejɔɔ lɛ ekɛɛ akɛ,
“Kwɛ bɔ ni mibi lɛ he jeɔ ŋma,
tamɔ ŋa frɔ̃frɔ̃ ni Yehowa ejɔɔ.
28Nyɔŋmɔ ahã bo ŋwɛi bɔ
kɛ shikpɔŋ mli fɔ lɛ eko,
kɛ ŋmãa kɛ wain babaoo hu.
29 #
Jɛn 25.23; 12.3 Maji asɔ̃mɔ bo,
ni je lɛŋ maji akoto bo.
Ye onyɛmimɛi lɛ anɔ lumɔ,
ni onyɛ bihii lɛ akoto bo.
Mɔ fɛɛ mɔ ni aaalomɔ bo lɛ, alomɔ lɛ,
ni mɔ fɛɛ mɔ ni aaajɔɔ bo lɛ, ajɔɔ lɛ!”
Esau kpa fai koni Isak ajɔɔ lɛ
30Be ni Isak egbe Yakob jɔɔmɔ lɛ naa ni Yakob kɛɛ ejeɔ etsɛ Isak hiɛ nɔŋŋ pɛ lɛ, naa enyɛmi Esau hu; ejɛ emilɛ lɛ eba. 31Ni lɛ hu efee niyenii kɛ ŋɔɔmɔ ni ekɛmiiba ebahã etsɛ. Ni ekɛɛ etsɛ akɛ, “Ataa, tee shi ni ota shi ni oye obi milɛloo lɛ eko koni ojɔɔ mi.”
32Etsɛ Isak bi lɛ akɛ, “Bo namɔ ni?” Ni Esau to he akɛ, “Mi, okromɔbi Esau ni.”
33Kɛkɛ ni Isak he kpokpo blibli waa diɛŋtsɛ, ni ekɛɛ akɛ, “Namɔ mɔ ji mɔ ni kɛ milɛloo bahã mi ni miye fɛɛ dani obaa nɛɛ, ni mijɔɔ lɛ, ni aaajɔɔ lɛ hu lɛ?”
34 #
Heb 12.17
Be ni Esau nu etsɛ wiemɔi lɛ, ebo waa diɛŋtsɛ kɛ awerɛhoo babaoo ni ekɛɛ etsɛ Isak akɛ, “Mi hu jɔɔmɔ mi eko, Ataa!”
35Shi Isak kɛɛ, “Onyɛmi lɛ kɛ shishiumɔ ebahe ojɔɔmɔ lɛ kɛtee.”
36 #
Jɛn 25.29; 25.34 Esau kɛɛ, “Egbɛi Yakob#27.36: Yakob: Heb. Shishiulɔ ni awo lɛ lɛ, ebala lɛ. Shii enyɔ sɔŋŋ ni eshishiu mi nɛ; mikromɔbi gbɛnaa lɛ eshɔ̃, ni agbɛnɛ ebahe mijɔɔmɔ lɛ hu!” Ni Esau bi etsɛ akɛ, “Ani oshwɛɛɛ jɔɔmɔ lɛ eko ohãaa mi?”
37Isak to he ekɛɛ Esau akɛ; “Mifee lɛ onuŋtsɔ, ni mikɛ enyɛmimɛi lɛ fɛɛ efee etsuji. Miŋɔ ŋmãa kɛ wain mihã lɛ; ni bo lɛ, mɛni mafee mahã bo mɔ, mibi?”
38Kɛkɛ ni Esau kɛɛ etsɛ akɛ, “Ataa, ani jɔɔmɔ kome pɛ kɛkɛ oyɔɔ? Hã mi jɔɔmɔ ko kɛ̃, Ataa!” Ni Esau jwa yaafo.
39Etsɛ Isak here nɔ, ni ekɛɛ lɛ akɛ,
“Shikpɔŋ ni fɔ bɛ mli nɔ ooohi,
kɛ he ni ŋwɛi bɔ enyɔɔɔ yɛ.
40 #
2 Maŋ 8.20; Heb 11.20 Oklante naa oyi aaana wala yɛ,
ni onyɛmi lɛ ooosɔ̃mɔ.
Shi aaaba mli akɛ,
kɛ opele ohe lɛ,
oookpɔ̃ ohe yɛ edɛŋ.”
41Esau nyɛ Yakob yɛ jɔɔmɔ ni etsɛ jɔɔ lɛ lɛ hewɔ. Ekɛɛ yɛ eyitsoŋ akɛ, “Etsɛŋ tsɔ ko ni aaafee mitsɛ yara, kɛkɛ lɛ magbe minyɛmi Yakob.”
42Shi abagba Rebeka ebi nukpa Esau wiemɔi nɛɛ, ni etsu ayatsɛ Yakob, ebi gbekɛ lɛ, kɛba ni ekɛɛ lɛ akɛ, “Naa, onyɛmi Esau kɛ gbe ni ebaagbe bo miihã ehe tsui. 43#Jɛn 24.10 No hewɔ lɛ, mibi, bo mi toi, joo foi oya kɛya minyɛmi Laban ŋɔɔ yɛ Haran 44ni okɛ lɛ ayahi shi gbii fioo ko kɛyashi beyinɔ ni onyɛmi lɛ tsui he aaajɔ; 45kɛyashi beyinɔ ni onyɛmi lɛ mlifu lɛ naa aaaba shi ni ehiɛ aaakpa nɔ ni ofee lɛ lɛ nɔ; kɛkɛ lɛ matsu ni abaŋɔ bo kɛku sɛɛ kɛba. Mɛɛba nyɛyi enyɔ lɛ fɛɛ nyɛaaŋmɛɛ mi gbi kome?” 46#Jɛn 36.2 Kɛkɛ ni Rebeka kɛɛ Isak akɛ, “Esau ŋamɛi Hityei lɛ ehã mijeŋshihilɛ eje mitsine. Kɛji Yakob hu aaaŋɔ shikpɔŋ nɛɛ nɔ Hityei nɛɛ eko akɛ eŋa tamɔ mɛnɛɛmɛi lɛ, no lɛ faŋ nɔ ni migbo moŋ.”
נבחרו כעת:
Jɛnɛsis 27: NEGAB
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Bible in Ga Language © Bible Society of Ghana, 2020.