Intaliko 12
12
E Leza akwita Abramu
1Imfumu e Leza anena Abramu ali, Fuma chinta munsi yako munko zyako, na mu ng’anda ya monsi wako, uye kunsi yino nandi nkulanjizye. 2Ndileka uyize uwe we mwiko wukuiu, swinya ndikupepa. Ndileka izina lyako likule alyakuti uyize uwe we mupepwe. 3Ndiwapepa wonsi wano walikupepa, na wensi wino wiza wakutipa nani ndimutipa; mwakwe wewenye amuno imyiko yonsi ilipepelwa munsi moo.
4Achaleka Abramu wapisile ndimuno Imfumu e Leza wamunenezile, asenda nu Loti. Abramu walinji ni myaka amakumi munenulambali na yisano pano wafumanga mu Harani. 5Abramu wasemile umuchi e Serai nu Loti umwana wa munyina ni nsawo zyonsi zino walinji nazyo apaliponga na wantu wano wafumile nawo mu Harani; awakatuka awapita kunsi ya Kenani. Pano wafika mu nsi ya Kenani 6Abramu apitilila afika munsi ya Shekemu kuno kwalinji umuwuyu ku More. Mu mpindi-nye yoyo awina Kenani awano walinji munsi-nye yoyo. 7Imfumu e Leza aloleka kwe Abramu ati, Ndipa insi yoo ku wanako. Achaleka azcnjela Imfumu e Leza wino walolesile kwe weliwe akavuwa. 8Awakatuka awaya ku myamba lwa kapela ka Betele awazenga imitanda yawo. Awasya Betele kasika nu Avi kapela; kokonye akuno azenga akavuwa ka Mfumu e Leza alumbula nizina lyakwe. 9Swinya Abramu akatuka alungama ku Negevu.
Abramu mu Ijeputi
10Kwalinji ichipowe chikulu munsi; achaleka Abramu wafumile aya ku Ijeputi, aya apanza kweneko. 11Ala pano wapalamila ukufika ku Ijeputi, anena Serai umuchi ati, Namanya kuno wazipisya; 12ndi awina-Ijeputi wakulola wandi wati we wakwane; wandi wankome, wakusye wewe, 13Aehaleka wazipila ukuwanena nkuti we nkazi yane, alyakuti chinzipile amuno a wewe, ukuti imbe nu wumi. 14Ala pano. Abramu winjila mu kaya ka Ijeputi, awina-Ijeputi awalola ukuzipisya kwa mwanachi. 15Nga awala wasiyame awana wa Mfumu e Fero wamulola awaya awasimika kwe Fero. Achaleka awaya awamusenda awamutwala kwi sano, 16Muno we Serai e Fero apochelela Abramu ichete; awamutwalila ing’onzi ni nkambaku, ni ndokwe na wawomvi awonsi na wanachi, nga ni ngamila.
17Ukuwa Imfumu e Leza ayimvya Fero na wachiwanza chakwe wonsi ni ndwala nkulu iyakwe sotola, muno we Serai muka Abramu. 18Apano Fero ayita Abramu, amuwuzya ali, Nga chintu-chi ehino uchisile kwe nene? Ngachani chino utanemile titi, Wee we wakwako? 19Ngachani chinci wavwanzile wati, A nkazi yako? Waleka namusenda ukuti awe we wakwane. Kanonzi senda wakwako mupite nawe. 20Achaleka Fero asunda wantu wakwe ku vyakwe Abramu ukuti waleke apite nu muchi na wonsi wano walinji nawo.
נבחרו כעת:
Intaliko 12: WWN82
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Chinamwanga Bible © United Bible Societies, 1981.
Intaliko 12
12
E Leza akwita Abramu
1Imfumu e Leza anena Abramu ali, Fuma chinta munsi yako munko zyako, na mu ng’anda ya monsi wako, uye kunsi yino nandi nkulanjizye. 2Ndileka uyize uwe we mwiko wukuiu, swinya ndikupepa. Ndileka izina lyako likule alyakuti uyize uwe we mupepwe. 3Ndiwapepa wonsi wano walikupepa, na wensi wino wiza wakutipa nani ndimutipa; mwakwe wewenye amuno imyiko yonsi ilipepelwa munsi moo.
4Achaleka Abramu wapisile ndimuno Imfumu e Leza wamunenezile, asenda nu Loti. Abramu walinji ni myaka amakumi munenulambali na yisano pano wafumanga mu Harani. 5Abramu wasemile umuchi e Serai nu Loti umwana wa munyina ni nsawo zyonsi zino walinji nazyo apaliponga na wantu wano wafumile nawo mu Harani; awakatuka awapita kunsi ya Kenani. Pano wafika mu nsi ya Kenani 6Abramu apitilila afika munsi ya Shekemu kuno kwalinji umuwuyu ku More. Mu mpindi-nye yoyo awina Kenani awano walinji munsi-nye yoyo. 7Imfumu e Leza aloleka kwe Abramu ati, Ndipa insi yoo ku wanako. Achaleka azcnjela Imfumu e Leza wino walolesile kwe weliwe akavuwa. 8Awakatuka awaya ku myamba lwa kapela ka Betele awazenga imitanda yawo. Awasya Betele kasika nu Avi kapela; kokonye akuno azenga akavuwa ka Mfumu e Leza alumbula nizina lyakwe. 9Swinya Abramu akatuka alungama ku Negevu.
Abramu mu Ijeputi
10Kwalinji ichipowe chikulu munsi; achaleka Abramu wafumile aya ku Ijeputi, aya apanza kweneko. 11Ala pano wapalamila ukufika ku Ijeputi, anena Serai umuchi ati, Namanya kuno wazipisya; 12ndi awina-Ijeputi wakulola wandi wati we wakwane; wandi wankome, wakusye wewe, 13Aehaleka wazipila ukuwanena nkuti we nkazi yane, alyakuti chinzipile amuno a wewe, ukuti imbe nu wumi. 14Ala pano. Abramu winjila mu kaya ka Ijeputi, awina-Ijeputi awalola ukuzipisya kwa mwanachi. 15Nga awala wasiyame awana wa Mfumu e Fero wamulola awaya awasimika kwe Fero. Achaleka awaya awamusenda awamutwala kwi sano, 16Muno we Serai e Fero apochelela Abramu ichete; awamutwalila ing’onzi ni nkambaku, ni ndokwe na wawomvi awonsi na wanachi, nga ni ngamila.
17Ukuwa Imfumu e Leza ayimvya Fero na wachiwanza chakwe wonsi ni ndwala nkulu iyakwe sotola, muno we Serai muka Abramu. 18Apano Fero ayita Abramu, amuwuzya ali, Nga chintu-chi ehino uchisile kwe nene? Ngachani chino utanemile titi, Wee we wakwako? 19Ngachani chinci wavwanzile wati, A nkazi yako? Waleka namusenda ukuti awe we wakwane. Kanonzi senda wakwako mupite nawe. 20Achaleka Fero asunda wantu wakwe ku vyakwe Abramu ukuti waleke apite nu muchi na wonsi wano walinji nawo.
Chinamwanga Bible © United Bible Societies, 1981.