Matie Bhɔlɩ

Bhɔlɩ

Nyɩkpɔɔ ‑ɔ ‑jɩjlä lä 'bɔɔgʋnʋ nä, ɔɔ' ‑wʋ ɔ yëku 'ŋnö ‑zɛɛ ‑mä nyɩkpaa ‑wa ‑zɛɛ lä ʋʋ' 'mnö wälɩɩ tɛɛ nä, wamää‑ cii‑ lä nynä ‑mä Zozii' 'kʋgënyɔɔ wa laa lä Matie nä, ɔmɔɔ‑ ‑jɩjlʋ. Ɔmɔ Matie nä, wa lɔɔ bhä 'sɩɩ Levii (Makö 2.14; Lukö 5.27). Lapoo‑ylänyɔ ɔ plöö‑ bhlä tɛɛ.

'Bɔɔgʋnʋ nä, 'Zufʋnyʋää' ‑zä Matie ‑jɩjlʋ lä. Ʋmʋ 'mnö kä Matie ci la nynä ‑mä Zozii ‑glö 'loyoo' lɔɔ ‑ɔ ‑yi lä 'Yizlɛnyʋä ‑lɔɔ nëë ‑sä ‑kää nä. Ɔ lä Zozii ‑glö 'loyo Davidöö 'lɔlʋnyɔ. 'Nɩ ɔɔ' yëkuu' wälɩ Laagɔɔ' 'plɔfɛtɩnyʋa cii‑ bhlä ‑mɔɔ ‑gɔgɔbhlää' nynä ‑mä ylʋʋ yia ‑lɔɔ kʋ 'nɩ Laagɔ yi bhä nyɩkpaa' ‑lɔɔ nëë ‑sänyɔ ‑mää 'ylʋzɔɔ lobho. Kä Matie pana lä nynä ‑lɔɔ' nyɩkpɔɔ 'mɔɔ‑ plöö‑ lä Zozii.

'Bɔɔgʋnʋ nä, ʋʋ' tɛɛtɛɛ‑klëa sonö‑anyɩ 'fɩa sɩ plöö‑ lä 'kʋ 'nɩ wa ‑gään lä Zozii nä, 'nɩ ʋ sonö‑anyɩ 'sɩɩ ɔɔ' 'lɔlʋnyʋää' yëkuu' wälɩ. Ʋ sonö‑anyɩ 'sɩɩ nynä Zään Badisö 'mɔɔ‑ ŋʋʋ‑ Zozii 'nyu 'wlu. 'Nɩ 'Dëvlo ‑yi 'nɩ ʋ nyɛɛ‑ Zozii ‑zɔɔpälɩ (3.1–4.11).

Zozii' sä ɔ cɩa bhlä nyɩkpa nä, 'nɩ sä ɔ cɩa bhlä 'sɩɩ ɔɔ' 'kʋgënyʋa nä, ɩyä 'yiziziogbɩɩ ‑yä ‑daminëa ɔ ‑nʋ lä nä, Matie ‑sää ‑lɔɔ' wälɩɩ 'fɩɩn (4.12–18.35).

Matiee' 'bɔɔgʋʋ mʋ ylä bhlü kää nä, ʋ cii‑ sä Zozii ‑mʋ lä Zolizalɛmʋduu' 'nɩ wa 'bhlänöɔ‑ lä ‑mɔɔ nä. Ʋ ci nynä ‑mä ɔ kuu‑ lä nä, tanaylʋʋ 'kʋ kɔ ‑glɔɔ 'kuëë. Ɔ ‑glɔɔ lä 'kuëë nä, ɔ ‑ghlä ɔɔ' 'kʋgënyʋa 'yii (19.1–28.15). Ɔ ‑yʋwa 'sɔ 'nii‑ ‑mɔɔ Galileebhlɩ 'kʋʋ 'kükëa 'wlu 'nɩ ɔ yiwa lobho, ɔ lä wa mʋ 'ylʋzɔɔ' dää 'fɩɩn ‑yä a wlʋa ‑mɔɔ ɔɔ' 'kʋgënyʋä (28.16‑20).

נבחרו כעת:

Matie Bhɔlɩ: god

הדגשה

שתף

העתק

רוצים לשמור את ההדגשות שלכם בכל המכשירים שלכם? הירשמו או היכנסו

מידע נוסף אודות GOD - u2

Matie Bhɔlɩ

פסוקים פופולריים מ-
Matie Bhɔlɩ

כתבי הקודש:

Godié

גרסה: GOD - u2 - god

Matie Bhɔlɩ

Matie Bhɔlɩ

פסוקים פופולריים מ- Matie Bhɔlɩ

כתבי הקודש:

Godié

גרסה: GOD - u2 - god

Matie Bhɔlɩ

פסוקים פופולריים מ-
Matie Bhɔlɩ