साल्न्हाका चात्या 6
6
न्हिमिहेङ छाल्का
1इङको दिना जेलाउ चात्याको सङख्या बाढेलि तेङहि, कालाउ ग्रिक भासा धुइका यहुदि खान्धुराइगेलाइ हिब्रु भासा धुइका यहुदि खान्धुराइगेलाइको बिरोधता गनगानाइलि तेङहि। हाइपालिपानु दिनाङ चाका आमेने कालाउ ताका बाखाराइकाता इम्बालाइको के सिका बेबाललाइहेङ गोइका जति चाका-आम्का कालाउ ताका मानिङघाखे। 2ओदोङ भाअ्सिङ तेन्हे झना छाल्न्हाका चात्यागेलाइ यरुसेलेम सहरको आरु खान्धुराइगेलाइहेङ काइतेङ दोअ्हि, “परमेस्वरको बचन प्रचार पालि लाअ्तेङ चापालि-आम्पालि सेवा पालि केलाइहेङ उचित मान्थु। 3ओदोङ भाअ्सिङ ओइ खान्धुराइ ओनेगेलाइ, नेलाइ मध्येसो पबित्तरो-आत्मा कालाउ बुद्दिहोइ पोङघाका कालाउ जाइको बारेता गिखे, न्हिमि द्याङगेलाइ छाल्सु, जाइहेङ केलाइ इदोइ कामता नियुक्त पाइने। 4कालाउ केलाइ चाहि प्रार्थाना कालाउ बचन प्रचार कालाउ सिक्स्या पिकाता पुराङ सोमोइ पियाङ।”
5इदोइ काथा गोताङ समुहको द्याङगेलाइहेङ मन परिहि, कालाउ इम्बालाइ पबित्तरो आत्मा कालाउ खाङधुरिहोइ पोङघाका स्तिफन कालाउ फिलिप, प्रखरस, निकनोर, तिमोन, परमिनास कालाउ एन्तिओकको यहुदि धर्म ह्रुका निकोलाउसहेङ बुङ साल्हि। 6इम्बालाइ उङको द्यागेलाइइहेङ साल्न्हाका चात्यागेलाइको भेरपा चुमाहि कालाउ इम्बालाइ ह्रुता ताइको खुर ताअ्तेङ प्रार्थाना पाहि कालाउ इम्बालाइहेङ इङको काम पालिको भाअ्सिङ छाल्हि।
7एसापा परमेस्वरको बचन बाढेकाताङ हानिहि, कालाउ यरुसेलेमता चात्यागेलाइको सङख्या हेन्जाङ बदेहि। कालाउ हेन्जा यहुदि पुजारिगेलाइ बुङ येसु ख्रिस्टको खाङधुरिको सन्देसहेङ सुइकार पाहि।
स्तिफनहेङ रिम्का
8स्तिफन आनुग्रह कालाउ सरबुङहोइ पोङघातेङ द्याङगेलाइको माझाता बा-बार्का भारभुसाइका काम कालाउ चिन्हागेलाइ पाहि। 9कालाउ हेथेते द्याङगेलाइ चाहि वाको बिरोध पालि तेङहि। इम्बालाइ यहुदिगेलाइको चाउघारा साअ्को स्वतन्तरो दोअ्का दलको द्याङगेलाइ कालाउ उङको यहुदिगेलाइ कुरेनि कालाउ आलेकजेन्द्रिया सहरगेलाइ कालाउ किलिकिया कालाउ एसिया प्रदेसगेलाइसो बुङ हिघाहि। इम्बालाइ झाराङ मिलितेङ स्तिफन दोफा बहस पाहि। 10कालाउ इम्बालाइ वासेहेङ उत्तारा पिलि मादोअ्घाखे, हाइपालिपानु पबित्तरो आत्माहोइ वासेहेङ हेन्जा बुद्दिमानिसोङ नुइ धुइलि दोका बानाइहि।
11कालाउ इम्बालाइ एकुन्हाता आधिमि द्याङगेलाइहेङ स्तिफनको बिसोइता धाताइलिको भाअ्सिङ दोअ्लि तोङपाहि, “मोसा कालाउ परमेस्वरको बिरोधता या दोङ निन्दा पाका केलाइ हिङन्हाहि।”
12कालाउ इम्बालाइ स्तिफनको बिरोधता द्याङगेलाइहेङ, यहुदि आगुवागेलाइहेङ कालाउ व्यवस्था धिरपाका द्याङगेलाइहेङ तोङपाहि, कालाउ इम्बालाइ लोतेङ स्तिफनहेङ रिम्हि कालाउ माहासभाको आगाता चुमाहि। 13इम्बालाइ एसा दोअ्लि धाताइका साक्सिगेलाइहेङ आगा सारिहि, “इदोइ द्याङ पबित्तरो थामे कालाउ मोसाको व्यवस्थाको बिरोधता काथा पालि मालाअ्खे। 14हाइपालिपानु इदोइ द्याङ एसा दोअ्का केलाइ हिङन्हाहि, नासरत देराको येसु इदोइ मुन्दिरहेङ नासा पाङ। कालाउ मोसा केलाइहेङ पिका मुन्धुम बुङ बदल पाप्याङ।”
15कालाउ माहासभाता योमका झाराङ द्याङगेलाइ स्तिफनहेङ ध्यान पितेङ खाङहि कालाउ वाको ह्राइ स्वर्गदुतको ह्राइ भाइकाङ चिल्कातेङ हिघाखे।
נבחרו כעת:
साल्न्हाका चात्या 6: DHINT
הדגשה
שתפו
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Dhimal New Testament, by The Love Fellowship is licensed under Creative Commons Attribution-ShareAlike 4.0 License.