कुलवानकु.कामि 7
7
स्तेफनुस रआ भासान
1तोब मुध जाजक ता गामवादेयाय, स्तेफनुस, चिलि नुवां गानाम सारीगी हेके? 2#एटे 12:1स्तेफनुस ता गामवाःकुवाय, “ए बोयहाकु अरो आपुकु! इञ रआ गानाम ओनावेपे। जोब अबु रिई आपु अबराहम हरान रे बोसाः एते पहिल मेसोपोतामिया रे तहीः केनाय, दो इमिन रे महिमामय परमेसर ता उनी के दरसन एमाःदेयाय 3अरो गाम्मेताय अपन दिसुम बङ रेदो अपन कुटुम के बागी ककुम अरो उना दिसुम सिनुःमी जहां इञ आम के देखावामिञ 4#एटे 11:31; एटे 12:4 नियां रे उनी कसदिया रआ दिसुम बागी केते हरान रे बोसाव एनाय। उनकु रेन आपु रआ गोजुः रआ तयनोम परमेसर उनकु के ओन्डो एते ओचोः केते नुवां दिसुम रे अगुवेःकुवाय जे ठिनुः अपे तिहिञ-गापा तहीः कनापे। 5#एटे 12:7; 13:15; 15:18; 17:8अरो उनी के बोसाः अरो बाका दोहो कथिर भोइर हों उना रे ठांव काय एम, मुदा वादा एताय चि इञ नुवां दिसुम आम अरो आम तयनोम आमरेन बोंस रआ ती रे वकुविञ, मगर इमिन रे, उनी रेन जहय होपोन हों काकु तहिकेना।” 6-8#एटे 15:13,14#उठ 3:12#एटे 17:10–14; एटे 21:2–4; एटे 25:26; एटे 29:31—35:18अरो परमेसर ता नुवां गामवादेयाय, “आमरेन बोंसकु एटाः रे पोरदेसी होयुःआकु, अरो उनकु, उनकु के गुलाम रे कुवाकु अरो चाइर साव बरीस तक दंड एमाकुवाकु, जे जाइत रेन उनकु धंगोर होयुः अकु उनकु के इञ दन्ड एमाकुञ, अरो इना तयनोम उनकु उडुङ केते नियां ठांव रे इञ के सेवा-सुसार इञाकु।” अरो परमेसर ता अबराहम एते खतना रआ पक्का करार लाःआय, अरो नियां दसा रे इसहाक उनी एते जनम अगुवेताय अरो आठवारा हिलोः रे उनी रआ खतना एदेयाकु, अरो इसहाक एते जाकूब अरो जाकूब एते बारों कुलपति जनम अगुएताय। 9#एटे 37:11; एटे 37:28; एटे 39:2,21 कुलपतिकु ता जुसूफ एते कुचड़ केते उनी के मिसर दिसुम सिनुः इकु रआ ती अखरीञ कदेयाकु। मुदा परमेसर उनी लोः तहिकेनाय। 10#एटे 41:39–41 परमेसर ता सुबिन बिपेत एते उनी के छोड़ाव एदेयाय अरो नुंका एदेयाय चि उनी मिसर दिसुम रिई राजा फिरोन रआ नजेर रे दया अरो बुधिमान सरीएनाय। राजा ता उनी के मिसर रिई राजपाल अरो अपन सुबिन राज ओड़ाः रिई हक वनीः बयेःदेयाय। 11#एटे 42:1,2तोब मिसर अरो कनान रआ सुबिन दिसुम रे अकाल पोड़ावेना जेकर एते बेचोट कोसोट होयना, अरो इञ रेन आपु-आजाकु के अन्न का नमुः केना। 12मुदा जाकूब ता नुवां अयुम केते चि मिसर रे अनाज हेनाःआं, इञ रेन आपु-आजाकु के पहिल इसा कुलेःकुवाय। 13#एटे 45:1; एटे 45:16एटाः इसा जुसूफ ता अपन बोयहाकु के अपन दिसतार एनाय अरो जुसूफ रेन घराना के फिरोन ता सारी वेःकुवाय। 14#एटे 45:9,10,17,18; एटे 46:27तोब जुसूफ ता आच रिई आपु जाकूब अरो आचरेन सुबिन कुटुम्ब के, जे तीन कोरी पंदराह होर तहिकेनाकु होहो कुलेःकुवाय, 15#एटे 46:1–7; एटे 49:33जाकूब मिसर दिसुम तोराया। ओन्डो उनी, अरो आले रेन पुरखा हों गोच चबाएनाकु 16#एटे 23:3–16; 33:19; 50:7–13; जहुसू 24:32उनकु रआ गोच-होड़मो सेकेम रे इदिवेःकुवाकु अरो उना मरघाटी रे तोपा वेःकुवाकु, जे अबराहम ता चांदी एम केते सेकेम रे, हमोर रेन होपोन हेरेल एते किरीञ लाःआय। 17#उठ 1:7,8परमेसर ता अबराहम एते जे वादा लाःआय, जोब उना रआ पुराव वोः रआ समेय हेनात हिजुः केना, दो इञ रेन होरकु रआ गिनती मिसर दिसुम रे बेचोट ढेर बड़हाव इदीः केनाकु 18तोब मिसर रे एटाः राजा बय्येनाय जे जुसूफ के काय सारीकेनाय। 19#उठ 1:10,11; उठ 1:22उनी ता इञ रेन जाइत एते चालांकी केते इञ रेन आपु-आजाकु लोः नोन्डो तक कठिक बेवहार वेःकुवाय, चि उनकु अपन होपोन के गिड़ी पोड़ावेना चि उनकु जुवेत काकु तहिनोःओ। 20#उठ 2:2इमिन रिगी मूसा ता जनम अगुवेताय। उनी परमेसर रआ नजेर रे बेचोट सुन्दर तहिकेनाय। उनी तीन मेहना तक आच रिई आपु रआ ओड़ाः रे असुल हरा देयाकु। 21#उठ 2:3–10जोब गिड़ी कदेयाकु दो फिरोन रिई होपोन एरा ता मूसा के इदी एदेयाय, अरो आच रिई होपोन हेरेल लेका असुल एदेयाय। 22मूसा के मिसरीकु रआ सुबिन बिदया पोड़हाव एदेयाकु अरो उनी बचन अरो करनी, बनार रे सोमोर्थी तहिकेनाय। 23#उठ 2:11–15जोब मूसा चालीस बरीस रिई होय एनाय, दो उनी रआ मोन रे हेच्चेना चि इञ अपन इसराइली बोयहाकु एते नपाम्मीञ 24उनी मिहोर होर के अनेयाय होयुः एते नेल केते उनी के बनचाव एदेयाय, अरो मिसरी के गोच केते, उनकु रआ पलटा अगुवेताय। 25उनी सोंचाव एनाय चि उनी रेन बोयहाकु सोमझाव वोःओकु चि परमेसर उनी रआ ती एते उनकु के उद्धार कुवाय, मुदा उनकु ता काकु सोमझावेना। 26एटाः हिलोः जोब इसराइलिकु अकु-अकु रे लड़ाय केनाकु, दो मूसा ओन्डो हेच्चेनाय, अरो नुवां गाम केते उनकु के मेल कराव कथिर सोमझाव वेःकुवाय, ए हेरेलकु अपे दो बोयहा-बोयहा हेकेपे, अनी-नोय रे चिलिमेन अनेयाय कनापे? 27मुदा जे अपन पड़ोसी रे अनेयाय एकेनाय, उनी ता उनी के नुवां गाम केते ओचोः एदेयाय आम के ओकोय ता आले रे हाकिम अरो सलाह एएम वनीः बाय एकाःमाय? 28चिलि जे लेका एते आम ता होला मिसरी के गोच एदेयाम इञ केहों गोगोच कथिर वोः कनाम? 29#उठ 18:3,4नुवां गानाम ओनाव केते मूसा नीर एनाय अरो मिधान दिसुम रे पोरदेसी होय केते तहीः हेलावेनाय, अरो ओन्डो उनी रेन बारिया होपोन हेरेल जनम अगुवेताकिन। 30#उठ 3:1–10जोब पुरा चालीस बरीस बितावना, दो मिहोर सोवारागदूत ता सीनाय टोंगरी रे मूसा के धराः झुड़ रआ मरसल रे दरसन एमाःदेयाय। 31मूसा ता नुवां दरसन नेल केते चकरीत एनाय आर जोब नेनेल कथिर उनी हेनात तोराया, दो परभु रआ नुवां राव होय्येना, 32“इञ आमरेन पुरखाकु, अबराहम, इसहाक अरो जाकूब रिई परमेसर हेकेञ” तोब दो मूसा थरथराव बिरीतेनाय, नोन्डो तक चि उनी के नेनेल रआ भोरसा का तहिएना 33तोब परभु ता मूसा के मेताःदेयाय, “आम रआ बाका एते खरपा होलोच केम, चिलिमेनचि जे ठांव आम तिंगुएकानाम, उना पबितर ओते हेके। 34इञ ता सत गी अपन होरकु रआ जे मिसर रे हेनाःआं, दुरदसा ताकु नेल एकाःइञ, अरो उनकु रआ केहराः अरो उनकु रआ इयाम ओनाव एकाःइञ, इनाते उनकु के छोड़ाव कथिर अरगु एकानिञ। निमीः हिजुःमी इञ आम के मिसर रे कुलमिञ।” 35#उठ 2:14होर ता नुवां गाम वते मूसा के नकराव एदेयाकु, आम के ओकोय ता आले रे हाकिम अरो सलाह एएम वनीः बाय एकाःमाय? परमेसर ता जनुम झुड़ रे नेल इरी वनीः सोवारागदूत रआ सोझ एते उनी मूसा के हाकिम बङ रेदो छोड़ाव वनीः रआ रुप एते उनकु ठिनुः कुल एकाःदेयाय। 36#उठ 7:3; उठ 14:21; लेखा 14:33इनी मूसा गी उनकु के मिसर दिसुम एते, रांगा समुदर एते अरो बुरु एते चालीस बरीस तक चकरीत कामि अरो चिनहा देखाव वते उडुङ अगुवेःकुवाय। 37#नियम 18:15,18मूसा तागी इसराइलिकु एते नुवां गाम्मेताय, “परमेसर अपे रेन बोयहाकु रे एते अपे कथिर इञ लेका मिहोर परमेसर सोझ एते नधनी वनीः के कुलेयाय।” 38#उठ 19:1—20:17; नियम 5:1–33इनी मूसा गी निचुत सनसुन ठांव रआ कलीसिया रआ ताला, सोवारागदूत लोः सीनाय टोंगरी रे उनी लोः नधनी एताय, अरो अबु रेन आजा आपु लोः तहिकेनाकु, इनी किगी जुवेत बचन नमुःआं चि अबु तक तेबाः इयाय 39मुदा अबु रेन आपु आजा ता उनी रआ काकु मनाववोः चाहवना, उनकु ता मूसा के ठोकराव एदेयाकु। अरो उनकु अपन मोन ता मिसर दिसुम सोझ रुवाड़ चहाः केनाकु, 40#उठ 32:1अरो हारुन#7:40 हारुन मूसा रिई मरंग बोयहा तहिकेनाय। एते गाम वदेयाकु, “अबुन कथिर नुंकन बोंगाकु के बायकुपे जे अबु रआ लहा-लहा सेनाकु, चिलिमेनचि नोंय मूसा जे अबुनके मिसर दिसुम एते उडुङ अगु एकाःबुनाय, अबु काबु सारीकाना उनी चिलिनाय?” 41#उठ 32:2–6उना हिलोः रे उनकु ता मियाः बछरु बाय केते उनी मुरती रआ लहा रे बलिदान एताकु अरो अपन ती रआ कामि रे रिझावोः हेलावेनाकु। 42#आमो 5:25–27इनाते परमेसर ता उनकु मनवांकु तके, सिरमा रेन सिंगी बोंगा, अरो इपिलकु, अरो निदा बोंगा के, बोंगा-बुरु कथिर बागी काःकुवाय, जे लेका परमेसर सोझ एते नधनी वनकु रआ पोथी रे ओल एकाना,
ए इसराइल रेन घराना रेन होर,
चिलि अपे जनावार के बलिदान
अरो अन्नबलि निचुत सनसुन ठांव रे इञ कथिर चालीस बरीस तक रकाप चित कपे तहिना?
43अपे मोलेक रआ तम्बु
अरो रिफान बोंगा रेन इपिल के इदी बेरा कुकन केनापे
अरो उनकु मुरतिकु हों अपे इदी लेःकुवापे, जेके अपे ता डोंडोत कथिर बाय लेःकुवापे।
इनाते इञ अपे के बेबिलोन रआ संगिञ इदिकेते बोसाव पिञ।
44 #
उठ 25:9,40 गोवाही रआ तम्बु हों उना निचुत सनसुन ठांव रे, अबु रेन आबा-आजाकु लोः तहिकेना। नुवां तम्बु इना नमूना लेका गी बाय लाःआकु, जे लेका चि उनकु नेल लाःआकु, अरो लेका चि मूसा एते नधनी कराव वन ता बबय कथिर उनी के गामवादेयकेनाकु। 45#जहुसू 3:14–17इना तम्बु गी अबु रेन आबा आजा सेदाय एते नामकेते जहोसु लोः नोन्डो अगुवेताकु, जे हिलोः चि उनकु ता उनकु गइर-जहुदिकु रे हक नाम्मेताकु, जे के परमेसर ता अबु रेन आबा-आजाकु रआ हेनात एते उडुङ काःकुवाकु, अरो उना तम्बु दाऊद रआ समेय तक तहिएना। 46#2 समु 7:1–16; 1 इति 17:1–14दाऊद रे परमेसर ता दया एताय, इनाते उनी ता गोहराव एदेयाय चि उनी जाकूब रिई परमेसर कथिर तहीः ठांव बाय इयाकु। 47#1 राजा 6:1–38; 2 इति 3:1–17मुदा सुलेमान ता मरंग बिनती ओड़ाः बाय इरीवेःकुवाय। 48मुदा परमपरधान परमेसर, मनवांकु रआ ती एते बायनाः ओड़ाः रे काय तहीः कनाय, जे लेका चि परमेसर सोझ एते नधनी वनीः ता गाम एकाःआय,
49 #
जसा 66:1,2 परभु मेन कनाय, “सिरमा इञ रआ राइज गदी
अरो ओते इञ रआ बका लतार रआ चाउकी हेके
इञ कथिर अपे कारा लेकन ओड़ाः बाय इयापे?
अरो इञ रआ जिराः रआ करा लेकन ठांव होयुःआ?
50चिलि नुवां सुबिन जिनिस इञ रआ ती एते बायवानाः बङ कानाः?”
51 #
जसा 63:10
“ए हुरमुठकु, अपे न दो अतेन चहाः कनापे, अरो न सोमझाः कनापे। अपे सोबदिन पबितर रावा रआ बिरोध कनापे जे लेका अपे रेन आपु आजा कराव वेकेनाकु इनका गी अपे हों कराव कनापे। 52परमेसर सोझ एते नधनी वनकु रे एते ओकोय के अपे रेन आपु-आजाकु ता काकु सताव? अरो उनकु ता उनी धरमी रआ हिजुः रआ सेदाय एते बुगिन खभेर एएम वनीः के गोजेः देयापे, अरो निमीः अपे हों उनी धरमी के साप इरीवान अरो गोगोच वान होय्येनापे 53अपे ता सोवारागदूतकु रआ दोवासते ठहराव वनाः मूसा रआ नियम दो नाम्मेतापे, मुदा उना रआ कपे सेहयार लाःआ।”
स्तेफनुस के दिड़ी एते ठिनढेर
54स्तेफनुस रआ गानाम ओनाव केते मरंग पंचेत ओड़ाः रेन मोन रे जलाः हेलावेनाकु, अरो उनी रे डाटा तोगोच हेलावेनाकु, 55मुदा उनी पबितर रावा एते पेड़ेच केते सोवाराग सोझ नेल्लेताय अरो परमेसर रआ महिमा ता अरो ईसु के परमेसर रआ जोम ती सोझ तिंगु नेलकेते 56मेनएताय, “नेलपे, इञ सोवाराग रड़ा अरो मनवा रिई होपोन हेरेल के परमेसर रआ जोमती सोझ तिंगु नेलेय कनिञ।” 57तोब उनकु ता मरंग राव एते कुर्री केते अनसुनी एताकु, अरो मिसा एते उनी रे छुटाव एनाकु, 58अरो उनी के चट्टी एते टांड़ी उडुङ केते उनी रे दिड़ी एते ठिनढेर हेलावेनाकु। गोवाहिकु ता अकु रआ किचरीः, साउल लुतूम मिहोर धिंगाला रआ बाका ठिनुः होलोच केते दोहोवेताकु। 59उनकु स्तेफनुस रे ठिनढेर चित तहिनाकु अरो उनी नुवां गाम केते पराथना चित तहिएनाय, “ए परभु ईसु, इञ रआ रावा ता तेला केम।” 60अरो ढुकू उकरुम केते जोड़ राव एते होहोएदेयाय, “ए परभु, नुवां पाप उनकु रे ओलोम लगाविया।” अरो नुवां गाम केते उनी गोच एनाय।
נבחרו כעת:
कुलवानकु.कामि 7: BIY
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
© 2023 NLCI CC BY-NC-ND 4.0