जोहन 1
1
बचन होड़मो एना
1एटेच रे सबद तहिकेना, अरो सबद परमेसर लोः तहिकेना, अरो सबद परमेसर तहिकेनाय। 2उना एटेच रे परमेसर लोः तहिकेना। 3सुबिन्नाः उनी रआ दोवासते उपनेग एना, अरो जहन्नाः उपनेग एकाना उना रे जहन जिनिस हों उनी रआ बेगार का उपनेग एकाना। 4उनी रे जीवन तहिकेना अरो उना जीवन मनवां रआ मसकल तहिकेना। 5अरो मसकल लुबाः रे चमकाः चित तहीःकाना, अरो लुबाः ता उना काय जिताव दड़िवाताय।
6 #
मती 3:1; मर 1:4; लूका 3:1,2 परमेसर रआ सोझ एते कुलवानीः मिहोर मनवां हेच्चेनाय जेकर लुतूम जोहन तहिकेना। 7उनी इनाते हेच्चेनाय चि मसकल रआ गोवाही बयुःआय चि सुबिन उनी रआ दोवासते बिसवासियाकु। 8उनी खुद दो मसकल काय तहिकेनय, मुदा इनाते हेच्चेनाय चि उना मसकल रआ गोवाही एमाय, 9उनी सचा मरसल, जे सुबिन मनवां के मरसल कुकानाय, उनी दुनिया रे हिजुः कनाय।
10उनी दुनिया रे तहिकेनाय अरो दुनिया उनी रआ दोवासते उपनेग एना, अरो दुनिया रेन होर उनी के काकु चिनहाव एदेया। 11उनी अपन होरकु ठिनुः हेच्चेनाय, मुदा उनी के अपन होरकु ता काकु अपनावेदेया। 12मुदा जेतना उनी के गरहन एदेयाकु अरो उनी रआ लुतूम रे जे बिसवास कनाकु, उनी ता उनकु के परमेसर रेन होपोन बयुः रआ हक एमाःकुवाय। 13उनकु ना दो मयम एते, ना होड़मो रआ हिछा एते, ना मनवां रआ हिछा एते, मुदा परमेसर एते उपनेग एकानाकु।
14अरो बचन होड़मो एना, अरो दया अरो सचाय एते भोरपुर केते अबु रआ ताला रे डेरा एताय, अरो अबु उनी रआ नुंका महिमा नेल एताबुन, जेलेका आपु रिई जेठा होपोन हेरेल रआ महिमा, 15जोहन ता उनी रआ बबेत रे गोवाही एम्मेताय अरो होहो-होहो केते गाम्मेताय, “नोय उनी हेकेय, जेकर इञ गाम एकाःइञ चि जे इञ तयोम हिजुः कनाय, उनी इञ एते बड़हाव केते हेनाया, चिलिमेनचि उनी इञ एते पहिल तहिकेनाय।” 16चिलिमेनचि उनी रआ भोरपुर एते अबु सुबिन ता दया चेतान दया नाम्मेताबु, 17इनाते चि नियम दो मूसा रआ दोवासते एम एकाना, मुदा दया अरो सचाय ईसु मसी रआ दोवासते तेबाःएना। 18परमेसर के जहय तहों केहयो काकु नेल एकाःदेया, जेठा होपोन हेरेल जे आपु तेः रआ कोंजोङ रेयाय, उनी ता उनी के दिसतार एदेयाय।
जोहन बतिसमा एएम वनीः रआ गोवाही
(मती 3:1–12; मरकुस 1:1–8; लूका 3:1–9,15–17)
19जोहन रआ गोवाही नुवां हेके, चि जोब जहुदिकु ता जरुसलेम एते जाजककु अरो लेविकु #1:19 लेबीकु बोंस रेन होरके जोहन ठिनुः नुवां कुलि कथिर कुलेःकुवाकु चि आम ओकोय हेकेम? 20दो जोहन ता नुवां रआ उतर एएम रे काय इनकार लाःआय मुदा मनाव एनाय चि इञ मसी बङ हेकेञ। 21#मला 4:5; नियम 18:15,18तोब उनकु ता उनी के कुलिएदेयाकु, रेदो आम ओकोय हेकेम? चिलि आम एलियाह हेकेम? जोहन ता मेताःकुवाय, इञ बङ हेकेञ, दो चिलि आम उनी परमेसर सोझ एते नधनी वनीः हेकेम? जोहन ता जबाब एमाःकुवाय, इञ बङ हेकेञ। 22तोब उनकु ता उनी के कुलिएदेयाकु, रेदो आम ओकोय हेकेम, ताकि आले के कुल एकाःलेयाकु, उनकु के जबाब एमाकुवाले, आम अपन बबेत रे चिलिकाः गाम कनाम?
23 #
जसा 40:3
जोहन ता गाम्मेताय,
“इञ ‘टोंगरी रे मिहोर होहो वनीः रआ राव हेकेञ,
जे होहोय कनाकु चि परभु रआ होरा सोझ एपे, नुवां बबेत रे परमेसर सोझ एते नधनी वनीः जसायाह ता गाम एकाःआय, इनिगी हेकेञ।’”
24नोकु दो फरीसिकु रआ सोझ एते कुल केनाकु। 25तोब उनकु ता जोहन एते कुलिएदेयाकु, “जोब आम ना दो मसी हेकेम, ना एलियाह अरो ना परमेसर सोझ एते नधनी वनीः, दो आम चिलिमेन बतिसमा एमाकुकानाम?” 26जोहन ता उनकु के जबाब एमाःकुवाय, “इञ दो दाः एते बतिसमा एमाकुकानिञ, मुदा अपे रआ ताला रे मिहोर तिंगु एकानाय, जेके अपे कपे सारीइकाना। 27नोय उनी हेकेय जे इञ तयोम हिजुः वनीः हेनाया जेकर खरपा रआ तोनोल राड़ा लाइख हों बनुःइञा।” 28नुवां गानाम जरदन गाड़ा परोम बयतनियाह चट्टी रे होय्येना, जहां जोहन बतिसमा एमाकुकन केनाय।
परमेसर रिई भेड़िहोपोन
29एटाः हिलोः जोहन ता ईसु के आच सोझ हिजुः नेल केते गामवादेयाय, “नेलपे, परमेसर रिई भेड़ी होपोन#1:29 भेड़ी होपोन पाप एते छमा ननाम कथिर जहुदिकु भेड़ी होपोन के बलिदान रकाप रआ परथा तहिकेना, जे दुनिया रेन मनवां रआ पाप रिम इदिइ कनाय। 30नोय इनिगी हेकेय जेकर बबेत रे इञ गाम लाःइञ, चि मिहोर हेरेल इञ तयोम हिजुः कनाय, जे इञ एते महान हेनाया, चिलिमेनचि उनी इञ एते पहिल तहिकेनाय। 31अरो इञ दो उनी के काइञ सारीइ केना, मुदा इनाते इञ दाः एते बतिसमा एम वते हेच एकानिञ चि उनी इसराइल रे दिसतार वोःकाय। 32अरो जोहन नुवां गोवाही एम्मेताय, चि इञ ता पबितर रावा ता पेरवां लेका सिरमा एते उनी चेतान रे अरगुः वते नेलेःदिञ। 33अरो इञ दो उनी के काइञ सारीइ केना, मुदा जे ता इञ के दाः एते बतिसमा एएम कुल एकाःदेञाय, इनिगी इञ के गाम वदेञाय, जेकर चेतान आम पबितर रावा ता अरगुः वते अरो समाव वते नेलेयाम, इनिगी पबितर रावा एते बतिसमा एएम वनीः हेकेय। 34इञ ता नेलेःदिञ अरो गोवाही एम एकाःइञ, चि नेयगी परमेसर रिई होपोन तेः हेरेल हेकेय।”
ईसु रेन पहिला चेलाकिन
35एटाः हिलोः जोब बतिसमा एएम वनीः जोहन अपन बार होर चेला लोः तिंगु केनाय। 36अरो उनी ईसु के सिनुःते नेल केते मेताःकिनाय, “नेलेय बेन परमेसर रिई भेड़ी होपोन।” 37अरो बनार चेला जोहन रआ गानाम ओनाव केते ईसु रआ तयोम एनाकिन। 38ईसु ता नेल रुवाड़ एःकिनाय, दो उनकिन के आच रआ तयोम हिजुः नेलेःकिनाय अरो उनकिन के मेताःकिनाय, “अबेन चिलिकाः दंड़ाय कनाबेन?” उनकिन ता मेताःदेयाकिन, “ए रबी, (मने गुरु) आम कारे तहीः कनाम?” 39उनी ता उनकिन के मेताःकिनाय, “हिजुःबेन अरो नेलबेन”, उनकिन सेन केते नेल एताकिन चि उनी कारे तहीः कनाय, अरो उना हिलोः उनकिन, उनी लोः तही एनाकिन, चिलिमेनचि अयुप पहरा रआ लगेभगे चाइर बजाव केना। 40उनकिन बनार होर रे एते जे जोहन रआ गानाम ओनाव केते ईसु रआ तयोम केनाकिन, मिहोर दो सिमोन पतरस रिई बोयहा अन्धरियास तहिकेनाय। 41उनी ता सेताः अपन बोयहा सिमोन एते नपाम केते मेताःदेयाय, “अलांङ कथिर मसी मने परमेसर एते करार वनाः, उद्धार कराव वनीः नाम्मेनाय।” 42अरो अन्धरियास, सिमोन के ईसु ठिनुः इदिदेयाय, ईसु ता उनकिन के नेल केते मेताःकिनाय, “आम जोहन रिई होपोन हेरेल हेकेम। आम कयफा गामुःआम” (“कयफा” मने “पतरस”)।
फिलिपुस अरो नथनियेल के होहो
43एटाः हिलोः ईसु गलील पोरदेस सिनुः चहावेनाय, अरो फिलिपुस एते नपाम केते मेताःदेयाय, “इञ तयोम कोःमि।” 44फिलिपुस हों अन्धरियास अरो पतरस रआ चट्टी बइतसयदा रिई बोसिंदा तहिकेनाय। 45फिलिपुस ता नथनियेल एते नपाम केते उनी के मेताःदेयाय, चि जेकर बाखान मूसा ता नियम रे अरो परमेसर सोझ एते नधनी वनकु ता ओल लाःआकु, इनिगी अबुन कथिर नाम्मेनाय, उनी जुसूफ रिई होपोन हेरेल, ईसु नासरत रिई हेकेय। 46नथनियेल ता उनी के मेताःदेयाय, “चिलि बुगिन जिनिस नासरत एते हेच सकाःका?” फिलिपुस ता उनी के मेताःदेयाय, “सेन केते नेल कोःमि।” 47ईसु ता नथनियेल के आच सोझ हिजुः वते नेल केते उनी रआ बबेत रे मेताःकुवय, “नेलपे, नोय सरिगी इसराइली हेकेय, नोय रे कपट बनुःआं।” 48नथनियेल ता उनी के मेताःदेयाय, “आम इञ के चिलका एते सरिञ कनाम?” ईसु उनी के जबाब एमाःदेयय, “आम के फिलिपुस ता होहो लेःमाय, उना एते पहिल आम के अंजीर दाड़ु रआ लतार रे तहिकेनम इमिताः गी नेल लेःमिञ।” 49नथनियेल ता उनी के जबाब एमाःदेयय, “ए गुरु, आम परमेसर रिई होपोन हेरेल हेकेम, आम इसराइल रिई राजा हेकेम।” 50ईसु ता उनी के जबब एमाःदेयय, “इञ ता आम के गामवाःमिञ, चि इञ आम के अंजीर दाड़ु लतार रे नेल लेःमिञ, इनाते आम बिसवास कनाम? नुवां एते हों मरंग-मरंग कामि नेलाम।” 51#एटे 28:12अरो ईसु ता मेताःदेयाय, “इञ आम के सच-सच मेताम कनिञ, आम सोवाराग ता रड़ा वते अरो परमेसर रेन सोवारागदूतकु के, मनवा रिई होपोन हेरेल रआ चेतान अरगुः-रकापते नेल कुवाम।”
נבחרו כעת:
जोहन 1: BIY
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
© 2023 NLCI CC BY-NC-ND 4.0