जोहन 13
13
ईसु आचरेन चेलाकु रआ बका अबुंग
1पसका पोरोब रआ पहिल हिलोः, जोब ईसु ता सरिएताय चि इञ रआ उना घरीक हेच तेबाःएना चि दुनिया बगी केते आपुञ ठिनुः सिनुः हेनाःआं। दो अपन चेलाकु एते जे दुनिया रे तहिकेनाकु, जे लेका उनी दुलार दोहोय केनाय, इनका गी मुडूः तक दुलार चित तहिएनाय। 2ईसु अरो उनी रेन चेलाकु ता बियारी जोम्मेकेनाकु इमिन रे, सयतान ता सिमोन इसकोरोती रिई होपोन हेरेल जहुदा रआ मोन रे ईसु के सासप कथिर उपाय बाय चुकावेताय। 3ईसु सरिइ केनाय चि आपुञ ता इञ के सुबिन्नाः रे हक एम एकावादेञाय, इञ परमेसर ठिनुः एते हेच एकानिञ अरो परमेसर ठिनुः सिनुःकानिञ। 4ईसु ता जोजोम ठांव एते बिरीत केते, सोनोः चेतान होरोः वनाः झोल होलोच केते डांडा रे अंगोछा#13:4 डांडा रे अंगोछा जहुदिकु रे धंगोरकु अपन मेहमानकु रआ बका अबुंग केते अंगोछा एते जोत कुकानकेनाकु। एते तोल एनाय, 5तोब ईसु परात रे दाः पेड़ेच केते अपन चेलाकु रआ बका अबुंग केते डांडा रे तोलुः अनाः अंगोछा एते चेलाकु रआ बका जोजोत हेलावेनाय। 6जोब ईसु, सिमोन पतरस ठिनुः तेबाःएनाय, दो पतरस ता ईसु के मेताःदेयाय, “परभु! आम इञ रआ बका अबुंग कनाम।” 7ईसु ता जबाब एमाःकुवाय, “अपे निमीः कपे सोमझाव एकाना चि इञ चिलिकाः चिलिइ कनिञ तयोम एते सोमझाःआपे।” 8पतरस ता गामवादेयाय, “आम के इञ रआ बका केहयो अबुंग कराव बनुःआं।” ईसु ता पतरस के मेताःदेयाय, “जदि इञ आम रआ बका काइञ अबुंग इया रेदो, आम एते इञ रआ जहन सोम्बोंध का होयुःआ।” 9नियां रे सिमोन पतरस ता ईसु के मेताःदेयाय, “परभु! रेदो इञ रआ बका भोइर बङा, इञ रआ ती अरो बोहोः हों अबुंग काइञमी।” 10ईसु ता जबाब एमाःदेयय, “जे उम एकानाय, उनकु पुरापुरी सुध हेनाकुवा। उनी के बका रआ सिवाय अरो जहन्नाः हों अबुंग रआ दरकार बनुःआं, अपे सुध अपे, मुदा सुबिन के सुबिन बङा” 11ईसु सरिइ केनाय चि इञ के ओकोय सापइरिञाय। इनाते ईसु ता मेताःकुवय, अपे सुबिन के सुबिन सुध बनुः पेया।
12 #
लूका 22:27
चेलाकु रआ बका अबुंग तयोम ईसु सोनोः चेतान होरोः वनाः झोल होरोः केते अरो दुरुप्पेनाय, अरो उनकु एते गापाम हेलावेनाय “चिलि अपे सोमझाः कनापे चि इञ अपे लोः चिलिकाः चिलिइ कनिञ।” 13अपे इञ के गुरु अरो परभु मेताञ कनापे बुगिन गी गाम कनापे, चिलिमेनचि इञ इनिगी हेकेञ। 14इनाते जदि इञ अपे रिई परभु अरो गुरु ता, अपे रआ बका अबुंग एकाःआय दो अपे केहों अनी-नोय रआ बका अबुंग चही। 15इञ अपे के नमुना एम एकावाःपिञ, जेकर एते जे लेका इञ अपे लोः कराव एकाःइञ, इनका गी अपे हों करावेपे। 16#मती 10:24; लूका 6:40; जोह 15:20इञ अपे के सच गामवापेकानिञ चि बन्धुवा अपन मुवार एते मरंग बनुःइचा अरो ना कुलवानीः, अपन कुलवानीः एते मरंग बनुः इचाय। 17जदि आम नुवां गानाम सोमझाव केते उनी रआ मोताबिक चइल-चलनताम तहीः रेदो आम धेनयाआम। 18#सिरिञ 41:9“इञ अपे सुबिन होर रआ बबेत रे नुवां काइञ गामवापेकाना। इञ सारी कुकानिञ चि ओकोय-ओकोय के सला एकाःकुञ, मुदा नुवां इनाते होय्येना चि परमेसर रआ पबितर पोथी रआ नुवां बचन पुराव वोःका जे इञ रआ पिठा जोम कनाय इनिगी इञ रआ बिरोध रे होय्येनाय, 19निमीः इञ अपे के पहिल गी नुवां उदुःवापे कनिञ, जेकर एते नुंका होय कोःकाना रे अपे बिसवास एपे चि इञ इनिगी हेकेञ। 20#मती 10:40; मर 9:37; लूका 9:48; 10:16इञ अपे के सच गामवापेकानिञ जे इञ रेन कुल वनकु के पुछाव कुकानाकु, उनकु इञ के पुछाव एञकानाकु अरो जे इञ के पुछाव एञकानाकु उनकु उनी के पुछाव वेयकानाकु, जे इञ के कुल एकाःदेञाय।”
ईसु के धोखा एते सासप
(मती 26:20–25; मरकुस 14:17–21; लूका 22:21–23)
21नुवां गाम केते ईसु रआ रावा रे बेयाकुल एनाय अरो उनी गोवाही एम्मेताय, “इञ अपे के सच गामवापे कनिञ, अपे रे एते गी मिहोर इञ के सापइरिञाय।” 22चेला अकु-अकु नेपेलोः हेलावेनाकु। उनकु काकु सोमझाव दड़िवाकन केना चि ओकोय रआ बबेत रे गामलाःआय। 23ईसु रिई मिहोर चेला, जेके ईसु दुलार एयकेनाय, उनी रआ हेनात दुरुप केनाय। 24सिमोन पतरस ता उनी के इसारा एते नुवां गामवादेयाय, “कुलिइ पेतो, ईसु ओकोय रआ बबेत रे गामवाबुन कनाय।” 25इनाते उनी ईसु रआ कुन्दुराम ठिनुः कुयडूः केते ईसु के मेताःदेयाय, “परभु! उनी ओकोय हेकेय?” 26ईसु ता जबाब एमाःकुवाय, “जेके इञ नुवां पिठा रआ खेचाः थाड़ा रे डुबाव केते एमायिञ, इनिगी हेकेय” अरो ईसु ता पिठा जोबे केते सिमोन इसकोरोती रिई होपोन तेः हेरेल जहुदा के एमाःदेयाय। 27पिठा अतांग तागी सयतान जहुदी रे सवार एनाय। तोब ईसु ता जहुदी के गामवादेयाय, “आम के जे कराव हेनाःआं, उना हारदेन करावेम।” 28बियारी जोजोम वनकु रे एते जहय काकु सोमझाव दड़िवाता चि ईसु उनी एते नुवां चिलिमेन गामवादेयाय। 29जहुदा ठिनुः कचा पोयसा रआ बगली तहीः केना, इनाते आधा होर नुवां सोमझाः केनाकु चि ईसु ता उनी के नुवां गामवादेयाय तोरांङ चि अबु के पोरोब कथिर जहन्नाः चही, उना किरीञ कथिर बङ रेदो रेंगेच-रबंङ वनकु के जहन्नाः एएम। 30पिठा खेचाः लेयकेते जहुदी एनेन गी टांड़ी तोराया। इमिन रे लुबाः केना।
परभु रआ नवां हुकूम
31जोब जहुदी टांड़ी तोराया दो ईसु ता मेताःकुवय, “निमीः मनवा रिई होपोन तेः हेरेल रआ महिमा एना, अरो परमेसर रआ महिमा उनी रे होय्येना। 32जदि उना एते परमेसर रआ महिमा होय एकन रेदो परमेसर हों उनी के अपन रे महिमा करावियाय। अरो उनी के एनेन गी महिमा करावियाय। 33#जोह 7:34होपोन! इञ अपे लोः थोड़ हिलोः तक गी हेनाञा। अपे इञ के दंड़ाञापे, अरो इञ जहुदिकु एते जे गाम लाःइञ, निमीः अपे एते हों इनागी गामवापेकानिञ इञ जे ठिनुः सिनुःकानिञ, ओन्डो अपे कपे हेच दड़िवाःआ। 34#जोह 15:12,17; 1 जोह 3:23; 2 जोह 1:5निमीः अपे के नुवां हुकूम एमा पेकानिञ अपे अनी-नोय के दुलार कुपे। जे लेका इञ अपे के दुलार एकाःपिञ, इना लेका गी अपे हों अनी-नोय केहों दुलार कुपे। 35जदि अपे अनी-नोय के दुलार कुवापे, दो इना एते गी सुबिन होर सारी पेयाकु चि अपे इञ रेन चेला हेकेपे।”
पतरस रआ मुकराः रआ बबेत रे आगमजानी
(मती 26:31–35; मरकुस 14:27–31; लूका 22:31–34)
36सिमोन पतरस ता ईसु के गामवादेयाय, “परभु! आम करते सिनुः कनाम?” ईसु उनी के जबाब एमाःदेयय, “इञ सिनुःकानिञ ओन्डो आम नियां घरीक कम हेच दड़िवाःआ। आम ओन्डो तयोम एते हिजुःआम।” 37पतरस ता ईसु के मेताःदेयाय, “परभु! इञ निमीः आम रआ तयोम चिलिमेन काइञ हेच दड़िवाःआ? आम कथिर इञ अपन जीव हों एएम कथिर तेयारीञ।” 38ईसु ता जबाब एमाःदेयय, “आम इञ कथिर अपन जीव एमाम? आम के इञ नुवां सच गाम वामकानिञ सिम सांड़ी राः एते पहिल गी, आम इञ के पेय इसा मुकराव इञाम।
נבחרו כעת:
जोहन 13: BIY
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
© 2023 NLCI CC BY-NC-ND 4.0