रोमि 3
3
1इनाते जहुदी होयुः रआ चिलि फयदा, चहे खतना रे चिलि मरंग गानाम? 2सुबिन लेका एते बेचोट ढेर! सुबिन एते पहिल परमेसर रआ बचन जहुदिकु के सोंपाव वाःकुकेनाय। 3जदि जहुदिकु रे ते थोड़गन बिसवास लाइख काकु बाय्येना, दो चिलि एना? चिलि उनकु बिसवास लाइख काकु होयुः रे परमेसर बिसवास लाइख काय तही नोःओय? 4#सिरिञ 51:4 केइध बङा! भले दुनिया रेन हरेक मनवां झूठाहा ठहराव ओःओकु, मुदा परमेसर सचा गी होयुःआय, जेलेका चि पबितर पोथी रआ ओल वनाः हेके,
“आम अपन गानाम रे धरमी सबिद ओःओम,
आम रआ नेयाय होयुःआ रे जिताःआम।”
5जदि अबुन रआ अधरम परमेसर रआ धरमिकता ठहराव कन रेदोय अबुन चिलिकाः गाम्मीयाबुन? चिलि नुवां चि परमेसर जे अबुन रे खिसाः कनाय अनेयायी हेकेय? (नुवां दो इञ मनवां रआ रिति एते गाम कनिञ)। 6केइध बङा! जदि परमेसर अनेयायी होयुः रेदोय, उनी दुनिया रआ नेयाय चिलका ते कराव दड़िवाःआय? 7जदि इञ रआ झूठाहा रआ चलते परमेसर रआ सचाय उनी के महिमा कथिर ढेर केते दिसतार एकाना, दो अरो निमीः हों चिलिमेन पापी लेका इञ के दन्ड नमुः काना? 8तोब दो अबुन चिलिमेन कबुन बुरायिया चि बुगिन गानाम उडुङओःका? जेलेका अबुन रे नियां दोस लगाव कनाकु चि नेकु रआ नियां गानाम हेके। नुंकनकु के दोस एएम सुपट मेनाःआं, सुबिन होर पाप एकाःआकु।
जहय धरमी बङा
9दो अरो चिलिकाः होय्येना? चिलि अबुन जहुदी गइर-जहुदिकु एते बुगिन मेनाबुना? केइध बङा, चिलिमेनचि अबुन जहुदिकु अरो गइर-जहुदिकु के पहिल गी दोस लगाव चुकाव एकाःकुवाबुन चि उनकु सुबिन के सुबिन पाप रआ कबजा रेकुवा। 10#सिरिञ 14:1–3; 53:1–3 जेलेका पबितर पोथी रे ओल एकाना,
जहय धरमी बङा, मिहोर हों बङा।
11मिहोर हों सोमोझदार बनुः कुवा,
जहय परमेसर के दंड़ा वन बनुः कुवा।
12सुबिन परमेसर एते संगिञ एनाकु,
सुबिन बेकामा एनाकु,
जहय हों बुगिन कराव वन बनुः कुवा, मिहोर हों बङा।
13 #
सिरिञ 5:9;
सिरिञ 140:3
उनकु रआ नरटी रड़ा मरघाटी हेके,
उनकु अपन अलांङ एते छल कपट एकाःआकु,
उनकु रआ लुटी रे बिञकु रआ बिस मेनाःआं
14 #
सिरिञ 10:7
अरो उनकु रआ मोचा सरफाव अरो हरहात एते पेड़ेच एकाना।
15 #
जसा 59:7,8 उनकु गोगोच कथिर सिमिरसिमिर ओःकानाकु।
16उनकु रआ होरा रे नठावोः अरो बिपेत मेनाःआं।
17उनकु सांति रआ होरा एते अनजान मेनाःकुवा।
18 #
सिरिञ 36:1
उनकु रे परमेसर रआ बोरो हेयेगी बनुःआं।
19आले सारीइ कनाले चि नियम जहन्नाः गी गाम कनाय, इनकु किगी गाम वकुकानाय, जे नियम रआ कबजा रेकुवा, इनाते चि हरेक रआ मोचा बोंध होयुःका, आर सुबिन दुनिया परमेसर रआ दन्ड रआ लाइख ठहराः काकु 20#सिरिञ 143:2; गला 2:16 चिलिमेनचि नियम रआ सुबिन कामि कराव एते जहय मनवा, परमेसर रआ सामने धरमी काकु ठहराः काना नियम रआ दोवासते पाप ता चिनहाः काना।
बिसवास दोवासते धरमिकता
21मुदा नेबरीक दो बिन नियम परमेसर रआ धरमिकता दिसतारेना, जेकर गोवाही नियम अरो परमेसर सोझ एते नधनी वनकु उदुः कनाकु। 22#गला 2:16 परमेसर रआ धरमिकता ईसु मसी रे बिसवास कराव रे होयुः काना, नुवां सुबिन कथिर हेनाःआं जे बिसवास कनाकु, चिलिमेनचि जहन भेद-भाव बनुःआं। 23चिलिमेनचि सुबिन मनवां पाप एकाःआकु अरो परमेसर रआ महिमा एते चुकाव एकानाकु। 24अरो उनकु परमेसर एते बकसिस रे मिलाव वनाः दया एते मसी ईसु रे जे उद्धार मेनाःआं, उना रआ दोवासते धरमी ठहराः कनाकु। 25परमेसर ईसु मसी के अपन मयम रआ दोवासते पाप रआ दन्ड अगु केते छमा कथिर एम एदेयाय अरो पाप रआ छमा बिसवास एते होयुःकाना। नुवां परमेसर अपन सहनसिलता एते पहिल कराव वनाः पाप ता अनदेखा कथिर अपन धरमिकता ता देखाव कथिर करावेताय। 26नियां समेय उनी रआ धरमिकता दिसतार वोःका, जेकर एते परमेसर खुद गी धरमी ठहराःकाय, अरो जे ईसु रे बिसवास इयाय, उनी रिई हों धरमी ठहराव वनीः होयुःकाय।
27इनाते जहय के अपन रे बड़ाइ कराव रआ हक का तहिएना, करा नियम रआ चलते नुवां हक तोराःआ? नुवां चिलि करनी रआ नियम एते बङा। मुदा बिसवास रआ चलते होय्येना। 28इनाते आले मनाः कनाले चि जहय मनवां नियम रआ सुबिन कामि रआ मोताबिक सेन केते बङा, बलकी बिसवास रआ दोवासते धरमी बाय सकाः कनाकु। 29चिलि परमेसर सिरीफ जहुदिकु रिई हेकेय? चिलि गइर-जहुदिकु रिई बङ कनीः? हें उनी गइर-जहुदिकु रिई हों हेकेय। 30#नियम 6:4; गला 3:20 चिलिमेनचि परमेसर मिहोर गियाय, इनिगी जहुदिकु अरो गइर-जहुदिकु बनार के उनकु रआ बिसवास कराव रआ चलते धरमी ठहरावकुवाय। 31दो चिलि अबुन नियम ता बिसवास रआ चलते बेयार्थ ठहराव कनाबुन? केइध बङा! मुदा नियम ता जमजुगूत कनाबुन।
נבחרו כעת:
रोमि 3: BIY
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
© 2023 NLCI CC BY-NC-ND 4.0