Éxodo 35
35
Nebetacanaa cojoanonaa bana, tonoraain ichaoha cachane coina, Cana Coaunera naitoonjoan rauhi
(Ex 31.12-17)
1Nitohaneein jetaote, satiin isaraelitaauru taojiaain jetao: “Cana Coaunerate canu rai aite, 2saota janonejeeicha amihanihacache coina. Jana caaunsi janone cuhane, Cana Coaunera cojoanonaa nihane coitucuhin, bana nebetacaacachene caohachae. Chunucoha nii cojoanonaa bana, amihanite casetecaain ateinanohiniha cureein. 3Chunijiunijin ichaohichene jaun, niei nebetacanaa cojoanonaa bana, nieichu necoherain, chaen chu chatoanai nihanatiin, ichana nainiheeiche”, naain jetao, isaraelitaauru rai bee Moisesa, que beratiha Cana Coaunerane jaun.
Santoario nelateneni teeuruhane
(Ex 25.1-9)
4Niritiin jetaote, satiin isaraelitaauru rai jetao: “Naaonjoain ichaquichene coinate, aite Cana Coaunera. 5Inara nejesinajeein, Cana Coaunera rai inaraacha teeni raauche. Satiin suujua aina cutaain, Cana Coaunera rai tenaa jereraauru caje, oro, coata jataain coretiin nenaa plata, bronce, 6cajione beraurisihojoai, cajione lanaajiojoain, cajione lanajain, lino caje ichanohineein nenaa cajione, cabara ujuhi, 7lanajaique lomonojoineein nenaa carenero cari, jacari caohacha, acasia, 8raanfariin nohinu que erene, jujuaain Cana Coaunera que banijiaain neeninu rujuanaanajan erene, jujuaain mocoheneni, 9ajeri cornalino, leeocha ajeri caohacha saseredotecuru cajione buri, ichoae nitiririchaeni, saseredotecuru nelarijia bujuanu, naaonjoainuri teeuche”, nae jetao acaauru rai Moisesa.
Santoario corujeleeuru
(Ex 39.32-43)
10Satiin nitohanai amihanenaa ichana inaaurerate, Cana Coaunera naitoonjoan amihanenaa ichaa uhane rai ne. 11Santoario coloherinu que neeninu jacari caje ichanohin loanari, rai matarocuru, rai tabaraauru, rai cobairichanacuru, rai nujuaauru 12temuracuru, fuera aina camela mucuera, tijicharaanu aina rai conaneein nichoae neeninu, 13cobairichane aina, satiin nii mesa corujeleeuru, faan Cana coaunera que banijiaaineein nenaa, 14cono nujuanu que nenaa, rai corujeleeuru aina raanfariinchuru. Nii raanfariinchuru nohinu que erene, 15jujui mocooruhane jaa rorinu, ajeri caje nenaa mucueracuru, Cana Coaunera que banijiaain nenaa jujui mocooruhane jaan erene. Santoario bacuujuaniha, enooruhane jaanu bujuanu, 16lenonecuru enoalaauruhane jaa, ajeri caje usi rori, bronce caje ichanohin, iniho enoalaauruhane jaan. Satiin corujeleeuru aina, cobairichanacuru, nelaurianaja aina ojoaichu. 17Temura aina, airichai bujuanu nujuaauru. Airichai acuujua bujuanu. 18Airichai aina, santoario bacuujua nujuanu, nichoracuru aina. 19Nii santoario asae enohin, niicha ichanenu ichacuruhane jaanu cocajione ichanohi, saseredote Aaroon que banijiaain nenaa cajione, saseredotecuru que banijiaain nenaa calaohichuru cajionenu, naaonjoainuri raauche, nae jetao, isaraelitaauru rai Moisesa.
Niicha teeni amaauruha cachaaurune
20Niritoha acaaururaine jaun jetaote, satiin Moisesa rai nocoeein jetao, cauha cuure isaraelitaauru. 21Nii baiha jetaote, esinae rauhijiriin, satiin suujua caje coaauneein tenaa jereraauru jetao, Cana Coaunera rai niicha teneeuri amaain jetao, nacoauneein turuha cuure, nii Cana Coaunera aina turuuruhane jaanu, loanari ichacuruhane coina, corujeleeuru aina, que banijiaain nenacaauru cajione amaain. 22Satiin enecuru aina quichaauru, naaonjoainuri jetaote, suujua caje coaauneein tenaa jereraauru jetao, acaauru cajione que mucuerajacoaain nenaa, acauru biji couturichuru que nenaa anicho, acaauru biji leracuru, acaauru cajione auha que tijitijiiriin oro caje nenaa, satiin itolere caje ichanohineein oro caje corujeleeuru, naaonjoainuri uhacoaain turuure. Nitohaneein jetaote, le cachaauru, Cana Coaunera que banijiaain nenaa, oro caje ichanohin amaain teeure. 23Satiin, nii cajione beraurosiojoai, cajione lanaajiojoain, cajione lanajai, lino caje ichanohineein nenaa cajione caohacha, carenero rijijieein nenaa cabara ujuhi, carenero cari lanajai que lomonojoineein nenaa, jacari caohacha, naaonjoainuri sirichaauru jetao, uhaaure. 24Cana Coaunera que banijiaaineein niicha teneeuri, coriqui, bronce, naaonjoainuri acaauruacha sirii jetao, uhaain turuure. Jana, acasia sirichaauru jetaote, ecu nelatecuri ichacuruhane coina, amaain turuuruhane jana, 25biji que nitohanai tocoona inaeraneein nenacaauru enecuru jetao, cajione beraurosiojoai, cajione lanaajiojoai, cajione lanajain, lino caje ichanohi cajione, naaonjoainuri amaain turuure. 26Suujua caje coaauneein, nii cabara ujuhi inonaa jereraauru enecurune maajeein. 27Nii jana, acaauru bichauhenaauru jetaote, ajeri cornalino, leeocha ajeri caohacha, saseredotecuru cajione buri ichoae nitiririchaeni, saseredotecuru alarijia bujuanu, 28jujuhi, conone que neeninu erene, Cana Coaunera que banijiaain jujuaain mocoeeni jasiiteeuruhane jaanu erene, naaonjoainuri uhaain turuure.
29Nitohaneein jetaote, satiin isaraelitaauru enecuru, quichaauru, naaonjoainuri, nii Moisesa rai aitoha Cana Coaunera jaa, suujua cuhane ichana jereraauru, Cana Coaunera rai niicha teneeuri uhaain turuure.
Santoario corujeleeuru icharaaunu que neenihuuru cachaauru
(Ex 31.1-11)
30Nitohaneein turuhacoaauruha isaraelitaaurune jana jetaote: “Aonacuche, Jodaa lauri caje nenaa Hor ichoala, Uri calaohi, Besalee te, janijiin raain, 31rai suujue te Cana Coaunera, itolere que nainaain, caohachaain coitucuhin chaachana inaeraneein, 32caohachaain coujunacateein oro, coata plata neein curuajai bronce, naaonjoainuri caje amihanenaa ichaain, 33jataain coretiin nenaa ajeri bijiin, ita que tiririchaain mucuerateein, caohachaain coujunacateein enuha bijiin, itolere amihanenaa ichana inaeraneein nenaa. 34Chaentechu, jataain caohachaain coitucuhin leeochaauru relaane jaa teein ichae. Aca, chaaen Daan lauri caje nenaa, Ahisamac calaohi, Aholiab, naaonjoainurite, 35caohachaain coujunacateein, itolere amihanenaa ichana inaeraneein tenajae, cajione beraurosiojoai, cajione lanaajiojoai, cajione lanajai, lino caje ichanohi cajione caohacha, naaonjoainuri ruujiin, jerichanejeein joaereein nihanatiin coujunacateein, cajione caje nitohanai ichana inaeraneein neeuruhane coina.
© 2005, 2024, Wycliffe Bible Translators, Inc.
Éxodo 35
35
Nebetacanaa cojoanonaa bana, tonoraain ichaoha cachane coina, Cana Coaunera naitoonjoan rauhi
(Ex 31.12-17)
1Nitohaneein jetaote, satiin isaraelitaauru taojiaain jetao: “Cana Coaunerate canu rai aite, 2saota janonejeeicha amihanihacache coina. Jana caaunsi janone cuhane, Cana Coaunera cojoanonaa nihane coitucuhin, bana nebetacaacachene caohachae. Chunucoha nii cojoanonaa bana, amihanite casetecaain ateinanohiniha cureein. 3Chunijiunijin ichaohichene jaun, niei nebetacanaa cojoanonaa bana, nieichu necoherain, chaen chu chatoanai nihanatiin, ichana nainiheeiche”, naain jetao, isaraelitaauru rai bee Moisesa, que beratiha Cana Coaunerane jaun.
Santoario nelateneni teeuruhane
(Ex 25.1-9)
4Niritiin jetaote, satiin isaraelitaauru rai jetao: “Naaonjoain ichaquichene coinate, aite Cana Coaunera. 5Inara nejesinajeein, Cana Coaunera rai inaraacha teeni raauche. Satiin suujua aina cutaain, Cana Coaunera rai tenaa jereraauru caje, oro, coata jataain coretiin nenaa plata, bronce, 6cajione beraurisihojoai, cajione lanaajiojoain, cajione lanajain, lino caje ichanohineein nenaa cajione, cabara ujuhi, 7lanajaique lomonojoineein nenaa carenero cari, jacari caohacha, acasia, 8raanfariin nohinu que erene, jujuaain Cana Coaunera que banijiaain neeninu rujuanaanajan erene, jujuaain mocoheneni, 9ajeri cornalino, leeocha ajeri caohacha saseredotecuru cajione buri, ichoae nitiririchaeni, saseredotecuru nelarijia bujuanu, naaonjoainuri teeuche”, nae jetao acaauru rai Moisesa.
Santoario corujeleeuru
(Ex 39.32-43)
10Satiin nitohanai amihanenaa ichana inaaurerate, Cana Coaunera naitoonjoan amihanenaa ichaa uhane rai ne. 11Santoario coloherinu que neeninu jacari caje ichanohin loanari, rai matarocuru, rai tabaraauru, rai cobairichanacuru, rai nujuaauru 12temuracuru, fuera aina camela mucuera, tijicharaanu aina rai conaneein nichoae neeninu, 13cobairichane aina, satiin nii mesa corujeleeuru, faan Cana coaunera que banijiaaineein nenaa, 14cono nujuanu que nenaa, rai corujeleeuru aina raanfariinchuru. Nii raanfariinchuru nohinu que erene, 15jujui mocooruhane jaa rorinu, ajeri caje nenaa mucueracuru, Cana Coaunera que banijiaain nenaa jujui mocooruhane jaan erene. Santoario bacuujuaniha, enooruhane jaanu bujuanu, 16lenonecuru enoalaauruhane jaa, ajeri caje usi rori, bronce caje ichanohin, iniho enoalaauruhane jaan. Satiin corujeleeuru aina, cobairichanacuru, nelaurianaja aina ojoaichu. 17Temura aina, airichai bujuanu nujuaauru. Airichai acuujua bujuanu. 18Airichai aina, santoario bacuujua nujuanu, nichoracuru aina. 19Nii santoario asae enohin, niicha ichanenu ichacuruhane jaanu cocajione ichanohi, saseredote Aaroon que banijiaain nenaa cajione, saseredotecuru que banijiaain nenaa calaohichuru cajionenu, naaonjoainuri raauche, nae jetao, isaraelitaauru rai Moisesa.
Niicha teeni amaauruha cachaaurune
20Niritoha acaaururaine jaun jetaote, satiin Moisesa rai nocoeein jetao, cauha cuure isaraelitaauru. 21Nii baiha jetaote, esinae rauhijiriin, satiin suujua caje coaauneein tenaa jereraauru jetao, Cana Coaunera rai niicha teneeuri amaain jetao, nacoauneein turuha cuure, nii Cana Coaunera aina turuuruhane jaanu, loanari ichacuruhane coina, corujeleeuru aina, que banijiaain nenacaauru cajione amaain. 22Satiin enecuru aina quichaauru, naaonjoainuri jetaote, suujua caje coaauneein tenaa jereraauru jetao, acaauru cajione que mucuerajacoaain nenaa, acauru biji couturichuru que nenaa anicho, acaauru biji leracuru, acaauru cajione auha que tijitijiiriin oro caje nenaa, satiin itolere caje ichanohineein oro caje corujeleeuru, naaonjoainuri uhacoaain turuure. Nitohaneein jetaote, le cachaauru, Cana Coaunera que banijiaain nenaa, oro caje ichanohin amaain teeure. 23Satiin, nii cajione beraurosiojoai, cajione lanaajiojoain, cajione lanajai, lino caje ichanohineein nenaa cajione caohacha, carenero rijijieein nenaa cabara ujuhi, carenero cari lanajai que lomonojoineein nenaa, jacari caohacha, naaonjoainuri sirichaauru jetao, uhaaure. 24Cana Coaunera que banijiaaineein niicha teneeuri, coriqui, bronce, naaonjoainuri acaauruacha sirii jetao, uhaain turuure. Jana, acasia sirichaauru jetaote, ecu nelatecuri ichacuruhane coina, amaain turuuruhane jana, 25biji que nitohanai tocoona inaeraneein nenacaauru enecuru jetao, cajione beraurosiojoai, cajione lanaajiojoai, cajione lanajain, lino caje ichanohi cajione, naaonjoainuri amaain turuure. 26Suujua caje coaauneein, nii cabara ujuhi inonaa jereraauru enecurune maajeein. 27Nii jana, acaauru bichauhenaauru jetaote, ajeri cornalino, leeocha ajeri caohacha, saseredotecuru cajione buri ichoae nitiririchaeni, saseredotecuru alarijia bujuanu, 28jujuhi, conone que neeninu erene, Cana Coaunera que banijiaain jujuaain mocoeeni jasiiteeuruhane jaanu erene, naaonjoainuri uhaain turuure.
29Nitohaneein jetaote, satiin isaraelitaauru enecuru, quichaauru, naaonjoainuri, nii Moisesa rai aitoha Cana Coaunera jaa, suujua cuhane ichana jereraauru, Cana Coaunera rai niicha teneeuri uhaain turuure.
Santoario corujeleeuru icharaaunu que neenihuuru cachaauru
(Ex 31.1-11)
30Nitohaneein turuhacoaauruha isaraelitaaurune jana jetaote: “Aonacuche, Jodaa lauri caje nenaa Hor ichoala, Uri calaohi, Besalee te, janijiin raain, 31rai suujue te Cana Coaunera, itolere que nainaain, caohachaain coitucuhin chaachana inaeraneein, 32caohachaain coujunacateein oro, coata plata neein curuajai bronce, naaonjoainuri caje amihanenaa ichaain, 33jataain coretiin nenaa ajeri bijiin, ita que tiririchaain mucuerateein, caohachaain coujunacateein enuha bijiin, itolere amihanenaa ichana inaeraneein nenaa. 34Chaentechu, jataain caohachaain coitucuhin leeochaauru relaane jaa teein ichae. Aca, chaaen Daan lauri caje nenaa, Ahisamac calaohi, Aholiab, naaonjoainurite, 35caohachaain coujunacateein, itolere amihanenaa ichana inaeraneein tenajae, cajione beraurosiojoai, cajione lanaajiojoai, cajione lanajai, lino caje ichanohi cajione caohacha, naaonjoainuri ruujiin, jerichanejeein joaereein nihanatiin coujunacateein, cajione caje nitohanai ichana inaeraneein neeuruhane coina.
© 2005, 2024, Wycliffe Bible Translators, Inc.