Éxodo 36
36
1Nitohaneeinte, nii Besalee, Aholiab, naaonjoainuri aina, satiin nii nitohanai amihanenaa ichana inaeraneein, Cana Coaunera ichanohineein, itolere que nainaain, niicha ichai coitucueraneein nenacaauruneein, satiin nii netaojiananaja santoario asae nelateneni, Cana Coaunera aitonjoan icharaneein neeurureein, jitaauruhane reentihaain”, nae jetao, isaraelitaauru rai Moisesa.
Coroatajajelanaala, Cana Coaunera rai niicha teeni amaauruha cachaaurune
2Niritiin jetaote, Besalee, Aholiab, naaonjoainuri cotijiaain, satiin nii nitohanai ichana inaeraneein, Cana Coauneraacha tenojoineein nenacaauru, nii suujua caje coaauneein, nii amihanenaa ichana jereraauru, coroataja ne najaaunrera, naaojoainuri cotijiae jetao, Moisesa. 3Niichuru jetaote, nii Cana Coaunera rai, isaraelitaauruhacha uhai, acaauruacha tei raaure Moisesa caje, santoario asae netaojiaauruhane, acaauru rai nelateneni ichacuruhane nunuheteeuruhane coina.
Nii tonohanau jetaote, suujua caje coaauneein, nii Cana Coaunera rai, niicha teeni uhajeein sacuure cojoanoo netojoeein isaraelitaauru. 4Nii jaun jetaote, nii santoario rai nelateneni ichaa nenacaauru, namihaneeo ichacuruhane jianeein jetao: 5“Inaen jataain latichaachene amuritoojoaain, Cana Coaunera aitoonjoa, amihanenaa besautiaacaanune jaanu amuritoojoaain, amaauruha cachaauru”, naain jetao, Moisesa rai biha cuure turuhin.
6Nii jaun jetaote, satiin loanari nainetiin quichaauru, enecuru, naaonjoainuri rai nenacae ichacuruhane coataa aitoha Moisesane jaun jetao, santoario corujeleeuru besatiaauruhane jaanu ichacuruhane jianecure. Nitohaneein jetaote, inae nenacaeneein nii santoario besatiaauruhane jaanu amuritoojoaain turuajeein sacuuruha cachaaurune jaun jetao, caohate Moisesa, 7inae nii amihanenaa besatiaauruhane jaanu amuritoojoaain turuhaaruhane jaun, cautihane jaun.
Santoario ichacuruhane nunuheteeuruhane
(Ex 26.1-37)
8Nii nitohaneein, corujele ichanaque amihanenacaauru amuritoheriin, jataain coitucuurera jetaote, nii santoario ichacure, le choonca metoroneein lino caje cajione, cajione beraurosiojoai, cajione lanaajiojoain, cajione lanajain, naaonjoainuri caje jatanu jaain jetao, que teein, cacha rijiinanaain coroatajaain itarohin ruujihure. 9Le jataauru jetaote, lechoonca coroata metoro cataaun uujiha carene jana, coroata metorojoe jarana. Satiin nitohaneein, ita rijiinanaain coujunacateein jetaote, ichacure. 10Saoquii jataauru jetaote, ita ichoae tiririchaacoaain tococohin, jerichanejeein nii leeocha saoquii ichacure. 11Nitohaneein ichacuruhane baiha jetaote, nii jauriaanejein le jera que neeninu, jata auha matarotihacoaaure cajione beraurosiojoai que. Jerichanejeein jetaote, nii satononiha nenaa, leeocha jata auha mataroteeure. 12Nii jauriaanejeein nenaa aina, leeocha jata auha mataroteeuruhane rijijieein, saoquichoncaain leeocha mataroteeuruhane jaun jetaote, nitohaneein ita jeraniha, ita que mucuerajacoaain ne, nii matarocuru. 13Chaaen jetaote, oro caje saoquichooncaain, nii jata mucueracuru ichacure, leeocha jata ichoae, que mucueraain nihane coina. Nitohaneein cuaajeein jetaote, satiin inaen itaque mucueraain ne, nii santoario.
14Nii jana, Besalee netonai jetaote, cabario rijijieein nenaa cabara ujuhi caje, lechoonca leinjiin jatanu ichae, caje leinjiin loanari jaain, que nii santoario asaacane coina. 15Le jataauru jetaote, lechoonca nichata metoro cataaun uujiha carene jana, coroata metoroe rai jarana. Nitohaneein, ita caanijianaain satiin coujunacateein ichaain jetaote, 16le turijieeincha saoquiin ita aina teein, nii jatanu tococohin, jerichanejeein leeocha rainu que, saotaneein teein ichae. 17Nitohaneein ichaane baiha jetaote, nii jauriaanejeein nitiririchaeni jata auha mucuerate, saoqui chooncaain jachuujianaain. Jerichanejeein jetaote, nii satononiha nenaa jata auhaque, saoquichooncaain jachuujihanaain tihacoae.
18Chaaen jetaote, ita que tiririchaacoaain, ichanohineein niha nii loanarine coina, bronce caje saoquichooncaain mucuera ichae.
19Nitohaneein jetaote, loanarinu que, lanajai que lomonojoineein carenero cari ichaain, jacari caohacha que, rai nichoajai asaaranu ichae Besalee. 20Nitohaneein ichaane baiha jetaote, santoario ichaane jaanu que, acasia caje tabaraauru jaain, rauhijirinanaain chujuracahe. 21Le tabaraauru jetaote, jena metoro cataaun uujiha carene jana, rai jarana jena coarata cataaun uujeein jae, 22caohachaain leeocha tabara aina nitiririchaain ita mucuhane coina, catuteein coroatajaain enuha caje focoera ichae. Satiin nii santoario rainu que nichanaa tabara jetaote, caohachaain ita mucuane coina focoera siri. 23Enoto mitu uuri, cana ajaabiji nichaji que neeninu que jetaote, coroatachooncaain tabara jaain, 24jenachooncaain, nii coata plataneein nenaa que temuratihacoae asae teein. Le tabaraauru jetaote, coroatajaananaain temura siri, caohachaain ita mucuane coina catutenohineein, coroatajai focoera, enuha enonajaanu siriin. 25Santoario netatajichi que, enoto soo nichaji coarajeein, cana raotono nichaji que neeninu que jetaote, coroatachooncaain tabara ichae, 26jenachooncaain coata plataneein nenaa que temuratihacoaain, le tabaraauru nainetiin, coroatajaananaain niha temurane coina. 27Nii neeninu baiha, enoto soo nichaji que, santoario coonri que neeninu que jetaote, saotaneein tabara jaain, 28nacoaauneein coroatajaain tabara jae, nii coonri uurihuru que neeninu que. 29Nii tabaraauru jetaote, ita que mucueraain, tiririchanojoineein ne, ecuun nenaa mucuera que mucuerajacoaain, jauriaanejeein nii mucuera que tiaain. Nitohaneein jetaote, nii coroatajai tabara caje ichae, coroatajai nuurihuru rainu que. 30Nitohaneein jetaote, fosaneein jelai, que teein banijiaain ne tabara, lechoonca caainsineein coata plataneein nenaa que temuraquiin, le tabaraauru, asae coroatajaain temura ajiichanu siriin.
31Nitohaneein jetaote, le jera santoario cobairichananu que, acasia caje saoquiin tabara jae Besalee, 32saoquiinanaain, nii santoario le jeracuru que niha cobairichane coina. Jerichanejeein jetaote, enoto soo nichaji que, coonri nichaji que nenaa, tabara cobairichananu que, saoquiin cobairichane jae. 33Nitohaneein jetaote, nii cataaun nenaa cobairichane, cataaun ujoaain, jerane tabaraauru mucuane coina ichae. 34Nii baiha jetaote, oro que nii tabaraauru carijiaain, oro caje jachuujianaain, nii oro que carianojoin cobairichane enonajaanu ichae.
35Nitohaneein ichaain jetaote, cajione beraurosiojoai, cajione lanaajiojoain, cajione lanajain, lino caje ichanohin cajione, naaonjoainuri ichaain jetao, que teein coroatajaain cacha rijiinanaain itarohin ruuji. 36Nii baiha jetaote, oro caje nenaa mucuera que mucuerateein jetao, nii acasia caje jenaain nenaa nujuan, oro que carianojoineein, coata plata que temuraain nenaa que teroracaae.
37Nii loanari bacuujua bujuanu que jetaote, cajione beraurosiojoai, cajione lanaajiojoain, cajione lanajain, lino caje ichanohin cajione, naaonjoainuri ruujiin ichae. 38Nitohaneein ichaain jetaote, rai mucuera aina saoquiin nujuan ichae, bronce caje saoquiin temura ichaain jetao, nii nujuan macohichuru carijiae oro que, nii mucueracuru anichocurune maajeein.
© 2005, 2024, Wycliffe Bible Translators, Inc.
Éxodo 36
36
1Nitohaneeinte, nii Besalee, Aholiab, naaonjoainuri aina, satiin nii nitohanai amihanenaa ichana inaeraneein, Cana Coaunera ichanohineein, itolere que nainaain, niicha ichai coitucueraneein nenacaauruneein, satiin nii netaojiananaja santoario asae nelateneni, Cana Coaunera aitonjoan icharaneein neeurureein, jitaauruhane reentihaain”, nae jetao, isaraelitaauru rai Moisesa.
Coroatajajelanaala, Cana Coaunera rai niicha teeni amaauruha cachaaurune
2Niritiin jetaote, Besalee, Aholiab, naaonjoainuri cotijiaain, satiin nii nitohanai ichana inaeraneein, Cana Coauneraacha tenojoineein nenacaauru, nii suujua caje coaauneein, nii amihanenaa ichana jereraauru, coroataja ne najaaunrera, naaojoainuri cotijiae jetao, Moisesa. 3Niichuru jetaote, nii Cana Coaunera rai, isaraelitaauruhacha uhai, acaauruacha tei raaure Moisesa caje, santoario asae netaojiaauruhane, acaauru rai nelateneni ichacuruhane nunuheteeuruhane coina.
Nii tonohanau jetaote, suujua caje coaauneein, nii Cana Coaunera rai, niicha teeni uhajeein sacuure cojoanoo netojoeein isaraelitaauru. 4Nii jaun jetaote, nii santoario rai nelateneni ichaa nenacaauru, namihaneeo ichacuruhane jianeein jetao: 5“Inaen jataain latichaachene amuritoojoaain, Cana Coaunera aitoonjoa, amihanenaa besautiaacaanune jaanu amuritoojoaain, amaauruha cachaauru”, naain jetao, Moisesa rai biha cuure turuhin.
6Nii jaun jetaote, satiin loanari nainetiin quichaauru, enecuru, naaonjoainuri rai nenacae ichacuruhane coataa aitoha Moisesane jaun jetao, santoario corujeleeuru besatiaauruhane jaanu ichacuruhane jianecure. Nitohaneein jetaote, inae nenacaeneein nii santoario besatiaauruhane jaanu amuritoojoaain turuajeein sacuuruha cachaaurune jaun jetao, caohate Moisesa, 7inae nii amihanenaa besatiaauruhane jaanu amuritoojoaain turuhaaruhane jaun, cautihane jaun.
Santoario ichacuruhane nunuheteeuruhane
(Ex 26.1-37)
8Nii nitohaneein, corujele ichanaque amihanenacaauru amuritoheriin, jataain coitucuurera jetaote, nii santoario ichacure, le choonca metoroneein lino caje cajione, cajione beraurosiojoai, cajione lanaajiojoain, cajione lanajain, naaonjoainuri caje jatanu jaain jetao, que teein, cacha rijiinanaain coroatajaain itarohin ruujihure. 9Le jataauru jetaote, lechoonca coroata metoro cataaun uujiha carene jana, coroata metorojoe jarana. Satiin nitohaneein, ita rijiinanaain coujunacateein jetaote, ichacure. 10Saoquii jataauru jetaote, ita ichoae tiririchaacoaain tococohin, jerichanejeein nii leeocha saoquii ichacure. 11Nitohaneein ichacuruhane baiha jetaote, nii jauriaanejein le jera que neeninu, jata auha matarotihacoaaure cajione beraurosiojoai que. Jerichanejeein jetaote, nii satononiha nenaa, leeocha jata auha mataroteeure. 12Nii jauriaanejeein nenaa aina, leeocha jata auha mataroteeuruhane rijijieein, saoquichoncaain leeocha mataroteeuruhane jaun jetaote, nitohaneein ita jeraniha, ita que mucuerajacoaain ne, nii matarocuru. 13Chaaen jetaote, oro caje saoquichooncaain, nii jata mucueracuru ichacure, leeocha jata ichoae, que mucueraain nihane coina. Nitohaneein cuaajeein jetaote, satiin inaen itaque mucueraain ne, nii santoario.
14Nii jana, Besalee netonai jetaote, cabario rijijieein nenaa cabara ujuhi caje, lechoonca leinjiin jatanu ichae, caje leinjiin loanari jaain, que nii santoario asaacane coina. 15Le jataauru jetaote, lechoonca nichata metoro cataaun uujiha carene jana, coroata metoroe rai jarana. Nitohaneein, ita caanijianaain satiin coujunacateein ichaain jetaote, 16le turijieeincha saoquiin ita aina teein, nii jatanu tococohin, jerichanejeein leeocha rainu que, saotaneein teein ichae. 17Nitohaneein ichaane baiha jetaote, nii jauriaanejeein nitiririchaeni jata auha mucuerate, saoqui chooncaain jachuujianaain. Jerichanejeein jetaote, nii satononiha nenaa jata auhaque, saoquichooncaain jachuujihanaain tihacoae.
18Chaaen jetaote, ita que tiririchaacoaain, ichanohineein niha nii loanarine coina, bronce caje saoquichooncaain mucuera ichae.
19Nitohaneein jetaote, loanarinu que, lanajai que lomonojoineein carenero cari ichaain, jacari caohacha que, rai nichoajai asaaranu ichae Besalee. 20Nitohaneein ichaane baiha jetaote, santoario ichaane jaanu que, acasia caje tabaraauru jaain, rauhijirinanaain chujuracahe. 21Le tabaraauru jetaote, jena metoro cataaun uujiha carene jana, rai jarana jena coarata cataaun uujeein jae, 22caohachaain leeocha tabara aina nitiririchaain ita mucuhane coina, catuteein coroatajaain enuha caje focoera ichae. Satiin nii santoario rainu que nichanaa tabara jetaote, caohachaain ita mucuane coina focoera siri. 23Enoto mitu uuri, cana ajaabiji nichaji que neeninu que jetaote, coroatachooncaain tabara jaain, 24jenachooncaain, nii coata plataneein nenaa que temuratihacoae asae teein. Le tabaraauru jetaote, coroatajaananaain temura siri, caohachaain ita mucuane coina catutenohineein, coroatajai focoera, enuha enonajaanu siriin. 25Santoario netatajichi que, enoto soo nichaji coarajeein, cana raotono nichaji que neeninu que jetaote, coroatachooncaain tabara ichae, 26jenachooncaain coata plataneein nenaa que temuratihacoaain, le tabaraauru nainetiin, coroatajaananaain niha temurane coina. 27Nii neeninu baiha, enoto soo nichaji que, santoario coonri que neeninu que jetaote, saotaneein tabara jaain, 28nacoaauneein coroatajaain tabara jae, nii coonri uurihuru que neeninu que. 29Nii tabaraauru jetaote, ita que mucueraain, tiririchanojoineein ne, ecuun nenaa mucuera que mucuerajacoaain, jauriaanejeein nii mucuera que tiaain. Nitohaneein jetaote, nii coroatajai tabara caje ichae, coroatajai nuurihuru rainu que. 30Nitohaneein jetaote, fosaneein jelai, que teein banijiaain ne tabara, lechoonca caainsineein coata plataneein nenaa que temuraquiin, le tabaraauru, asae coroatajaain temura ajiichanu siriin.
31Nitohaneein jetaote, le jera santoario cobairichananu que, acasia caje saoquiin tabara jae Besalee, 32saoquiinanaain, nii santoario le jeracuru que niha cobairichane coina. Jerichanejeein jetaote, enoto soo nichaji que, coonri nichaji que nenaa, tabara cobairichananu que, saoquiin cobairichane jae. 33Nitohaneein jetaote, nii cataaun nenaa cobairichane, cataaun ujoaain, jerane tabaraauru mucuane coina ichae. 34Nii baiha jetaote, oro que nii tabaraauru carijiaain, oro caje jachuujianaain, nii oro que carianojoin cobairichane enonajaanu ichae.
35Nitohaneein ichaain jetaote, cajione beraurosiojoai, cajione lanaajiojoain, cajione lanajain, lino caje ichanohin cajione, naaonjoainuri ichaain jetao, que teein coroatajaain cacha rijiinanaain itarohin ruuji. 36Nii baiha jetaote, oro caje nenaa mucuera que mucuerateein jetao, nii acasia caje jenaain nenaa nujuan, oro que carianojoineein, coata plata que temuraain nenaa que teroracaae.
37Nii loanari bacuujua bujuanu que jetaote, cajione beraurosiojoai, cajione lanaajiojoain, cajione lanajain, lino caje ichanohin cajione, naaonjoainuri ruujiin ichae. 38Nitohaneein ichaain jetaote, rai mucuera aina saoquiin nujuan ichae, bronce caje saoquiin temura ichaain jetao, nii nujuan macohichuru carijiae oro que, nii mucueracuru anichocurune maajeein.
© 2005, 2024, Wycliffe Bible Translators, Inc.