Éxodo 37
37
Tonoraain ichaaoruhane coina, Cana Coauneraacha teei rauhi rucuhecuruhane jaa camela ichacuruhane
(Ex 25.10-22)
1Nii baiha jetaote, le metoro le coarataain care, jena coarata cataaun uujueein jarana, le metoro cataaun uujueein le coaratajein nucuuno, naaonjoaain jetao, acasia caje camela jae Besalee. 2Nitohaneein ichaain jetaote, oro nejesina que jitariin cuhanai aina, nichoajai carijiaain jetao, cobairichane enonajaanu que jetao, nauha tinonoritiin mucuera ichae. 3Nii baiha jetaote, jenaa tijiane nainecojoain jetao, oro caje tijia jae, le jeracuru que coroatajaananaain teein. 4Nii baiha jetaote, acasia caje rai cobairichane ichaain jetao, oro que cariacane 5baiha, nii camela auha tinonoritiin nenaa mucuera cuhane jetao, nii cobairichane enoae, que mucuhin tijichaain amanaa nainecuruhane coina.
6Nii baiha jetaote, rai fuera jae, le metoro le coaratajeein care, le metoro cataaun uujueein le coaratajein jarana, naaonjoaain oro nejesina caje ichaain jetao, 7nii fuera ichoaae coroatajaain cacha rijiinanaain itarohin, ita jeraniha caaecaanaain ichae oro caje, mariticho nejesina que. 8Nii fuera que temuraain jetaote ne, nii coroatajaain cacha rijiinanaain itarohin nenaa. Nii leeinjiin jetaote, fuera ichoaae caaecohane jana, jerichanejeein jeraniha nichoae caae que leeocha. 9Nitohaneein jetaote, nii fuera coarajeein ita jeraniha norijiatecure, nii fuera bujuatera rijijieein, nichoae nitaro caaecaanaain.
Cana Coaunera notaracaae, niicha teenihuru, faan rori mesa ichacuruhane
(Ex 25.23-30)
10Nii baiha jetaote, jena coarataain rai care, coroata coarata cataaun uujueein rai jarana, jena coarata cataaun uujueein rai nucuuno, naaonjoaain jetao, acasia caje mesa jae Besalee. 11Nitohaneein ichaain jetaote, oro nejesina que carijiaain, nii nauha tinonoritiin oro que mucuerateein, 12le jeme ucuunejeein auhateein, nii nauha tinonoritiin oro que mucuerate. 13Chaaen jetaote, nii jenaa tijiane nainecojoain, jenaa nauhane jaun, jenai oro que mucuerateein, 14nii nauhaancha que cobairichane enonajaanu te, cuhane cobairichane enohaain, que mucuhin, nii mesa tijichaain amanaa nainecuruhane coina.
15Nii mesa tijichaain amaauruhane jaanu que, nichanaa cobairichane jetaote, acasia caje ichaain, nii baiha oro que carijiae. 16Chaaen jetaote, nii mesa corujelenu que nichoae neeninu que, ojoaichu, cocharoon, acau curu, Cana Coaunera que banijiaaineein nenaa acau curu copa, naaojoainuri ichaae oro nejesina caje.
Oro caje usi nujuan ichacuruhane
(Ex 25.31-40)
17-19Jerichanejeein jetaote, mariticho nejesina que usi nujuan jae oro nejesina caje coina ichaae Besalee. Nii nujuan caje jetaote, saotaneein ne rai nunecuru, le jeracuru que nichatajaananaain. Aiha almendrane tocohaneein jetaote, nii nujuan caje saotaneein nenaa nunecuru jetao, le unecuru nichatajaa nainaain erene curu siri, noconecuru aina. 20Jerichanejeein jetaote, aiha almendrane tocohaneein, jenaain erene curu siri noconecuru aina, nii nujua. 21Nii usi nujuan caje, le jeracuru que, nichatajaananaain nenaa nunecuru jetaote, temuracuru que nocone siri. 22Nii usi nujuan que temuraain jetaote ne, nii nunecuru aina noconecuru, mariticho nejesina que, oro caje ichanohineein. 23Chaaen jetaote, caainsineein raafariinchuru, ajajai faauruhane jaa, ojoaichucuru, naaojoainuri ichaae, oro nejesina caje. 24Nichata choonca nichata quiro, oro nejesina caje jetaote, rai corujeleeuru aina, nii usi nujuan ichacure.
Ujuhi mocooruhane jaa rori ichacuruhane
(Ex 30.1-5)
25Nii baiha jetaote, acasia caje jujuhi mocooruhane jaa rori ichae, care aina ita caanejeein, canu acatiha ecuun sijiracaain ecotecuche acate ii raineein ne coarata cataaun uujueein care, jena coarata cataaun uujueein jarana, saota coarataain nucuuno, naaonjoaain ichae Besalee. Nii roriicha que jetaote, temuraain ne, nii rai jichooru. 26Nitohaneein ichaane baiha jetaote, jitariin oro nejesina que jerane nichoajaihuru carijiaain, jichoorune maajeein carijiaain, nauha tinonoritiin oro que mucueratihacoae. 27Chaaen jetaote, nii mucueracuru fautaeriin, jachuujianaain oro te, le jeracuru que coroatajaananaain, cuhane cobairichane enoaain, que mucuhin tijichaain amanaa nainecuruhane coina. 28Acasia caje, cobairichane ichaain jetaote, nii baiha oro que jitariin carijiae.
Cana Coaunera que banijiaain neeninu, erene aina mocoeni ichacuruhane
(Ex 30.22-38)
29Jerichanejeein jetaotechu, Cana Coaunera que banijiaain neeninu jasiiteein, mocooruhane jaanu que, erene jujuai ichae Besalee, jujuai ichacuruha ichana inaaurerane rijijieein.
© 2005, 2024, Wycliffe Bible Translators, Inc.
Éxodo 37
37
Tonoraain ichaaoruhane coina, Cana Coauneraacha teei rauhi rucuhecuruhane jaa camela ichacuruhane
(Ex 25.10-22)
1Nii baiha jetaote, le metoro le coarataain care, jena coarata cataaun uujueein jarana, le metoro cataaun uujueein le coaratajein nucuuno, naaonjoaain jetao, acasia caje camela jae Besalee. 2Nitohaneein ichaain jetaote, oro nejesina que jitariin cuhanai aina, nichoajai carijiaain jetao, cobairichane enonajaanu que jetao, nauha tinonoritiin mucuera ichae. 3Nii baiha jetaote, jenaa tijiane nainecojoain jetao, oro caje tijia jae, le jeracuru que coroatajaananaain teein. 4Nii baiha jetaote, acasia caje rai cobairichane ichaain jetao, oro que cariacane 5baiha, nii camela auha tinonoritiin nenaa mucuera cuhane jetao, nii cobairichane enoae, que mucuhin tijichaain amanaa nainecuruhane coina.
6Nii baiha jetaote, rai fuera jae, le metoro le coaratajeein care, le metoro cataaun uujueein le coaratajein jarana, naaonjoaain oro nejesina caje ichaain jetao, 7nii fuera ichoaae coroatajaain cacha rijiinanaain itarohin, ita jeraniha caaecaanaain ichae oro caje, mariticho nejesina que. 8Nii fuera que temuraain jetaote ne, nii coroatajaain cacha rijiinanaain itarohin nenaa. Nii leeinjiin jetaote, fuera ichoaae caaecohane jana, jerichanejeein jeraniha nichoae caae que leeocha. 9Nitohaneein jetaote, nii fuera coarajeein ita jeraniha norijiatecure, nii fuera bujuatera rijijieein, nichoae nitaro caaecaanaain.
Cana Coaunera notaracaae, niicha teenihuru, faan rori mesa ichacuruhane
(Ex 25.23-30)
10Nii baiha jetaote, jena coarataain rai care, coroata coarata cataaun uujueein rai jarana, jena coarata cataaun uujueein rai nucuuno, naaonjoaain jetao, acasia caje mesa jae Besalee. 11Nitohaneein ichaain jetaote, oro nejesina que carijiaain, nii nauha tinonoritiin oro que mucuerateein, 12le jeme ucuunejeein auhateein, nii nauha tinonoritiin oro que mucuerate. 13Chaaen jetaote, nii jenaa tijiane nainecojoain, jenaa nauhane jaun, jenai oro que mucuerateein, 14nii nauhaancha que cobairichane enonajaanu te, cuhane cobairichane enohaain, que mucuhin, nii mesa tijichaain amanaa nainecuruhane coina.
15Nii mesa tijichaain amaauruhane jaanu que, nichanaa cobairichane jetaote, acasia caje ichaain, nii baiha oro que carijiae. 16Chaaen jetaote, nii mesa corujelenu que nichoae neeninu que, ojoaichu, cocharoon, acau curu, Cana Coaunera que banijiaaineein nenaa acau curu copa, naaojoainuri ichaae oro nejesina caje.
Oro caje usi nujuan ichacuruhane
(Ex 25.31-40)
17-19Jerichanejeein jetaote, mariticho nejesina que usi nujuan jae oro nejesina caje coina ichaae Besalee. Nii nujuan caje jetaote, saotaneein ne rai nunecuru, le jeracuru que nichatajaananaain. Aiha almendrane tocohaneein jetaote, nii nujuan caje saotaneein nenaa nunecuru jetao, le unecuru nichatajaa nainaain erene curu siri, noconecuru aina. 20Jerichanejeein jetaote, aiha almendrane tocohaneein, jenaain erene curu siri noconecuru aina, nii nujua. 21Nii usi nujuan caje, le jeracuru que, nichatajaananaain nenaa nunecuru jetaote, temuracuru que nocone siri. 22Nii usi nujuan que temuraain jetaote ne, nii nunecuru aina noconecuru, mariticho nejesina que, oro caje ichanohineein. 23Chaaen jetaote, caainsineein raafariinchuru, ajajai faauruhane jaa, ojoaichucuru, naaojoainuri ichaae, oro nejesina caje. 24Nichata choonca nichata quiro, oro nejesina caje jetaote, rai corujeleeuru aina, nii usi nujuan ichacure.
Ujuhi mocooruhane jaa rori ichacuruhane
(Ex 30.1-5)
25Nii baiha jetaote, acasia caje jujuhi mocooruhane jaa rori ichae, care aina ita caanejeein, canu acatiha ecuun sijiracaain ecotecuche acate ii raineein ne coarata cataaun uujueein care, jena coarata cataaun uujueein jarana, saota coarataain nucuuno, naaonjoaain ichae Besalee. Nii roriicha que jetaote, temuraain ne, nii rai jichooru. 26Nitohaneein ichaane baiha jetaote, jitariin oro nejesina que jerane nichoajaihuru carijiaain, jichoorune maajeein carijiaain, nauha tinonoritiin oro que mucueratihacoae. 27Chaaen jetaote, nii mucueracuru fautaeriin, jachuujianaain oro te, le jeracuru que coroatajaananaain, cuhane cobairichane enoaain, que mucuhin tijichaain amanaa nainecuruhane coina. 28Acasia caje, cobairichane ichaain jetaote, nii baiha oro que jitariin carijiae.
Cana Coaunera que banijiaain neeninu, erene aina mocoeni ichacuruhane
(Ex 30.22-38)
29Jerichanejeein jetaotechu, Cana Coaunera que banijiaain neeninu jasiiteein, mocooruhane jaanu que, erene jujuai ichae Besalee, jujuai ichacuruha ichana inaaurerane rijijieein.
© 2005, 2024, Wycliffe Bible Translators, Inc.