KALATE METATAʼA 10
10
Bobefame be Noé
(1 Minkte 1:4-6; Met 9:22-25,27)
Meyoñe me nga so be bobefame be Noé
1E mvoñe bôte bobefame be Noé e nje nyô: Sem, Kam a Yafet. Bobefam be nga bialé be be e mvuse ndôn.
2Bobefam be Yafet be mbe na: Gômer, Magôg, Madeyi, Yavan, Tubal, Mesék a Tiras. 3Bobefam be Gômer: Akkenaz, Rifat, a Tôgarma. 4Bobefam be Tavan: Elisa, Tarsis, Kitim, a Dôdanim. 5E mbe be nga jalé bôt e bikôte bi mañ ya meyoñ e mesi map, ane nkobô môt ase ô né, ane mebume map ya meyoñe map me né.
6Bobefame be Kam be mbe na: Kus, Mitsrayim, Put a Kanaan. 7Bobefame be Kus: Seba, Havila, Sabta, Raéma a Sabtéka. Bobefame be Raéma: Seba a Dedan, 8Kus a nga biaé Nimrôd; e nye a mbe môt ôsu a nga taté bo éwôlô môt e si nyô. 9A mbe éwôlô mboo minsôm asu Nti; ajô te ba jô na: Ane Nimrôd, éwôlô mboo minsôm asu Nti. 10A nga taté bo njô bôt e Babél, Erék, Akad a Kalné e sii Sinéan. 11E nne Asur a nga so si éte; a nga lôñe Ninive, tisone Rehôbôt, Kala 12a Résen, beta tison e zañe Ninive a Kala. 13Mitsrayim a nga biaé Beludim Beanamim, Belehabim, Benaftuyim, 14Bepatrusim, Bekasluhim e vôme Befilisteñ be nga so a Bekaftorim. 15Kanaan a nga biaé Sidoñ, ntôle mone wé, a Hét; 16a Beyébuzieñ, Beamorééñ, Begirgazieñ, 17Behévieñ, Bearkieñ, Besinieñ, 18Bearvadieñ, Besemarieñ, Behamatieñ. Wôna mebume Bekananééñ me nga mialan. 19Minné Bekananééñ mi mbe ataté Sidoñ mfaʼa ya Gérar, a kui Gaza, a mfaʼa ya Sodom, Gômor Adma a Sebôyim, a kui Léka. 20Bobefam be Kam e mbe le, ane mebume map me né, ane minkobô miap mi né, mesi map a meyoñe map.
Bobefam be Sem
(1 Minkte 1:17-27; Met 9:26; 11:10-32)
21Sem fe a nga biaé bobefam, a too ésaa bobefam be Héber a monyañe Yafet a ne ntô. 22Bobefame be Sem be mbe na: Elam, Asur, Arpaksad, Lud, a Aram. 23Bobefam be Aram: Uts, Hul, Géter a Mak. 24Arpaksad a nga biaé Séla, a Séla a nga biaé Héber. 25Héber a nga biaé bobefam bebaé, jôé ntôl é mbe Pélég, amu éyoñe jé si é nga kaban, a jôé monyañ é mbe Yôktan. 26Yôktan a nga biaé Almôdad, Séléf, Hatsarmavét, Yera, 27Hadoram, Uzal, Dikla, 28Obal, Abimaél, Saba, 29Ofir, Havila a Yôbab. Balé bete bese be mbe bobefam be Toktan. 30Be nga tabe ataté Mésa, mfaʼa ya Sefar, a kui minkôle ya jôbe da tôô. 31Be too bobefam be Sem ane mebume map me né, ane minkobô miap mi né, e mesi map a ane meyoñe map me né. 32Mebum me bobefam be Noé e mme le, ane bindane ya meyoñe map bi né. Ataté be be e nye meyoñ me bôt me nga kabane si nyô mvuse ndôn.
נבחרו כעת:
KALATE METATAʼA 10: BULU09
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
© LʼAlliance Biblique du Cameroun, 2009