Jɔ̀ɔŋ 19से लोकप्रिय बाइबिल छंद

शेयर

Nààŋ wo Jisɛ̀ naŋ tìyè maŋ muàŋ keekèè maŋ, wò naŋ woò wààŋ, “E gbiŋ è naàŋ jùà.” Yèè wo Jisɛ̀ naŋ kpààŋ sɛiŋ, yèè wò naŋ mìè nyiiuŋ nɔɔ̀ŋ.

Yèè e teenga lii sùà, wo Jisɛ̀ wa naàŋ nyìmàŋ kɛ̀ wò kpɛ̀ɛ̀yɛ̀ e tòmoɛ̀ wo Dayà nauŋ wa tùɔ̀ŋ wèè wo nyɛ̀nɛ̀ŋ lɛ. Yèè wèè wo nyɛ̀nɛ̀ŋ wa e yèɛ wɔŋ fɛ̀ì Dayàa naŋ woò lɛ e hɛɛnɛ̀ŋ, wo Jisɛ̀ naŋ woò wààŋ, “Ke jòòmàì yààìm.”

Nààŋ wo Jisɛ̀ naŋ yɛ̀mɛ̀ wo yèyeuŋ nɔɔ̀ŋ yèè wo nyùùŋ màŋjɛ̀wɛ̀ɔ wò manaŋ wa wɔ̀ àŋ sia koɓɛ̀ guùŋ, wo Jisɛ̀ naŋ wòò wo nààŋ wààŋ, “Yèye, wo jɔ̀àfelaa mɔɔ̀ŋ wii.” Yèè wo Jisɛ̀ naŋ wòò wo nyùùŋ màŋjɛ̀wɛ̀uŋ nɔɔ̀ŋ wààŋ, “Wo yèye mɔɔ̀ŋ wii.” Yèè e yìwìà ke ɗɔɔ yii, wo nyùùŋ màŋjɛ̀wɛ̀ɔ naŋ kɔ̀ɔ̀ wo nààŋ Jisɛ̀ɔ ko gboouŋ noo wèè wouŋ nɔ̀ŋ kùàŋ.

Kɛɛ nààŋ àŋ naŋ wa hnè koɓɛ̀ Jisɛ̀i wèè aŋ nyime nyìmè maŋ kpaauŋ màŋ, àŋ naŋ yɛmɛ̀ kɛ̀ wò wa naàŋ fà tɛ, weètii aŋ gòuŋ wa nyìmè nyìmè màŋ kpaa. Yèè wo kààlòòɗùàa bà guùŋ naŋ zɔ̀ɔ̀lɔ̀ ke kpɛɛuŋ nɛɛ̀ŋ wo Jisɛ̀ e ɓula, yèè maŋ sɛ̀ìŋ yaà e wùìyè nao fòlò.

Maŋ keì mɛɛ̀ŋ naŋ wa kaaìŋ wèè e nyɛ̀nɛ̀ŋ e yèɛ wɔŋ fɛ̀ì Dayàa naŋ wa woò lɛ e hɛɛnɛ̀ŋ kɛ̀, “Ke goàuŋ nɛɛ̀ŋ bà guùŋ pɛɛ ke naàŋ wa nàwèè nyime.” Yèè wɔŋ fɛ̀ì Dayàa koɓɛ̀ bà naŋ ɓɛìŋ woò kɛ̀, “Anyùùŋ do nàŋ gɔ̀àì wo yèɔ àŋ naŋ jùwò e ɓula wɔ̀ le fɛ̀ɛ̀.”

Nààŋ àŋ yaà kòasùà wo Jisɛ̀, àŋ nauŋ kìɛ̀ŋ wɔŋ vànèkpaauŋ nɔɔ̀ŋ wèè wo wuŋ koà. Kpeiŋ wò naŋ wuŋ kɔ̀ɔ̀ koɓɛ̀i àŋ nyaaŋ nyààŋ, “Koɓɛ̀ maŋ ɗì Kòkòi.” Àŋ nyaaŋ koɓɛ̀ bi e Hiɓulù mieɛ̀ sùà nyààŋ “Ko Gɔ̀ɔ̀gatɔ̀.”

Yèè aŋ kààlòòɗùà nyaŋ naŋ bàànè ke ɓɔ̀ɗì kana e jèì maŋ dɛiŋ, yèè àŋ nauŋ nyiŋ jàà ɗì. Yèè àŋ naŋ gɔ̀àì wo Jisɛ̀ wɔŋ kùmà maŋ sɛ̀ìŋ tɔɔ.