Zan 15से लोकप्रिय बाइबिल छंद

शेयर

Mi wī ɛrɛzɛn tìrige gè, yeli sí bīɛlɛ fétire dè. A ŋìi 'kò mi nī á mi ní ki siɛn nī wè, siɛn wi bé yasɛnrɛ sɛn nìʔɛrɛ. Nɛ̀ taʔa gíi nɛ̄, yeli sǐ gbɛ̀ yafiɛn kpíʔileʔ a mi 'laa wèʔ.

Ye- kò mi nī, bà m'bé kò yeli nī. Majo bɛ̀ lège gíì sî puu, ki nɛ̌ puu tárigɛ tiige nɛ̄ gèʔ, ki nɛ̌ gbɛ̀ sɛn kìidaala gèʔ, bɛ̀ míɛni yeli yē, a yeli sì kò mi nɛ̄ tárilɛ bèleʔ.

A yeli 'kò mi nī wè, á mi siɛnrɛ ti 'kò yeli nī bèle, yɛgɛ ó yɛgɛ yeli nɛ caa gè, ye- ki náari, ki bé kpíʔile yeli mɛ́.

Yeli bɛ̀ʔ ye 'mi nyíɛnɛ nɛ̀ kɔ̀nʔ, mi mi 'yeli nyíɛnɛ nɛ̀ kɔ̀n. Yeri waa ye sa yasɛnrɛ sɛn, yeli yasɛnrɛ ti- kò ti mɔgɔ, dí ki sí puu a yeli 'yakaa náari Tuufɔli mɛ́ wè mi míʔɛ nɛ̄ gè, wi- ki kɛn yeli mɛ́.

Siɛn sǐ gbɛ̀ wi dɛ́nigɛ tìɛ gè bè tóri siɛn ŋáà wi 'wi sìi kɛn wè wi nàgorilo pe kɛnmɛ nɛ̄ bèʔ.

A fétirige gíì yē mi nɛ̄ gè nɛ́ sí kò ki wè yasɛnrɛ sɛngi wèʔ, wi nɛ̂ ki ceri nɛ̀ láʔa. A fétirige gíì sí nɛ sɛngi wè, wi nɛ̂ ki nyɛ́minɛ ki de sɔ́migi de sɛngi cɛ̀ngɛ.

Kajuudiɛlɛ láà yē náʔa mi mɛ́, n'nɛ: ye- yìye dɛ́ni majo mɛni yeli 'mi dɛ́ni wè.

Yeri yasɛnrɛ sɛngi nìʔɛrɛ, yé sí puu mi pìtɛnmɛnɛ, kire ki bé kpuʔɔrɔ taʔa mi Tuu nɛ̄ wè.

A Zezi wi 'juu nɛ́ jo: «Mi wī ɛrɛzɛn tìrige gè kányiʔɛ wuʔu gè; mi Tuu wire sí wi nyɛ́ni ɛrɛzɛn siʔi fáli gè.

«A siɛn ŋíì wè mi nī kòriwo wèʔ, pe bé wi cìra bè yige kpànʔanɛ, majo fètirige gíì pe sî ceri nɛ̀ wáa gè. Ki bé waʔa dí pe sí ga ti fàa bè wáa kàsun nī bè ti sórigo.

«Mi nɛ siɛnrɛ dáà nyu dè yeli mɛ́ gìi ki bé tí mi fundaanra ti- puu yeli nī, yeli fundaanra ti- fori.

A yeli nɛ mi kajuudiʔɛlɛ ke koliyo tári yè, yeli bé kò mi dɛ́nigɛ nī gè, majo bɛ̀ mi 'mi Tuu wi kajuudiʔɛlɛ koliyo tánʔa yè, nɛ́ kò wi dɛ́nigɛ nī gè.»

Kaala náà m'bé juu bè gbɛ̀ngɛ yeli nɛ̄ lè: ye- yìye dɛ́ni.»

A ki yē yeli 'puu duniya wi wuulo bèle, yeli sî duniya wuulo dɛ́ni bèle, bɛ̀ yeli yē wi wuulo bèle. Bɛ̀ sí yeli wè duniya wi wuulo bèleʔ, á ki sí ń'nɛ̀ nyaa mi 'yeli nyíɛnɛ nɛ̀ kɔ̀n duniya wuulo sunʔɔmɔ nī bè, kire kɛnmɛ nɛ̄ yeli 'duniya wuulo biɛn bèle.