Zan 16से लोकप्रिय बाइबिल छंद

शेयर

Mi 'tire dáà juu dè yeli mɛ́ gìi ki bé tí ye- puu yanyige nɛ̄ mi nī. Wuʔɔgɔ bága nɔ̀ yeli nɛ̄ náʔa duniya nī wè. Ye sí gbɛ̀nmɛ le, mi nyɛ́nì duniya jáa wè !»

A Sáʔafɔli wi kɛ́nì pɛn wè, wire ŋáà wi tári kányiʔɛ nɛ̄ gè, wi bé pari yeli tìí kányiʔɛ ki mìɛni nɛ̄ gè. Wiì je pari wìi tíimɛ wori kɔ̀ngí de nyu wīʔ. Dàa wi je ga lúʔu dè, tire wi béri nyu, nɛ́ kele gílì ke báan gèle, wi bé pari ke nyu yeli mɛ́.

«Nɛ̀ líɛ nɛ̀ pɛ́nì nɔ̀ ŋɔ̀ wè, yeli sì fìɛ yafiɛn náari mi míʔɛ nɛ̄ gèʔ. Yeri náari yeli bé taa, dí yeli fundaanra ti sí fori bè láʔa.»

«Kányiʔɛ kire sí mi nɛ nyu yeli mɛ́: kiī pɔ́rigɔ yeli mɛ́ mi- kɛ́ wè. A mi sì kɛ́ wèʔ, Sáʔafɔli wiǐ pɛn yeli mɛ́ʔ. A mi sí kɛ́ wè, m'bé wi tórigo náʔa yeli mɛ́. A wi kɛ́nì pɛn wè, wi bé pa ki tìɛ duniya wuulo nɛ̄ bèle dí piyē kapiile nī, nɛ̀ pínɛ wi bé pe tìɛ sínmɛ koligo nɛ̄ gè, nɛ́ kàyuʔu ní gè gàa ki báan gè.

Kire káà felige gī píra ŋáà nī wè yeli kɔli mɛ́ gè: funbiɛnrɛ yē yeli funyɔ nī yè. M'bé sí ní ga yeli nyaa, bɛ̀ yeli funyɔ yi bé puu fundaanra nɛ̄; siɛn sǐ gbɛ̀ ki fundaanra suɔ dè yeli mɛ́ʔ. Kire cɛngɛ gáà gè, yeli sǐ je mi yúgo nɛ́ yafiɛn níʔ. M'bé ki juu yeli mɛ́ kányiʔɛ nɛ̄, a yeli 'yakaa náari Tuufɔli mɛ́ wè mi míʔɛ nɛ̄ gè, wi bé ki kɛn yeli mɛ́.

M'bé ki juu yeli mɛ́ kányiʔɛ nɛ̄, yeli bága de nyɛni de yobilo, dí duniya wuulo pe sí de fundaanra kpínʔini. Funbiɛnrɛ bága puu yeli nī, nɛ̀ sí ki taa yeli funbiɛnrɛ ti bága yiʔɛ bè kò fundaanra.