Luku 14से लोकप्रिय बाइबिल छंद

शेयर

«A siɛn 'taʔa mi kúrugu wè, a mi woli niì kpúʔɔ wi mɛ́ nɛ̀ tóri wi tuu nɛ̄ wè, nɛ́ wi yàa ní wè, nɛ́ wi cuɔ ní wè, nɛ́ wi pìile ní bèle, nɛ̀ wi siinyɛninɛ nàguɔlɔ nɛ́ cɛlilɛ ní bèle, nɛ́ wire tíimɛ sìi ní wè, ki siɛn wiǐ gbɛ̀ puu mi pìtɛnmɛwɛʔ.

A siɛn ŋíì sì wi tiiparigɛ líɛ gè nɛ́ taʔa mi kúrugu wèʔ, ki siɛn wiǐ gbɛ̀ puu mi pìtɛnmɛwɛʔ.

Ki 'nyaa siɛn ó siɛn wi nyɛ́ni wìi kpóri, pe bága wi cɛ́rigɛ; a siɛn ŋíì sí wìi cɛ́rigɛ wè, pe bága wi yɛ̀gɛ naamɛ.»

«Bɛ̀ ki yē nɛ̀ pínɛ, yeli nī bèle a siɛn ŋíì sì wi kɔliyɛrɛ ti mìɛni yaʔa dè, wiǐ gbɛ̀ puu mi pìtɛnmɛwɛʔ.»

Yeli nī bèle, ŋáasiɛn wi 'jo a wi je saakpaʔaligɛ faan gè, siɛn wi nɛ̌ kíni bè tɛ́ni bè sɔ̀ngi wali ŋíì wi bé jíin saʔa ki baara nī dèʔ, a ki yē wali yē wire mɛ́ sáa bè gbɛ̀ ki kúɔ wè ? Nɛ̀ taʔa gíi nɛ̄, ki fǎa ga nyaa wire 'saʔa kàkpuɔn túgu wè bè kúɔ, bága ki yaʔa sìnguɔ nīʔ, dí siɛnnɛ pe sí de wire tíʔɛʔ, bìli pe mìɛni 'wi nyaa ki sélidiʔɛ nī gè, bé jo: ‹Nàguɔ ŋáà wi 'saʔa séli gè, wiì kɛ́nì jáa nɛ̀ ki kúɔʔ !›

«Gìi ki 'yɛli gè, a muɔ 'lìigbuɔlɔ suʔɔ nɛ́ je siɛnnɛ yeri pe sa lìi wè, ma fuunmɔfɔlilɔ yeri, ma siɛnkpɔlilɔ yeri, ma cìʔile nigbenigbefɔlilɔ yeri, ma fúɔnnɔ yeri, bà muɔ bé diba taa. Nɛ̀ taʔa gíi nɛ̄, bàli piyě gbɛ̀ ki felige kpíʔile gè muɔ mɛ́ʔ, nɛ̀ sí ki taa muɔ bága ki tɔ̀ni taa wè siɛnsinminɛ nyɛ́yirile cɛngɛ gè.»

«Yacɛngɛ gī yasuʔɔgɔ gè; a tàanma pi sí kúɔ ki nī gè, gáa ní pe bé ki tɛ́ni ? Kiǐ ní gbɛ̀ dàala woli nyuɔ, ki míɛni sǐ ní gbɛ̀ nɛ̀junʔɔ woli nyuɔʔ. Pe nɛ̂ ki wáa kpànʔanɛ wī. A ngbúʔulo yē siɛn ŋíì nɛ̄ wi lúru wè, wi- ti lúʔu.»