Mariki 11से लोकप्रिय बाइबिल छंद

शेयर

Kire nɛ̄, m'bé ki juu yeli mɛ́, a yeli nɛ yɛgɛ ó yɛgɛ caa nɛ́ ki náari gè, ye- tɛ́ngɛ ki nɛ̄ yeli 'ki taa, bɛ̀ ki bé kpíʔile yeli mɛ́.

M'bé ki juu yeli mɛ́ kányiʔɛ nɛ̄, a siɛn 'juu nɛ́ nyagurugo gáà ní gè nɛ́ ki yɛ: ‹Kɔ́n náʔa gè ma sa tuu kuʔɔjii nī wè !›, a siɛn wiì káala wi fungo nī gèʔ, nɛ́ sí ti juu nɛ́ tɛ́ngɛ ki nɛ̄ gàa wire 'juu ki bé kpíʔile wè, bɛ̀ ki bé kpíʔile siɛn mɛ́ wè.

Nɛ̀ pínɛ a yeli 'yɛ̀ nɛ̀ yéri lɛ̀lɛ ó lɛ̀lɛ níɛ Kulocɛliɛ náari wè, a ki yē siɛn 'kaala kpíʔile yeli nɛ̄, ye- ki yaʔa siɛn nɛ̄ wè, gìi ki bé tí yeli Tuu ŋáà wī baa nyìʔɛnɛ nī lè, wire míɛni wi- yeli tuudiʔɛlɛ wuʔu yaʔa gè yeli nɛ̄.

A Zezi wi 'siɛnnugoro kɛn pe mɛ́ nɛ́ pe yɛ: «Ye- tɛ́ngɛ Kulocɛliɛ nɛ̄ wè.

A wi 'fali nɛ̀ séli nɛ pe tɛnmɛ nɛ́ pe yɛ: «Gíi ki 'juu baa Kulocɛliɛ siɛnsɛbɛrɛ nī dè ? Kiì jo léʔ: Pe bága de mi saʔa yeri gè náarigɛ saʔa kùlogolo ke mìɛni wuulo mɛ́ bèle lé  ? Á yeli sí pɛ́nì ki kpíʔile kàyuulo kòridiʔɛ.»

Bìli pe 'puu yiʔɛmɛ gè, á bìli ní kàduʔumɛ gè, a pe mìɛni fali nɛ yékpuʔulo wáari sɛni níɛ wáa: «Wozana  ! Ye- tí we- kpuʔɔrɔ taʔa Kulocɛliɛ nɛ̄ ! Siɛn ŋáà wi báan Kàfɔli wi míʔɛ nɛ̄ gè, Kulocɛliɛ wi- kpuʔɔrɔ taʔa wi nɛ̄  !

Ki 'yɛli Kulocɛliɛ wi- kpuʔɔrɔ taʔa weli tuuliʔɛ Dawuda kùlofɔligɔ nɛ̄ gè, gàa ki báan nɛ tíin gè ! Wozana, nyìʔɛnɛ tiɛliiliye yi mìɛni yiri fundaanra kpínʔini ki wori nɛ̄ dè  !»