Mariki 10से लोकप्रिय बाइबिल छंद

शेयर

Nɛ́ ki cɛ́n Siɛn Pùɔ wiì pɛn siɛnnɛ pe pari baara wi mɛ́ʔ, wi 'pɛn bè pari baara siɛnnɛ mɛ́ bèle, bé sí wi sìi kɛn wè siɛnniʔɛnɛ nyùzuɔrɔ wuʔu nɛ̄.»

A Zezi 'yiʔɛ le gè pe nī nɛ̀ pe wéli, nɛ́ fali nɛ̀ kɛ́nì pe yɛ: «Siɛnnɛ mɛ́ bèle, kiǐ gbɛ̀ kpíʔileʔ; nɛ̀ sí ki taa Kulocɛliɛ wire mɛ́ wè, kele ke mìɛni bé gbɛ̀ kpíʔile. Nɛ́ ki cɛ́n yakaa sì Kulocɛliɛ jáaʔ.»

A Zezi wi 'wi yɛ: «Te waa, muɔ tɛ́ngɛlɛ ni 'muɔ puʔɔ.» Tiɛnugo nī gè a wi 'fali nɛ nyaʔa sɛni. A wi 'líɛ nɛ̀ taʔa Zezi kúrugu wè, nɛ̀ pínɛ nɛ́ wi ní.

«Kire kɛnmɛ nɛ̄, a Kulocɛliɛ sí gìi pínɛ gè, siɛn fǎga ki láʔa kìi nɛ̄ʔ.»

A nàguɔ wi kaala ni 'Zezi dɛ́ni wè, a wi 'yiʔɛ le gè wi nī nɛ̀ wi wéli nɛ̀ taa, nɛ́ fali nɛ̀ kɛ́nì wi yɛ: «Kaala nigbe 'kò muɔ nɛ̄; te waa ma sa muɔ kɔliyɛrɛ pári dè, ma wali kɛn wè fɔ̀ngɔfɔlilɔ mɛ́, bɛ̀ muɔ bé lɔri taa nyìʔɛnɛ nī lè. Píra ŋáà nī wè mári báan ma pa taʔa mi nɛ̄.»

A Zezi wi pɛ́nì wi yúgo nɛ́ wi yɛ: «Gáa muɔ nɛ caa mi- kpíʔile muɔ mɛ́ ?» A fúɔn wi 'wi yɛ: «ʔé, tɛnmɛfɔli, mi nɛ ki caa bè ní de nyaʔa cígini wī !»

Bà sí bɛ̀ʔ ki 'yɛli bè puu yeli sunʔɔmɔ nī bèʔ. A ŋìi nɛ caa bè puu kpuɔwɔ yeli nī bèle, siɛn wi 'yɛli bè puu yeli baakuɔwɔ.

«M'bé ki juu yeli mɛ́ kányiʔɛ nɛ̄, a siɛn ŋíì sì fɔ̀liʔ Kulocɛliɛ Kùlofɔligɔ nɛ̄ gè bɛ̀ pùɔ tíɛlɛ wè, ki siɛn wiǐ ga tíi bé jíin baaʔ.»

Nìʔɛnɛ yē pélile pàngɛ gè, pe nìʔɛnɛ bága puu kàdotɔnminɔ, dí kàdotɔnminɔ pe sí puu pélile.»

nɛ́ kire liɛlɛ yige baa wè, duniya wi sélimɛ nɛ̄ bè, Kulocɛliɛ wi cé pe faan nàguɔ nɛ́ cɛliwɛ . Kire nɛ̄ a nàguɔ 'cɛliwɛ líɛ wè, wi bé láʔa wi tuu nɛ́ wi yàa nɛ̄ wè, bé sí wìi puɔ wi cuɔ nɛ̄ wè. Pe siin pe bé kò cetinnɛ nigbe. Kiǐ ní nyaa piyē siinʔ, píra ŋáà nī wè piyē cetinnɛ nigbe wī.