MAK 3
3
Alah Lakuñnii Miyu
(Mt 12.9-14; Lk 6.6-11)
1 #
Mt 12.9-14; Lk 6.6-11. Hiira mo sinagog ho ahtii, ho hiiko alah lakuñnii miyu kone datii. 2#Lk 11.54. Mohlu mohmi kalyala datii, mo dumoalo ho miipya talyiha miipya tamaha hiila, niimpalukoda mohmi mohlu halii dupa. 3Ho mo lutii hiika miyu mi huka alah na lakuñtiinii “So ahto.” 4Ho mo mohlumi lutii, Dumoalo hoka aya miiniiñ si aya dopeha malo ayamapa ka miiniiñ siya peha, miyu mika lyangur niisi peha malo menniiñ siya peha? Hojalo mohlu adu matii. 5Ho mo hadii biidola mohlumi kahi kasotii; mohluka ahha alḛr mi kala lala herutii, ho hiika miyu mi lutii, “Niika alah yuliñto.” Mo yuliñtii, ho mohka alah hii aya ritiiku. 6#Mk 12.13. Parisi atañ ago lintiiku, ho nyibyaloda bulyañ atañmi dukuñ giitii Herodias ka agiñho, niihtañ pape mohmi mudu lochinii hiila.
Yasie Siimie Biilyo ho Hempḛr Miyu Taro
7 #
Mt 4.24-25; 12.15-16; Lk 6.17-19. Jisu mohka henjeajiñ atañ agiñho insa giitii siimie ho, ho hempḛr miyuabuje Galili hokii mohmi imbo montii; Judia hokii miilañ 8#Mt 11.21. ho Jerusalem ho Idumia ho Jordan ka pache dalyi hokii ho Tayer la Sidon aruñare hokii miilañ hempḛr miyu taropa, mohka miiniiñmi tapa lala, mohko ahtii. 9Ho mo mohka henjeajiñ atañmi lukotii mohpa hulu tare henju yato niimpalukoda miyuabuje danii mi kala lala, hiila makoda mohlu mohmi nyoje lyido; 10#Mk 5.29,34; 6.56. niimpalukoda mo abujemi miipyatii, hopa hikha achih giinii atañ mohmi nengabiitii mohmi tenne dupa. 11Ho niidajalopa kacho yajiyallo mohmi kappa talyi, mohlu mohka liidi ho giihatii ho gyutii, “No Pinii ka Oho!” 12#Mk 1.45. Ho mo hempḛr uropa lutiñtii mohlumi mohmi mihmi chinke neyo hiila.
Jisu Alyañlenye Kiiniñkonii mi Kahe biido
(Mt 10.1-4; Lk 6.12-16)
13 #
Mt 5.1; Lk 6.12. Ho mo putoo ho chatii, ho hiika atañmi gyoliitii humina mo anna tiinii, ho mohlu mohko ahtii. 14#Mt 10.1. Ho mo alyañlenye kahetii, mo agiñho dabo niipa, ho kiiniñ dupa tonsḛrkhenyo niipa, 15ho igii atañmi mompa nanii otority giiniipa. 16#Mt 10.2-4; Lk 6.14-16; Miin 1.13. Saimon humina mo Pitar hiila myangiñ tiinii; 17Jems Zebedi ka oho ho Jon Jems ka anu nyimi mo Boanargis hiila myangiñtii, hiikahii, yapuñ geniiñ ka oho; 18Andrew, ho Pilip, ho Bartolomiu, ho Methu, ho Tomas, ho Jems Alpayas ka oho, ho Tadayas, ho kanan daka Saimon, 19#Mk 2.1; 7.17. ho Judas Iskariot, mohmika talubalo bo.
Jisu la Biljebul
(Mt 12.22-32; Lk 11.14-23; 12.10)
20 #
Mk 6.31. Ho mo ude ho intiiku; ho hiira miyuatañ tongepa ahtii, hopa mohlu diigo hetrḛ diila matii. 21#Mk 3.31-35; Jn 10.20. Ho hiimi mohka uru atañ tapa lala, mohlu mohmi lutiñ dupa intii, niimpalukoda miyuatañ lunyala dotii, “Mo hendḛr mapa ke miiladanii.” 22#Mt 12.24-29; Lk 11.15-22. #Mt 9.34; 10.25. Ho Jerusalem hokii tonii pagenii atañ lutii, “Mohko Biljebul ke giidonii, ho igii raddeka oholo mo igii atañmi mompada.” 23Ho mo mohlumi mohko gyoliitii, ho mohlumi lutiñnaniiñ lubii dola lutii, Niitañpa saitan hii saitan mi mompa lakiñdo? 24Raddeganda matiirḛ atoh-atoh chesula tache siido koda, hiika raddeganda hii sala kemma. 25Ho uru matiirḛ chesu la atoh-atoh tache siido koda, hiika uru hii sala kemma. 26Ho saitan matiirḛ atoh-atoh chekho siila ho tacherido koda, mo sala kemma, ho mo byala-ya byakiñdo. 27Hojalo kone hetḛr miyu tamo ka ude ho ahla ho mohka drih mi diipyo biila kema, nii dahepa hiika tamo miyu mi rantema; hiila miitii kodade mohka ude hokii diipyo biila nedo.
28 #
Mt 12.31-32; Lk 12.10. Jijeloda, ngo nunumi lukoso, hikha ingyamiigya mi hello bila kendo miyu ka Oho hii, ho nii nipakoya mohlu lusu tiijalo; 29hojalo hujalopa Darii Yajiyallo mi nipakoya talyi hiimi pema hello bila kema, hojalo hiika ingyamiigya hii ayu-dahe paka hello lama saniiñ. 30Niimpalukoda mohlu lutii, “Mohko kacho yajiyallo giidoke.”
Jisu ka Annii la Anu-Barmii atañ
(Mt 12.46-50; Lk 8.19-21)
31 #
Mt 12.46-50; Lk 8.19-21. Ho mohka annii la mohka anu atañ ahtii; ho agoho datii, mohlu miyu kone mi kiiniñ lala ho mohmi gyotii. 32Ho miyuatañ mohmi dukḛr pabiitii; ho mohlu mohmi lutii, “Niika annii la niika anubarmii atañ agosi dake, niimi mohlu gyodoke.” 33Ho mo lusitii, Hu ngiika annii ho ngiika anubarmii? 34Ho mohka aruñhoka dunii atañmi kahi kaso lala, mo lutii, “Siika atañ sinya ngiika annii ho ngiika anubarmii! 35Hujalopa Pinii henju jaho miichi hii ngiika anuabañ ho barmii ho annii.”
वर्तमान में चयनित:
MAK 3: APATBSI
हाइलाइट
शेयर
कॉपी
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
MAK 3
3
Alah Lakuñnii Miyu
(Mt 12.9-14; Lk 6.6-11)
1 #
Mt 12.9-14; Lk 6.6-11. Hiira mo sinagog ho ahtii, ho hiiko alah lakuñnii miyu kone datii. 2#Lk 11.54. Mohlu mohmi kalyala datii, mo dumoalo ho miipya talyiha miipya tamaha hiila, niimpalukoda mohmi mohlu halii dupa. 3Ho mo lutii hiika miyu mi huka alah na lakuñtiinii “So ahto.” 4Ho mo mohlumi lutii, Dumoalo hoka aya miiniiñ si aya dopeha malo ayamapa ka miiniiñ siya peha, miyu mika lyangur niisi peha malo menniiñ siya peha? Hojalo mohlu adu matii. 5Ho mo hadii biidola mohlumi kahi kasotii; mohluka ahha alḛr mi kala lala herutii, ho hiika miyu mi lutii, “Niika alah yuliñto.” Mo yuliñtii, ho mohka alah hii aya ritiiku. 6#Mk 12.13. Parisi atañ ago lintiiku, ho nyibyaloda bulyañ atañmi dukuñ giitii Herodias ka agiñho, niihtañ pape mohmi mudu lochinii hiila.
Yasie Siimie Biilyo ho Hempḛr Miyu Taro
7 #
Mt 4.24-25; 12.15-16; Lk 6.17-19. Jisu mohka henjeajiñ atañ agiñho insa giitii siimie ho, ho hempḛr miyuabuje Galili hokii mohmi imbo montii; Judia hokii miilañ 8#Mt 11.21. ho Jerusalem ho Idumia ho Jordan ka pache dalyi hokii ho Tayer la Sidon aruñare hokii miilañ hempḛr miyu taropa, mohka miiniiñmi tapa lala, mohko ahtii. 9Ho mo mohka henjeajiñ atañmi lukotii mohpa hulu tare henju yato niimpalukoda miyuabuje danii mi kala lala, hiila makoda mohlu mohmi nyoje lyido; 10#Mk 5.29,34; 6.56. niimpalukoda mo abujemi miipyatii, hopa hikha achih giinii atañ mohmi nengabiitii mohmi tenne dupa. 11Ho niidajalopa kacho yajiyallo mohmi kappa talyi, mohlu mohka liidi ho giihatii ho gyutii, “No Pinii ka Oho!” 12#Mk 1.45. Ho mo hempḛr uropa lutiñtii mohlumi mohmi mihmi chinke neyo hiila.
Jisu Alyañlenye Kiiniñkonii mi Kahe biido
(Mt 10.1-4; Lk 6.12-16)
13 #
Mt 5.1; Lk 6.12. Ho mo putoo ho chatii, ho hiika atañmi gyoliitii humina mo anna tiinii, ho mohlu mohko ahtii. 14#Mt 10.1. Ho mo alyañlenye kahetii, mo agiñho dabo niipa, ho kiiniñ dupa tonsḛrkhenyo niipa, 15ho igii atañmi mompa nanii otority giiniipa. 16#Mt 10.2-4; Lk 6.14-16; Miin 1.13. Saimon humina mo Pitar hiila myangiñ tiinii; 17Jems Zebedi ka oho ho Jon Jems ka anu nyimi mo Boanargis hiila myangiñtii, hiikahii, yapuñ geniiñ ka oho; 18Andrew, ho Pilip, ho Bartolomiu, ho Methu, ho Tomas, ho Jems Alpayas ka oho, ho Tadayas, ho kanan daka Saimon, 19#Mk 2.1; 7.17. ho Judas Iskariot, mohmika talubalo bo.
Jisu la Biljebul
(Mt 12.22-32; Lk 11.14-23; 12.10)
20 #
Mk 6.31. Ho mo ude ho intiiku; ho hiira miyuatañ tongepa ahtii, hopa mohlu diigo hetrḛ diila matii. 21#Mk 3.31-35; Jn 10.20. Ho hiimi mohka uru atañ tapa lala, mohlu mohmi lutiñ dupa intii, niimpalukoda miyuatañ lunyala dotii, “Mo hendḛr mapa ke miiladanii.” 22#Mt 12.24-29; Lk 11.15-22. #Mt 9.34; 10.25. Ho Jerusalem hokii tonii pagenii atañ lutii, “Mohko Biljebul ke giidonii, ho igii raddeka oholo mo igii atañmi mompada.” 23Ho mo mohlumi mohko gyoliitii, ho mohlumi lutiñnaniiñ lubii dola lutii, Niitañpa saitan hii saitan mi mompa lakiñdo? 24Raddeganda matiirḛ atoh-atoh chesula tache siido koda, hiika raddeganda hii sala kemma. 25Ho uru matiirḛ chesu la atoh-atoh tache siido koda, hiika uru hii sala kemma. 26Ho saitan matiirḛ atoh-atoh chekho siila ho tacherido koda, mo sala kemma, ho mo byala-ya byakiñdo. 27Hojalo kone hetḛr miyu tamo ka ude ho ahla ho mohka drih mi diipyo biila kema, nii dahepa hiika tamo miyu mi rantema; hiila miitii kodade mohka ude hokii diipyo biila nedo.
28 #
Mt 12.31-32; Lk 12.10. Jijeloda, ngo nunumi lukoso, hikha ingyamiigya mi hello bila kendo miyu ka Oho hii, ho nii nipakoya mohlu lusu tiijalo; 29hojalo hujalopa Darii Yajiyallo mi nipakoya talyi hiimi pema hello bila kema, hojalo hiika ingyamiigya hii ayu-dahe paka hello lama saniiñ. 30Niimpalukoda mohlu lutii, “Mohko kacho yajiyallo giidoke.”
Jisu ka Annii la Anu-Barmii atañ
(Mt 12.46-50; Lk 8.19-21)
31 #
Mt 12.46-50; Lk 8.19-21. Ho mohka annii la mohka anu atañ ahtii; ho agoho datii, mohlu miyu kone mi kiiniñ lala ho mohmi gyotii. 32Ho miyuatañ mohmi dukḛr pabiitii; ho mohlu mohmi lutii, “Niika annii la niika anubarmii atañ agosi dake, niimi mohlu gyodoke.” 33Ho mo lusitii, Hu ngiika annii ho ngiika anubarmii? 34Ho mohka aruñhoka dunii atañmi kahi kaso lala, mo lutii, “Siika atañ sinya ngiika annii ho ngiika anubarmii! 35Hujalopa Pinii henju jaho miichi hii ngiika anuabañ ho barmii ho annii.”
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.