MAK 4
4
Lilo niimi ka Lutiñnaniiñ
(Mt 13.1-9; Lk 8.4-8)
1 #
Lk 5.1-3. Hiira mo siimie aruñho tonsḛr ritii. Ho hempḛr miyu taropa mohmi dakḛr pabiitii, hopa mo siimie daka huluho chatii ho hiikoho duhatii; ho hikha miyuatañ siimie ka siilyo biilyo daka kiiddi ho datii. 2Ho mo hempḛr abuje lutiñnaniiñlo mohlumi tonsḛrtii, ho mohka tonsḛr ko mo mohlumi lutii: 3Tageto! Lilonii kone lilotapa intii. 4Ho mo lilo kiile, kormo tange nii lembo ho chohitii, ho piita atañ gohatii ho hiimi padotii. 5Kormo tangehii yalañ ho chohatii, nohna kiiddi abu nyima tiinii, ho hii ohepada beko datii, kiiddi urañ paka nyima lyiniiñ. 6ho danyi chada hangkele hiimi bembiido, ho hii liima giima siilyi nii hiimi bensiñ datii. 7Tangenii kormo hii tareapya ho chohatii, ho tare hii sancha biila ho hiimi halotii, ho hii amoo giimatii. 8Tangenii kormo hii aya kiiddi ho chohatii ho amoo giitii, sancha biila ho abu yapa giiliñla hikhañhe ho alyañkhe ho lange giitii. 9Ho mo lutii, “Hukiina tana naniipa yaroo giidonii, mohmi take nento.”
Lutiñnaniiñ luta nando paka Lyiniiñ
(Mt 13.10-17; Lk 8.9,10)
10 #
Mt 13.10-15; Lk 8.9-10. Ho mo kontii ka duhoho, hutiina mo agiñho alyañlenye ka agiñho datiinii mohmi lutiñnaniiñ ka piigomi takatii. 11#1 Kor 5.12-13; Kol 4.5; 1 Tes 4.12; 1 Tim 3.7. Ho mo mohlumi lutii, “Nunumi Pinii ka raddeganda ka khiibe chimma niimi bitola do, hojalo ago miyu atañpa amanehemi lutiñnaniiñ loke lukiñ donii. 12niimpalukoda mohlumi kasu jalo kachiñ madopa, ho tasu jalo tachiñ madopa; mohlumi hiira henkur hado kupa, ho hello kodopa.”
Jisu ka Lilonii Lutiñnaniiñ mika Luko kuniiñ
(Mt 13.18-23; Lk 8.11-15)
13 #
Mt 13.18-23; Lk 8.11-15. Ho mo mohlumi lutii, “Nunu siika lutiñnaniiñ siimi tachiñ maha? Ho niihtañpa nunu tala talyi hikha lutiñnaniiñ atañmi? 14Lilonii aguñmi lilotii. 15Ho siika atañ sinya lembo hoka lilo niiñ, nohna aguñmi lilo tiinii; mohlu tapa dalyi, saitan ohepada ahla ho aguñmi lara biidado mohluko hoka lilo niimi. 16Ho si chulipa siika atañ sinya yalañ hoka lilonii, huna, mohlu aguñmi tapa dalyi, nyibya loda hempyo biidola larii biido; 17ho mohluko liima giimatii, hojalo iche kontii pigii lala; hiika hiiba ho, hentḛrkanyi malo miihimiire dalyi aguñka piigopa, ohepada mohlu giiyi dadu. 18Ho tange hiika tareapya hoka lilo niiñ hii; mohlu hiika atañ aguñmika taniibo, 19hojalo supuñ mika hena, ho mingo hembyo, ho yoheya drih atañ mika hembyo, hii ahla ho aguñmi dotiñ biido, ho hii hang ahee higiima. 20Hojalo aya kiiddi hoka lilonii sike mohlu aguñmi tapa lala ho talii biido ho ahee hinyado, hikhañhe ho alyañkhe ho lange.”
Muru Piichañ ka Uraho
(Lk 8.16-18)
21 #
Mt 5.15; Lk 11.33. Ho mo mohlumi lutii, “Muru mi biilii la yagii ka ura ho atii dupeha, malo dotananii ka ura ho, ho muru ahii kosu masu peha? 22#Mt 10.26; Lk 12.2. Niimpalukoda hangja achuñ giisanii nyima, kakiñ saniiñ adi siida; ma hiila mapa lusi lupe drih tiirḛ nyima, hutoh hoka kakiñ saniiñ siida. 23#Mt 11.15; Mk 4.9. Hu miyu na tana naniipa yaroo giidonii, hiimi take nento.” 24#Mt 7.2; Lk 6.38. Ho mo mohlumi lutii, “Tadila Tanyato nunuka tanii siimi; niim kane nunu bichi hiimkane nunu tiirḛ pakiñ doke, ho abu yapa tiirḛ nunumi bikiñ dotake. 25#Mt 13.12; 25.29; Lk 19.26. Hopa huko hona donii abu yaya bikiñ doke, ho huko hona hang nyimanii, niihna mohluko donii hiimi tiirḛya lapa bikiñ doke.”
Kormo Sancha Niimi ka Lutiñnaniiñ
26 #
Mt 13.24-30. Ho mo lutii, “Pinii ka raddeganda si chulike niihtañpa miyu kone kormo mi kiiddi ho gyapya lodu, 27ho ayoh imila ho allo ho gurila miida kiile, ho kormo hii beko kula ho saritii, niihtañpa lyitii mo chima. 28Kiiddi hokii atoh-atoh sari siidu, kapyopa anniih, hiika hiiba ho elyañ, hiika hiiba ho poteje amoo giiliñdu elyañ ho. 29Hojalo elyañ ka armiñ lyikuho, miyu tagi biila indu, niimpalukoda amoo pidu tiiku.
Giyañ Kormo mika Lutiñnaniiñ
(Mt 13.31,32,34; Lk 13.18,19)
30 #
Mt 13.31-32; Lk 13.18-19. Ho mo lutii, “Niilo ngunu Pinii ka raddeganda mi khiitiñ nanchi, malo nii lutiñnaniiñ mi ngunu luta nanchi sipa? 31Siikasi gihañ kormo chulike, hiimika, kiiddi hoka lilo lyiho, hii kiiddi apiñ ho kormo paka penyo jaku; 32hojalo hiimi ka lilo lyiho hii sancha du ho hiisa hiima hopa koda raro japa lyidu, ho halloh buropa saliñdu, niimpalukoda yapuñ hoka piita gonii tiirḛ asi puha ladu hiika amiñho.”
33Abuje si chulipa mo lutiñnaniiñ lumu nambii dola mohlumi lukotii, mohluka tala giisanii hokii; 34#Mt 13.34; Jn 16.25. mo mohlumi lutiñnaniiñ luna namapa lurii matii, hojalo mo mohka henjeajiñ atañmi mi nyima ho tadḛrpa lukola lyitii.
Jisu Allyiaro mi Yanu Lulo Biido
(Mt 8.23-27; Lk 8.22-25)
35 #
Mt 8.18,23-27; Lk 8.22-25. Hiika allo ho, alyiñdalyi kukele, mo mohlumi lutii, “Kiije inka pache dalyiho bossa.” 36Ho miyu atañmi apatela, mohlu Jisu mi mohluka agiñho huluho chagiitii, niihtañpa mo datii. Ho Mika hulu miilañ mo agiñho bobo montii 37Ho hempḛr uropa allyiaro miiritii, ho lando poniiñhii huluho tiihala lyitii, hopa huluho yasie ahtii. 38Hojalo Jisu hulu ka mitu jaho dota naniiho imi la dotii; ho mohlu mohmi ahutii ho mohmi lutii, “Tonsḛrbo, no ngunu lyulyi hiila hena siiduha?” 39Ho mo hurotii ho allyi mi gatii, ho siimie mi lutii, “Chimie! Yanuto!” Ho allyi hii yanutii, ho hiikoho hempḛr chimie ritiiku 40Mo mohlumi lutii, “Niimpa nunu biisodu? Nunu henje giimapo?” 41Ho mohluko biiso poteje giitii, ho kone anyañ mi lusutii, “Hu jape si, allyi la siimie nyi lohe paka mo luniiñmi talii danii?”
वर्तमान में चयनित:
MAK 4: APATBSI
हाइलाइट
शेयर
कॉपी
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
MAK 4
4
Lilo niimi ka Lutiñnaniiñ
(Mt 13.1-9; Lk 8.4-8)
1 #
Lk 5.1-3. Hiira mo siimie aruñho tonsḛr ritii. Ho hempḛr miyu taropa mohmi dakḛr pabiitii, hopa mo siimie daka huluho chatii ho hiikoho duhatii; ho hikha miyuatañ siimie ka siilyo biilyo daka kiiddi ho datii. 2Ho mo hempḛr abuje lutiñnaniiñlo mohlumi tonsḛrtii, ho mohka tonsḛr ko mo mohlumi lutii: 3Tageto! Lilonii kone lilotapa intii. 4Ho mo lilo kiile, kormo tange nii lembo ho chohitii, ho piita atañ gohatii ho hiimi padotii. 5Kormo tangehii yalañ ho chohatii, nohna kiiddi abu nyima tiinii, ho hii ohepada beko datii, kiiddi urañ paka nyima lyiniiñ. 6ho danyi chada hangkele hiimi bembiido, ho hii liima giima siilyi nii hiimi bensiñ datii. 7Tangenii kormo hii tareapya ho chohatii, ho tare hii sancha biila ho hiimi halotii, ho hii amoo giimatii. 8Tangenii kormo hii aya kiiddi ho chohatii ho amoo giitii, sancha biila ho abu yapa giiliñla hikhañhe ho alyañkhe ho lange giitii. 9Ho mo lutii, “Hukiina tana naniipa yaroo giidonii, mohmi take nento.”
Lutiñnaniiñ luta nando paka Lyiniiñ
(Mt 13.10-17; Lk 8.9,10)
10 #
Mt 13.10-15; Lk 8.9-10. Ho mo kontii ka duhoho, hutiina mo agiñho alyañlenye ka agiñho datiinii mohmi lutiñnaniiñ ka piigomi takatii. 11#1 Kor 5.12-13; Kol 4.5; 1 Tes 4.12; 1 Tim 3.7. Ho mo mohlumi lutii, “Nunumi Pinii ka raddeganda ka khiibe chimma niimi bitola do, hojalo ago miyu atañpa amanehemi lutiñnaniiñ loke lukiñ donii. 12niimpalukoda mohlumi kasu jalo kachiñ madopa, ho tasu jalo tachiñ madopa; mohlumi hiira henkur hado kupa, ho hello kodopa.”
Jisu ka Lilonii Lutiñnaniiñ mika Luko kuniiñ
(Mt 13.18-23; Lk 8.11-15)
13 #
Mt 13.18-23; Lk 8.11-15. Ho mo mohlumi lutii, “Nunu siika lutiñnaniiñ siimi tachiñ maha? Ho niihtañpa nunu tala talyi hikha lutiñnaniiñ atañmi? 14Lilonii aguñmi lilotii. 15Ho siika atañ sinya lembo hoka lilo niiñ, nohna aguñmi lilo tiinii; mohlu tapa dalyi, saitan ohepada ahla ho aguñmi lara biidado mohluko hoka lilo niimi. 16Ho si chulipa siika atañ sinya yalañ hoka lilonii, huna, mohlu aguñmi tapa dalyi, nyibya loda hempyo biidola larii biido; 17ho mohluko liima giimatii, hojalo iche kontii pigii lala; hiika hiiba ho, hentḛrkanyi malo miihimiire dalyi aguñka piigopa, ohepada mohlu giiyi dadu. 18Ho tange hiika tareapya hoka lilo niiñ hii; mohlu hiika atañ aguñmika taniibo, 19hojalo supuñ mika hena, ho mingo hembyo, ho yoheya drih atañ mika hembyo, hii ahla ho aguñmi dotiñ biido, ho hii hang ahee higiima. 20Hojalo aya kiiddi hoka lilonii sike mohlu aguñmi tapa lala ho talii biido ho ahee hinyado, hikhañhe ho alyañkhe ho lange.”
Muru Piichañ ka Uraho
(Lk 8.16-18)
21 #
Mt 5.15; Lk 11.33. Ho mo mohlumi lutii, “Muru mi biilii la yagii ka ura ho atii dupeha, malo dotananii ka ura ho, ho muru ahii kosu masu peha? 22#Mt 10.26; Lk 12.2. Niimpalukoda hangja achuñ giisanii nyima, kakiñ saniiñ adi siida; ma hiila mapa lusi lupe drih tiirḛ nyima, hutoh hoka kakiñ saniiñ siida. 23#Mt 11.15; Mk 4.9. Hu miyu na tana naniipa yaroo giidonii, hiimi take nento.” 24#Mt 7.2; Lk 6.38. Ho mo mohlumi lutii, “Tadila Tanyato nunuka tanii siimi; niim kane nunu bichi hiimkane nunu tiirḛ pakiñ doke, ho abu yapa tiirḛ nunumi bikiñ dotake. 25#Mt 13.12; 25.29; Lk 19.26. Hopa huko hona donii abu yaya bikiñ doke, ho huko hona hang nyimanii, niihna mohluko donii hiimi tiirḛya lapa bikiñ doke.”
Kormo Sancha Niimi ka Lutiñnaniiñ
26 #
Mt 13.24-30. Ho mo lutii, “Pinii ka raddeganda si chulike niihtañpa miyu kone kormo mi kiiddi ho gyapya lodu, 27ho ayoh imila ho allo ho gurila miida kiile, ho kormo hii beko kula ho saritii, niihtañpa lyitii mo chima. 28Kiiddi hokii atoh-atoh sari siidu, kapyopa anniih, hiika hiiba ho elyañ, hiika hiiba ho poteje amoo giiliñdu elyañ ho. 29Hojalo elyañ ka armiñ lyikuho, miyu tagi biila indu, niimpalukoda amoo pidu tiiku.
Giyañ Kormo mika Lutiñnaniiñ
(Mt 13.31,32,34; Lk 13.18,19)
30 #
Mt 13.31-32; Lk 13.18-19. Ho mo lutii, “Niilo ngunu Pinii ka raddeganda mi khiitiñ nanchi, malo nii lutiñnaniiñ mi ngunu luta nanchi sipa? 31Siikasi gihañ kormo chulike, hiimika, kiiddi hoka lilo lyiho, hii kiiddi apiñ ho kormo paka penyo jaku; 32hojalo hiimi ka lilo lyiho hii sancha du ho hiisa hiima hopa koda raro japa lyidu, ho halloh buropa saliñdu, niimpalukoda yapuñ hoka piita gonii tiirḛ asi puha ladu hiika amiñho.”
33Abuje si chulipa mo lutiñnaniiñ lumu nambii dola mohlumi lukotii, mohluka tala giisanii hokii; 34#Mt 13.34; Jn 16.25. mo mohlumi lutiñnaniiñ luna namapa lurii matii, hojalo mo mohka henjeajiñ atañmi mi nyima ho tadḛrpa lukola lyitii.
Jisu Allyiaro mi Yanu Lulo Biido
(Mt 8.23-27; Lk 8.22-25)
35 #
Mt 8.18,23-27; Lk 8.22-25. Hiika allo ho, alyiñdalyi kukele, mo mohlumi lutii, “Kiije inka pache dalyiho bossa.” 36Ho miyu atañmi apatela, mohlu Jisu mi mohluka agiñho huluho chagiitii, niihtañpa mo datii. Ho Mika hulu miilañ mo agiñho bobo montii 37Ho hempḛr uropa allyiaro miiritii, ho lando poniiñhii huluho tiihala lyitii, hopa huluho yasie ahtii. 38Hojalo Jisu hulu ka mitu jaho dota naniiho imi la dotii; ho mohlu mohmi ahutii ho mohmi lutii, “Tonsḛrbo, no ngunu lyulyi hiila hena siiduha?” 39Ho mo hurotii ho allyi mi gatii, ho siimie mi lutii, “Chimie! Yanuto!” Ho allyi hii yanutii, ho hiikoho hempḛr chimie ritiiku 40Mo mohlumi lutii, “Niimpa nunu biisodu? Nunu henje giimapo?” 41Ho mohluko biiso poteje giitii, ho kone anyañ mi lusutii, “Hu jape si, allyi la siimie nyi lohe paka mo luniiñmi talii danii?”
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.