Luuk 2
2
1Da ŋala po Siiza Agustusi a jam weeni ka wari ayen ba chiini tɛŋka demma meena. 2Chiinika de ale dɛ niŋ diipo ate Kurinius a jam a nya Siriya tɛŋka zuk la. 3Waai meena yaa jam cheŋ wadek tɛŋ ayen ba chiini wa. 4Josefi yaa basi Nazaret tɛŋka ale bo Galili tɛŋka po la a cheŋ Betiliyem#2:4 Nya fotowa, Maika 5:2. ale bo Judia tɛŋka po la. Ba jam a wi Betiliyem ayen ka Deevid tɛŋ. Josefi a jam cheŋ dula jigini kama ayen ba maa chiini wa dii nyiŋla wa jam ka Deevid ŋaaŋbiik, 5ayen ba maa chiini wa ale Mɛɛri waai ate wa jam a yaali ayen wa faari la ale jam a limisi biam la. 6Ba ale jam bo Betiliyem tɛŋka po la, wa biamu danni a yaa paari, 7tɛŋ kala po, wa yaa biak wa poklari biamu nidoabili a yaa pai garuk a pili wa a dueni daka diipo ate ba pai duŋsaŋa ŋandiinta a nyo du la zɔŋ po, dii nyiŋla jigi a jam karo a te ba.
8Naapeerisa ale jam bo peelimmu po a moata dula jigini a limisi ba piisa yok kula. 9Wen maarɔ a yaa jam pai wadek a sak ba ate Naawen nyaksika a yaa deri nyaksi gilim ba meena ate yɔgsum yaa deri yik ba nna yegayega. 10Maarɔwa yaa weeni ba ayen, <<Ni kan chali yɔgsummoa. Wen ale tom mu ayen m ta wamaŋsa ŋaai le ŋa nye ate nuru meena sui peenti nna yegayega la, a jam weeni a sak ni. 11Jinla yokku ba biak ka Varibasidɔ Deevid tɛŋka po. Ba biak wa ayen wa chim ka nama ale waai meena Nyɔnɔ. Wa ka Kirisitawa waai ale Wen le tom ate wa jam la. 12Ni ga nya biika ate ba pai garukku a pili wa dueni dakari po la.>>
13Maarɔwa ale biisi ga nueri la, maarɔba yegayega a yaa deri nyini wenŋmazuk a jam gum wa po ate ba meena a yaa yi yiili a pak Wen ayen, 14<<Ni basi ate ti te Wen dii ale bo wenŋmazuk la zula abe suiyɔgni a bo tɛŋzuk de demma jigi baai ate wa sui a yɔk ale ba la.>>
15Ase maarɔma ale basi ba ale jueli wenŋmazuk la, naapeerisaŋa yaa weeni chaab ayen, <<Ni basi ate ti cheŋ Betiliyem a ga nya wieŋa de ale nye la, ŋaai ate Naawen a basi ate ti seba la.>> 16Ba yaa nye nwuli cheŋ ga nya Mɛɛri ale Josefi ale biika ale wa dua dakari po. 17Naapeerisaŋa ale nya biika la, ba yaa weeni Josefi ale Mɛɛri dii ate maarɔwa weeni ba biika wie la. 18Dii ate naapeerisaŋa weeni la, a yaa deri cha baai meena ale jam wom la. 19Alege Mɛɛri yaa ta wieŋa de a poli ŋa wie wa suinum po. 20Naapeerisaŋa yaa ŋman cheŋ ba piisaŋa jigini. Ba ale jam bo suiku po a cheŋ la, ba yaa jam a biisi a pak Wen a te wa zula wie ŋaai ate ba wom alege nya mɛ la nyiŋ. Wieŋa de a sum jam ka wie ŋaai meena ate Wen maarɔwa a weeni sak ba la.
21Biika ale jam paari da naaniŋ la, ba yaa gebi wa yoanni alege a yaa wi wa yuenni ayen Yeezu. Yuenni de ate Wen maarɔwa a te wa alege ate wa mawa yik puuka la.
22Da dii danni ate Mɛɛri ayen wa cheŋ a ga nye wa biamu weleŋsa kaabka ase Moosis Sinsaŋŋa ale a weeni diila,#2:22 Kaabka 12:2-4 Josefi ale wa a yaa pai Yeezu ate ba cheŋ Jerusalem tɛŋka po ayen ba pai biika a nyo Naawen nisa po dula jigini. 23Ba jam ŋmarisi Naawen Sinsaŋŋa kama ayen, <<Kaliak a dan jam biak wa poklari biik, nidoabili, ka Naawen ale soa nidoabili dila.>>#2:23 Nyinika 13:2 24Ate fi nye kaabka a ta va dii ale weeni Naawen Sinsaŋŋa po la, ate <<Fi te nangbaŋ kawuta tiye yaase takuriŋsa siye.>> (Kaabka 12:8)
25Nuru wanyi ale jam bo Jerusalem ate ba a wi wa ayen Simeyon. Wa jam ka wayɔrisima nyɔnɔ ale a va Wen nalimnyiini ate Wen Chiika jam bo ale wa. Wa jam a limisi ka da dii dai dek ate Wen ayen wa tom waai le wa jam vari Izirali demma a basi la. 26Wen Chiika a jam weeni wa kama ayen wa kan kpi ate ku paari diipo ate wa le nya Naawen Kirisitawa la. 27Ase Wen Chiika ale sueri wa la wa yaa jam Wen yenni po, ase nyama ale ta biika Yeezu a jam ayen ba nye ŋiaka sinsaŋŋa ale weeni diila. 28Simeyon yaa tuesi biika nyo wa nisima po a pak Wen ayen, 29<<Nyɔnɔwa waai ale ka Naawen yaa, basi ate mi fi tomteerɔwa kpi ale suiyɔgni, a magsi chaab ale fi wanni, 30dii nyiŋla, mi dek nya waai le wa vari nuruba basi la kama. 31Waai ate fi a gomsi magsi nuru meena la. 32Wa ale nye ase ka bolim la a te baai ale kan daa Izirali demma la, abe wa chim pimpauk a te Izirali demma.>>
33Biika kowa ale wa mawa ale wom dii ate Simeyon a biisi biika wie la, ku yaa cha ba nna yegayega. 34Simeyon yaa niak ba ale weeni biika mawa Mɛɛri ayen, <<Ka Naawen ale tom biika de ayen wa ta Izirali demma yegayega lueta ale ba yitika a jam ale daana ŋaai ate ba ale zɛri la. 35Ate gebik a chub fu vuri taam nyini, ate nuruba yega ale a poli diila a chim wensie.>>
36Biisiteerɔ nipok ale jam boro, wa yuei jam le Ana, wa jam ka Fanuel ale nyini Asɛ dɔkku la lie. Wa benaŋa a jam piisi kama. Ana ale wa chorɔwa jam bo ale chaab ka bena ŋayopɔi ale ge ate wa chorɔwa a kpi. 37Ase wa ale jam ka pukɔgi a ta ga paari diipo ate wa nya bena pinaanuŋ ale ŋanaansi la, wa an jam basi Wen yenni, wa jam kasim a puusi Wen kama ale nɔi bobika ale puusa yok ale kantueŋ meena. 38Wa le nya biika la, wa yaa te Wen jiam, ale cheŋ ga weeni biika wie a te ale a limisi Jerusalem varibasika la.
39Josefi ale Mɛɛri ale nye dii ate Naawen Sinsaŋŋa a weeni ba a nueri la, ba yaa basi Jerusalem tɛŋka ale pilim ŋmani cheŋ badek tɛŋka Nazaret ate ka bo Galili tɛŋka po la. 40Biika yaa chim a ta pagrim ale yam nna yegayega ate Wen jam a ŋmante wa.
41Bena meena Gaambasika Tigini a dan paari, Yeezu kowa ale wa mawa nyiem a cheŋ ka Jerusalem. 42Yeezu ale jam paari bena pi ale ŋaye la, ba yaa cheŋ Gaambasika Tigini ase ba kisiku ale a weeni dii la. 43Ase tigini ale kpeglim, ate ba a kuli la, nidoabinni Yeezu jam wari bo ka Jerusalem. Wa nyama a jam zɛ, ale a poli ayen wa bo ka nuru boanni ale va la po, ba jam pai ka danni meena a cheŋ, ba yaa jam boro a gisi wa. 44Ba jam a poli ayen wa maa bo ka nuruma po. Ba ale jam a cheŋ ate wenni a siŋ la, ba yaa nyiem bo ba mabisaŋa ale nuru baai ate ba seba la po a gisi wa. 45Ba ale gisi wa nuruma po a kpeeri la, ba yaa ŋmani a cheŋ Jerusalem. 46Daa ŋata ale jam paari la, ba yaa nya wa ale wa bo Wen yenni po. Wa ale Juuma sagrɔma ale jam kala ale chaab ate wa yaa a wom ba, ale a bek ba bega. 47Ba mɛ a jam a bek wa ka bega. Baai meena ale jam bo dula jigini a wom wa ale a tulisi ba ale yam diila kama. Ku yaa cha ba. 48Wa nyama ale ga nya wa la, ku yaa deri cha ba nna yegayega. Wa mawa a yaa bek wa ayen, <<M biiga, ka boa ate fi nye tama dila. Ku daani fi kowa ale mi kama nna yegayega ate ti a gisi fu.>> 49Wa yaa weeni ba ayen, <<Ka boa ate nama a nyiem a gisi mu? Nama zɛ ayen ku magsi kama ate m bo M Kowa yenni po?>> 50Alege wa nyama an jam miŋ wa le weeni ba diila kiriya. 51Yeezu yaa yiti ate wa ale ba a va chaab a ŋmani cheŋ Nazaret tɛŋka ate wa yaa siak ba noa dula jigini ase wa nyiem ale a nye diila. Wa mawa yaa pai dii meena ale nye la a nyo wa suinum po ale ta ŋa a teeri.
52Yeezu yaa chim a pak a yaa ta yam a gum du ale a nye ate Wen ale nuruba sue a peenti.
वर्तमान में चयनित:
Luuk 2: BWU
हाइलाइट
शेयर
कॉपी
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Luuk 2
2
1Da ŋala po Siiza Agustusi a jam weeni ka wari ayen ba chiini tɛŋka demma meena. 2Chiinika de ale dɛ niŋ diipo ate Kurinius a jam a nya Siriya tɛŋka zuk la. 3Waai meena yaa jam cheŋ wadek tɛŋ ayen ba chiini wa. 4Josefi yaa basi Nazaret tɛŋka ale bo Galili tɛŋka po la a cheŋ Betiliyem#2:4 Nya fotowa, Maika 5:2. ale bo Judia tɛŋka po la. Ba jam a wi Betiliyem ayen ka Deevid tɛŋ. Josefi a jam cheŋ dula jigini kama ayen ba maa chiini wa dii nyiŋla wa jam ka Deevid ŋaaŋbiik, 5ayen ba maa chiini wa ale Mɛɛri waai ate wa jam a yaali ayen wa faari la ale jam a limisi biam la. 6Ba ale jam bo Betiliyem tɛŋka po la, wa biamu danni a yaa paari, 7tɛŋ kala po, wa yaa biak wa poklari biamu nidoabili a yaa pai garuk a pili wa a dueni daka diipo ate ba pai duŋsaŋa ŋandiinta a nyo du la zɔŋ po, dii nyiŋla jigi a jam karo a te ba.
8Naapeerisa ale jam bo peelimmu po a moata dula jigini a limisi ba piisa yok kula. 9Wen maarɔ a yaa jam pai wadek a sak ba ate Naawen nyaksika a yaa deri nyaksi gilim ba meena ate yɔgsum yaa deri yik ba nna yegayega. 10Maarɔwa yaa weeni ba ayen, <<Ni kan chali yɔgsummoa. Wen ale tom mu ayen m ta wamaŋsa ŋaai le ŋa nye ate nuru meena sui peenti nna yegayega la, a jam weeni a sak ni. 11Jinla yokku ba biak ka Varibasidɔ Deevid tɛŋka po. Ba biak wa ayen wa chim ka nama ale waai meena Nyɔnɔ. Wa ka Kirisitawa waai ale Wen le tom ate wa jam la. 12Ni ga nya biika ate ba pai garukku a pili wa dueni dakari po la.>>
13Maarɔwa ale biisi ga nueri la, maarɔba yegayega a yaa deri nyini wenŋmazuk a jam gum wa po ate ba meena a yaa yi yiili a pak Wen ayen, 14<<Ni basi ate ti te Wen dii ale bo wenŋmazuk la zula abe suiyɔgni a bo tɛŋzuk de demma jigi baai ate wa sui a yɔk ale ba la.>>
15Ase maarɔma ale basi ba ale jueli wenŋmazuk la, naapeerisaŋa yaa weeni chaab ayen, <<Ni basi ate ti cheŋ Betiliyem a ga nya wieŋa de ale nye la, ŋaai ate Naawen a basi ate ti seba la.>> 16Ba yaa nye nwuli cheŋ ga nya Mɛɛri ale Josefi ale biika ale wa dua dakari po. 17Naapeerisaŋa ale nya biika la, ba yaa weeni Josefi ale Mɛɛri dii ate maarɔwa weeni ba biika wie la. 18Dii ate naapeerisaŋa weeni la, a yaa deri cha baai meena ale jam wom la. 19Alege Mɛɛri yaa ta wieŋa de a poli ŋa wie wa suinum po. 20Naapeerisaŋa yaa ŋman cheŋ ba piisaŋa jigini. Ba ale jam bo suiku po a cheŋ la, ba yaa jam a biisi a pak Wen a te wa zula wie ŋaai ate ba wom alege nya mɛ la nyiŋ. Wieŋa de a sum jam ka wie ŋaai meena ate Wen maarɔwa a weeni sak ba la.
21Biika ale jam paari da naaniŋ la, ba yaa gebi wa yoanni alege a yaa wi wa yuenni ayen Yeezu. Yuenni de ate Wen maarɔwa a te wa alege ate wa mawa yik puuka la.
22Da dii danni ate Mɛɛri ayen wa cheŋ a ga nye wa biamu weleŋsa kaabka ase Moosis Sinsaŋŋa ale a weeni diila,#2:22 Kaabka 12:2-4 Josefi ale wa a yaa pai Yeezu ate ba cheŋ Jerusalem tɛŋka po ayen ba pai biika a nyo Naawen nisa po dula jigini. 23Ba jam ŋmarisi Naawen Sinsaŋŋa kama ayen, <<Kaliak a dan jam biak wa poklari biik, nidoabili, ka Naawen ale soa nidoabili dila.>>#2:23 Nyinika 13:2 24Ate fi nye kaabka a ta va dii ale weeni Naawen Sinsaŋŋa po la, ate <<Fi te nangbaŋ kawuta tiye yaase takuriŋsa siye.>> (Kaabka 12:8)
25Nuru wanyi ale jam bo Jerusalem ate ba a wi wa ayen Simeyon. Wa jam ka wayɔrisima nyɔnɔ ale a va Wen nalimnyiini ate Wen Chiika jam bo ale wa. Wa jam a limisi ka da dii dai dek ate Wen ayen wa tom waai le wa jam vari Izirali demma a basi la. 26Wen Chiika a jam weeni wa kama ayen wa kan kpi ate ku paari diipo ate wa le nya Naawen Kirisitawa la. 27Ase Wen Chiika ale sueri wa la wa yaa jam Wen yenni po, ase nyama ale ta biika Yeezu a jam ayen ba nye ŋiaka sinsaŋŋa ale weeni diila. 28Simeyon yaa tuesi biika nyo wa nisima po a pak Wen ayen, 29<<Nyɔnɔwa waai ale ka Naawen yaa, basi ate mi fi tomteerɔwa kpi ale suiyɔgni, a magsi chaab ale fi wanni, 30dii nyiŋla, mi dek nya waai le wa vari nuruba basi la kama. 31Waai ate fi a gomsi magsi nuru meena la. 32Wa ale nye ase ka bolim la a te baai ale kan daa Izirali demma la, abe wa chim pimpauk a te Izirali demma.>>
33Biika kowa ale wa mawa ale wom dii ate Simeyon a biisi biika wie la, ku yaa cha ba nna yegayega. 34Simeyon yaa niak ba ale weeni biika mawa Mɛɛri ayen, <<Ka Naawen ale tom biika de ayen wa ta Izirali demma yegayega lueta ale ba yitika a jam ale daana ŋaai ate ba ale zɛri la. 35Ate gebik a chub fu vuri taam nyini, ate nuruba yega ale a poli diila a chim wensie.>>
36Biisiteerɔ nipok ale jam boro, wa yuei jam le Ana, wa jam ka Fanuel ale nyini Asɛ dɔkku la lie. Wa benaŋa a jam piisi kama. Ana ale wa chorɔwa jam bo ale chaab ka bena ŋayopɔi ale ge ate wa chorɔwa a kpi. 37Ase wa ale jam ka pukɔgi a ta ga paari diipo ate wa nya bena pinaanuŋ ale ŋanaansi la, wa an jam basi Wen yenni, wa jam kasim a puusi Wen kama ale nɔi bobika ale puusa yok ale kantueŋ meena. 38Wa le nya biika la, wa yaa te Wen jiam, ale cheŋ ga weeni biika wie a te ale a limisi Jerusalem varibasika la.
39Josefi ale Mɛɛri ale nye dii ate Naawen Sinsaŋŋa a weeni ba a nueri la, ba yaa basi Jerusalem tɛŋka ale pilim ŋmani cheŋ badek tɛŋka Nazaret ate ka bo Galili tɛŋka po la. 40Biika yaa chim a ta pagrim ale yam nna yegayega ate Wen jam a ŋmante wa.
41Bena meena Gaambasika Tigini a dan paari, Yeezu kowa ale wa mawa nyiem a cheŋ ka Jerusalem. 42Yeezu ale jam paari bena pi ale ŋaye la, ba yaa cheŋ Gaambasika Tigini ase ba kisiku ale a weeni dii la. 43Ase tigini ale kpeglim, ate ba a kuli la, nidoabinni Yeezu jam wari bo ka Jerusalem. Wa nyama a jam zɛ, ale a poli ayen wa bo ka nuru boanni ale va la po, ba jam pai ka danni meena a cheŋ, ba yaa jam boro a gisi wa. 44Ba jam a poli ayen wa maa bo ka nuruma po. Ba ale jam a cheŋ ate wenni a siŋ la, ba yaa nyiem bo ba mabisaŋa ale nuru baai ate ba seba la po a gisi wa. 45Ba ale gisi wa nuruma po a kpeeri la, ba yaa ŋmani a cheŋ Jerusalem. 46Daa ŋata ale jam paari la, ba yaa nya wa ale wa bo Wen yenni po. Wa ale Juuma sagrɔma ale jam kala ale chaab ate wa yaa a wom ba, ale a bek ba bega. 47Ba mɛ a jam a bek wa ka bega. Baai meena ale jam bo dula jigini a wom wa ale a tulisi ba ale yam diila kama. Ku yaa cha ba. 48Wa nyama ale ga nya wa la, ku yaa deri cha ba nna yegayega. Wa mawa a yaa bek wa ayen, <<M biiga, ka boa ate fi nye tama dila. Ku daani fi kowa ale mi kama nna yegayega ate ti a gisi fu.>> 49Wa yaa weeni ba ayen, <<Ka boa ate nama a nyiem a gisi mu? Nama zɛ ayen ku magsi kama ate m bo M Kowa yenni po?>> 50Alege wa nyama an jam miŋ wa le weeni ba diila kiriya. 51Yeezu yaa yiti ate wa ale ba a va chaab a ŋmani cheŋ Nazaret tɛŋka ate wa yaa siak ba noa dula jigini ase wa nyiem ale a nye diila. Wa mawa yaa pai dii meena ale nye la a nyo wa suinum po ale ta ŋa a teeri.
52Yeezu yaa chim a pak a yaa ta yam a gum du ale a nye ate Wen ale nuruba sue a peenti.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation