Luuk 3
3
1Tiberiusi Siiza ale jam dɛ wa naamu a paari bena pi ale ŋanu la, Pontios Paalɔt mɛ jam chim ka Judia gomina, ate Ayerod mɛ chim Galili Naab, ate wa suoku mɛ Filip, a jam soa Ituriya ale Takonitisi tɛŋsaŋa a nya, ate Lisaniasi mɛ a jam soa Abilene tɛŋka mɛ a nya. 2Anasi ale Kayafas ale jam chim kaabteerɔ kpientaŋa, dila po, Zakaria nidoabinni Jɔɔn a jam bo ka sagni po. Wen yaa biisi ale Zakaria nidoabinni Jɔɔn gɔnni po. 3Jɔɔn a yaa nyiem a gilim tɛŋ sii meena ale kali Jodan benni nɔi la a sak nuruba a weeni ba ayen, <<Ni meena basi ni tuimbaataŋa abe ni va Wen suiku. Ni dan tagri, m le te ni soka ate Naawen a vɔŋ ni tuimbaataŋa a te ni.>> 4Ase Wen biisiteerɔwa Azaya ale ŋmarisi Wen gbaŋka po diila ayen, <<Lueluk ale a kaari sagni po a weeni ayen, <Ni gomsi Naawen suiku abe ni teenti ku. 5Ni sueri golaŋa meena ate ŋa magsi chaab. Kunkutimaŋa ale guutaŋa meena a magsi chaab ale tɛŋka. Ni yuarisi suik tii meena ale goalim la, suik tii meena ale ta tintana la, ni gomsi ti ate ti soa ase chaab la, 6ate nurubiik meena yaa nya Wen Varibasika.> >> (Azaya 40:3-5)
7Nuru boari a yaa nyini jam Jɔɔn jigi ayen wa te ba soka. Jɔɔn yaa weeni ba ayen, <<Ni a nye ase ka waapiisa la. Ka wana ale weeni ni ayen ni baga a chali a nyini suipuurum buui ale cheen la po? 8Ni be a tom tuim ŋaai ale ŋa sak ayen ni basi ni tuimbaataŋa tomka kama la, abe ni kan a weeni nidek ayen, <Abrayam ka tama ko.> Ni basi ate m weeni a sak ni ayen Wen baga pai tintanaŋa de kama a nye ate ŋa a chim Abrayam ŋaaŋbisa. 9Ni nya liaka abe gomsi magsi ayen ka che tiimu kinni naŋsaŋa kama. Ti sii meena mɛ ale kan a yɔni yɔn maŋsa la, ka le gebi si kama a lɔnsi tɛŋ, ate ba pai si a yuk basi bolim po.>>
10Nuruma a yaa bek Jɔɔn ayen, <<Yɔgyɔgla de, ti be le nye ka sɛ?>> 11Wa yaa tulisi ba ayen, <<Waai a dan ta gatta tiye, ku a fɛ kama ayen wa pai kunyi a te waai ale kan ta garuk la. Waai mɛ abe ale ta ŋandiinta la, ku a fɛ kama ayen wa mɛ nye wa ŋandiintaŋa gela a te waai ale kan ta ŋandiinta a dɛ la.>> 12Lampoo cheesirɔba ba gela ale maa jam ayen ba tuesi soka. Ba mɛ yaa bek Jɔɔn ayen, <<Ti sagrɔ, tama mɛ abe ale nye ka sɛ?>> 13Wa yaa tulisi ba mɛ ayen, <<Ku a fɛ kama ayen ni kan tuesi nuruba ligra a gaam ba ale weeni a ayen ni tuesi diila.>> 14Tugurik tɔŋdɔba ba gela mɛ a jam bek wa ayen, <<Tama mɛ abe ti nye ka sɛ?>> Wa yaa tulisi ba mɛ ayen, <<Ni kan vari nuru jaaboa yaase ni velim a te wa a tuesi wa jaaboa abe ni basi ate ni nina sueri ale ni tutunaŋa.>>
15Nuruma ale wom dila la, ku yaa deri cha ba ate ba deri ta yiila a poli ayen da dii dai Jɔɔn ka Kirisitawa. 16Jɔɔn yaa tulisi ba meena ayen, <<Mi a te ni soka ale ka nyiam nyiini, alege nuru ale bo ŋaaŋ cheena. Wa ta pagrim gaam mi. Mi pɔsima ale m nin chim waai ale wa domsi a kali wa niŋ a yeeri wa nuensaŋa a te wa. Wa le jam pai Wen Chiika ale bolim a te ni soka. 17Wa gomsi magsi kama ayen wa yali wa zaaŋa.#3:17 Jeremaya 15:7 Wa dan yali nueri, wa le tali zabeeŋa nyo wa bunni po abe wa yaa ju vottaŋa ale bolim buui ale kaa a kpimsi la.>>
18Jɔɔn jam weeni ka wie ŋa chaab nna yega a deŋsi ba kpa, a sak nuruma Wen wapaalaŋa wie. 19Alege dai yeŋ ate Jɔɔn toariŋ naab Ayerod nuruma nimbie po ayen ka boa ale soa ate wa faari wa suoku powa Ayerodiasi, ale maara tom tuimbaata ti chaab mɛ a gum du. 20A pai kude a gum ŋa meena po wa jam lik Jɔɔn kama.
21Nuruma meena ale jam boro a tuesi soka la, ate Yeezu a jam maa tuesi soka ale boro a puusi wenŋmazukku a deri lagri, 22ate Wen Chiika siŋ jam wa zuk ase nangbaŋ la, ate lueluk yaa nyini wenŋmazukku po ayen, <<Fi ale m dek Nidoabinni. Mi a yaali fu ka nna yegayega. M sui peenti ale fu kama.>>
23Yeezu a jam a nye ase ka bena pisita la alege yaa piilim wa sinsaŋŋa. Nuruba jam a poli kama ayen Yeezu kowa ale Josefi. Yeezu buuni po abe ale ka diila ale nna: Josefi kowa ale Yeli. Yeli kowa ale Matati. 24Matati kowa ale Livai. Livai kowa ale Meliki. Meliki kowa ale Janai. Janai kowa ale Josefi. Josefi kowa ale Matatiasi. 25Matatiasi kowa ale Amos. Amos kowa ale Nayum. Nayum kowa ale Ɛzli. Ɛzli kowa ale Nagai. Nagai kowa ale Maat. 26Maat kowa ale Matatiasi. Matatiasi kowa ale Semein. Semein kowa ale Josek. Josek kowa ale Joda. Joda kowa ale Joanan. 27Joanan kowa ale Aresa. Aresa kowa ale Zerubabel. Zerubabel kowa ale Sealtiel. Sealtiel kowa ale Neri. Neri kowa ale Meliki. 28Meliki kowa ale Addi. Addi kowa ale Kosam. Kosam kowa ale Ɛlmadam. Ɛlmadam kowa ale Ɛri. Ɛri kowa ale Josua. 29Josua kowa ale Ɛlieza. Ɛlieza kowa ale Jorim. Jorim kowa ale Matati. Matati kowa ale Livai. Livai kowa ale Simeyon.
30Simeyon kowa ale Juda. Juda kowa ale Josefi. Josefi kowa ale Jonam. Jonam kowa ale Eliakim. Eliakim kowa ale Melea. 31Melea kowa ale Mena. Mena kowa ale Mataata. Mataata kowa ale Natan. Natan kowa ale Deevid. Deevid kowa ale Jese. 32Jese kowa ale Obed. Obed kowa ale Boazi. Boazi kowa ale Salimon. Salimon kowa ale Naason. Naason kowa ale Aminadab. 33Aminadab kowa ale Ademin. Ademin kowa ale Arini. Arini kowa ale Ayeziron. Ayeziron kowa ale Perezi. Perezi kowa ale Juda. Juda kowa ale Jekob. 34Jekob kowa ale Aizik. Aizik kowa ale Abrayam. Abrayam kowa ale Tɛra. Tɛra kowa ale Nayo. Nayo kowa ale Serug. 35Serug kowa ale Areu. Areu kowa ale Peleg. Peleg kowa ale Eber. Eber kowa ale Sɛla. Sɛla kowa ale Kenan. 36Kenan kowa ale Afakasad. Afakasad kowa ale Sɛm. Sɛm kowa ale Nowa. Nowa kowa ale Lamek. Lamek kowa ale Metusela. 37Metusela kowa ale Ɛnok. Ɛnok kowa ale Jared. Jared kowa ale Mayalale. Mayalale kowa ale Kenan. Kenan kowa ale Ɛnos. 38Ɛnos kowa ale Sɛti. Sɛti kowa ale Adam. Adam kowa ale Wen.
वर्तमान में चयनित:
Luuk 3: BWU
हाइलाइट
शेयर
कॉपी
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Luuk 3
3
1Tiberiusi Siiza ale jam dɛ wa naamu a paari bena pi ale ŋanu la, Pontios Paalɔt mɛ jam chim ka Judia gomina, ate Ayerod mɛ chim Galili Naab, ate wa suoku mɛ Filip, a jam soa Ituriya ale Takonitisi tɛŋsaŋa a nya, ate Lisaniasi mɛ a jam soa Abilene tɛŋka mɛ a nya. 2Anasi ale Kayafas ale jam chim kaabteerɔ kpientaŋa, dila po, Zakaria nidoabinni Jɔɔn a jam bo ka sagni po. Wen yaa biisi ale Zakaria nidoabinni Jɔɔn gɔnni po. 3Jɔɔn a yaa nyiem a gilim tɛŋ sii meena ale kali Jodan benni nɔi la a sak nuruba a weeni ba ayen, <<Ni meena basi ni tuimbaataŋa abe ni va Wen suiku. Ni dan tagri, m le te ni soka ate Naawen a vɔŋ ni tuimbaataŋa a te ni.>> 4Ase Wen biisiteerɔwa Azaya ale ŋmarisi Wen gbaŋka po diila ayen, <<Lueluk ale a kaari sagni po a weeni ayen, <Ni gomsi Naawen suiku abe ni teenti ku. 5Ni sueri golaŋa meena ate ŋa magsi chaab. Kunkutimaŋa ale guutaŋa meena a magsi chaab ale tɛŋka. Ni yuarisi suik tii meena ale goalim la, suik tii meena ale ta tintana la, ni gomsi ti ate ti soa ase chaab la, 6ate nurubiik meena yaa nya Wen Varibasika.> >> (Azaya 40:3-5)
7Nuru boari a yaa nyini jam Jɔɔn jigi ayen wa te ba soka. Jɔɔn yaa weeni ba ayen, <<Ni a nye ase ka waapiisa la. Ka wana ale weeni ni ayen ni baga a chali a nyini suipuurum buui ale cheen la po? 8Ni be a tom tuim ŋaai ale ŋa sak ayen ni basi ni tuimbaataŋa tomka kama la, abe ni kan a weeni nidek ayen, <Abrayam ka tama ko.> Ni basi ate m weeni a sak ni ayen Wen baga pai tintanaŋa de kama a nye ate ŋa a chim Abrayam ŋaaŋbisa. 9Ni nya liaka abe gomsi magsi ayen ka che tiimu kinni naŋsaŋa kama. Ti sii meena mɛ ale kan a yɔni yɔn maŋsa la, ka le gebi si kama a lɔnsi tɛŋ, ate ba pai si a yuk basi bolim po.>>
10Nuruma a yaa bek Jɔɔn ayen, <<Yɔgyɔgla de, ti be le nye ka sɛ?>> 11Wa yaa tulisi ba ayen, <<Waai a dan ta gatta tiye, ku a fɛ kama ayen wa pai kunyi a te waai ale kan ta garuk la. Waai mɛ abe ale ta ŋandiinta la, ku a fɛ kama ayen wa mɛ nye wa ŋandiintaŋa gela a te waai ale kan ta ŋandiinta a dɛ la.>> 12Lampoo cheesirɔba ba gela ale maa jam ayen ba tuesi soka. Ba mɛ yaa bek Jɔɔn ayen, <<Ti sagrɔ, tama mɛ abe ale nye ka sɛ?>> 13Wa yaa tulisi ba mɛ ayen, <<Ku a fɛ kama ayen ni kan tuesi nuruba ligra a gaam ba ale weeni a ayen ni tuesi diila.>> 14Tugurik tɔŋdɔba ba gela mɛ a jam bek wa ayen, <<Tama mɛ abe ti nye ka sɛ?>> Wa yaa tulisi ba mɛ ayen, <<Ni kan vari nuru jaaboa yaase ni velim a te wa a tuesi wa jaaboa abe ni basi ate ni nina sueri ale ni tutunaŋa.>>
15Nuruma ale wom dila la, ku yaa deri cha ba ate ba deri ta yiila a poli ayen da dii dai Jɔɔn ka Kirisitawa. 16Jɔɔn yaa tulisi ba meena ayen, <<Mi a te ni soka ale ka nyiam nyiini, alege nuru ale bo ŋaaŋ cheena. Wa ta pagrim gaam mi. Mi pɔsima ale m nin chim waai ale wa domsi a kali wa niŋ a yeeri wa nuensaŋa a te wa. Wa le jam pai Wen Chiika ale bolim a te ni soka. 17Wa gomsi magsi kama ayen wa yali wa zaaŋa.#3:17 Jeremaya 15:7 Wa dan yali nueri, wa le tali zabeeŋa nyo wa bunni po abe wa yaa ju vottaŋa ale bolim buui ale kaa a kpimsi la.>>
18Jɔɔn jam weeni ka wie ŋa chaab nna yega a deŋsi ba kpa, a sak nuruma Wen wapaalaŋa wie. 19Alege dai yeŋ ate Jɔɔn toariŋ naab Ayerod nuruma nimbie po ayen ka boa ale soa ate wa faari wa suoku powa Ayerodiasi, ale maara tom tuimbaata ti chaab mɛ a gum du. 20A pai kude a gum ŋa meena po wa jam lik Jɔɔn kama.
21Nuruma meena ale jam boro a tuesi soka la, ate Yeezu a jam maa tuesi soka ale boro a puusi wenŋmazukku a deri lagri, 22ate Wen Chiika siŋ jam wa zuk ase nangbaŋ la, ate lueluk yaa nyini wenŋmazukku po ayen, <<Fi ale m dek Nidoabinni. Mi a yaali fu ka nna yegayega. M sui peenti ale fu kama.>>
23Yeezu a jam a nye ase ka bena pisita la alege yaa piilim wa sinsaŋŋa. Nuruba jam a poli kama ayen Yeezu kowa ale Josefi. Yeezu buuni po abe ale ka diila ale nna: Josefi kowa ale Yeli. Yeli kowa ale Matati. 24Matati kowa ale Livai. Livai kowa ale Meliki. Meliki kowa ale Janai. Janai kowa ale Josefi. Josefi kowa ale Matatiasi. 25Matatiasi kowa ale Amos. Amos kowa ale Nayum. Nayum kowa ale Ɛzli. Ɛzli kowa ale Nagai. Nagai kowa ale Maat. 26Maat kowa ale Matatiasi. Matatiasi kowa ale Semein. Semein kowa ale Josek. Josek kowa ale Joda. Joda kowa ale Joanan. 27Joanan kowa ale Aresa. Aresa kowa ale Zerubabel. Zerubabel kowa ale Sealtiel. Sealtiel kowa ale Neri. Neri kowa ale Meliki. 28Meliki kowa ale Addi. Addi kowa ale Kosam. Kosam kowa ale Ɛlmadam. Ɛlmadam kowa ale Ɛri. Ɛri kowa ale Josua. 29Josua kowa ale Ɛlieza. Ɛlieza kowa ale Jorim. Jorim kowa ale Matati. Matati kowa ale Livai. Livai kowa ale Simeyon.
30Simeyon kowa ale Juda. Juda kowa ale Josefi. Josefi kowa ale Jonam. Jonam kowa ale Eliakim. Eliakim kowa ale Melea. 31Melea kowa ale Mena. Mena kowa ale Mataata. Mataata kowa ale Natan. Natan kowa ale Deevid. Deevid kowa ale Jese. 32Jese kowa ale Obed. Obed kowa ale Boazi. Boazi kowa ale Salimon. Salimon kowa ale Naason. Naason kowa ale Aminadab. 33Aminadab kowa ale Ademin. Ademin kowa ale Arini. Arini kowa ale Ayeziron. Ayeziron kowa ale Perezi. Perezi kowa ale Juda. Juda kowa ale Jekob. 34Jekob kowa ale Aizik. Aizik kowa ale Abrayam. Abrayam kowa ale Tɛra. Tɛra kowa ale Nayo. Nayo kowa ale Serug. 35Serug kowa ale Areu. Areu kowa ale Peleg. Peleg kowa ale Eber. Eber kowa ale Sɛla. Sɛla kowa ale Kenan. 36Kenan kowa ale Afakasad. Afakasad kowa ale Sɛm. Sɛm kowa ale Nowa. Nowa kowa ale Lamek. Lamek kowa ale Metusela. 37Metusela kowa ale Ɛnok. Ɛnok kowa ale Jared. Jared kowa ale Mayalale. Mayalale kowa ale Kenan. Kenan kowa ale Ɛnos. 38Ɛnos kowa ale Sɛti. Sɛti kowa ale Adam. Adam kowa ale Wen.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation