Jã Sɛbɛ 20
20
A JEEJU IRʼÃ A KŨU PƲƆ
(Mat 28.1-8, Mar 16.1-8, Lu 24.1-12)
1A jɩmaasɩ dayen dʋ̃ꞌwʋlɩ̃ ɓaaraa, a mɩnɛ a wɩɛr na cãa liw, a Madala Maarɩɩ wɩ na a yaa par ɩ̃ nyɛ a ba yuo a kubir a yaa nʋɔrɩ̃ bar, 2ʋ jɔ cen na nyɛ a Sɩmɔ̃ Pɩɛr nɩ a *par-tuure ƴen sʋbɔ ʋlɔ a *Jeeju na nʋ, ɩ̃ yel ba:
“Ba irʼã a Nɩ-kpɛ̃ɛ a yaa pʋɔ, ɩ̃ saa bɔ̃w a jie ba na bin ʋ wa.” 3A Pɩɛr nɩ a par-tuure ʋlɔ yi na cen a yaa par. 4A ba jaa ayi lãa na jɔrɔ, ɩ̃-cɛ a par-tuure ƴen sʋbɔ ʋlɔ jɔ na vɩɛ a Pɩɛr bar ɩ̃ de nĩe ta a yaa par, 5muul nyɛ a cẽcene na gã a be, ɩ̃-cɛ ꞌwaa kpɛ wa. 6A Sɩmɔ̃ Pɩɛr mɩ bɩɛrʼã ta kpɛ a yaa pʋɔ nyɛ a cẽcene na gã a be, 7ɩ̃ mɩ nyɛ a cẽcen ʋlɔ ba na lũ ʋ a juumɩ, ʋ pilĩ gã ji-kpee ʋ tɛw. 8A par-tuure ʋlɔ na dãa de nĩe ta a yaa par, mɩ pãa na kpɛ nyɛ a lɛ ɩ̃ sɔw. 9A-na-ɩ baa dãa bɔ̃w a par sɛr a mɩnɛ a Naaŋmɩn Sɛbɛ na yel áa Jeeju sɛw na na ir a kũu pʋɔ wa.
A JEEJU NA NYƖR A MADALA MAARƖƖ
(Mat 28.9-10, Mar 16.9-11)
10A ala ɩ̃ baar, a *par-tuurbe ayi bala lɩɛbʼã kul a ba yie, 11ɩ̃-cɛ a Maarɩɩ ɩraa a yaa par kono. A mɩnɛ ʋ na kono, ʋ muulʼã a yaa pʋɔ 12nyɛ a Naaŋmɩn sɩ-tʋnɩsɩ ayi a ba su cẽcẽ-pɛlɛ jɛ nɩ a jie ʋlɔ ba na dãa gaal a *Jeeju. A bõ-ƴen jɛ na a ʋ juu jie ɩ̃ a kãw jɛ a ʋ gbɛɛ jie. 13A sɩ-tʋnɩsɩ soor ʋ:
“Pɔw, bõ ɩnɛ fʋ kono?”
Ʋ yel ba:
“Ba de na a ɩ̃ Nɩ-kpɛ̃ɛ a maa bɔ̃w a jie ba na bin ʋ wa.”
14A mɩnɛ ʋ na ƴɛr a lɛ baar, ʋ ŋmelĩ na nyɛ a Jeeju ʋ ɩraa a be, ɩ̃-cɛ ꞌwaa bɔ̃w ka ʋlɔ ʋ wa. 15A Jeeju soor ʋ:
“Pɔw, bõ ɩnɛ fʋ kono? Ala fʋ bʋɔrɔ?”
Ɩ̃ a Maarɩɩ tɩɛrʼã beeka a nakʋɔ sʋbɔ ʋ, ɩ̃ yel ʋ:
“A ala ɩ̃ ɩ fʋ̃ʋ ɩ̃ de ʋ, miil ma a jie fʋ na bin ʋ, ɩ̃ cen na ɓɔw ʋ.” 16A Jeeju bʋɔl ʋ:
“Maarɩɩ!”
Ʋ ŋmelĩ yel a Jeeju nɩ a Jufi ƴɛrɩ̃:
“Araboni!” (A lɛ yelʼã, a Jãjaana). 17A Jeeju yel ʋ:
“Taa gɔw ma tɛɛ lɛ wa, a-na-ɩ maa do a ɩ̃ Sãa jie sɛr wa. Ɩ̃-cɛ cen na yel a ɩ̃ yɛɛr á ɩ̃ duoro na a ɩ̃ Sãa sɛ̃ na ɩ a ɩ̃ Naaŋmɩn, a ʋlɔ na mɩ ɩ a nyɩ Sãa nɩ a nyɩ Naaŋmɩn.” 18A Madala Maarɩɩ cenʼã na yel a par-tuurbe á ʋ nyɛ na a Nɩ-kpɛ̃ɛ, ɩ̃ mɩ man ba a ala a Jeeju na yel ʋ.
A JEEJU NA NYƖR A Ʋ PAR-TUURBE
(Mat 28.16-20, Mar 16.14-18, Lu 24.36-49)
19A ʋna jɩmaasɩ dayen jaanʋɔr, a *par-tuurbe kpaarɩ̃ na taa a yir pʋɔ ɩ̃ kpal a pana a-na-ɩ ba jɔrɔ na a Jufisɩ dãbɩ̃ɛ; a *Jeeju wɩ ɩraa a ba sɔ̃w ɩ̃ yel ba:
“Nyɩ́ tɛrɛ su-ɓaar!” 20A lɛ ʋ yel ɩ̃ miilʼɩ̃ ba a ʋ nur nɩ a ʋ lõboor, a nʋ̃ɔ nyɔw ba a mɩnɛ ba na nyɛ a Nɩ-kpɛ̃ɛ. 21A Jeeju lɛ yel ba na go:
“Nyɩ́ tɛrɛ su-ɓaar! A mɩnɛ a Sãa na tʋ̃ ma, a maa mɩ, lɛ ɩ̃ mɩ tʋ̃ nyu” 22A mɩnɛ ʋ na yel a lɛ baar, ʋ pɛɛlʼã a vʋʋrʋ̃ ƴɔ̃w ba ɩ̃ yel ba:
“Nyɩ́ pɔw a Naaŋmɩn Sɩɛ. 23A nɩrɛ lɛ maal-faar nyɩ na diere bara kʋrɔ ʋ, a Naaŋmɩn na de na bar kʋ ʋ, ɩ̃ a ʋlɔ maal-faar nyɩ na ma sɔwrɔ diere bara wa, a Naaŋmɩn kɔ̃ de bar kʋ ʋ wa.”
A TOMASƖ NƖ A JEEJU
24A Tomasɩ ba na bʋɔlɔ a Yɩb, na ɩ a *par-tuure ƴen sʋbɔ, ma dãa be a ʋ tɔ deme sɔ̃w a lɛ a *Jeeju na wɩ wa. 25A lɛ a *par-tuurbe na yel ʋ a ba nyɛ na a Nɩ-kpɛ̃ɛ, ʋ yel ba na:
“A maa ma nyɛ a kure bɔɔr a ʋ nur pʋɔ, ɩ̃ mɩ su a ɩ̃ nubir a bɔɔr ala pʋɔ wa, lãa su nɩ a ɩ̃ nuu a ʋ lõboor bɔw pʋɔ wa, ɩ̃ kɔ̃ tʋɔ sɔw wa.” 26A lɛ a bibie anuu-nʼata na tɔl baar, a par-tuurbe lɛ kpaarɩ̃ na taa a yir pʋɔ, a Tomasɩ mɩ be tɔ. A pana kpalʼã ɩ̃-cɛ a Jeeju wɩ na ɩraa a ba sɔ̃w ɩ̃ yel:
“Nyɩ́ tɛrɛ su-ɓaar!” 27A ala ɩ̃ baar, ʋ yelʼã a Tomasɩ:
“Tur a fʋ nubir, nyɛ a ɩ̃ nur. Wa su a fʋ nuu a ɩ̃ lõboorɩ̃, ɩ̃ bar a baalɩ̃fʋ ɩ̃ ƴɔ̃w ma a nyãa!” 28A Tomasɩ yel ʋ:
“Ɩ̃ Nɩ-kpɛ̃ɛ nɩ ɩ̃ Naaŋmɩn!” 29A Jeeju yel ʋ:
“A-na-ɩ fʋ nyɛ ma na, ala-ɩ̃-sɔ a fʋ ƴɔ̃w ma nyãa. Ɩ̃ a na ɩ na nʋ̃ɔ a bala jie na ma nyɛ ma wa ɩ̃ ƴɔ̃w ma a nyãa.”
A ALA ƖNƐ BA NA SƐB A SƐBƐ NA
30A *Jeeju lɛ maalʼã nɔ-kofʋ tʋ̃-yaw a ʋ *par-tuurbe nii-sɔw ba na ma sɛb ƴɔ̃w a sɛbɛ na pʋɔ wa. 31Ɩ̃-cɛ ba sɛbʼã a yele asɩmɛ a nyɩ na tʋɔ sɔw ka a Jeeju ɩ na a *Kirisi na ɩ a Naaŋmɩn Bie, ɩ̃ a nyɩ na pɔw a baafʋ a ʋ jie a nyɩ ƴɔ̃w-nyãa ɩnɛ.
वर्तमान में चयनित:
Jã Sɛbɛ 20: BNT93
हाइलाइट
शेयर
कॉपी
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
