प्रेरीत् 3
3
खोरा म्ही फेन्बल
1तीरेत् पत्रुसतेङ् युहन्ना दीनीइ तीन् बजेक्योर् प्रार्थना स्य्हेङ्बरी पर्मेस्वर्की दीम्री ङ्यीटीब मुबल। 2हुजुरी पर्मेस्वर्की दीम्न्हङ् वङ्बे ज्यबे म्रप् पङ्बे म्रप्री न्हब य्हङ्सेनो स्हेल्हेन्दी तबे म्ही गीःत म्हीमाचे दीन्लनो नाबज्यीम् थेन्खब मुबल। थेचे पर्मेस्वर्की दीम्न्हङ् वङ्बे म्हीमातेङ् टङ र्हीत्प खम्खइ बी हुजुरी थेन्ब मुबल। 3हुजु स्हेल्हेन्दीचे पत्रुसतेङ् युहन्ना पर्मेस्वर्की दीम्न्हङ् वङ्टीबल म्रङ्ज्यीम् थेङ्य्हीतएनो टङ र्हीत्ज्यी। 4ओसेम् पत्रुसतेङ् युहन्नाचे थेत तकातक्ले च्याज्यी, ओसेम् पत्रुसचे थेत, “ङ्यीङ्य्हीत च्यागो” बी पङ्ज्यी। 5चु थ्येःज्यीम् थेङ्य्हीचे ता पङ्लेनो पीन्स्ये तल म्हेन्ज्यीम् स्हेल्हेन्दी म्हीचे च्याज्यी। 6तर पत्रुसचे, “ङतेङ् म्हर् म्हुइमी अरे, तर ङचे ता स्य्हेङ्ब खम्ब हुजु एत स्य्हेङ्पीन्ब। नासरतकी येसु ख्रीस्ट्की छेन्री ए रेःज्यीम् ब्रउ” बी पङ्ज्यी। 7हुजु लीप्चे पत्रुसचे हुजु म्हीइ केत् यारी चुङ्ज्यीम् सेन्ज्यी। सेन्ब साच्चेनो हुजु म्हीइ कङ्की ज्यीमारी बङ् खज्यी। 8ओसेम् हुजु स्हेल्हेन्दी म्ही फोत् रेःज्यीम् ब्रज्यी। ओसेम् फोक्तोङ्-फोक्तोङ्ले ब्र-ब्रज्यीम् पर्मेस्वर्त तोप्ज्यीम् थेङ्हीतेङ् बक्च्य पर्मेस्वर्की दीम्न्हङ् वङ्ज्यी। 9हुजु स्हेल्हेन्दी म्ही ब्रज्यीम् पर्मेस्वर्त तोप्टीबल जम्म म्हीमाचे म्रङ्ज्यी। 10ओसेम् थेङ्यीमाचे पर्मेस्वर्की दीम्की ज्यबे म्रप्री स्योःज्यीम् टीबे म्ही चुनो य्हीन्ब बी स्येःज्यी। थे चोले ब्रबल म्रङ्ज्यीम् थेङ्यीमा तेङेन् तज्यी।
पर्मेस्वर्की दीम्री पत्रुसचे म्हीमात गोनलबल
11हुजु फेन्बे म्ही पत्रुसतेङ् युहन्नात चुङ्ज्यीम् ब्रटीबल म्रङ्ज्यीम् म्हीमा य्हक्को तेङेन् तज्यी। ओसेम् म्हीमा थेङ्यीमा मुबे सोलोमोन पङ्बे पीडीरी छ्योङ्खज्यी। 12चु म्रङ्ज्यीम् पत्रुसचे म्हीमात पङ्ज्यी, “इस्राएलकी म्हीमा, एङ्यीमा तले चु तम्री तेङेन् तज्यीम् थोम्ले च्याब? चु म्हीत ङ्यीमाचे र्हङ्की सक्तीतेङ् धार्मीक्तचेनो ब्रब खम्नलबल बी म्हेन्ब? 13होले अय्हीन्, ङ्य्हङ्की म्हेमे अब्राहाम, इसहाकतेङ् याकुबकी पर्मेस्वर्चेनो थेङ्की योक्पो येसुत स्य्हेस न्हङ्जेत्ज्यी। एङ्यीमाचे थेङ्त चुङ्ज्यीम् सासक्माकी यारी सोप्तीपीन्ज्यी। ओसेम् पीलातसचे येसुत पीत्लाब म्हइमेएनो एङ्यीमाचे थपीतो बी पङ्ज्यी। 14एङ्यीमाचे पबीत्रतेङ् धर्मी म्हीइ देब्री म्ही सेत्पे म्हीत पीत्लागो बी र्हीत्ज्यी। 15ओसेम् जीवन् न्हङ्बलतम् एङ्यीमाचे सेत्ज्यी। तर पर्मेस्वर्चे थेङ्त स्यीब ग्यम्से सोनलजेत्ज्यी। चु तम् ङ्यीमाचे म्रङ्बल मुब। 16येसुइ छेन्री बीस्वास् स्य्हेङ्बल तज्यीम् एङ्यीमाचे म्रङ्बतेङ् स्येःबे चु म्हीचे बङ् यङ्ज्यी। चु म्हीचे येसुत बीस्वास् स्य्हेङ्बल तज्यीम् एङ्यीमाकी ङ्होन्सङ्नो थे फेन्बल मुब।
17“र्होमा, एङ्यीमाचे चु जम्मनो लक्मा अस्येज्यीम् स्य्हेङ्बल य्हीन्ब बी ङत था मुब। ओसेम् एङ्यीमाइ सासक्माचेएनो येसुत होलेनो स्य्हेङ्ज्यी। 18तर मुक्ती न्हङ्बे ख्रीस्ट्चे दुख नाथोब बी य्हक्को बर्स ङोन्ग्यम् य्हङ्सेनो पर्मेस्वर्चे जम्म अगम्बक्तमा ग्यम्से सुङ्बे तम् पर्मेस्वर्चे चोले टोप् तनलजेत्ज्यी। 19होत्तज्यीम् एङ्यीमाचे पस्चताप स्य्हेङ्ज्यीम् पर्मेस्वर्पट्टी दोःगो। ओसेम् एङ्यीमाचे पाप ग्यम्से क्षमा यङ्स्ये मुब। 20होत्तज्यीम् पर्मेस्वर्चे एङ्यीमात आत्मारी छार् बङ् न्हङ्बे बेलो खस्ये मुब। ओसेम् एङ्यीमाकी लागीरी पर्मेस्वर्चे ङोन्ग्यम्नो दम्जेत्पे मुक्ती न्हङ्बे ख्रीस्ट्त पीत्युजेत्स्ये मुब। थेङ् येसुनो य्हीन्ब। 21य्हक्को बर्स ङोन्ग्यम् य्हङ्से पर्मेस्वर्चे र्हङ्की अगम्बक्तमा ग्यम्से सुङ्बे जम्मनो तम्मा दोःज्यीम् छार् स्य्हेङ्बे बेलो अतगदे सम्म येसु स्वर्गरीनो स्य्हुथोब। 22मोसाचे चोले पङ्बल मुबल-
‘परमप्रभु एङ्यीमाकी पर्मेस्वर्चे एङ्यीमाकी लागीरी एङ्यीमाकी जाती ग्यम्सेनो
ङ र्हङ्बे अगम्बक्त गीःत दम्ज्यीम् पीत्युजेत्स्ये मुब,
हुजु अगम्बक्तचे सुङ्बे जम्मनो तम् एङ्यीमाचे ङ्येन्थोब।
23ओसेम् हुजु अगम्बक्तइ तम् अङ्येन्बे म्हीमाम्
पर्मेस्वर्की म्हीमा ग्यम्से फेःस्ये मुब, ओसेम्
नास् तस्ये मुब।’
24“सामुएल अगम्बक्त य्हङ्से थे बीम लीक्यम् खबे जम्म अगम्बक्तमाचेएनो तीन्हम्स्य्होइ दीन्माकी बारेरी अगम्बानी पङ्बल मुबल। 25एङ्यीमा हुजु अगम्बक्तमाकी सन्तानमा य्हीन्ब ओसेम् पर्मेस्वर्चे स्य्हेङ्जेत्पे करार् एङ्यीमालएनो य्हीन्ब। हुजु करार् एङ्यीमाकी म्हेमे अब्राहामतेङ् चोले स्य्हेङ्जेत्पल मुबल, ‘एइ कोलमा ग्यम्से ङ जम्बुलीङ्की जम्म जातीमात मोलम् पीन्स्ये मुब।’ 26पर्मेस्वर्चे एङ्यीमा जम्मतनो नेइबे लक्मा ग्यम्से दोःबज्यीम् हुजु मोलम् न्हङ्बरी थेङ्की योक्पो येसुत दम्जेत्ज्यीम् गोदोब्न्हङ् ङोन्ग्यम् एङ्यीमाज पीत्युजेत्ज्यी।”
वर्तमान में चयनित:
प्रेरीत् 3: WTDG
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.