प्रेरीत् 5
5
हननीयातेङ् सफीरा
1हुजुरी हननीया पङ्बे म्ही गीः मुबल। थेतेङ् थेइ म्रीङ् सफीराचे र्हङ्की म्रङ् चोख्रा गीः चुङ्ज्यी। 2तर म्रङ् चुङज्यीम् यङ्बे टङ ग्यम्से थेङ्य्ही डीःज्यीम् चेक् र्हङ्तेङ् थेन्ज्यी। ओसेम् हननीयाचे चेत्पलम् प्रेरीतमाज बज्यीम् “टङ जम्मनो चोतेकीनो य्हीन्ब” बी पङ्ज्यी। 3ओसेम् पत्रुसचे पङ्ज्यी, “हननीया, एचे र्हङ्की सेम्री सैतानत टीबुङ्ज्यीम् पबीत्र आत्मात तले भ्यु पङ्बल? म्रङ् चुङ्ज्यीम् खबे टङ ग्यम्से एचे तले चेक् छुम्ज्यीम् थेन्बल? 4हुजु म्रङ् चुङ्ब बीम ङोन्ग्यम् एङ्यीमालनो मुबल अय्हीनो स्यीम्? ओसेम् चुङ्ज्यीम् खबे टङएनो एङ्यीमालनो अय्हीनो स्यीम्? एङ्यीमाचे चोतेबे लक् तले स्य्हेङ्बल? एङ्यीमाचे म्हीमात अय्हीन्, पर्मेस्वर्त भ्यु पङ्ज्यी।” 5हननीयाचे चु थ्येःब साच्चेनो थे सरी गुर्ज्यीम् स्यीज्यी। चु तम् थ्येःबलमा जम्मनो य्हक्को लोङज्यी। 6हुजु लीप्चे ब्योन् म्हीमा खज्यीम् थेइ स्यीबे ल्हीत क्री येन्चे तुन्ज्यी। ओसेम् फीर्च्योर् बोर्ज्यीम् बुप्लाज्यी।
7घन्ट सोम् र्हङ्ब लीप्चे हननीयाकी म्रीङ् न्हङ्री खज्यी। ओसेम् थेइ र्हेम्बो स्यीज्यी बी थेचे अस्य्हेबल मुबल। 8पत्रुसचे सफीरात, “ङत पङो, एङ्यीमाचे म्रङ् होदेरीनो चुङ्बल य्हीन्ब वुइ अय्हीन्?” बी ङ्योत्ज्यी। थेचे, “अ, होदेरीनो चुङ्बल य्हीन्ब” पङ्ज्यी। 9ओसेम् पत्रुसचे थेत, “एङ्यी ङ्हीनो डीःज्यीम् प्रभुइ आत्माइ जाच तले स्य्हेङ्बल? च्यागो, एइ र्हेम्बोत बुप्ज्यीम् खबे म्हीमा म्रप्री दोःखबल मुब। थेङ्यीमाचे एतएनो फीर्च्योर् नाबोर्स्ये मुब” बी पङ्ज्यी। 10होलेपङ्ब साच्चेनो सफीरा पत्रुसकी कङ् रेइरी गुर्ज्यीम् स्यीज्यी। ओसेम् थेइ र्हेम्बोत बुप्ज्यीम् खबे ब्योन् म्हीमाचे थे स्यीबल म्रङ्ज्यी। ओसेम् थेङ्यीमाचे थेत फीर्च्योर् नाबोर्ज्यीम् थेइ र्हेम्बोइ रेइरी बुप्लाज्यी। 11ओसेम् चोतेब तब बीसेम् मन्डलीइ म्हीमातेङ् चु थ्येःबे जम्म म्हीमा य्हक्को लोङ्ज्यी।
तेङेन्की लक्तेङ् चीनोमा
12पर्मेस्वर्चे प्रेरीतमा ग्यम्से म्हीमाइ गुङ्री य्हक्को तेङेन्की लक्मातेङ् चीनोमा स्य्हेङ्जेत्टीबल मुबल। ओसेम् खेम पङ्लेनो जम्मनो बीस्वासीमा सोलोमन पङ्बे पीडीरी र्हुब् तब मुबल। 13तर ल्हो-ल्हो अबीस्वासीमा खल्चेएनो बीस्वासीमातेङ् बक्च्य थुन्ज्यीम् टीबे आर् अल। होले तलेनो थेङ्यीमाचे बीस्वासीमात स्हेस स्य्हेङ्ब मुबल। 14ओसेम् य्हक्को अपकोलमातेङ् अमकोलमाचे प्रभुत बीस्वास् स्य्हेङ्ज्यीम् थेङ्यीमातेङ् झेन् य्हक्को कप्स्यीनो बोर्ज्यी। 15ओसेम् प्रेरीतमाचे तेङेन्की लक् स्य्हेङ्बल तज्यीम् पत्रुस ग्यम्से ब्रबे बेलोरी थेइ ब्लचेकीनो पङ्लेएनो छुखइ बी म्हीमाचे नबे म्हीमात थेमाइ तीस्सतेङ्नो नाबज्यीम् ग्यम्मारी थेन्ब मुबल। 16ओसेम् यरुसलेमकी रेइमाकी ज्यीद सहर्मा ग्यम्से य्हक्को म्हीमाचे थेङ्यीमाइ नबे म्हीमातेङ् म्हङ् स्यप्पे म्हीमात हुजुरी बब मुबल। ओसेम् थेङ्यीमा जम्मनो फेन्ब मुबल।
प्रेरीतमात दुख पीन्बल
17हुजु लीप्चे गोदोब्न्हङ्की ङ्हच्छ्यङ् ओसेम् थेतेङ् मुबे जम्मनो सदुकीमाचे प्रेरीतमात स्हेर्ज्यी। 18ओसेम् थेङ्यीमाचे प्रेरीतमात चुङ्ज्यीम् रोमीमाकी जेल्न्हङ् च्युप्लाज्यी। 19तर हुजु म्हुनरी प्रभुइ स्वर्गदुत गी युज्यीम् जेल्की म्रप् ठोङ्लाज्यी। ओसेम् प्रेरीतमात दोरी बोर्ज्यीम् चोले पङ्ज्यी, 20“पर्मेस्वर्की दीम्री ङ्यीउ, ओसेम् रप्ज्यीम् म्हीमात चु छार् जीवनकी बारेरी स्येतो।” 21ओसेम् स्वर्गदुतकी तम् ङ्येन्ज्यीम् थेङ्यीमा स्य्होःरीनो पर्मेस्वर्की दीम्री ङ्यीज्यीम् लोप्प तीप्ज्यी।
हुजु बेलोरीनो गोदोब्न्हङ्की ङ्हच्छ्यङ् लम्बुमातेङ् थेइ र्होमाचे यहुदी अगुवामात ङ्हच्छ्यङ् सभारी ङ्होत्ज्यी। ओसेम् प्रेरीतमात जेलन्हङ्चे तेत्ज्यीम् बोउ पङ्ज्यीम् पीत्ज्यी। 22तर स्यीपाइमाचे प्रेरीतमात जेल्न्हङ् अय्हङ्। ओसेम् थेङ्यीमा दोःज्यीम् खज्यीम् चोले पङ्ज्यी, 23“ङ्यीमा हुजुरी दोःमम् जेल्की म्रप् ज्यनले दुङ्बल यङ्ज्यी। ओसेम् रुङ्ज्यीम् टीबे म्हीमा जेल्की म्रप्री रप्ज्यीम् टीटीबल यङ्ज्यी। तर ङ्यीमाचे म्रप् ठोङ्ज्यीम् च्यामम् खलेएनो अम्रङ्।” 24पर्मेस्वर्की दीम्की स्यीपाइमाकी कप्तान्तेङ् ङ्हच्छ्यङ् लम्बुमाचे चु थ्येःज्यीम् देरेम् ता तल पङ्ज्यीम् तेङेन् तज्यी। 25हुजु लीप्चे म्ही गीः खज्यीम् थेङ्यीमात, “ङ्येनो, एङ्यीमाचे जेल्न्हङ् च्युप्ज्यीम् थेन्बे म्हीमाचे पर्मेस्वर्की दीम्री रप्ज्यीम् म्हीमात लोप्टीबल मुब” बी पङ्ज्यी। 26ओसेम् कप्तान्चे पर्मेस्वर्की दीम् रुङ्बे स्यीपाइमात बक्च्य बोर्ज्यीम् प्रेरीतमात कीन्बरी ङ्यीज्यी। ओसेम् थेङ्यीमाचे प्रेरीतमात तेएनो अलनले बज्यी। तलेपङ्सम् म्हीमाचे युङ्ब प्रुङ्ल बी थेङ्यीमा लोङ्बल मुबल।
27थेङ्यीमाचे प्रेरीतमात ङ्हच्छ्यङ् सभारी बज्यीम् ङोन्री रप्पुङ्ज्यी। ओसेम् थेङ्यीमात गोदोब्न्हङ्की ङ्हच्छ्यङ् लम्बुचे ङ्योत्ज्यी, 28“ङ्यीमाचे एङ्यीमात हुजु म्हीइ मीन्री खल्तेएनो थलोपो पङ्ज्यीम् कुल्बल मुबल। तर एङ्यीमाचे चु तम् यरुसलेमकी जम्मा ग्लामारी ठम्ज्यीन्नेम्। ओसेम् येसुत सेत्पे दोस्एनो एङ्यीमाचे ङ्यीमात ल्हइतीब म्हइनेम्।”
29तर पत्रुसतेङ् प्रेरीतमाचे पङ्ज्यी, “ङ्यीमाचे म्हीमाचे कुल्बे तम् अय्हीन्, तर पर्मेस्वर्चे कुल्जेत्पे तम् ङ्येन्नोथोब। 30एङ्यीमाचे क्रुस्री च्योज्यीम् सेत्लाबे येसुत ङ्यीमाइ म्हेमेमाइ पर्मेस्वर्चे स्यीब ग्यम्से सोनलजेत्ज्यी। 31इस्राएलीमाचे पस्चताप् स्य्हेङ्ज्यीम् पाप ग्यम्से क्षमा यङ्खइ बी पर्मेस्वर्चे येसुत ग्यल्बोतेङ् मुक्तीदाता स्य्हेङ्जेत्ज्यी। ओसेम् येसुत स्हेस यङ्बे थेङ्की केत् फ्या पट्टीचे थेन्जेत्ज्यी। 32चु जम्मनो तम्माकी साक्षी ङ्यीमा मुब। ओसेम् पर्मेस्वर्चे कुल्जेत्पे अर्ती ङ्येन्बलमात न्हङ्जेत्पे पबीत्र आत्माएनो साक्षी मुब।”
33चु तम् थ्येःज्यीम् हुजु ङ्हच्छ्यङ् सभारी र्हुब तबलमात य्हक्को बोमो खज्यीम् प्रेरीतमात सेत्पे तम् डीःज्यी। 34तर जम्मचेनो स्हेस लबे गमलीएल पङ्बे फरीसी धर्म-लोप्पोन् सभारी रेःज्यीम् प्रेरीतमात य्हम्बगी दोरी पीत्ज्यी। 35हुजु लीप्चे थेचे सभाकी म्हीमात पङ्ज्यी, “ओ इस्राएलकी म्हीमा, होसीयार् तउ, एङ्यीमाचे चु म्हीमात ता स्य्हेङ्ब म्हइबल? 36तोव बेलो ङोन्ग्यम्एनो थुदास पङ्बे म्ही गीःचे र्हङ्चे र्हङ्तनो ङ्हच्छ्यङ् म्ही य्हीन्ब पङ्बल मुबल। ओसेम् थेइ लीप्चे ब्रबे म्हीमा चार् सय गदे तबल मुबल। तर थेत ल्हो-ल्हो डेत्चे सेत्लाज्यी, ओसेम् थेइ तम् ङ्येन्ज्यीम् ब्रबलमा जम्मनो छर्छुर् तज्यीम् थेइ मीन्नो म्हय्हर्ज्यी। 37हुजु लीप्चेएनो म्हीमा ज्याबरी मीन् ब्रीबे बेलोरी गालील प्रदेस्की यहुदा पङ्बे म्हीचे म्हीमात थेइ लीप्-लीप् ब्रनलज्यी। तर थेतएनो ल्हो-ल्हो डेत्-डेत्चे सेत्लाज्यी। ओसेम् थेइ तम् ङ्येन्ज्यीम् ब्रबलमाएनो छर्छुर् तय्हर्ज्यी। 38होत्तज्यीम् चु तम्की बारेरी ङ एङ्यीमात पङ्ब, एङ्यीमाचे चु म्हीमात तेएनो अलनले पीत्लागो। थेङ्यीमाचे स्य्हेङ्बे चु लक्मातेङ् योजनामा म्हीमा ग्यम्से य्हीन्ज्यी पङ्सम् थेङ्यीमा र्हङ्नो म्हज्यीम् य्हर्स्ये मुब। 39तर चु लक् पर्मेस्वर् ग्यम्से य्हीन्ज्यी पङ्सम् एङ्यीमाचे र्होद्प अखम्। र्होद्प म्हइज्यी पङ्सम् एङ्यीमा पर्मेस्वर्की बीरुद्दरी रेःबल तस्ये मुब।”
40ओसेम् सभाकी म्हीमाचे गमलीएलकी तम् ङ्येन्ज्यी। ओसेम् थेङ्यीमाचे प्रेरीतमात न्हङ्री ङ्होत्ज्यीम् कोर्रचे ग्यङ्पुङ्ज्यी। ओसेम् “एङ्यीमाचे देरे य्हङ्से येसुइ मीन्री खेमेएनो थलोपो” पङ्ज्यीम् प्रेरीतमात पीत्लाज्यी। 41ओसेम् प्रेरीतमा ङ्हच्छ्यङ् सभा ग्यम्से तङ्-तङ्ज्यीम् “पर्मेस्वर्चे ङ्य्हङ्मात येसुइ छेन्री दुख नाबरी जेःनलजेत्ज्यी” पङ्ज्यीम् डोङ्य्हर्ज्यी। 42ओसेम् थेङ्यीमाचे दीन्लनो पर्मेस्वर्की दीम्तेङ् म्हीमाइ दीम्-दीम्मारी ङ्यीज्यीम् येसु मुक्ती न्हङ्बे ख्रीस्ट् य्हीन्ब पङ्बे ज्यबे सम्तर् लोप्पतेङ् स्येत्स्यीनो टीज्यी।
वर्तमान में चयनित:
प्रेरीत् 5: WTDG
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
प्रेरीत् 5
5
हननीयातेङ् सफीरा
1हुजुरी हननीया पङ्बे म्ही गीः मुबल। थेतेङ् थेइ म्रीङ् सफीराचे र्हङ्की म्रङ् चोख्रा गीः चुङ्ज्यी। 2तर म्रङ् चुङज्यीम् यङ्बे टङ ग्यम्से थेङ्य्ही डीःज्यीम् चेक् र्हङ्तेङ् थेन्ज्यी। ओसेम् हननीयाचे चेत्पलम् प्रेरीतमाज बज्यीम् “टङ जम्मनो चोतेकीनो य्हीन्ब” बी पङ्ज्यी। 3ओसेम् पत्रुसचे पङ्ज्यी, “हननीया, एचे र्हङ्की सेम्री सैतानत टीबुङ्ज्यीम् पबीत्र आत्मात तले भ्यु पङ्बल? म्रङ् चुङ्ज्यीम् खबे टङ ग्यम्से एचे तले चेक् छुम्ज्यीम् थेन्बल? 4हुजु म्रङ् चुङ्ब बीम ङोन्ग्यम् एङ्यीमालनो मुबल अय्हीनो स्यीम्? ओसेम् चुङ्ज्यीम् खबे टङएनो एङ्यीमालनो अय्हीनो स्यीम्? एङ्यीमाचे चोतेबे लक् तले स्य्हेङ्बल? एङ्यीमाचे म्हीमात अय्हीन्, पर्मेस्वर्त भ्यु पङ्ज्यी।” 5हननीयाचे चु थ्येःब साच्चेनो थे सरी गुर्ज्यीम् स्यीज्यी। चु तम् थ्येःबलमा जम्मनो य्हक्को लोङज्यी। 6हुजु लीप्चे ब्योन् म्हीमा खज्यीम् थेइ स्यीबे ल्हीत क्री येन्चे तुन्ज्यी। ओसेम् फीर्च्योर् बोर्ज्यीम् बुप्लाज्यी।
7घन्ट सोम् र्हङ्ब लीप्चे हननीयाकी म्रीङ् न्हङ्री खज्यी। ओसेम् थेइ र्हेम्बो स्यीज्यी बी थेचे अस्य्हेबल मुबल। 8पत्रुसचे सफीरात, “ङत पङो, एङ्यीमाचे म्रङ् होदेरीनो चुङ्बल य्हीन्ब वुइ अय्हीन्?” बी ङ्योत्ज्यी। थेचे, “अ, होदेरीनो चुङ्बल य्हीन्ब” पङ्ज्यी। 9ओसेम् पत्रुसचे थेत, “एङ्यी ङ्हीनो डीःज्यीम् प्रभुइ आत्माइ जाच तले स्य्हेङ्बल? च्यागो, एइ र्हेम्बोत बुप्ज्यीम् खबे म्हीमा म्रप्री दोःखबल मुब। थेङ्यीमाचे एतएनो फीर्च्योर् नाबोर्स्ये मुब” बी पङ्ज्यी। 10होलेपङ्ब साच्चेनो सफीरा पत्रुसकी कङ् रेइरी गुर्ज्यीम् स्यीज्यी। ओसेम् थेइ र्हेम्बोत बुप्ज्यीम् खबे ब्योन् म्हीमाचे थे स्यीबल म्रङ्ज्यी। ओसेम् थेङ्यीमाचे थेत फीर्च्योर् नाबोर्ज्यीम् थेइ र्हेम्बोइ रेइरी बुप्लाज्यी। 11ओसेम् चोतेब तब बीसेम् मन्डलीइ म्हीमातेङ् चु थ्येःबे जम्म म्हीमा य्हक्को लोङ्ज्यी।
तेङेन्की लक्तेङ् चीनोमा
12पर्मेस्वर्चे प्रेरीतमा ग्यम्से म्हीमाइ गुङ्री य्हक्को तेङेन्की लक्मातेङ् चीनोमा स्य्हेङ्जेत्टीबल मुबल। ओसेम् खेम पङ्लेनो जम्मनो बीस्वासीमा सोलोमन पङ्बे पीडीरी र्हुब् तब मुबल। 13तर ल्हो-ल्हो अबीस्वासीमा खल्चेएनो बीस्वासीमातेङ् बक्च्य थुन्ज्यीम् टीबे आर् अल। होले तलेनो थेङ्यीमाचे बीस्वासीमात स्हेस स्य्हेङ्ब मुबल। 14ओसेम् य्हक्को अपकोलमातेङ् अमकोलमाचे प्रभुत बीस्वास् स्य्हेङ्ज्यीम् थेङ्यीमातेङ् झेन् य्हक्को कप्स्यीनो बोर्ज्यी। 15ओसेम् प्रेरीतमाचे तेङेन्की लक् स्य्हेङ्बल तज्यीम् पत्रुस ग्यम्से ब्रबे बेलोरी थेइ ब्लचेकीनो पङ्लेएनो छुखइ बी म्हीमाचे नबे म्हीमात थेमाइ तीस्सतेङ्नो नाबज्यीम् ग्यम्मारी थेन्ब मुबल। 16ओसेम् यरुसलेमकी रेइमाकी ज्यीद सहर्मा ग्यम्से य्हक्को म्हीमाचे थेङ्यीमाइ नबे म्हीमातेङ् म्हङ् स्यप्पे म्हीमात हुजुरी बब मुबल। ओसेम् थेङ्यीमा जम्मनो फेन्ब मुबल।
प्रेरीतमात दुख पीन्बल
17हुजु लीप्चे गोदोब्न्हङ्की ङ्हच्छ्यङ् ओसेम् थेतेङ् मुबे जम्मनो सदुकीमाचे प्रेरीतमात स्हेर्ज्यी। 18ओसेम् थेङ्यीमाचे प्रेरीतमात चुङ्ज्यीम् रोमीमाकी जेल्न्हङ् च्युप्लाज्यी। 19तर हुजु म्हुनरी प्रभुइ स्वर्गदुत गी युज्यीम् जेल्की म्रप् ठोङ्लाज्यी। ओसेम् प्रेरीतमात दोरी बोर्ज्यीम् चोले पङ्ज्यी, 20“पर्मेस्वर्की दीम्री ङ्यीउ, ओसेम् रप्ज्यीम् म्हीमात चु छार् जीवनकी बारेरी स्येतो।” 21ओसेम् स्वर्गदुतकी तम् ङ्येन्ज्यीम् थेङ्यीमा स्य्होःरीनो पर्मेस्वर्की दीम्री ङ्यीज्यीम् लोप्प तीप्ज्यी।
हुजु बेलोरीनो गोदोब्न्हङ्की ङ्हच्छ्यङ् लम्बुमातेङ् थेइ र्होमाचे यहुदी अगुवामात ङ्हच्छ्यङ् सभारी ङ्होत्ज्यी। ओसेम् प्रेरीतमात जेलन्हङ्चे तेत्ज्यीम् बोउ पङ्ज्यीम् पीत्ज्यी। 22तर स्यीपाइमाचे प्रेरीतमात जेल्न्हङ् अय्हङ्। ओसेम् थेङ्यीमा दोःज्यीम् खज्यीम् चोले पङ्ज्यी, 23“ङ्यीमा हुजुरी दोःमम् जेल्की म्रप् ज्यनले दुङ्बल यङ्ज्यी। ओसेम् रुङ्ज्यीम् टीबे म्हीमा जेल्की म्रप्री रप्ज्यीम् टीटीबल यङ्ज्यी। तर ङ्यीमाचे म्रप् ठोङ्ज्यीम् च्यामम् खलेएनो अम्रङ्।” 24पर्मेस्वर्की दीम्की स्यीपाइमाकी कप्तान्तेङ् ङ्हच्छ्यङ् लम्बुमाचे चु थ्येःज्यीम् देरेम् ता तल पङ्ज्यीम् तेङेन् तज्यी। 25हुजु लीप्चे म्ही गीः खज्यीम् थेङ्यीमात, “ङ्येनो, एङ्यीमाचे जेल्न्हङ् च्युप्ज्यीम् थेन्बे म्हीमाचे पर्मेस्वर्की दीम्री रप्ज्यीम् म्हीमात लोप्टीबल मुब” बी पङ्ज्यी। 26ओसेम् कप्तान्चे पर्मेस्वर्की दीम् रुङ्बे स्यीपाइमात बक्च्य बोर्ज्यीम् प्रेरीतमात कीन्बरी ङ्यीज्यी। ओसेम् थेङ्यीमाचे प्रेरीतमात तेएनो अलनले बज्यी। तलेपङ्सम् म्हीमाचे युङ्ब प्रुङ्ल बी थेङ्यीमा लोङ्बल मुबल।
27थेङ्यीमाचे प्रेरीतमात ङ्हच्छ्यङ् सभारी बज्यीम् ङोन्री रप्पुङ्ज्यी। ओसेम् थेङ्यीमात गोदोब्न्हङ्की ङ्हच्छ्यङ् लम्बुचे ङ्योत्ज्यी, 28“ङ्यीमाचे एङ्यीमात हुजु म्हीइ मीन्री खल्तेएनो थलोपो पङ्ज्यीम् कुल्बल मुबल। तर एङ्यीमाचे चु तम् यरुसलेमकी जम्मा ग्लामारी ठम्ज्यीन्नेम्। ओसेम् येसुत सेत्पे दोस्एनो एङ्यीमाचे ङ्यीमात ल्हइतीब म्हइनेम्।”
29तर पत्रुसतेङ् प्रेरीतमाचे पङ्ज्यी, “ङ्यीमाचे म्हीमाचे कुल्बे तम् अय्हीन्, तर पर्मेस्वर्चे कुल्जेत्पे तम् ङ्येन्नोथोब। 30एङ्यीमाचे क्रुस्री च्योज्यीम् सेत्लाबे येसुत ङ्यीमाइ म्हेमेमाइ पर्मेस्वर्चे स्यीब ग्यम्से सोनलजेत्ज्यी। 31इस्राएलीमाचे पस्चताप् स्य्हेङ्ज्यीम् पाप ग्यम्से क्षमा यङ्खइ बी पर्मेस्वर्चे येसुत ग्यल्बोतेङ् मुक्तीदाता स्य्हेङ्जेत्ज्यी। ओसेम् येसुत स्हेस यङ्बे थेङ्की केत् फ्या पट्टीचे थेन्जेत्ज्यी। 32चु जम्मनो तम्माकी साक्षी ङ्यीमा मुब। ओसेम् पर्मेस्वर्चे कुल्जेत्पे अर्ती ङ्येन्बलमात न्हङ्जेत्पे पबीत्र आत्माएनो साक्षी मुब।”
33चु तम् थ्येःज्यीम् हुजु ङ्हच्छ्यङ् सभारी र्हुब तबलमात य्हक्को बोमो खज्यीम् प्रेरीतमात सेत्पे तम् डीःज्यी। 34तर जम्मचेनो स्हेस लबे गमलीएल पङ्बे फरीसी धर्म-लोप्पोन् सभारी रेःज्यीम् प्रेरीतमात य्हम्बगी दोरी पीत्ज्यी। 35हुजु लीप्चे थेचे सभाकी म्हीमात पङ्ज्यी, “ओ इस्राएलकी म्हीमा, होसीयार् तउ, एङ्यीमाचे चु म्हीमात ता स्य्हेङ्ब म्हइबल? 36तोव बेलो ङोन्ग्यम्एनो थुदास पङ्बे म्ही गीःचे र्हङ्चे र्हङ्तनो ङ्हच्छ्यङ् म्ही य्हीन्ब पङ्बल मुबल। ओसेम् थेइ लीप्चे ब्रबे म्हीमा चार् सय गदे तबल मुबल। तर थेत ल्हो-ल्हो डेत्चे सेत्लाज्यी, ओसेम् थेइ तम् ङ्येन्ज्यीम् ब्रबलमा जम्मनो छर्छुर् तज्यीम् थेइ मीन्नो म्हय्हर्ज्यी। 37हुजु लीप्चेएनो म्हीमा ज्याबरी मीन् ब्रीबे बेलोरी गालील प्रदेस्की यहुदा पङ्बे म्हीचे म्हीमात थेइ लीप्-लीप् ब्रनलज्यी। तर थेतएनो ल्हो-ल्हो डेत्-डेत्चे सेत्लाज्यी। ओसेम् थेइ तम् ङ्येन्ज्यीम् ब्रबलमाएनो छर्छुर् तय्हर्ज्यी। 38होत्तज्यीम् चु तम्की बारेरी ङ एङ्यीमात पङ्ब, एङ्यीमाचे चु म्हीमात तेएनो अलनले पीत्लागो। थेङ्यीमाचे स्य्हेङ्बे चु लक्मातेङ् योजनामा म्हीमा ग्यम्से य्हीन्ज्यी पङ्सम् थेङ्यीमा र्हङ्नो म्हज्यीम् य्हर्स्ये मुब। 39तर चु लक् पर्मेस्वर् ग्यम्से य्हीन्ज्यी पङ्सम् एङ्यीमाचे र्होद्प अखम्। र्होद्प म्हइज्यी पङ्सम् एङ्यीमा पर्मेस्वर्की बीरुद्दरी रेःबल तस्ये मुब।”
40ओसेम् सभाकी म्हीमाचे गमलीएलकी तम् ङ्येन्ज्यी। ओसेम् थेङ्यीमाचे प्रेरीतमात न्हङ्री ङ्होत्ज्यीम् कोर्रचे ग्यङ्पुङ्ज्यी। ओसेम् “एङ्यीमाचे देरे य्हङ्से येसुइ मीन्री खेमेएनो थलोपो” पङ्ज्यीम् प्रेरीतमात पीत्लाज्यी। 41ओसेम् प्रेरीतमा ङ्हच्छ्यङ् सभा ग्यम्से तङ्-तङ्ज्यीम् “पर्मेस्वर्चे ङ्य्हङ्मात येसुइ छेन्री दुख नाबरी जेःनलजेत्ज्यी” पङ्ज्यीम् डोङ्य्हर्ज्यी। 42ओसेम् थेङ्यीमाचे दीन्लनो पर्मेस्वर्की दीम्तेङ् म्हीमाइ दीम्-दीम्मारी ङ्यीज्यीम् येसु मुक्ती न्हङ्बे ख्रीस्ट् य्हीन्ब पङ्बे ज्यबे सम्तर् लोप्पतेङ् स्येत्स्यीनो टीज्यी।
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.