प्रेरीत् 6
6
प्रेरीतमात र्हो लबरी म्ही ङ्यीस्त दम्बल
1हुजु बेलोरी बीस्वास् स्य्हेङ्बे म्हीमा य्हक्कोनो कप्बोर्टीब मुबल। ओसेम् ग्रीक् ग्योत् पङ्बे यहुदीमाचे हीब्रु ग्योत् पङ्बे यहुदीमाकी बीरुद्दरी तम् पङ्ब छ्येज्यी। तलेपङ्सम् ग्रीक् ग्योत् पङ्बे यहुदीमाकी र्हेम्बो स्यीबे अमकोलमाचे दीन्लनो तोःबे चब थुङ्ब अय्हङ्ब मुबल। 2होत्तज्यीम् चुङ् ङ्ही प्रेरीतमाचे बीस्वास् लबे जम्म म्हीमात र्हुब्ले ङ्होत्ज्यीम् पङ्ज्यी, “ङ्यीमाचे पर्मेस्वर्की फ्रोइ स्येत्प पीत्लाज्यीम् चब थुङ्ब क्योङ्बे लक् स्य्हेङ्ब ठीक् अत। 3होत्तज्यीम् र्होमा, एङ्यीमान्हङ्री पबीत्र आत्मातेङ् बुद्दीचे प्लीङ्बे ओसेम् जम्मचेनो स्हेस स्य्हेङ्बे म्ही ङ्यीस्त दमो। ओसेम् ङ्यीमा चु लक् थेङ्यीमात सोप्तीपीन्ब। 4तर ङ्यीमाम् प्रार्थना स्य्हेङ्बतेङ् पर्मेस्वर्की फ्रोइ स्येत्पे लक्कीनो स्य्हेङ्स्ये मुब।”
5प्रेरीतमाचे पङ्बे चु तम् म्हीमा जम्मतनो सेम्री ङ्यीज्यी। ओसेम् म्हीमाचे बीस्वासतेङ् पबीत्र आत्माचे प्लीङ्बे स्तीफनस्, फीलीप, प्रखरस, नीकनोर, तीमोनतेङ् पर्मीनास ओसेम् एन्टीओखीया पङ्बे सहर्की नीकोलाउसत दम्ज्यी#६:५ स्तीफनस्, फीलीप, प्रखरस, नीकनोर, तीमोनतेङ् पर्मीनास ओसेम् एन्टीओखीया पङ्बे सहर्की नीकोलाउसत दम्ज्यीचु जम्मनो ग्रीक ग्योत्की मीन्मा य्हीम्ब।। नोकोलाउसचे येसुत बीस्वास् स्य्हेङ्ब बीम ङोन्ग्यम् यहुदी धर्म म्हन्दीबल मुबल। 6ओसेम् थेङ्यीमाचे हुजुमा ङ्यीस्तनो प्रेरीतमाज बज्यी। ओसेम् प्रेरीतमाचे थेङ्यीमाकी जोरी या थेन्ज्यीम् प्रार्थना स्य्हेङ्पीन्ज्यी।
7पर्मेस्वर्की फ्रोइ ठम्स्यीनो बोर्ज्यी। ओसेम् येसुत बीस्वास् स्य्हेङ्बे म्हीमा यरुसलेम्री य्हक्को तबोर्ज्यी। पर्मेस्वर्की दीम्की य्हक्को लम्बुमाचेएनो बीस्वास् स्य्हेङ्ज्यी।
स्तीफनस्त चुङ्बल
8स्तीफनस्चेमी पर्मेस्वर् ग्यम्से य्हक्को अनुग्रहतेङ् सक्ती यङ्बल मुबल। थेचे म्हीमाइ गुङ्री ङ्हच्छ्यङ् तेङेन्की लक्मा स्य्हेङ्ज्यीम् चीनोमा ङोन्ब मुबल। 9तर डेत्-डेत् म्हीमाचेम् स्तीफनसज खज्यीम् अतब-अतबे तम् पङ्ज्यीम् थेत बीरोद् लज्यी। हुजु म्हीमाम् योक्पोइ लक् ग्यम्से डोङ्ज्यीम् देरेम् यहुदीमा र्हुब तबे दीम्की म्हीमा तबल मुबल। ओसेम् थेङ्यीमा अलेक्जेन्ड्रीयातेङ् कुरेनी सहर् ओसेम् कीलीकीयातेङ् एसीया प्रदेस्की म्हीमा मुबल। 10तर स्तीफनस्चे पबीत्र आत्माइ बुद्दी ग्यम्से तम् पङ्बल तज्यीम् थेङ्यीमा खल्चेएनो जोहाप् पीन्अखम्। 11हुजु लीप्चे थेङ्यीमाचे डेत्-डेत् म्हीमात खुसुक्ले फुलीइतीज्यीम् “चु म्हीचे मोसातेङ् पर्मेस्वर्की बीरुद्दरी तम् पङ्बल ङ्यीमाचे थ्येःज्यी” बी पङ्पुङ्ज्यी। 12चोले थेङ्यीमाचे म्हीमा, अगुवामा ओसेम् धर्म-लोप्पोन्मात फुलीइतीज्यी। ओसेम् थेङ्यीमाचे स्तीफनस्त चुङ्ज्यीम् ङ्हच्छ्यङ् सभारी बोर्ज्यी। 13हुजु लीप्चे थेङ्यीमाचे स्तीफनसकी बारेरी भ्यु पङ्बे म्हीमात बज्यी। भ्यु पङ्बे म्हीमाचे पङ्ज्यी, “चु म्हीचे खेम पङ्लेएनो ङ्य्हङ्माकी पर्मेस्वर्की दीम्तेङ् मोसाचे ब्रीबे पर्मेस्वर्की नीयम्की बीरुद्दरी तम् पङ्टीबल मुब। 14चु म्हीचे, ‘नासरतकी येसुचे चु पर्मेस्वर्की दीम्त फुप्लास्ये मुब। ओसेम् मोसाचे पीन्बे जम्मनो पेठीम्माएनो पोपीन्स्ये’ पङ्बल ङ्यीमाचे थ्येःज्यी।” 15ओसेम् हुजु ङ्हच्छ्यङ् सभारी टीबलमाचे स्तीफनस्त तकातक्ले च्याज्यी। ओसेम् थेइ लीः स्वर्गदुतकी लीः र्हङ्बे य्हल् तज्यीम् सर्बल म्रङ्ज्यी।
वर्तमान में चयनित:
प्रेरीत् 6: WTDG
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
प्रेरीत् 6
6
प्रेरीतमात र्हो लबरी म्ही ङ्यीस्त दम्बल
1हुजु बेलोरी बीस्वास् स्य्हेङ्बे म्हीमा य्हक्कोनो कप्बोर्टीब मुबल। ओसेम् ग्रीक् ग्योत् पङ्बे यहुदीमाचे हीब्रु ग्योत् पङ्बे यहुदीमाकी बीरुद्दरी तम् पङ्ब छ्येज्यी। तलेपङ्सम् ग्रीक् ग्योत् पङ्बे यहुदीमाकी र्हेम्बो स्यीबे अमकोलमाचे दीन्लनो तोःबे चब थुङ्ब अय्हङ्ब मुबल। 2होत्तज्यीम् चुङ् ङ्ही प्रेरीतमाचे बीस्वास् लबे जम्म म्हीमात र्हुब्ले ङ्होत्ज्यीम् पङ्ज्यी, “ङ्यीमाचे पर्मेस्वर्की फ्रोइ स्येत्प पीत्लाज्यीम् चब थुङ्ब क्योङ्बे लक् स्य्हेङ्ब ठीक् अत। 3होत्तज्यीम् र्होमा, एङ्यीमान्हङ्री पबीत्र आत्मातेङ् बुद्दीचे प्लीङ्बे ओसेम् जम्मचेनो स्हेस स्य्हेङ्बे म्ही ङ्यीस्त दमो। ओसेम् ङ्यीमा चु लक् थेङ्यीमात सोप्तीपीन्ब। 4तर ङ्यीमाम् प्रार्थना स्य्हेङ्बतेङ् पर्मेस्वर्की फ्रोइ स्येत्पे लक्कीनो स्य्हेङ्स्ये मुब।”
5प्रेरीतमाचे पङ्बे चु तम् म्हीमा जम्मतनो सेम्री ङ्यीज्यी। ओसेम् म्हीमाचे बीस्वासतेङ् पबीत्र आत्माचे प्लीङ्बे स्तीफनस्, फीलीप, प्रखरस, नीकनोर, तीमोनतेङ् पर्मीनास ओसेम् एन्टीओखीया पङ्बे सहर्की नीकोलाउसत दम्ज्यी#६:५ स्तीफनस्, फीलीप, प्रखरस, नीकनोर, तीमोनतेङ् पर्मीनास ओसेम् एन्टीओखीया पङ्बे सहर्की नीकोलाउसत दम्ज्यीचु जम्मनो ग्रीक ग्योत्की मीन्मा य्हीम्ब।। नोकोलाउसचे येसुत बीस्वास् स्य्हेङ्ब बीम ङोन्ग्यम् यहुदी धर्म म्हन्दीबल मुबल। 6ओसेम् थेङ्यीमाचे हुजुमा ङ्यीस्तनो प्रेरीतमाज बज्यी। ओसेम् प्रेरीतमाचे थेङ्यीमाकी जोरी या थेन्ज्यीम् प्रार्थना स्य्हेङ्पीन्ज्यी।
7पर्मेस्वर्की फ्रोइ ठम्स्यीनो बोर्ज्यी। ओसेम् येसुत बीस्वास् स्य्हेङ्बे म्हीमा यरुसलेम्री य्हक्को तबोर्ज्यी। पर्मेस्वर्की दीम्की य्हक्को लम्बुमाचेएनो बीस्वास् स्य्हेङ्ज्यी।
स्तीफनस्त चुङ्बल
8स्तीफनस्चेमी पर्मेस्वर् ग्यम्से य्हक्को अनुग्रहतेङ् सक्ती यङ्बल मुबल। थेचे म्हीमाइ गुङ्री ङ्हच्छ्यङ् तेङेन्की लक्मा स्य्हेङ्ज्यीम् चीनोमा ङोन्ब मुबल। 9तर डेत्-डेत् म्हीमाचेम् स्तीफनसज खज्यीम् अतब-अतबे तम् पङ्ज्यीम् थेत बीरोद् लज्यी। हुजु म्हीमाम् योक्पोइ लक् ग्यम्से डोङ्ज्यीम् देरेम् यहुदीमा र्हुब तबे दीम्की म्हीमा तबल मुबल। ओसेम् थेङ्यीमा अलेक्जेन्ड्रीयातेङ् कुरेनी सहर् ओसेम् कीलीकीयातेङ् एसीया प्रदेस्की म्हीमा मुबल। 10तर स्तीफनस्चे पबीत्र आत्माइ बुद्दी ग्यम्से तम् पङ्बल तज्यीम् थेङ्यीमा खल्चेएनो जोहाप् पीन्अखम्। 11हुजु लीप्चे थेङ्यीमाचे डेत्-डेत् म्हीमात खुसुक्ले फुलीइतीज्यीम् “चु म्हीचे मोसातेङ् पर्मेस्वर्की बीरुद्दरी तम् पङ्बल ङ्यीमाचे थ्येःज्यी” बी पङ्पुङ्ज्यी। 12चोले थेङ्यीमाचे म्हीमा, अगुवामा ओसेम् धर्म-लोप्पोन्मात फुलीइतीज्यी। ओसेम् थेङ्यीमाचे स्तीफनस्त चुङ्ज्यीम् ङ्हच्छ्यङ् सभारी बोर्ज्यी। 13हुजु लीप्चे थेङ्यीमाचे स्तीफनसकी बारेरी भ्यु पङ्बे म्हीमात बज्यी। भ्यु पङ्बे म्हीमाचे पङ्ज्यी, “चु म्हीचे खेम पङ्लेएनो ङ्य्हङ्माकी पर्मेस्वर्की दीम्तेङ् मोसाचे ब्रीबे पर्मेस्वर्की नीयम्की बीरुद्दरी तम् पङ्टीबल मुब। 14चु म्हीचे, ‘नासरतकी येसुचे चु पर्मेस्वर्की दीम्त फुप्लास्ये मुब। ओसेम् मोसाचे पीन्बे जम्मनो पेठीम्माएनो पोपीन्स्ये’ पङ्बल ङ्यीमाचे थ्येःज्यी।” 15ओसेम् हुजु ङ्हच्छ्यङ् सभारी टीबलमाचे स्तीफनस्त तकातक्ले च्याज्यी। ओसेम् थेइ लीः स्वर्गदुतकी लीः र्हङ्बे य्हल् तज्यीम् सर्बल म्रङ्ज्यी।
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.