प्रेरीत् 7
7
स्तीफनसकी तम्
1हुजु लीप्चे गोदोब्न्हङ्की ङ्हच्छ्यङ् लम्बुचे स्तीफनस्त “चु तम् देमेन्नो य्हीन्ब?” पङ्ज्यीम् ङ्योत्ज्यी।
2स्तीफनस्चे चोले पङ्ज्यी, “अपमातेङ् अज्यो-अलेमा ङइ तम् ङ्येन्जेतो। ङ्य्हङ्की म्हेमे अब्राहाम हारान पङ्बे ग्लारी स्येःब बीम ङोन्ग्यम् मेसोपोटामीया पङ्बे ग्लारी स्य्हुबे बेलोरी महीमाकी पर्मेस्वर् म्हेमे अब्राहामकी ङोन्री म्रङ्खज्यी। 3पर्मेस्वर्चे म्हेमे अब्राहामत, ‘ए र्हङ्की य्हुल्तेङ् म्हेम्याफेःबेमा ख्लेथेन्ज्यीम् ङचे ङोन्स्येकी य्हुल्री ङ्यीउ’ बी सुङ्ज्यी।#ठुङ्ब १२:१ 4हुजु लीप्चे अब्राहाम कल्दीमाकी य्हुल् ग्यम्से डोङ्ज्यीम् हारान पङ्बे ग्लारी ङ्यीज्यीम् टीज्यी। ओसेम् थेइ अप स्यीब बीसेम् पर्मेस्वर्चे अब्राहामत तीन्हम्स्य्हो एङ्यीमा स्य्हुटीबे चु ग्लारी नोम्खज्यी। 5ओसेम् पर्मेस्वर्चे अब्राहामत चु ग्लारी तइ स्हेएनो छाअबुङ्ज्यीम् कङ् न्हेःबे ग्ला गीःएनो अन्हङ्। तर पर्मेस्वर्चे अब्राहामत ‘चु ग्ला एइ सन्तान्मात पीन्स्ये मुब’ बी बाचा स्य्हेङ्जेत्ज्यी। हुजु बेलोरी अब्राहामल कोल अरेबल मुबल। 6ओसेम् पर्मेस्वर्चे अब्राहामत चोले सुङ्जेत्ज्यी, ‘एइ सन्तान्मा ल्हो-ल्हो य्हुल्री ङ्यीज्यीम् बीदेसी तज्यीम् टीस्ये मुब। थेङ्यीमात हुजु ग्लाकी म्हीमाचे चार् सय बर्ससम्म बान स्य्हेङ्ज्यीम् दुख पीन्स्ये मुब। 7तर थेङ्यीमात बाना स्य्हेङ्ज्यीम् थेन्बे म्हीमात ङचे सजाय पीन्स्ये मुब। थेङ्यीमा एइ सन्तान्मात हुजु ग्ला ग्यम्से डोङ्खज्यीम् चुरी ङत तेन्स्ये मुब।’
8“पर्मेस्वर्चे अब्राहामतेङ् खतनाकी करार् स्य्हेङ्जेत्ज्यी। होत्तज्यीम् अब्राहामचे र्हङ्की ज इसहाक न्हज्यीम् ब्रेत्रेत् तमम् जइ खतना स्य्हेङ्ज्यी। इसहाक्चेएनो थेइ ज याकुबकी खतना स्य्हेङ्ज्यी। होलेनो याकुबचेएनो थेइ ज चुङ् ङ्य्हीलनो खतना स्य्हेङ्ज्यी। ओसेम् थेइ ज चुङ् ङ्ही ङ्य्हङ्मा जम्मलनो म्हेमेमा य्हीन्ब।
9“याकुबकी जमाचे थेङ्यीमाइ अले योसेफत स्हेर्ज्यीम् मीस्र य्हुल्री बाना तबरी चुङ्लाज्यी। तर योसेफतेङ् पर्मेस्वर् बक्च्य मुबल। 10ओसेम् पर्मेस्वर्चे योसेफत जम्मनो दुख ग्यम्से फेःपीन्जेत्ज्यी। पर्मेस्वर्चे थेत य्हक्को बुद्दी न्हङ्जेत्पल तज्यीम् मीस्र य्हुल्की ग्यल्बो फारोचे योसेफ सेम्री ङ्यीज्यी। ओसेम् थेत मीस्र य्हुल्की सासक् स्य्हेङ्पीन्ज्यीम् दर्बार्न्हङ्की हक्एनो पीन्ज्यी।
11“हुजु लीप्चे मीस्रतेङ् कनान य्हुल्की जम्मनो ग्लामारी ङ्हच्छ्यङ् अनीकल तज्यीम् य्हक्कोनो दुख तज्यी। ओसेम् ङ्य्हङ्की म्हेमेमाचे चब अय्हङ्। 12ओसेम् मीस्र य्हुल्री अन्न मुब पङ्बल थ्येःज्यीम् याकुबचे जमात अन्न ग्लुबरी मीस्ररी पीत्ज्यी। 13थेङ्यीमा ङ्य्हीख्यप्कुनो अन्न ग्लुबरी योसेफज ङ्यीज्यी। ओसेम् हुजु बेलोरी योसेफचे र्हङ्त र्हङ्की अज्यो-अलेमाचे स्येःन लज्यी। ओसेम् ग्यल्बोचेएनो योसेफकी म्हेम्यमात स्येःज्यी। 14योसेफचे र्हङ्की अप याकुबत ‘म्हेम्यमा जम्मनो बज्यीम् ब्योन्खोउ’ बी सम्तर् पीत्ज्यी। ओसेम् याकुबकी म्हेम्यमातेङ् र्हङ्की म्हीमा खल सोम् स्यी चोक्क मुबल। 15हुजु लीप्चे याकुब मीस्ररी ङ्यीज्यी। ओसेम् याकुब हुजुरीनो स्यीज्यी। ओसेम् ङ्य्हङ्की म्हेमेमाएनो हुजुरीनो स्यीज्यी। 16थेङ्यीमाकी स्यीबे ल्ही मीस्र य्हुल् ग्यम्से सकेम् पङ्बे ग्लारी बोर्ज्यीम् बुप्ज्यी। हुजु दुर्स अब्राहामचे हमोरकी जमात टङ पीन्ज्यीम् ग्लुबल मुबल।
17“पर्मेस्वर्चे अब्राहामतेङ् स्य्हेङ्जेत्पे बाचा पुरा तयम्बल मुबल। हुजु बेलोरी मीस्र य्हुल्री ङ्य्हङ्की म्हेमेमाइ कोलमा य्हक्को तबोर्ज्यी। 18हुजु लीप्चे मीस्र य्हुल्री योसेफत अस्येबे ल्हो-ल्हो ग्यल्बो गीःचे सासन् स्य्हेङ्ब तीप्ज्यी। 19हुजु फारो ग्यल्बोचे ङ्य्हङ्की म्हेमेमात लुज्यीम् य्हक्को दुख पीन्ज्यी। ओसेम् ङ्य्हङ्की म्हेमेमाइ देरेकीनो न्हबे कोल बेसर्मात फीर्च्योर् बोर्ज्यीम् थेन्पुङ्ब मुबल। होत्तज्यीम् कोलमा स्यीब मुबल।
20“हुजु बेलोरी मोसा न्हज्यी। थे पर्मेस्वर्की ङोन्री ज्यबे कोल मुबल। थेत ल सोम् सम्म अप-अमचे दीम्री छुम्ज्यीम् थेन्ज्यीम् स्य्हप्तो स्य्हेङ्ज्यी। 21ओसेम् थेत छुम्अखम्ज्यीम् फीर्च्योर् थेन्मम् फारोकी जमेचे यङ्ज्यीम् बोर्ज्यी। ओसेम् थेइ ज स्य्हेङ्ज्यीम् स्य्हप्तो लज्यी। 22ओसेम् मोसात मीस्रीमाकी ज्ञान् पीन्ज्यी। ओसेम् मोसा र्हङ्की तम्तेङ् लक्मारी सक्तीसाली तज्यी।
23“मोसाचे ल्हेगोर् सोम् स्यी ब्लीतीङ् तमम् थेचे र्हङ्की इस्राएली म्हेम्यमातेङ् दोबे सेम् लज्यी। 24मीस्री गीःचे इस्राएली गीःत तोटीबल मोसाचे म्रङ्ज्यी। होत्तज्यीम् मोसाचे हुजु इस्राएलीत जोगइतीज्यी। ओसेम् इस्राएलीत तोबे खीत् फाबारी मीस्रीत सेत्लाज्यी। 25पर्मेस्वर्चे मोसा ग्यम्से इस्राएलीमात मीस्रीमाकी या ग्यम्से फेःज्यीम् बोर्स्ये टीम् पङ्बे तम् इस्राएलीमाचे गोल बी मोसाचे म्हेन्ब मुबल। तर थेङ्यीमाचे चु तम् अगो।
26“न्हम्स्य्होर्हङ् इस्रएलीमा ङ्ही छेत्टीबे बेलोरी मोसा दोखज्यी। ओसेम् थेङ्य्हीत थुन्न लब म्हइज्यीम् पङ्ज्यी, ‘ओ र्हो ङ्ही, एङ्य्हीम् अज्यो-अलेक य्हीन्ब स्यीम्, तले चोले छेत्टीबल?’ 27तर ङ्युङ् म्हइबे म्हीचे मोसात इबोर्ज्यीम् पङ्ज्यी, ‘एत खल्चे ङ्यीमात सासन् स्य्हेङ्बतेङ् न्याय स्य्हेङ्बरी दम्ज्यी? 28तील हुजु मीस्रीत सेत्प र्हङ्ले ङतेएनो सेत्प म्हइबल य्हीन्ब?’ 29चु थ्येःज्यीम् मोसा मीस्रचे डोङ्ज्यीम् मीदान पङ्बे ल्हो-ल्हो य्हुल्री बीदेसी तज्यीम् टीज्यी। हुजुरी थेल ज ङ्ही न्हज्यी।
30“मोसा हुजु य्हुल्री टीज्यीम् ल्हेगोर् सोम् स्यी ब्लीतीङ् तब बीसेम् सीनइ पङ्बे गङ्की उजाड-ग्लारी मे लुम्टीबे जीङ्री स्वर्गदुत गीः म्रङ्ज्यी। 31चु म्रङ्ज्यीम् मोसा तेङेन् तज्यी। ओसेम् च्याबरी जीङ्की रेइरी ङ्यीमम् प्रभुचे चोले सुङ्बल थ्येःज्यी, 32‘ङ एइ म्हेमेमा अब्राहामतेङ् इसहाक ओसेम् याकुबकी पर्मेस्वर् य्हीन्ब।’ चु थ्येःज्यीम् मोसा लोङ्ज्यीम् दर्ज्यी। ओसेम् हुजुरी च्याबे आरएनो अल। 33ओसेम् पर्मेस्वर्चे मोसात सुङ्ज्यी, ‘एइ कङ्की पनेइ प्लोगो। तलेपङ्सम् ए रप्पे चु ग्ला पबीत्र य्हीन्ब। 34ङचे मीस्र य्हुल्री ङइ म्हीमाकी य्हक्को दुख म्रङ्बल मुब। ओसेम् हुजु दुखचे लज्यीम् थेङ्यीमा आस् म्हज्यीम् क्राटीबल ङचे थ्येःज्यी। ङ थेङ्यीमात हुजु दुख ग्यम्से फेःबरी युबल य्हीन्ब। देरे ङचे एत मीस्र य्हुल्री पीत्स्ये मुब।’
35“हुजु मोसातनो य्हीन्ब, इस्राएलीमाचे, ‘एत खल्चे ङ्यीमात सासन् स्य्हेङ्बतेङ् न्याय स्य्हेङ्बरी दम्ज्यी?’ पङ्ज्यीम् पतइअतीबल मुबल। हुजु मोसातेङ्नो पर्मेस्वर्चे जीङ्न्हङ् लुम्टीबे मे ल्हम्री म्रङ्बे स्वर्गदुत ग्यम्से तम् लजेत्ज्यी। ओसेम् हुजु पर्मेस्वर्चेनो मोसात इस्राएलीमाकी सासक्तेङ् थेङ्यीमाइ दुख ग्यम्से फेःपीन्बे म्ही स्य्हेङ्ज्यीम् पीत्जेत्ज्यी। 36हुजु मोसाचेनो इस्राएलीमात मीस्र य्हुल् ग्यम्से तेत्ज्यीम् पर्मेस्वर्चे बाचा स्य्हेङ्बे य्हुल्री बोर्मम् मीस्र य्हुल्तेङ् लाल समुन्द्र ओसेम् उजाड-ग्लामारी थेचे ल्हेगोर् सोम् स्यी ब्लीतीङ्सम्म तेङेन्की लक्तेङ् चीनोमा ङोन्ज्यी। 37हुजु मोसाचेनो इस्राएलीमात, ‘पर्मेस्वर्चे एङ्यीमाकी र्हङ्की अज्यो-अले न्हङ्चे ङ र्हङ्बे अगम्बक्त गीः एङ्यीमाज पीत्युस्ये मुब’ बी पङ्बल मुबल। 38हुजु मोसानो उजाड-ग्लारी इस्राएलीमातेङ् बक्च्य मुबल। थेतेङ्नो सीनइ गङ्री स्वर्गदुतचे तम् लजेत्पल मुबल। ओसेम् थेचेनो स्वर्गदुत ग्यम्से जीवन् पीन्बे सम्तर् यङ्ज्यीम् इस्राएलीमात स्येत्ज्यी।
39“तर ङ्य्हङ्की म्हेमेमाचे मोसाइ तम् अङ्येन्ज्यीम् थेतएनो पतइअती। ओसेम् थेङ्यीमा मीस्ररी दोःबे सेम् लज्यी। 40थेङ्यीमाचे हारुनत पङ्ज्यी, ‘ङ्यीमाइ लागीरी ङोन्-ङोन् ब्रज्यीम् ग्यम् सीत्पे लागीरी ख्लमा स्य्हेङ्पीनो। ङ्य्हङ्मात मीस्र य्हुल्चे तेत्ज्यीम् बबे हुजु मोसात ता तज्यी ङ्य्हङ्माचे तेएनो स्येःबल अरे।’#प्रस्थान ३२:१
41“हुजु लीप्चे थेङ्यीमाचे ग्लब् कोलइ ख्ल स्य्हेङ्ज्यीम् हुजुत ठा पीन्ज्यी। ओसेम् थेङ्यीमाचे स्य्हेङ्बे चु लक् म्रङ्ज्यीम् थेङ्यीमा जम्मनो य्हक्को तङ्ज्यीम् खुसी म्हन्दीज्यी।#प्रस्थान ३२:२-६ 42होत्तज्यीम् पर्मेस्वर्चे थेङ्यीमात ख्लाजेत्ज्यी। ओसेम् पर्मेस्वर्चे थेङ्यीमात थेङ्यीमाकी सेम्चे म्हेन्ब र्हङ्लेनो मुरी मुबे सार्मात तेन्बुङ्जेत्ज्यी। चु तम्की बारेरी अगम्बक्तमाकी छ्येरी चोले ब्रीबल मुब;
‘ओ इस्राएलकी म्हीमा!
एङ्यीमाचे ल्हेगोर् सोम् स्यी ब्लीतीङ्सम्म उजाड-ग्लारी ठा पीन्ज्यी,
हुजु ङइ लागीरी अय्हीन्ब मुबल।
43एङ्यीमाचे मोलेख पङ्बे ख्लइ थेन् नाज्यीम् बज्यी।
ओसेम् एङ्यीमाइ रेफन पङ्बे सार्#७:४३ सार् चु सार् पङ्बलम् नेपाली ग्योत्री सानी ग्रह य्हीन्ब।की ख्लतएनो बज्यी।
हुजुमा एङ्यीमाचे तेन्बरी स्य्हेङ्बे ख्ल मुबल।
होत्तज्यीम् ङ एङ्यीमात ल्हो-ल्हो म्हीमाचे बेबीलोन् सहर् बीमएनो थारीङ्-थारीङ् बोर्नलस्ये मुब।#आमोस ५:२५-२७’
44“ङ्य्हङ्की म्हेमेमा उजाड-ग्लारी मुबे बेलोरी थेङ्यीमातेङ् ‘पर्मेस्वर्की ज्यीद दीम्’ मुबल। हुजुम् पर्मेस्वर्चे मोसात कुल्बतेङ् ङोन्ब र्हङ्लेनो स्य्हेङ्बल मुबल। 45लीक्यम् पर्मेस्वर्चे चु य्हुल्री टीबे ल्हो-ल्हो जात्की म्हीमात ल्हब्लाजेत्ज्यी। ओसेम् यहोसुचे चु य्हुल् डाज्यीम् कीन्बे बेलोरी चु पर्मेस्वर्की ज्यीत दीम्तएनो बक्च्य बज्यी। ग्यल्बो दाऊदकी बेलोसम्मनो हुजु पर्मेस्वर्की ज्यीत दीम् थेङ्यीमातेङ् मुबल। 46पर्मेस्वर् दाऊद ग्यल्बोतेङ् तङ्जेत्ज्यी। ओसेम् दाऊदचे याकुबकी पर्मेस्वर्त स्य्हुबे ग्ला स्य्हेङ्गे बी पङ्ज्यी। 47तर हुजु दीम् दाऊदकी ज सोलोमनचे स्य्हेङ्ज्यी।
48“तर पर्मेस्वर् म्हीचे स्य्हेङ्बे दीम्री अस्य्हु। अगम्बक्तमाचे चोले पङ्बल मुब-
49पर्मेस्वर्चे सुङ्ब,
‘स्वर्ग ङइ टीबे ठीः य्हीन्ब। ओसेम् जम्बुलीङ् ङइ बले थेन्बे ग्ला य्हीन्ब।
एङ्यीमाचे ङइ लागीरी खतेबे दीम् स्य्हेङ्ज्यी?
ओसेम् ङचे दुब न्हबे ग्ला खन मुब?
50ता चु जम्मनो स्हेमा ङइ याचे स्य्हेङ्बल अय्हीन्?#यसैया ६६:१-२’
51“युङ्ब र्हङ्बे सेम् थोबे म्हीमा, एङ्यीमाचे खेमेएनो पर्मेस्वर्त र्हङ्की सेम्री अथेन्। एङ्यीमाकी म्हेमेमाचे र्हङ्लेनो एङ्यीमाचेएनो खेम पङ्लेएनो पबीत्र आत्माइ बीरोद् स्य्हेङ्ब। 52एङ्यीमाइ म्हेमेमाचे अगम्बक्तमा जम्मतनो दुख पीन्बल मुबल। ओसेम् पर्मेस्वर्की फ्रोइकीनो ङ्येन्ज्यीम् ब्रबे म्ही ब्योन्युस्ये मुब पङ्बे तम् स्येत्पलमात थेङ्यीमाचे सेत्लाज्यी। ओसेम् देरे एङ्यीमाचेम् थेङ्त म्हीमाइ यारी सोप्तीपीन्ज्यीम् सेत्ज्यी। 53एङ्यीमाचे स्वर्गदुतमा ग्यम्से पर्मेस्वर्की नीयम यङ्ज्यी। तर हुजु नीयम् एङ्यीमाचे अङ्येन्।”
स्तीफनस् स्यीबल
54हुजु सभारी मुबे म्हीमाचे स्तीफनसकी चु तम् थ्येःब बीसेम् य्हक्को बोमो रप्ज्यीम् स क्रीतीक्ज्यी। 55तर स्तीफनस् पबीत्र आत्माचे प्लीङ्ज्यीम् स्वर्गतोर् अङ्ले तकातक् च्याज्यी। ओसेम् थेचे पर्मेस्वर्की महीमातेङ् येसुत पर्मेस्वर्की केत् फ्या पट्टीचे रप्जेत्टीबल म्रङ्ज्यी। 56ओसेम् स्तीफनस्चे थेङ्यीमात, “च्यागो, ङचे स्वर्ग ठोङ्बल म्रङ्ज्यी। ओसेम् म्हीइ ज पर्मेस्वर्की केत् फ्या पट्टीचे रप्टीबल ङचे म्रङ्टीब” बी पङ्ज्यी। 57चु थ्येःब बीसेम् थेङ्यीमा क्रीङ्ज्यीम् र्हङ्-र्हङ्की न्हबीङ् म्रुज्यीम् जम्मचेनो तीख्यप्रीनो स्तीफनस्त वाज्यी। 58ओसेम् थेङ्यीमाचे युङ्बचे प्रुङ्ज्यीम् सेत्पे लागीरी स्तीफनस्त सहर् ग्यम्से फीर्च्योर् डुत्बोर्ज्यी। ओसेम् र्हङ्-र्हङ्की ग्यमा प्लोक्ज्यीम् साऊल पङ्बे ब्योन् म्ही गीःत सोप्तीज्यीम् स्तीफनस्त युङ्बचे प्रुङ्ब तीप्ज्यी। 59थेङ्यीमाचे युङ्बचे प्रुङ्टीबे बेलोरी स्तीफनस्चे, “प्रभु येसु, ङइ आत्मात कीन्जेतो” बी प्रार्थना स्य्हेङ्ज्यी। 60ओसेम् थेचे पुइ जुःज्यीम् केत् ङ्हच्छ्यङ् तेत्ज्यीम् पङ्ज्यी, “प्रभु, चु पापकी दोस् थेङ्यीमात अतखइ!” चोते पङ्ज्यीम् थेइ बुः य्हर्ज्यी।
वर्तमान में चयनित:
प्रेरीत् 7: WTDG
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
प्रेरीत् 7
7
स्तीफनसकी तम्
1हुजु लीप्चे गोदोब्न्हङ्की ङ्हच्छ्यङ् लम्बुचे स्तीफनस्त “चु तम् देमेन्नो य्हीन्ब?” पङ्ज्यीम् ङ्योत्ज्यी।
2स्तीफनस्चे चोले पङ्ज्यी, “अपमातेङ् अज्यो-अलेमा ङइ तम् ङ्येन्जेतो। ङ्य्हङ्की म्हेमे अब्राहाम हारान पङ्बे ग्लारी स्येःब बीम ङोन्ग्यम् मेसोपोटामीया पङ्बे ग्लारी स्य्हुबे बेलोरी महीमाकी पर्मेस्वर् म्हेमे अब्राहामकी ङोन्री म्रङ्खज्यी। 3पर्मेस्वर्चे म्हेमे अब्राहामत, ‘ए र्हङ्की य्हुल्तेङ् म्हेम्याफेःबेमा ख्लेथेन्ज्यीम् ङचे ङोन्स्येकी य्हुल्री ङ्यीउ’ बी सुङ्ज्यी।#ठुङ्ब १२:१ 4हुजु लीप्चे अब्राहाम कल्दीमाकी य्हुल् ग्यम्से डोङ्ज्यीम् हारान पङ्बे ग्लारी ङ्यीज्यीम् टीज्यी। ओसेम् थेइ अप स्यीब बीसेम् पर्मेस्वर्चे अब्राहामत तीन्हम्स्य्हो एङ्यीमा स्य्हुटीबे चु ग्लारी नोम्खज्यी। 5ओसेम् पर्मेस्वर्चे अब्राहामत चु ग्लारी तइ स्हेएनो छाअबुङ्ज्यीम् कङ् न्हेःबे ग्ला गीःएनो अन्हङ्। तर पर्मेस्वर्चे अब्राहामत ‘चु ग्ला एइ सन्तान्मात पीन्स्ये मुब’ बी बाचा स्य्हेङ्जेत्ज्यी। हुजु बेलोरी अब्राहामल कोल अरेबल मुबल। 6ओसेम् पर्मेस्वर्चे अब्राहामत चोले सुङ्जेत्ज्यी, ‘एइ सन्तान्मा ल्हो-ल्हो य्हुल्री ङ्यीज्यीम् बीदेसी तज्यीम् टीस्ये मुब। थेङ्यीमात हुजु ग्लाकी म्हीमाचे चार् सय बर्ससम्म बान स्य्हेङ्ज्यीम् दुख पीन्स्ये मुब। 7तर थेङ्यीमात बाना स्य्हेङ्ज्यीम् थेन्बे म्हीमात ङचे सजाय पीन्स्ये मुब। थेङ्यीमा एइ सन्तान्मात हुजु ग्ला ग्यम्से डोङ्खज्यीम् चुरी ङत तेन्स्ये मुब।’
8“पर्मेस्वर्चे अब्राहामतेङ् खतनाकी करार् स्य्हेङ्जेत्ज्यी। होत्तज्यीम् अब्राहामचे र्हङ्की ज इसहाक न्हज्यीम् ब्रेत्रेत् तमम् जइ खतना स्य्हेङ्ज्यी। इसहाक्चेएनो थेइ ज याकुबकी खतना स्य्हेङ्ज्यी। होलेनो याकुबचेएनो थेइ ज चुङ् ङ्य्हीलनो खतना स्य्हेङ्ज्यी। ओसेम् थेइ ज चुङ् ङ्ही ङ्य्हङ्मा जम्मलनो म्हेमेमा य्हीन्ब।
9“याकुबकी जमाचे थेङ्यीमाइ अले योसेफत स्हेर्ज्यीम् मीस्र य्हुल्री बाना तबरी चुङ्लाज्यी। तर योसेफतेङ् पर्मेस्वर् बक्च्य मुबल। 10ओसेम् पर्मेस्वर्चे योसेफत जम्मनो दुख ग्यम्से फेःपीन्जेत्ज्यी। पर्मेस्वर्चे थेत य्हक्को बुद्दी न्हङ्जेत्पल तज्यीम् मीस्र य्हुल्की ग्यल्बो फारोचे योसेफ सेम्री ङ्यीज्यी। ओसेम् थेत मीस्र य्हुल्की सासक् स्य्हेङ्पीन्ज्यीम् दर्बार्न्हङ्की हक्एनो पीन्ज्यी।
11“हुजु लीप्चे मीस्रतेङ् कनान य्हुल्की जम्मनो ग्लामारी ङ्हच्छ्यङ् अनीकल तज्यीम् य्हक्कोनो दुख तज्यी। ओसेम् ङ्य्हङ्की म्हेमेमाचे चब अय्हङ्। 12ओसेम् मीस्र य्हुल्री अन्न मुब पङ्बल थ्येःज्यीम् याकुबचे जमात अन्न ग्लुबरी मीस्ररी पीत्ज्यी। 13थेङ्यीमा ङ्य्हीख्यप्कुनो अन्न ग्लुबरी योसेफज ङ्यीज्यी। ओसेम् हुजु बेलोरी योसेफचे र्हङ्त र्हङ्की अज्यो-अलेमाचे स्येःन लज्यी। ओसेम् ग्यल्बोचेएनो योसेफकी म्हेम्यमात स्येःज्यी। 14योसेफचे र्हङ्की अप याकुबत ‘म्हेम्यमा जम्मनो बज्यीम् ब्योन्खोउ’ बी सम्तर् पीत्ज्यी। ओसेम् याकुबकी म्हेम्यमातेङ् र्हङ्की म्हीमा खल सोम् स्यी चोक्क मुबल। 15हुजु लीप्चे याकुब मीस्ररी ङ्यीज्यी। ओसेम् याकुब हुजुरीनो स्यीज्यी। ओसेम् ङ्य्हङ्की म्हेमेमाएनो हुजुरीनो स्यीज्यी। 16थेङ्यीमाकी स्यीबे ल्ही मीस्र य्हुल् ग्यम्से सकेम् पङ्बे ग्लारी बोर्ज्यीम् बुप्ज्यी। हुजु दुर्स अब्राहामचे हमोरकी जमात टङ पीन्ज्यीम् ग्लुबल मुबल।
17“पर्मेस्वर्चे अब्राहामतेङ् स्य्हेङ्जेत्पे बाचा पुरा तयम्बल मुबल। हुजु बेलोरी मीस्र य्हुल्री ङ्य्हङ्की म्हेमेमाइ कोलमा य्हक्को तबोर्ज्यी। 18हुजु लीप्चे मीस्र य्हुल्री योसेफत अस्येबे ल्हो-ल्हो ग्यल्बो गीःचे सासन् स्य्हेङ्ब तीप्ज्यी। 19हुजु फारो ग्यल्बोचे ङ्य्हङ्की म्हेमेमात लुज्यीम् य्हक्को दुख पीन्ज्यी। ओसेम् ङ्य्हङ्की म्हेमेमाइ देरेकीनो न्हबे कोल बेसर्मात फीर्च्योर् बोर्ज्यीम् थेन्पुङ्ब मुबल। होत्तज्यीम् कोलमा स्यीब मुबल।
20“हुजु बेलोरी मोसा न्हज्यी। थे पर्मेस्वर्की ङोन्री ज्यबे कोल मुबल। थेत ल सोम् सम्म अप-अमचे दीम्री छुम्ज्यीम् थेन्ज्यीम् स्य्हप्तो स्य्हेङ्ज्यी। 21ओसेम् थेत छुम्अखम्ज्यीम् फीर्च्योर् थेन्मम् फारोकी जमेचे यङ्ज्यीम् बोर्ज्यी। ओसेम् थेइ ज स्य्हेङ्ज्यीम् स्य्हप्तो लज्यी। 22ओसेम् मोसात मीस्रीमाकी ज्ञान् पीन्ज्यी। ओसेम् मोसा र्हङ्की तम्तेङ् लक्मारी सक्तीसाली तज्यी।
23“मोसाचे ल्हेगोर् सोम् स्यी ब्लीतीङ् तमम् थेचे र्हङ्की इस्राएली म्हेम्यमातेङ् दोबे सेम् लज्यी। 24मीस्री गीःचे इस्राएली गीःत तोटीबल मोसाचे म्रङ्ज्यी। होत्तज्यीम् मोसाचे हुजु इस्राएलीत जोगइतीज्यी। ओसेम् इस्राएलीत तोबे खीत् फाबारी मीस्रीत सेत्लाज्यी। 25पर्मेस्वर्चे मोसा ग्यम्से इस्राएलीमात मीस्रीमाकी या ग्यम्से फेःज्यीम् बोर्स्ये टीम् पङ्बे तम् इस्राएलीमाचे गोल बी मोसाचे म्हेन्ब मुबल। तर थेङ्यीमाचे चु तम् अगो।
26“न्हम्स्य्होर्हङ् इस्रएलीमा ङ्ही छेत्टीबे बेलोरी मोसा दोखज्यी। ओसेम् थेङ्य्हीत थुन्न लब म्हइज्यीम् पङ्ज्यी, ‘ओ र्हो ङ्ही, एङ्य्हीम् अज्यो-अलेक य्हीन्ब स्यीम्, तले चोले छेत्टीबल?’ 27तर ङ्युङ् म्हइबे म्हीचे मोसात इबोर्ज्यीम् पङ्ज्यी, ‘एत खल्चे ङ्यीमात सासन् स्य्हेङ्बतेङ् न्याय स्य्हेङ्बरी दम्ज्यी? 28तील हुजु मीस्रीत सेत्प र्हङ्ले ङतेएनो सेत्प म्हइबल य्हीन्ब?’ 29चु थ्येःज्यीम् मोसा मीस्रचे डोङ्ज्यीम् मीदान पङ्बे ल्हो-ल्हो य्हुल्री बीदेसी तज्यीम् टीज्यी। हुजुरी थेल ज ङ्ही न्हज्यी।
30“मोसा हुजु य्हुल्री टीज्यीम् ल्हेगोर् सोम् स्यी ब्लीतीङ् तब बीसेम् सीनइ पङ्बे गङ्की उजाड-ग्लारी मे लुम्टीबे जीङ्री स्वर्गदुत गीः म्रङ्ज्यी। 31चु म्रङ्ज्यीम् मोसा तेङेन् तज्यी। ओसेम् च्याबरी जीङ्की रेइरी ङ्यीमम् प्रभुचे चोले सुङ्बल थ्येःज्यी, 32‘ङ एइ म्हेमेमा अब्राहामतेङ् इसहाक ओसेम् याकुबकी पर्मेस्वर् य्हीन्ब।’ चु थ्येःज्यीम् मोसा लोङ्ज्यीम् दर्ज्यी। ओसेम् हुजुरी च्याबे आरएनो अल। 33ओसेम् पर्मेस्वर्चे मोसात सुङ्ज्यी, ‘एइ कङ्की पनेइ प्लोगो। तलेपङ्सम् ए रप्पे चु ग्ला पबीत्र य्हीन्ब। 34ङचे मीस्र य्हुल्री ङइ म्हीमाकी य्हक्को दुख म्रङ्बल मुब। ओसेम् हुजु दुखचे लज्यीम् थेङ्यीमा आस् म्हज्यीम् क्राटीबल ङचे थ्येःज्यी। ङ थेङ्यीमात हुजु दुख ग्यम्से फेःबरी युबल य्हीन्ब। देरे ङचे एत मीस्र य्हुल्री पीत्स्ये मुब।’
35“हुजु मोसातनो य्हीन्ब, इस्राएलीमाचे, ‘एत खल्चे ङ्यीमात सासन् स्य्हेङ्बतेङ् न्याय स्य्हेङ्बरी दम्ज्यी?’ पङ्ज्यीम् पतइअतीबल मुबल। हुजु मोसातेङ्नो पर्मेस्वर्चे जीङ्न्हङ् लुम्टीबे मे ल्हम्री म्रङ्बे स्वर्गदुत ग्यम्से तम् लजेत्ज्यी। ओसेम् हुजु पर्मेस्वर्चेनो मोसात इस्राएलीमाकी सासक्तेङ् थेङ्यीमाइ दुख ग्यम्से फेःपीन्बे म्ही स्य्हेङ्ज्यीम् पीत्जेत्ज्यी। 36हुजु मोसाचेनो इस्राएलीमात मीस्र य्हुल् ग्यम्से तेत्ज्यीम् पर्मेस्वर्चे बाचा स्य्हेङ्बे य्हुल्री बोर्मम् मीस्र य्हुल्तेङ् लाल समुन्द्र ओसेम् उजाड-ग्लामारी थेचे ल्हेगोर् सोम् स्यी ब्लीतीङ्सम्म तेङेन्की लक्तेङ् चीनोमा ङोन्ज्यी। 37हुजु मोसाचेनो इस्राएलीमात, ‘पर्मेस्वर्चे एङ्यीमाकी र्हङ्की अज्यो-अले न्हङ्चे ङ र्हङ्बे अगम्बक्त गीः एङ्यीमाज पीत्युस्ये मुब’ बी पङ्बल मुबल। 38हुजु मोसानो उजाड-ग्लारी इस्राएलीमातेङ् बक्च्य मुबल। थेतेङ्नो सीनइ गङ्री स्वर्गदुतचे तम् लजेत्पल मुबल। ओसेम् थेचेनो स्वर्गदुत ग्यम्से जीवन् पीन्बे सम्तर् यङ्ज्यीम् इस्राएलीमात स्येत्ज्यी।
39“तर ङ्य्हङ्की म्हेमेमाचे मोसाइ तम् अङ्येन्ज्यीम् थेतएनो पतइअती। ओसेम् थेङ्यीमा मीस्ररी दोःबे सेम् लज्यी। 40थेङ्यीमाचे हारुनत पङ्ज्यी, ‘ङ्यीमाइ लागीरी ङोन्-ङोन् ब्रज्यीम् ग्यम् सीत्पे लागीरी ख्लमा स्य्हेङ्पीनो। ङ्य्हङ्मात मीस्र य्हुल्चे तेत्ज्यीम् बबे हुजु मोसात ता तज्यी ङ्य्हङ्माचे तेएनो स्येःबल अरे।’#प्रस्थान ३२:१
41“हुजु लीप्चे थेङ्यीमाचे ग्लब् कोलइ ख्ल स्य्हेङ्ज्यीम् हुजुत ठा पीन्ज्यी। ओसेम् थेङ्यीमाचे स्य्हेङ्बे चु लक् म्रङ्ज्यीम् थेङ्यीमा जम्मनो य्हक्को तङ्ज्यीम् खुसी म्हन्दीज्यी।#प्रस्थान ३२:२-६ 42होत्तज्यीम् पर्मेस्वर्चे थेङ्यीमात ख्लाजेत्ज्यी। ओसेम् पर्मेस्वर्चे थेङ्यीमात थेङ्यीमाकी सेम्चे म्हेन्ब र्हङ्लेनो मुरी मुबे सार्मात तेन्बुङ्जेत्ज्यी। चु तम्की बारेरी अगम्बक्तमाकी छ्येरी चोले ब्रीबल मुब;
‘ओ इस्राएलकी म्हीमा!
एङ्यीमाचे ल्हेगोर् सोम् स्यी ब्लीतीङ्सम्म उजाड-ग्लारी ठा पीन्ज्यी,
हुजु ङइ लागीरी अय्हीन्ब मुबल।
43एङ्यीमाचे मोलेख पङ्बे ख्लइ थेन् नाज्यीम् बज्यी।
ओसेम् एङ्यीमाइ रेफन पङ्बे सार्#७:४३ सार् चु सार् पङ्बलम् नेपाली ग्योत्री सानी ग्रह य्हीन्ब।की ख्लतएनो बज्यी।
हुजुमा एङ्यीमाचे तेन्बरी स्य्हेङ्बे ख्ल मुबल।
होत्तज्यीम् ङ एङ्यीमात ल्हो-ल्हो म्हीमाचे बेबीलोन् सहर् बीमएनो थारीङ्-थारीङ् बोर्नलस्ये मुब।#आमोस ५:२५-२७’
44“ङ्य्हङ्की म्हेमेमा उजाड-ग्लारी मुबे बेलोरी थेङ्यीमातेङ् ‘पर्मेस्वर्की ज्यीद दीम्’ मुबल। हुजुम् पर्मेस्वर्चे मोसात कुल्बतेङ् ङोन्ब र्हङ्लेनो स्य्हेङ्बल मुबल। 45लीक्यम् पर्मेस्वर्चे चु य्हुल्री टीबे ल्हो-ल्हो जात्की म्हीमात ल्हब्लाजेत्ज्यी। ओसेम् यहोसुचे चु य्हुल् डाज्यीम् कीन्बे बेलोरी चु पर्मेस्वर्की ज्यीत दीम्तएनो बक्च्य बज्यी। ग्यल्बो दाऊदकी बेलोसम्मनो हुजु पर्मेस्वर्की ज्यीत दीम् थेङ्यीमातेङ् मुबल। 46पर्मेस्वर् दाऊद ग्यल्बोतेङ् तङ्जेत्ज्यी। ओसेम् दाऊदचे याकुबकी पर्मेस्वर्त स्य्हुबे ग्ला स्य्हेङ्गे बी पङ्ज्यी। 47तर हुजु दीम् दाऊदकी ज सोलोमनचे स्य्हेङ्ज्यी।
48“तर पर्मेस्वर् म्हीचे स्य्हेङ्बे दीम्री अस्य्हु। अगम्बक्तमाचे चोले पङ्बल मुब-
49पर्मेस्वर्चे सुङ्ब,
‘स्वर्ग ङइ टीबे ठीः य्हीन्ब। ओसेम् जम्बुलीङ् ङइ बले थेन्बे ग्ला य्हीन्ब।
एङ्यीमाचे ङइ लागीरी खतेबे दीम् स्य्हेङ्ज्यी?
ओसेम् ङचे दुब न्हबे ग्ला खन मुब?
50ता चु जम्मनो स्हेमा ङइ याचे स्य्हेङ्बल अय्हीन्?#यसैया ६६:१-२’
51“युङ्ब र्हङ्बे सेम् थोबे म्हीमा, एङ्यीमाचे खेमेएनो पर्मेस्वर्त र्हङ्की सेम्री अथेन्। एङ्यीमाकी म्हेमेमाचे र्हङ्लेनो एङ्यीमाचेएनो खेम पङ्लेएनो पबीत्र आत्माइ बीरोद् स्य्हेङ्ब। 52एङ्यीमाइ म्हेमेमाचे अगम्बक्तमा जम्मतनो दुख पीन्बल मुबल। ओसेम् पर्मेस्वर्की फ्रोइकीनो ङ्येन्ज्यीम् ब्रबे म्ही ब्योन्युस्ये मुब पङ्बे तम् स्येत्पलमात थेङ्यीमाचे सेत्लाज्यी। ओसेम् देरे एङ्यीमाचेम् थेङ्त म्हीमाइ यारी सोप्तीपीन्ज्यीम् सेत्ज्यी। 53एङ्यीमाचे स्वर्गदुतमा ग्यम्से पर्मेस्वर्की नीयम यङ्ज्यी। तर हुजु नीयम् एङ्यीमाचे अङ्येन्।”
स्तीफनस् स्यीबल
54हुजु सभारी मुबे म्हीमाचे स्तीफनसकी चु तम् थ्येःब बीसेम् य्हक्को बोमो रप्ज्यीम् स क्रीतीक्ज्यी। 55तर स्तीफनस् पबीत्र आत्माचे प्लीङ्ज्यीम् स्वर्गतोर् अङ्ले तकातक् च्याज्यी। ओसेम् थेचे पर्मेस्वर्की महीमातेङ् येसुत पर्मेस्वर्की केत् फ्या पट्टीचे रप्जेत्टीबल म्रङ्ज्यी। 56ओसेम् स्तीफनस्चे थेङ्यीमात, “च्यागो, ङचे स्वर्ग ठोङ्बल म्रङ्ज्यी। ओसेम् म्हीइ ज पर्मेस्वर्की केत् फ्या पट्टीचे रप्टीबल ङचे म्रङ्टीब” बी पङ्ज्यी। 57चु थ्येःब बीसेम् थेङ्यीमा क्रीङ्ज्यीम् र्हङ्-र्हङ्की न्हबीङ् म्रुज्यीम् जम्मचेनो तीख्यप्रीनो स्तीफनस्त वाज्यी। 58ओसेम् थेङ्यीमाचे युङ्बचे प्रुङ्ज्यीम् सेत्पे लागीरी स्तीफनस्त सहर् ग्यम्से फीर्च्योर् डुत्बोर्ज्यी। ओसेम् र्हङ्-र्हङ्की ग्यमा प्लोक्ज्यीम् साऊल पङ्बे ब्योन् म्ही गीःत सोप्तीज्यीम् स्तीफनस्त युङ्बचे प्रुङ्ब तीप्ज्यी। 59थेङ्यीमाचे युङ्बचे प्रुङ्टीबे बेलोरी स्तीफनस्चे, “प्रभु येसु, ङइ आत्मात कीन्जेतो” बी प्रार्थना स्य्हेङ्ज्यी। 60ओसेम् थेचे पुइ जुःज्यीम् केत् ङ्हच्छ्यङ् तेत्ज्यीम् पङ्ज्यी, “प्रभु, चु पापकी दोस् थेङ्यीमात अतखइ!” चोते पङ्ज्यीम् थेइ बुः य्हर्ज्यी।
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.