लुका 10
10
येसुचे खल् सोम् स्यी चुङ्ङ्य्ही डबमात पीत्जेत्पल
1हुजु लीप्चे प्रभुचे खल् सोम् स्यी चुङ्ङ्य्ही डबमा दम्जेत्ज्यी। ओसेम् थेङ् स्येःब छ्यबे जम्मा ज्यीद सहरमातेङ् ग्लामारी ङ्य्ही-ङ्य्हीले जुज्यीम् ङोन्ग्यम् पीत्जेत्ज्यी। 2येसुचे थेङ्यीमात सुङ्ज्यी, “दुत्थोस्येकी अन्न य्हक्को मुब। तर नङ्बोमा चेक् मुब। होत्तज्यीम् दुत्थोबे अन्नइ प्रभुत अन्न दुत्परी नङ्बोमा पीत्युजेतो बी प्रार्थना स्य्हेङो। 3ङ्यीउ! ङ एङ्यीमात फरामाकी गुङ्री ग्यु कोलमा र्हङ्ले पीत्टीब मुब। 4एङ्यीमाचे टङ, झोला ओसेम् चप्पलएनो थनागो। ग्यम्री रप्ज्यीम् खल्तएनो लस्सो थस्य्हेङो।”
5“ओसेम् एङ्यीमा खजु दीम्न्हङ् ङोन्ग्यम् वङ्ब, ‘हुजु दीम्की म्हीत सान्ती तखइ’ बी पङो। 6हुजु दीम्री सान्तीत खोबे म्हीमा मुसम् थेङ्यीमाचे मोलम् यङ्स्ये मुब। तर होतेबे म्हीमा अरेसम् मोलम् एङ्यीमातेङ्नो दोःज्यीम् खस्ये मुब। 7ओसेम् थेङ्यीमाचे तइ चबे स्य्हे पीन्ज्यी चज्यीम् हुजु दीम्रीनो टीउ। तलेपङ्सम् लक् स्य्हेङ्बे म्हीचे म्हेल यङ्नोथोब। ओसेम् ल्हो-ल्हो दीम्-दीम्री वङ्ज्यीम् थब्रउ।”
8“होलेनो ज्यीद सहर्री वङ्बे बेलोरी एङ्यीमात स्वागत स्य्हेङ्ज्यीम् एङ्यीमात तइ चबे स्य्हे पीन्लेएनो चउ। 9हुजुरी मुबे नबे म्हीमात फेन्न लउ। ओसेम् ‘पर्मेस्वर्की य्हुल् एङ्यीमाकी ज्यदङ् खज्यीन्बल मुब’ बी जम्मा म्हीमात स्येतो। 10तर ज्यीद सहर्री वङ्बे बेलोरी एङ्यीमात स्वागत अस्य्हेङ्सम्, फीर्च्योर् म्हीमा र्हुप् तबे ग्यम्री ङ्यीज्यीम् पङो, 11‘ङ्यीमाइ कङ्री बेर्बे बुप्फ्रएनो एङ्यीमात चेतावनीकी लागीरी तथेन्बल मुब। तर पर्मेस्वर्की य्हुल् एङ्यीमाकी ज्यदङ् खज्यीन्बल मुब बी स्येःजेतो।’ 12ङ एङ्यीमात पङ्ब, न्यायकी दीन्री हुजु ज्यीद सहर बीमम् सदोम#१०:१२ सदोम “सदोम” पङ्बलमी सहर मुबल। हुजु सहरत पर्मेस्वर्चे नास् लजेत्पल मुबल। तलेपङ्सम् हुजु सहर्री य्हक्को नइबे लक्मा स्य्हेङ्बल मुबल।की#ठुङ्ब १९:२३-२९ गती नाखम्बल तब।”
बीस्वास् अस्य्हेङ्बे ज्यीद सहरमा
(मत्ती ११:२०-२७; १३:१६-१७)
13“धीक्कार! खोराजीनतेङ् बेथसेदाकी म्हीमा एङ्यीमाइ गुङ्री स्य्हेङ्बे तेङेन्की लक्मा टुरोसतेङ् सीदोन सहर्री स्य्हेङ्बल पङ्सम् बरु हुजुइ म्हीमाचे ङोन्ग्यम्नो गल्द य्हुर्ज्यीम्, मेप्फ्र स्य्हल्ज्यीम् पस्चताप स्य्हेङ्स्येल मुबल। 14न्यायकी दीन्री तबे एङ्यीमाइ गती बीमम् टुरोसतेङ् सीदोनकी गती नाखम्बल् तब। 15ओसेम् कफर्नहुमकी म्हीमा, एङ्यीमा स्वर्गरी दोःज्यीम् स्य्हेस यङ्ब बी म्हेम्ब? एङ्यीमामी नर्करी दोःस्ये मुब।”
16येसुचे थेङ्की डबमात सुङ्ज्यी, “एङ्यीमाइ तम् ङ्येन्बलमाचे ङइ तम्तएनो ङ्येन्ब। एङ्यीमाइ तम् अङ्येन्बलमाचे ङइ तम्तएनो अङ्येन्। ङइ तम् अङ्येन्बलमाचे ङत पीत्युजेत्पलतएनो अङ्येन्।”
खल् सोम् स्यी चुङ्ङ्य्ही डबमा दोःज्यीम् खबल
17खल् सोम् स्यी चुङ्ङ्य्ही डबमा#१०:१७ खल् सोम् स्यी चुङ्ङ्य्ही डबमा चुइ गदे बाइबल् सस्करनमारी खल् सोम् स्यी च्यी ब्रबल मुब। तङ्-तङ्ज्यीम् दोःखज्यीम् थेङ्त पङ्ज्यी, “प्रभु, थेङ्की छेन्री ङ्यीमाचे कुल्बे तम् म्हङ्माचेएनो ङ्येन्ज्यी।” 18येसुचे थेङ्यीमात सुङ्ज्यी, “ङचे सैतानत तीप्लीक् फ्लीक्प र्हङ्ले स्वर्गचे तइटीबल म्रङ्ज्यी। 19पुख्रीमातेङ् दीक्प ग्यल्बो च्येन्ज्यीम् ब्रबतेङ् सत्तुर्माकी जम्मा सक्तीमात डाबे अधीकार् एङ्यीमात पीन्बल मुब। ओसेम् ताचेएनो एङ्यीमात न्होङ्न लअखम्स्ये मुब। 20एङ्यीमाचे कुल्बल म्हङ्माचे ङ्येन्ज्यी बी थतङो। तर एङ्यीमाइ मीन् स्वर्गरी ब्रीबल मुब बी तङो।”
21हुजु बेलोरीनो येसु पबीत्र आत्माचे प्लीङ्ज्यीम्, तङ्ज्यीम् सुङ्ज्यी, “अप, स्वर्गतेङ् जम्बुलीङ्की परमप्रभु, ङ थेङ्त होर्छ्ये पीन्ब। तलेपङ्सम् थेङ्चे बुद्दी मुबे म्हीमातेङ् स्येःब खेःबे म्हीमा ग्यम्चे छुम्ज्यीम् थेन्बे चु जम्मनो तम्मा तेएनो अस्येःबे म्हीमात ङोन्जेत्ज्यी। अप, चोलेनो स्य्हेङ्जेत्बे थेङ्की थुः मुबल।”
22“ङइ अपचे जम्मनो स्य्हेमा ङत न्हङ्बल मुब। ज खल य्हीन्ब बी अपचेकीनो स्येःब। ओसेम् अप खल य्हीन्ब बी जतेङ् थेचे स्येःन लबे म्हीमाचेकीनो अपत स्येःब।”
23ओसेम् येसु डबमा पट्टी दोःजेत्ज्यीम् थेङ्यीमातकीनो सुङ्ज्यी, “एङ्यीमाचे म्रङ्बे चु तम्मा म्रङ्बे म्हीमा मोलम् यङ्बे म्हीमा य्हीन्ब। 24तलेपङ्सम् ङ एङ्यीमात पङ्ब, एङ्यीमाचे म्रङ्बे चु तम्मा य्हक्को अगम्बक्तमातेङ् ग्यल्बोमाचे च्याबतेङ् ङ्येन्ब म्हइज्यी। तर थेङ्यीमाचे च्याबतेङ् ङ्येन् अम्यङ्।”
ज्यबे सामरीकी अर्थ
(मत्ती २२:३४-४०; मर्कुस् १२:२८-३१)
25धर्म लोप्पोन् गीः खज्यीम् येसुत फसाइतीब म्हेन्ज्यीम् चोले पङ्ज्यी, “लोप्पोन्, पर्मेस्वर्तेङ् खेमेएनो अबेबे जीवन यङ्बरी ङचे ता स्य्हेङ्थोब?” 26येसुचे सुङ्ज्यी, “चु तम्री मोसाचे ब्रीबे पर्मेस्वर्की नीयम्चे ता पङ्ब? हुचुरी एचे ता गोज्यी?” 27धर्म-लोप्पोन्चे पङ्ज्यी, “‘एचे परमप्रभु र्हङ्ल पर्मेस्वर्त र्हङ्की सेम् य्हङ्से, बुः य्हङ्से, बङ् य्हङ्से, म्हेन्लु य्हङ्से म्होइको#१०:२७ व्यवस्था ६:५।’ ओसेम् ‘र्हङ्की खीम्चेत र्हङ्त र्हङ्लेनो म्होइथोब।’” 28येसुचे थेत सुङ्ज्यी, “एचे ठीक्नो पङ्ज्यी। एचेएनो होले स्य्हेङो। ओसेम् एचे पर्मेस्वर्तेङ् खेमेनो #१०:२८ लेबी १६:१८अबेबे जीवन यङ्स्ये मुब।” 29तर धर्म-लोप्पोन्चे र्हङ्चे र्हङ्त ज्यब ङोन्बरी येसुत चोले ङ्योत्ज्यी, “ङल खीम्चे खल य्हीन्ब?”
30येसुचे थेत सुङ्ज्यी, “म्ही गीः यरुसलेम्री यरीहो क्योर् य्हर्टीब मुबल। ग्यम्री थेत य्होमाचे चुङ्ज्यीम् थेल जम्मा स्य्हेमातेङ् येनेनो बोर्ज्यीम् स्यीयम्नले तोज्यीम् पीत्थेन्ज्यी। 31य्हम्बकी लीप्चे यहुदी लम्बु गीः हुचु ग्यम्सेनो तज्यीम् खज्यी। थेचे हुचु न्हेप्प म्हीत म्रङ्ज्यीम्येनो अम्रङ्ब स्य्हेङ्ज्यीम् ख्योक्ज्यीम् य्हर्ज्यी। 32हुचु लीप्चे लेबी गीः हुचु ग्यम्सेनो तज्यीम् खज्यी। थेचेएनो हुचु न्हेप्प म्हीत म्रङ्ज्यीम्येनो अम्रङ्ब स्य्हेङ्ज्यीम् ख्योक्ज्यीम् य्हर्ज्यी। 33ओसेम् सामरी#१०:३३ सामरी यहुदीमाचे सामरी म्हीमात अखोबल ओसेम् थेमेमा पर्मेस्वर्की म्ही अय्हीन्ब मेम्बल म्ही गीःएनो हुचु ग्यम्सेनो खज्यी। थेचे हुचु न्हेप्प म्हीत म्रङ्ज्यीम् थेइ सेम् छुज्यी। 34थे हुचु म्हीइज ङ्यीज्यी। थेचे हुचु म्हीइ म्हगरी मेन्#१०:३४ मेन् हुचु म्हीचे मग फेन्नलबरी स्य्हुत्पी मेन् जैतुनकी छ्युकुतेङ् अङ्गुरकी नीङ्गु मुबल। युज्यीम् खीबीन्ज्यी। ओसेम् हुचु न्हेप्पत र्हङ्की बुङ्गुइ जोरी कल्ज्यीम् ज्यीत होटेल् गीःरी बोर्ज्यीम् थेत म्हुन गीः स्य्हप्तो स्य्हेङ्ज्यी। 35न्हम्स्य्होर्हङ् यर्बे बेलोरी थेचे होटेल्की न्यबोत पइस #१०:३५ पइस थेचे म्हुइकी पइस ङ्य्ही पीन्ज्यी। हुचु पइस दीन् ङ्य्हीकी म्हेलतेङ् च्योच्च्यो तब। पीन्ज्यीम् चोले पङ्ज्यी, ‘चु म्हीत ज्यनले स्य्हप्तो स्हेङो। ल्हो-ल्हो टङ ङ्यीसम् ङ दोःज्यीम् खबतेङ् पीन्ल।’”
36येसुचे चु अर्थ सुङ्ज्यीम् धर्म लोप्पोन्त चोले ङ्योत्जेत्ज्यी, “हुचु म्ही सोम् न्हङ्री य्होमाचे तोबे म्हीइ खीम्चे खल तज्यी स्यीम्?” 37धर्म-लोप्पोन्चे पङ्ज्यी, “थेत म्होइबे म्ही।” ओसेम् येसुचे सुङ्ज्यी, “ङ्यीउ, एचेएनो होले स्य्हेङो।”
मरीयमचे दम्बल ब्येन् अखम्
38येसुतेङ् थेङ्की डबमा स्येःटीमम् नम्स गीःरी दोःजेत्ज्यी। हुजु नम्सइ मार्था पङ्बे अमकोलचे थेइ दीम्री थेङ्मात स्वागत स्य्हेङ्ज्यी। 39ओसेम् थेल मरीयम पङ्बे अङ गीः मुबल। मरीयम प्रभुइ स्य्हब्की रेइरी टीज्यीम् थेङ्चे सुङ्बे तम् ङ्येन्टीब मुबल। 40तर मार्थामी येसुत क्योङ्बरी योप्त स्य्हेङ्बरी उन्टीबल तज्यीम् थे येसुज खज्यीम् पङ्ज्यी, “प्रभु, योप्त स्य्हेङ्बरी ङइ अङचे ङत र्हो अस्य्हेङ्बल थेङ्चे अस्हीजेतो? ङत र्हो लबरी ङ्यीउ बी थेत सुङ्जेतो।” 41प्रभुचे थेत सुङ्ज्यी, “मार्था, मार्था! ए य्हक्को स्य्हेमाइ बारेरी छेर्बल मुब। 42तर तोःबलमी गीःकीनो मुब। मरीयमचेम् हुजु दम्बल मुब। ओसेम् हुजु थे ग्यम्से ब्येन्बोर्स्ये अरे।”
वर्तमान में चयनित:
लुका 10: WTDG
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
लुका 10
10
येसुचे खल् सोम् स्यी चुङ्ङ्य्ही डबमात पीत्जेत्पल
1हुजु लीप्चे प्रभुचे खल् सोम् स्यी चुङ्ङ्य्ही डबमा दम्जेत्ज्यी। ओसेम् थेङ् स्येःब छ्यबे जम्मा ज्यीद सहरमातेङ् ग्लामारी ङ्य्ही-ङ्य्हीले जुज्यीम् ङोन्ग्यम् पीत्जेत्ज्यी। 2येसुचे थेङ्यीमात सुङ्ज्यी, “दुत्थोस्येकी अन्न य्हक्को मुब। तर नङ्बोमा चेक् मुब। होत्तज्यीम् दुत्थोबे अन्नइ प्रभुत अन्न दुत्परी नङ्बोमा पीत्युजेतो बी प्रार्थना स्य्हेङो। 3ङ्यीउ! ङ एङ्यीमात फरामाकी गुङ्री ग्यु कोलमा र्हङ्ले पीत्टीब मुब। 4एङ्यीमाचे टङ, झोला ओसेम् चप्पलएनो थनागो। ग्यम्री रप्ज्यीम् खल्तएनो लस्सो थस्य्हेङो।”
5“ओसेम् एङ्यीमा खजु दीम्न्हङ् ङोन्ग्यम् वङ्ब, ‘हुजु दीम्की म्हीत सान्ती तखइ’ बी पङो। 6हुजु दीम्री सान्तीत खोबे म्हीमा मुसम् थेङ्यीमाचे मोलम् यङ्स्ये मुब। तर होतेबे म्हीमा अरेसम् मोलम् एङ्यीमातेङ्नो दोःज्यीम् खस्ये मुब। 7ओसेम् थेङ्यीमाचे तइ चबे स्य्हे पीन्ज्यी चज्यीम् हुजु दीम्रीनो टीउ। तलेपङ्सम् लक् स्य्हेङ्बे म्हीचे म्हेल यङ्नोथोब। ओसेम् ल्हो-ल्हो दीम्-दीम्री वङ्ज्यीम् थब्रउ।”
8“होलेनो ज्यीद सहर्री वङ्बे बेलोरी एङ्यीमात स्वागत स्य्हेङ्ज्यीम् एङ्यीमात तइ चबे स्य्हे पीन्लेएनो चउ। 9हुजुरी मुबे नबे म्हीमात फेन्न लउ। ओसेम् ‘पर्मेस्वर्की य्हुल् एङ्यीमाकी ज्यदङ् खज्यीन्बल मुब’ बी जम्मा म्हीमात स्येतो। 10तर ज्यीद सहर्री वङ्बे बेलोरी एङ्यीमात स्वागत अस्य्हेङ्सम्, फीर्च्योर् म्हीमा र्हुप् तबे ग्यम्री ङ्यीज्यीम् पङो, 11‘ङ्यीमाइ कङ्री बेर्बे बुप्फ्रएनो एङ्यीमात चेतावनीकी लागीरी तथेन्बल मुब। तर पर्मेस्वर्की य्हुल् एङ्यीमाकी ज्यदङ् खज्यीन्बल मुब बी स्येःजेतो।’ 12ङ एङ्यीमात पङ्ब, न्यायकी दीन्री हुजु ज्यीद सहर बीमम् सदोम#१०:१२ सदोम “सदोम” पङ्बलमी सहर मुबल। हुजु सहरत पर्मेस्वर्चे नास् लजेत्पल मुबल। तलेपङ्सम् हुजु सहर्री य्हक्को नइबे लक्मा स्य्हेङ्बल मुबल।की#ठुङ्ब १९:२३-२९ गती नाखम्बल तब।”
बीस्वास् अस्य्हेङ्बे ज्यीद सहरमा
(मत्ती ११:२०-२७; १३:१६-१७)
13“धीक्कार! खोराजीनतेङ् बेथसेदाकी म्हीमा एङ्यीमाइ गुङ्री स्य्हेङ्बे तेङेन्की लक्मा टुरोसतेङ् सीदोन सहर्री स्य्हेङ्बल पङ्सम् बरु हुजुइ म्हीमाचे ङोन्ग्यम्नो गल्द य्हुर्ज्यीम्, मेप्फ्र स्य्हल्ज्यीम् पस्चताप स्य्हेङ्स्येल मुबल। 14न्यायकी दीन्री तबे एङ्यीमाइ गती बीमम् टुरोसतेङ् सीदोनकी गती नाखम्बल् तब। 15ओसेम् कफर्नहुमकी म्हीमा, एङ्यीमा स्वर्गरी दोःज्यीम् स्य्हेस यङ्ब बी म्हेम्ब? एङ्यीमामी नर्करी दोःस्ये मुब।”
16येसुचे थेङ्की डबमात सुङ्ज्यी, “एङ्यीमाइ तम् ङ्येन्बलमाचे ङइ तम्तएनो ङ्येन्ब। एङ्यीमाइ तम् अङ्येन्बलमाचे ङइ तम्तएनो अङ्येन्। ङइ तम् अङ्येन्बलमाचे ङत पीत्युजेत्पलतएनो अङ्येन्।”
खल् सोम् स्यी चुङ्ङ्य्ही डबमा दोःज्यीम् खबल
17खल् सोम् स्यी चुङ्ङ्य्ही डबमा#१०:१७ खल् सोम् स्यी चुङ्ङ्य्ही डबमा चुइ गदे बाइबल् सस्करनमारी खल् सोम् स्यी च्यी ब्रबल मुब। तङ्-तङ्ज्यीम् दोःखज्यीम् थेङ्त पङ्ज्यी, “प्रभु, थेङ्की छेन्री ङ्यीमाचे कुल्बे तम् म्हङ्माचेएनो ङ्येन्ज्यी।” 18येसुचे थेङ्यीमात सुङ्ज्यी, “ङचे सैतानत तीप्लीक् फ्लीक्प र्हङ्ले स्वर्गचे तइटीबल म्रङ्ज्यी। 19पुख्रीमातेङ् दीक्प ग्यल्बो च्येन्ज्यीम् ब्रबतेङ् सत्तुर्माकी जम्मा सक्तीमात डाबे अधीकार् एङ्यीमात पीन्बल मुब। ओसेम् ताचेएनो एङ्यीमात न्होङ्न लअखम्स्ये मुब। 20एङ्यीमाचे कुल्बल म्हङ्माचे ङ्येन्ज्यी बी थतङो। तर एङ्यीमाइ मीन् स्वर्गरी ब्रीबल मुब बी तङो।”
21हुजु बेलोरीनो येसु पबीत्र आत्माचे प्लीङ्ज्यीम्, तङ्ज्यीम् सुङ्ज्यी, “अप, स्वर्गतेङ् जम्बुलीङ्की परमप्रभु, ङ थेङ्त होर्छ्ये पीन्ब। तलेपङ्सम् थेङ्चे बुद्दी मुबे म्हीमातेङ् स्येःब खेःबे म्हीमा ग्यम्चे छुम्ज्यीम् थेन्बे चु जम्मनो तम्मा तेएनो अस्येःबे म्हीमात ङोन्जेत्ज्यी। अप, चोलेनो स्य्हेङ्जेत्बे थेङ्की थुः मुबल।”
22“ङइ अपचे जम्मनो स्य्हेमा ङत न्हङ्बल मुब। ज खल य्हीन्ब बी अपचेकीनो स्येःब। ओसेम् अप खल य्हीन्ब बी जतेङ् थेचे स्येःन लबे म्हीमाचेकीनो अपत स्येःब।”
23ओसेम् येसु डबमा पट्टी दोःजेत्ज्यीम् थेङ्यीमातकीनो सुङ्ज्यी, “एङ्यीमाचे म्रङ्बे चु तम्मा म्रङ्बे म्हीमा मोलम् यङ्बे म्हीमा य्हीन्ब। 24तलेपङ्सम् ङ एङ्यीमात पङ्ब, एङ्यीमाचे म्रङ्बे चु तम्मा य्हक्को अगम्बक्तमातेङ् ग्यल्बोमाचे च्याबतेङ् ङ्येन्ब म्हइज्यी। तर थेङ्यीमाचे च्याबतेङ् ङ्येन् अम्यङ्।”
ज्यबे सामरीकी अर्थ
(मत्ती २२:३४-४०; मर्कुस् १२:२८-३१)
25धर्म लोप्पोन् गीः खज्यीम् येसुत फसाइतीब म्हेन्ज्यीम् चोले पङ्ज्यी, “लोप्पोन्, पर्मेस्वर्तेङ् खेमेएनो अबेबे जीवन यङ्बरी ङचे ता स्य्हेङ्थोब?” 26येसुचे सुङ्ज्यी, “चु तम्री मोसाचे ब्रीबे पर्मेस्वर्की नीयम्चे ता पङ्ब? हुचुरी एचे ता गोज्यी?” 27धर्म-लोप्पोन्चे पङ्ज्यी, “‘एचे परमप्रभु र्हङ्ल पर्मेस्वर्त र्हङ्की सेम् य्हङ्से, बुः य्हङ्से, बङ् य्हङ्से, म्हेन्लु य्हङ्से म्होइको#१०:२७ व्यवस्था ६:५।’ ओसेम् ‘र्हङ्की खीम्चेत र्हङ्त र्हङ्लेनो म्होइथोब।’” 28येसुचे थेत सुङ्ज्यी, “एचे ठीक्नो पङ्ज्यी। एचेएनो होले स्य्हेङो। ओसेम् एचे पर्मेस्वर्तेङ् खेमेनो #१०:२८ लेबी १६:१८अबेबे जीवन यङ्स्ये मुब।” 29तर धर्म-लोप्पोन्चे र्हङ्चे र्हङ्त ज्यब ङोन्बरी येसुत चोले ङ्योत्ज्यी, “ङल खीम्चे खल य्हीन्ब?”
30येसुचे थेत सुङ्ज्यी, “म्ही गीः यरुसलेम्री यरीहो क्योर् य्हर्टीब मुबल। ग्यम्री थेत य्होमाचे चुङ्ज्यीम् थेल जम्मा स्य्हेमातेङ् येनेनो बोर्ज्यीम् स्यीयम्नले तोज्यीम् पीत्थेन्ज्यी। 31य्हम्बकी लीप्चे यहुदी लम्बु गीः हुचु ग्यम्सेनो तज्यीम् खज्यी। थेचे हुचु न्हेप्प म्हीत म्रङ्ज्यीम्येनो अम्रङ्ब स्य्हेङ्ज्यीम् ख्योक्ज्यीम् य्हर्ज्यी। 32हुचु लीप्चे लेबी गीः हुचु ग्यम्सेनो तज्यीम् खज्यी। थेचेएनो हुचु न्हेप्प म्हीत म्रङ्ज्यीम्येनो अम्रङ्ब स्य्हेङ्ज्यीम् ख्योक्ज्यीम् य्हर्ज्यी। 33ओसेम् सामरी#१०:३३ सामरी यहुदीमाचे सामरी म्हीमात अखोबल ओसेम् थेमेमा पर्मेस्वर्की म्ही अय्हीन्ब मेम्बल म्ही गीःएनो हुचु ग्यम्सेनो खज्यी। थेचे हुचु न्हेप्प म्हीत म्रङ्ज्यीम् थेइ सेम् छुज्यी। 34थे हुचु म्हीइज ङ्यीज्यी। थेचे हुचु म्हीइ म्हगरी मेन्#१०:३४ मेन् हुचु म्हीचे मग फेन्नलबरी स्य्हुत्पी मेन् जैतुनकी छ्युकुतेङ् अङ्गुरकी नीङ्गु मुबल। युज्यीम् खीबीन्ज्यी। ओसेम् हुचु न्हेप्पत र्हङ्की बुङ्गुइ जोरी कल्ज्यीम् ज्यीत होटेल् गीःरी बोर्ज्यीम् थेत म्हुन गीः स्य्हप्तो स्य्हेङ्ज्यी। 35न्हम्स्य्होर्हङ् यर्बे बेलोरी थेचे होटेल्की न्यबोत पइस #१०:३५ पइस थेचे म्हुइकी पइस ङ्य्ही पीन्ज्यी। हुचु पइस दीन् ङ्य्हीकी म्हेलतेङ् च्योच्च्यो तब। पीन्ज्यीम् चोले पङ्ज्यी, ‘चु म्हीत ज्यनले स्य्हप्तो स्हेङो। ल्हो-ल्हो टङ ङ्यीसम् ङ दोःज्यीम् खबतेङ् पीन्ल।’”
36येसुचे चु अर्थ सुङ्ज्यीम् धर्म लोप्पोन्त चोले ङ्योत्जेत्ज्यी, “हुचु म्ही सोम् न्हङ्री य्होमाचे तोबे म्हीइ खीम्चे खल तज्यी स्यीम्?” 37धर्म-लोप्पोन्चे पङ्ज्यी, “थेत म्होइबे म्ही।” ओसेम् येसुचे सुङ्ज्यी, “ङ्यीउ, एचेएनो होले स्य्हेङो।”
मरीयमचे दम्बल ब्येन् अखम्
38येसुतेङ् थेङ्की डबमा स्येःटीमम् नम्स गीःरी दोःजेत्ज्यी। हुजु नम्सइ मार्था पङ्बे अमकोलचे थेइ दीम्री थेङ्मात स्वागत स्य्हेङ्ज्यी। 39ओसेम् थेल मरीयम पङ्बे अङ गीः मुबल। मरीयम प्रभुइ स्य्हब्की रेइरी टीज्यीम् थेङ्चे सुङ्बे तम् ङ्येन्टीब मुबल। 40तर मार्थामी येसुत क्योङ्बरी योप्त स्य्हेङ्बरी उन्टीबल तज्यीम् थे येसुज खज्यीम् पङ्ज्यी, “प्रभु, योप्त स्य्हेङ्बरी ङइ अङचे ङत र्हो अस्य्हेङ्बल थेङ्चे अस्हीजेतो? ङत र्हो लबरी ङ्यीउ बी थेत सुङ्जेतो।” 41प्रभुचे थेत सुङ्ज्यी, “मार्था, मार्था! ए य्हक्को स्य्हेमाइ बारेरी छेर्बल मुब। 42तर तोःबलमी गीःकीनो मुब। मरीयमचेम् हुजु दम्बल मुब। ओसेम् हुजु थे ग्यम्से ब्येन्बोर्स्ये अरे।”
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.