लुका 9
9
येसुचे चुङ्ङ्यी डबमात पीत्जेत्पल
(मत्ती १०:५-१५; मर्कुस् ६:७-१३)
1येसुचे थेङ्की चुङ्ङ्यी डबमात बक्च्य ङ्होत्ज्यीम् थेङ्यीमात जम्मा म्हङ्मा लब्लाबतेङ् रोगमा फेन्न लबे सक्तीतेङ् अधीकार् न्हङ्जेत्ज्यी। 2हुजु लीप्चे थेङ्चे थेङ्यीमात पर्मेस्वर्की य्हुल्की प्रचार स्य्हेङ्बतेङ् नबलमात फेन्नलबरी पीत्जेत्ज्यी। 3पीत्जेत्प बीमम् ङोन्ग्यम् थेङ्चे थेङ्यीमात सुङ्ज्यी, “ग्यम्की लागीरी एङ्यीमाचे बेर्क, झोल, चबे स्य्हे, टङ, ओसेम् पोबे येनेएनो थनाको। 4खजु दीम्री एङ्यीमात स्वागत स्य्हेङ्ज्यी, हुजु ज्यीद सहर ख्लेथेन्ज्यीम् अय्हर्गदे सम्मा हुजु दीम्रीनो टीउ। 5ओसेम् एङ्यीमात म्हीमाचे स्वागत अस्य्हेङ्ज्यी पङ्सम् हुजु ज्यीद सहर ख्लेथेन्बे बेलोरी एङ्यीमाइ कङ्की बुप्फ्र थेमात चेतावनीकी लागीरी तथेनो#९:५ कङ्की बुप्फ्र थेमात चेतावनीकी लागीरी तथेनो पङ्बलमी पर्मेस्वर्चे हुजु ग्लाकी म्हीमात सजाय पीन्स्ये मुब। तलेपङ्सम् थेङ्यीमाचे थेङ्की डबमातेङ् फ्रोइत बीस्वास् अल। ।” 6ओसेम् डबमा य्हर्ज्यीम् नम्स-नम्समा तज्यीम् ज्यबे सम्तर् प्रचार स्य्हेङ्ज्यी। ओसेम् नबे म्हीमात फेन्न लज्यी।
हेरोद थोम्बल
(मत्ती १४:१-१२; मर्कुस् ६:१४-२९)
7येसुचे स्य्हेङ्जेत्टीबे जम्मा लक्माइ बारेरी थ्येःब बीसेम् गालील प्रदेस्की सासक हेरोद थोम्ज्यी। तलेपङ्सम् कोइ म्हीमाचे बप्तीस्मा पीन्बे युहन्ना सोज्यीम् खनेम् पङ्टीब मुबल, 8कोइ्चे एलीया खनेम्। ओसेम् ल्हो-ल्हो कोइ्-कोइ्चे दङ्बोइ अगम्बक्तमा न्हङ्री गीः सोज्यीम् खनेम् पङ्टीब मुबल। 9तर हेरोदचे पङ्ज्यी, “युहन्नाइ क्र ङचे थापुङ्बल य्हीन्ब। चु खल म्ही थेइ बारेरी ङचे चोतेबे तम् थ्येःब?” ओसेम् हेरोदचे थेङ्त खतु स्य्हेङ्बे सेम् लज्यी।
येसुचे हजार ङ्हत ख्वाजेत्पल
(मत्ती १४:१३-२१; मर्कुस् ६:३०-४४; युहन्ना ६:१-१४)
10प्रेरीतमा दोःखब बीसेम् थेङ्यीमाचे स्य्हेङ्बे जम्मा लक्मा येसुत स्येत्पीन्ज्यी। ओसेम् थेङ्चे थेङ्यीमात बोर्ज्यीम् कुटीले बेथसेदा पङ्बे ज्यीद सहर्री स्येःज्यी। 11तर य्हक्को म्हीमाचे थेङ् खन स्येःटीब बी था यङ्ज्यीम् थेङ्की लीप्-लीप् ङ्यीज्यी। येसुचे थेङ्यीमात स्वागत स्य्हेङ्ज्यीम् पर्मेस्वर्की य्हुल्की बारेरी लोप्जेत्ज्यी। ओसेम् थेङ्चे नबलमात फेन्न लजेत्ज्यी।
12दीनी गल् यम्ब बीसेम् चुङ्ङ्यी प्रेरीतमा थेङ्जा खज्यीम् पङ्ज्यी, “म्हीमात य्हर्पुङ्जेतो, थेङ्यीमा ङ्यीज्यीम् रेइ-रेइकी नम्समारी चब थुङ्बतेङ् र्यबे ग्ला म्हइखइ।” तलेपङ्सम् चु उजाड-ग्लारी चबथुङ्ब तेएनो अरे। 13तर येसुचे थेङ्यीमात सुङ्ज्यी, “एङ्यीमाचेनो थेङ्यीमात चब पीनो।” थेङ्यीमाचे पङ्ज्यी, “ङ्यीमातेङ् ग्येङ् ङ्ह ओसेम् तर्ङ ङ्य्हीकीनो मुब। होलेपङ्सम् ङ्यीमा ङ्यीज्यीम् चु जम्मा म्हीमाकी लागीरी चबे स्य्हे ग्लुज्यीम् बब।” 14हुजुरी हजार ङ्हइ् थामी अपकोलमाकीनो मुबल। येसुचे थेङ्की डबमात सुङ्ज्यी, “म्हीमात खल् ङ्य्हीस्यी च्यी-च्यीले टीपुङो।” 15होत्तज्यीम् थेङ्यीमाचे म्हीमात होलेनो टीपुङ्ज्यी। 16ओसेम् येसुचे ग्येङ् ङ्हतेङ् तर्ङ ङ्य्ही थोज्यीम् नम्तीङ् स्वर्गतोर् स्हीःज्यीम् पर्मेस्वर्त ह्वोर्छ्ये न्हङ्ज्यी। ओसेम् ग्येङ्मातेङ् तर्ङमा स्योइज्यीम् म्हीमात पीनो बी डबमात न्हङ्ज्यी। 17म्हीमा जम्मचे फो म्रेन्बसम्म चज्यी। ओसेम् ल्हाबलमा डबमाचे डलो चुङङ्यी र्हुप् लज्यी।
येसु खल य्हीन्ब?
(मत्ती १६:१३-२३; मर्कुस् ८:२७-३३)
18तीरेत् येसु गीःकीनो प्रार्थना स्य्हेङ्जेत्टीब मुबल। डबमा थेङ्की रेइरी मुबल। ओसेम् थेङ्चे थेङ्यीमात ङ्योत्जेत्ज्यी, “म्हीमाचे ङत खल पङ्ब?” 19थेङ्यीमाचे तम् दोःज्यीम् पङ्ज्यी, “कोइ म्हीमाचे बप्तीस्मा पीन्बे युहन्ना, कोइ्चे एलीया, ओसेम् ल्हो-ल्हो कोइ्-कोइ्चे दङ्बोइ अगम्बक्तमा न्हङ्री गीः सोज्यीम् खनेम् पङ्ब।” 20ओसेम् येसुचे थेङ्यीमात ङ्योत्जेत्ज्यी, “तर एङ्यीमाचेमी ङत खल पङ्ब?” पत्रुसचे पङ्ज्यी, “ए पर्मेस्वर्चे पीत्युजेत्पे मुक्ती न्हङ्बे ख्रीस्ट् य्हीन्ब।”
21तर येसुचे थेङ्की डबमात चु तम् खल्तेएनो थस्येतो बी सुङ्जेत्ज्यी। 22थेङ्चे डबमात सुङ्जेत्ज्यी, “म्हीइ जचे य्हक्को दुख नास्ये मुब। थेङ्त अगुवामा, ङ्हच्छ्यङ् लम्बुमा ओसेम् धर्म लोप्पोन्माचे अखोज्यीम् सेत्लास्ये मुब। तर थे सोम्रेत्की दीन्री सोस्ये मुब।”
खले देमेन्की डब तखम्ब
(मत्ती १६:२४-२८; मर्कुस् ८:३४-९:१)
23येसुचे जम्मा म्हीमात सुङ्ज्यी, “एङ्यीमा ङइ डब तइ म्हेन्ज्यी पङ्सम् एङ्यीमाचे र्हङ्चे र्हङ्तनो म्लेत्थोब, ओसेम् दीन् र्हङ्स्यीनो एङ्यीमाइ् क्रुस् नाज्यीम् ङइ लीप्चे ब्रउ#९:२३ क्रुस् नाज्यीम् ङइ लीप्चे ब्रउ चु पङ्बलमी येसुइ लीप्चे ब्रबे म्हीचे र्हङ्चे र्हङ्तनो म्लेत्ज्यीम्, खतेबे ङ्हच्छ्यङ् दुख पङ्लेएनो नाज्यीम् थेङ्चे कुल्बे अर्ती ङ्येन्ज्यीम् ब्रथोब। ओसेम् थेङ्की लागीरी स्यीबरीएनो तयार् तथोब।। 24तलेपङ्सम् एङ्यीमाचे र्हङ्की जीवन् थर्नलब म्हइज्यी पङ्सम्, र्हङ्की जीवन म्हस्ये मुब। तर एङ्यीमाचे ङइ लागीरी र्हङ्की जीवन म्हनलज्यी पङ्सम्, एङ्यीमाइ जीवन थर्स्ये मुब। 25म्हीचे जम्बुलीङ्नो र्हङ्की यारी यङ्लेएनो थेइ र्हङ्की जीवन#९:२५ जीवन चु जीवन चही खेमेनो अबेबे जीवन् य्हीन्ब। म्हज्यी पङ्सम् थेचे तानो यङ्ज्यी स्यीम्? 26खजु म्ही ङ ओसेम् ङइ फ्रोइ्तेङ् पेत्ज्यी, म्हीइ ज थेइ महीमातेङ् अपइ महीमारी ओसेम् पबीत्र स्वर्गदुत्माकी महीमारी युबे बेलोरी हुजुतेङ् पेत्स्ये मुब। 27तर ङ एङ्यीमात देमेन्नो पङ्ब, चुरी रप्टीबलमा गदेमी पर्मेस्वर्की य्हुल्त अम्रङ्गते स्यीस्ये अरे।”
येसुइ स्य्हल् पोबल
(मत्ती १७:१-८; मर्कुस् ९:२-८)
28चु तम्मा सुङ्ज्यीम् सत गीः र्हङ्ब लीप्चे येसुचे पत्रुस, युहन्ना ओसेम् याकुबत र्हङ्तेङ् बोर्ज्यीम् गङ्तोर् प्रार्थना स्य्हेङ्बरी स्येःज्यी। 29थेङ् प्रार्थना स्य्हेङ्जेत्टीबे बेलोरी थेङ्की स्य्हल् पोज्यी। ओसेम् थेङ्की न्हम्ज तर् तज्यीम् य्हक्को सर्ज्यी। 30य्हम्बगीरीनो म्ही ङ्य्ही थेङ्तेङ् तम् पङ्टीब म्रङ्ज्यी। थेङ्य्ही मोसातेङ् एलीया #९:३० मोसातेङ् एलीया पर्मेस्वर्चे मोसात नीयम्मा न्हङ्जेत्ज्यी। एलीयात ङ्हच्छ्यङ् अगम्बक्त मुबल।मुबल। 31थेङ्य्हीनो स्वर्गइ महीमारी म्रङ्ज्यी। थेमा येसु यरुसलेम्री स्यीज्यीम् पर्मेस्वर्की योजना पुरा स्य्हेङ्थोस्येकी बारेरी येसुतेङ् तम् पङ्टीब मुबल।
32पत्रुसतेङ् ल्हो-ल्हो डबमा म्हेर्टीब मुबल। तर थेङ्यीमा छ्यीङ्खमम् थेङ्यीमाचे येसुइ महीमा ओसेम् थेङ्तेङ् म्ही ङ्य्ही रप्टीबल म्रङ्ज्यी। 33मोसातेङ् एलीयाचे येसुत ख्लेथेन्ब छ्यबे बेलोरी पत्रुसचे येसुत पङ्ज्यी, “लोप्पोन्, ङ्यीमा चुरी तब ज्यब तनेम्। ङ्यीमात गोर सोम् स्य्हेङ्पुङ्जेतो, एइ लागीरी गीः, मोसाइ लागीरी गीः ओसेम् एलीयाकी लागीरी गीः।” (पत्रुसचे तइ तम् पङ्थोबल बी म्हेन्न-अम्हेन्नलेनो पङ्लाज्यी।)
34पत्रुस तम् पङ्टीन-पङ्टीननो मुक्प खज्यीम् थेङ्मात उप्ज्यी। ओसेम् मुक्पचे थेङ्मात उप्प बीसेम् डबमा लोङ्ज्यी। 35मुक्प्पन्हङ्चे चोले पङ्बे केत् थ्येःज्यी, “चु ङइ ज, थेत ङचे दम्बल य्हीन्ब। थेचे पङ्बे तम् एङ्यीमाचे ङ्येनो।” 36चु सुङ्ज्यीन्ब बीसेम् थेङ्यीमाचे हुजुरी येसु गीःकीनो म्रङ्ज्यी। हुजु बेलोरी थेङ्यीमाचे म्रङ्बे तम्मा खल्तेएनो अस्येत्नले कुटीले टीज्यी।
येसुचे म्हङ् स्यप्पे ठीटत फेन्न लजेत्पल
(मत्ती १७:१४-१८; मर्कुस् ९:१४-२७)
37न्हम्स्योर्हङ् येसुतेङ् थेङ्की डब सोम् गङ्तोर्से युमम् य्हक्को म्हीमा दोबरी खज्यी। 38य्हक्को म्हीमा न्हङ्चे म्ही गीःचे केत् ङ्हच्छ्यङ् तेत्ज्यीम् पङ्ज्यी, “लोप्पोन्, ङ एत फ्या स्य्हु लब, ङइ जत स्य्हीपीन्जेतो। थे ङल गीःकीनो मुबे कोल य्हीन्ब। 39थेत म्हङ्चे चुङ्ब सात्चेनो क्रीङ्न लब। ओसेम् कङ्लङ् कुङ्लुङ् तज्यीम् थेइ सुङ्से कोप्स्यो डोङ्ब। खेम पङ्लेएनो थेत तोर् म्य्हा मोर् म्य्हा अस्य्हेङ्गदे म्हङ्चे पीत्नो अपीत्। 40ङचे एइ डबमात हुजु म्हङ् लब्लाको बी फ्या लज्यी। तर थेङ्यीमाचे अखम्।” 41येसुचे सुङ्ज्यी, “एङ्यीमा खतेबे बीस्वास् अरेबलतेङ् अज्यबे सेम् मुबे म्हीमा। गदेसम्म ङ एङ्यीमातेङ् तल? गदेसम्म ङ एङ्यीमात नाब?” ओसेम् थेङ्चे सुङ्ज्यी, “एइ जत चुरी बोउ।” 42ओसेम् हुजु ठीट खन-खननो म्हङ्चे चुङ्ज्यीम् म्य्हाज्यी। तर येसुचे म्हङ्त ठीट ग्यम्चे डोङ्ज्यीम् य्हरो बी कुल्जेत्ज्यी। ओसेम् ठीट फेन्ज्यीम् थेइ अपत सोप्तीपीन्जेत्ज्यी। 43पर्मेस्वर्की ङ्हच्छ्यङ् सक्ती म्रङ्ज्यीम् जम्मा म्हीमा थोम्ज्यी।
येसुचे देबेनो र्हङ् स्यीस्येकी बारेरी चर्चा स्य्हेङ्जेत्पल
(मत्ती १७:२२-२३; मर्कुस् ९:३०-३२)
येसुचे स्य्हेङ्जेत्पे लक् म्रङ्ज्यीम् जम्मा म्हीमा थोम्टीबे बेलोरीनो येसुचे थेङ्की डबमात सुङ्ज्यी, 44“ज्यनले ङ्येनो ङ एङ्यीमात ता पङ्ब छ्यटीब मुब। म्हीइ जत थेइ सत्तुर्माकी यारी पीन्स्ये मुब।” 45तर थेङ्चे ता सुङ्ब छ्याबल डबमाचे गोअखम्। चु तम्की अर्थ थेमाचे अगोखइ बी थेमा ग्यम्से छुम्बल मुबल। होत्तज्यीम् थेङ्यीमाचे चु तम् गोअखम्। ओसेम् थेङ्यीमा चु तम्की बारेरी येसुत ङ्योत्परी लोङ्ज्यी।
गोदोब्न्हङ्की ङ्हच्छ्यङ् खल?
(मत्ती १८:१-५; मर्कुस् ९:३३-४०)
46येसुइ डबमा र्हङ्न्हङ्री खल चइ ङ्हच्छ्यङ् य्हीन्ब बी तम् तज्यी। 47येसुचे थेमाइ बीचार् खेम्ज्यी। थेङ्चे कोल गीःत बज्यीम् र्हङ्की रेइरी रप्पुङ्जेत्ज्यी। 48ओसेम् थेमात सुङ्ज्यी, “खल्चे चोतेबे कोलत ङइ मीन्री स्वागत स्य्हेङ्ब, थेचे ङतएनो स्वागत स्य्हेङ्ब। ओसेम् खल्चे ङत स्वागत स्य्हेङ्ब, थेचे ङत पीत्युजेत्पलतएनो स्वागत स्य्हेङ्ब। एङ्यीमान्हङ् खल्चे र्हङ्त ज्यीद म्हेन्ब थेनो जम्मा न्हङ्री ङ्हच्छ्ङ् तब।”
49युहन्नाचे पङ्ज्यी, “लोप्पोन्, ङ्यीमाचे थेङ्की छेन्री म्हङ् लब्टीबे म्ही गीः म्रङ्ज्यी, तर ङ्यीमाचे थेत थल्हबो पङ्ज्यी। तलेपङ्सम् थे ङ्य्हङ्मा न्हङ्ल अय्हीन्।” 50तर येसुचे थेत सुङ्ज्यी, “थेत होले थपङो। तलेपङ्सम् खल्चे एङ्यीमात बीरोद् अस्य्हेङ्ज्यी हुजु एङ्यीमालनो य्हीन्ब।”
सामरीमाचे येसुत स्य्हेस अस्य्हेङ्बल
51येसु स्वर्गरी स्येःबे बेलो ज्यदङ् खटीबल तज्यीम् थेङ्चे यरुसलेमरीनो स्येःबे थुः लजेत्ज्यी। 52ओसेम् थेङ्चे ङोन्ग्यम्नो चवमात थेङ्की लागीरी जम्मा तम्मा तयार् स्य्हेङ्बरी सामरीया प्रदेस्की नम्सरी पीत्जेत्ज्यी। 53तर म्हीमाचे हुजुरी थेङ्त स्वागत अस्य्हेङ्। तलेपङ्सम् थेङ् यरुसलेमरी स्येःटीब मुब बी स्येःबल मुबल। 54याकुबतेङ् युहन्नाचे चु म्रङ्ब बीसेम्, थेङय्हीचे येसुत पङ्ज्यी, “प्रभु, ङ्यीमाचे स्वर्ग ग्यम्से मे तइपुङ्ज्यीम् थेङ्यीमात नास् स्य्हेङ्खइ बी थेङ्की थुः मुब?”
55तर येसुचे डबमा पट्टी दोःज्यीम् थेङ्यीमात बराजेत्ज्यी। 56ओसेम् थेङ्मा ल्हो-ल्हो नम्सरी स्येःजेत्ज्यी।
येसुइ लीप्चे ब्रबलमाचे फाथोबे सेइ
(मत्ती ८:१९-२२)
57थेङ्यीमा ग्यम्री स्येःटीमम्, म्ही गीःचे येसुत पङ्ज्यी, “थेङ् खन स्येःजेत्लेनो ङ थेङ्की लीप्चे ब्रस्ये मुब।” 58येसुचे थेत सुङ्ज्यी, “ल्हुन्दीमाल टीबे ऊखुङ्मा मुब, ङ्यम्ङ्यमाल टीबे जङ्मा मुब, तर म्हीइ जलमी क्र ग्युत्पे ग्लाकीएनो अरे।”
59ओसेम् थेङ्चे ल्हो-ल्हो म्ही गीःत सुङ्ज्यी, “ङइ लीप्चे ब्रउ।” तर हुजु म्हीचे पङ्ज्यी, “प्रभु, ङोन्ग्यम् ङइ स्यीबे अपतगीः बुप्परी ङ्यीपुङ्जेतो।” 60येसुचे थेत सुङ्ज्यी, “स्यीबे म्हीत स्यीबे म्हीचेनो बुप्पुङो। तर एमी पर्मेस्वर्की य्हुल्की बारेरी स्येत्परी ङ्यीउ।”
61ल्हो-ल्हो म्ही गीःचेएनो येसुत पङ्ज्यी, “ङ थेङ्की लीप्चे ब्रस्ये मुब, प्रभु, तर ङोन्ग्यम् ङइ म्हेम्हेमाज ङ्यीज्यीम् ङ येसुइ लीप्चे य्हर्ज्यी बी पङ्बरी ङ्यीपुङ्जेतो।” 62येसुचे थेत सुङ्ज्यी, “खल्चे ग्लब् मोइबे बेलोरी या गोर्री थेन्ज्यीम् ग्यप्चे दोःज्यीम् च्याब थे पर्मेस्वर्की य्हुल्की ज्योबल अत।”
वर्तमान में चयनित:
लुका 9: WTDG
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
लुका 9
9
येसुचे चुङ्ङ्यी डबमात पीत्जेत्पल
(मत्ती १०:५-१५; मर्कुस् ६:७-१३)
1येसुचे थेङ्की चुङ्ङ्यी डबमात बक्च्य ङ्होत्ज्यीम् थेङ्यीमात जम्मा म्हङ्मा लब्लाबतेङ् रोगमा फेन्न लबे सक्तीतेङ् अधीकार् न्हङ्जेत्ज्यी। 2हुजु लीप्चे थेङ्चे थेङ्यीमात पर्मेस्वर्की य्हुल्की प्रचार स्य्हेङ्बतेङ् नबलमात फेन्नलबरी पीत्जेत्ज्यी। 3पीत्जेत्प बीमम् ङोन्ग्यम् थेङ्चे थेङ्यीमात सुङ्ज्यी, “ग्यम्की लागीरी एङ्यीमाचे बेर्क, झोल, चबे स्य्हे, टङ, ओसेम् पोबे येनेएनो थनाको। 4खजु दीम्री एङ्यीमात स्वागत स्य्हेङ्ज्यी, हुजु ज्यीद सहर ख्लेथेन्ज्यीम् अय्हर्गदे सम्मा हुजु दीम्रीनो टीउ। 5ओसेम् एङ्यीमात म्हीमाचे स्वागत अस्य्हेङ्ज्यी पङ्सम् हुजु ज्यीद सहर ख्लेथेन्बे बेलोरी एङ्यीमाइ कङ्की बुप्फ्र थेमात चेतावनीकी लागीरी तथेनो#९:५ कङ्की बुप्फ्र थेमात चेतावनीकी लागीरी तथेनो पङ्बलमी पर्मेस्वर्चे हुजु ग्लाकी म्हीमात सजाय पीन्स्ये मुब। तलेपङ्सम् थेङ्यीमाचे थेङ्की डबमातेङ् फ्रोइत बीस्वास् अल। ।” 6ओसेम् डबमा य्हर्ज्यीम् नम्स-नम्समा तज्यीम् ज्यबे सम्तर् प्रचार स्य्हेङ्ज्यी। ओसेम् नबे म्हीमात फेन्न लज्यी।
हेरोद थोम्बल
(मत्ती १४:१-१२; मर्कुस् ६:१४-२९)
7येसुचे स्य्हेङ्जेत्टीबे जम्मा लक्माइ बारेरी थ्येःब बीसेम् गालील प्रदेस्की सासक हेरोद थोम्ज्यी। तलेपङ्सम् कोइ म्हीमाचे बप्तीस्मा पीन्बे युहन्ना सोज्यीम् खनेम् पङ्टीब मुबल, 8कोइ्चे एलीया खनेम्। ओसेम् ल्हो-ल्हो कोइ्-कोइ्चे दङ्बोइ अगम्बक्तमा न्हङ्री गीः सोज्यीम् खनेम् पङ्टीब मुबल। 9तर हेरोदचे पङ्ज्यी, “युहन्नाइ क्र ङचे थापुङ्बल य्हीन्ब। चु खल म्ही थेइ बारेरी ङचे चोतेबे तम् थ्येःब?” ओसेम् हेरोदचे थेङ्त खतु स्य्हेङ्बे सेम् लज्यी।
येसुचे हजार ङ्हत ख्वाजेत्पल
(मत्ती १४:१३-२१; मर्कुस् ६:३०-४४; युहन्ना ६:१-१४)
10प्रेरीतमा दोःखब बीसेम् थेङ्यीमाचे स्य्हेङ्बे जम्मा लक्मा येसुत स्येत्पीन्ज्यी। ओसेम् थेङ्चे थेङ्यीमात बोर्ज्यीम् कुटीले बेथसेदा पङ्बे ज्यीद सहर्री स्येःज्यी। 11तर य्हक्को म्हीमाचे थेङ् खन स्येःटीब बी था यङ्ज्यीम् थेङ्की लीप्-लीप् ङ्यीज्यी। येसुचे थेङ्यीमात स्वागत स्य्हेङ्ज्यीम् पर्मेस्वर्की य्हुल्की बारेरी लोप्जेत्ज्यी। ओसेम् थेङ्चे नबलमात फेन्न लजेत्ज्यी।
12दीनी गल् यम्ब बीसेम् चुङ्ङ्यी प्रेरीतमा थेङ्जा खज्यीम् पङ्ज्यी, “म्हीमात य्हर्पुङ्जेतो, थेङ्यीमा ङ्यीज्यीम् रेइ-रेइकी नम्समारी चब थुङ्बतेङ् र्यबे ग्ला म्हइखइ।” तलेपङ्सम् चु उजाड-ग्लारी चबथुङ्ब तेएनो अरे। 13तर येसुचे थेङ्यीमात सुङ्ज्यी, “एङ्यीमाचेनो थेङ्यीमात चब पीनो।” थेङ्यीमाचे पङ्ज्यी, “ङ्यीमातेङ् ग्येङ् ङ्ह ओसेम् तर्ङ ङ्य्हीकीनो मुब। होलेपङ्सम् ङ्यीमा ङ्यीज्यीम् चु जम्मा म्हीमाकी लागीरी चबे स्य्हे ग्लुज्यीम् बब।” 14हुजुरी हजार ङ्हइ् थामी अपकोलमाकीनो मुबल। येसुचे थेङ्की डबमात सुङ्ज्यी, “म्हीमात खल् ङ्य्हीस्यी च्यी-च्यीले टीपुङो।” 15होत्तज्यीम् थेङ्यीमाचे म्हीमात होलेनो टीपुङ्ज्यी। 16ओसेम् येसुचे ग्येङ् ङ्हतेङ् तर्ङ ङ्य्ही थोज्यीम् नम्तीङ् स्वर्गतोर् स्हीःज्यीम् पर्मेस्वर्त ह्वोर्छ्ये न्हङ्ज्यी। ओसेम् ग्येङ्मातेङ् तर्ङमा स्योइज्यीम् म्हीमात पीनो बी डबमात न्हङ्ज्यी। 17म्हीमा जम्मचे फो म्रेन्बसम्म चज्यी। ओसेम् ल्हाबलमा डबमाचे डलो चुङङ्यी र्हुप् लज्यी।
येसु खल य्हीन्ब?
(मत्ती १६:१३-२३; मर्कुस् ८:२७-३३)
18तीरेत् येसु गीःकीनो प्रार्थना स्य्हेङ्जेत्टीब मुबल। डबमा थेङ्की रेइरी मुबल। ओसेम् थेङ्चे थेङ्यीमात ङ्योत्जेत्ज्यी, “म्हीमाचे ङत खल पङ्ब?” 19थेङ्यीमाचे तम् दोःज्यीम् पङ्ज्यी, “कोइ म्हीमाचे बप्तीस्मा पीन्बे युहन्ना, कोइ्चे एलीया, ओसेम् ल्हो-ल्हो कोइ्-कोइ्चे दङ्बोइ अगम्बक्तमा न्हङ्री गीः सोज्यीम् खनेम् पङ्ब।” 20ओसेम् येसुचे थेङ्यीमात ङ्योत्जेत्ज्यी, “तर एङ्यीमाचेमी ङत खल पङ्ब?” पत्रुसचे पङ्ज्यी, “ए पर्मेस्वर्चे पीत्युजेत्पे मुक्ती न्हङ्बे ख्रीस्ट् य्हीन्ब।”
21तर येसुचे थेङ्की डबमात चु तम् खल्तेएनो थस्येतो बी सुङ्जेत्ज्यी। 22थेङ्चे डबमात सुङ्जेत्ज्यी, “म्हीइ जचे य्हक्को दुख नास्ये मुब। थेङ्त अगुवामा, ङ्हच्छ्यङ् लम्बुमा ओसेम् धर्म लोप्पोन्माचे अखोज्यीम् सेत्लास्ये मुब। तर थे सोम्रेत्की दीन्री सोस्ये मुब।”
खले देमेन्की डब तखम्ब
(मत्ती १६:२४-२८; मर्कुस् ८:३४-९:१)
23येसुचे जम्मा म्हीमात सुङ्ज्यी, “एङ्यीमा ङइ डब तइ म्हेन्ज्यी पङ्सम् एङ्यीमाचे र्हङ्चे र्हङ्तनो म्लेत्थोब, ओसेम् दीन् र्हङ्स्यीनो एङ्यीमाइ् क्रुस् नाज्यीम् ङइ लीप्चे ब्रउ#९:२३ क्रुस् नाज्यीम् ङइ लीप्चे ब्रउ चु पङ्बलमी येसुइ लीप्चे ब्रबे म्हीचे र्हङ्चे र्हङ्तनो म्लेत्ज्यीम्, खतेबे ङ्हच्छ्यङ् दुख पङ्लेएनो नाज्यीम् थेङ्चे कुल्बे अर्ती ङ्येन्ज्यीम् ब्रथोब। ओसेम् थेङ्की लागीरी स्यीबरीएनो तयार् तथोब।। 24तलेपङ्सम् एङ्यीमाचे र्हङ्की जीवन् थर्नलब म्हइज्यी पङ्सम्, र्हङ्की जीवन म्हस्ये मुब। तर एङ्यीमाचे ङइ लागीरी र्हङ्की जीवन म्हनलज्यी पङ्सम्, एङ्यीमाइ जीवन थर्स्ये मुब। 25म्हीचे जम्बुलीङ्नो र्हङ्की यारी यङ्लेएनो थेइ र्हङ्की जीवन#९:२५ जीवन चु जीवन चही खेमेनो अबेबे जीवन् य्हीन्ब। म्हज्यी पङ्सम् थेचे तानो यङ्ज्यी स्यीम्? 26खजु म्ही ङ ओसेम् ङइ फ्रोइ्तेङ् पेत्ज्यी, म्हीइ ज थेइ महीमातेङ् अपइ महीमारी ओसेम् पबीत्र स्वर्गदुत्माकी महीमारी युबे बेलोरी हुजुतेङ् पेत्स्ये मुब। 27तर ङ एङ्यीमात देमेन्नो पङ्ब, चुरी रप्टीबलमा गदेमी पर्मेस्वर्की य्हुल्त अम्रङ्गते स्यीस्ये अरे।”
येसुइ स्य्हल् पोबल
(मत्ती १७:१-८; मर्कुस् ९:२-८)
28चु तम्मा सुङ्ज्यीम् सत गीः र्हङ्ब लीप्चे येसुचे पत्रुस, युहन्ना ओसेम् याकुबत र्हङ्तेङ् बोर्ज्यीम् गङ्तोर् प्रार्थना स्य्हेङ्बरी स्येःज्यी। 29थेङ् प्रार्थना स्य्हेङ्जेत्टीबे बेलोरी थेङ्की स्य्हल् पोज्यी। ओसेम् थेङ्की न्हम्ज तर् तज्यीम् य्हक्को सर्ज्यी। 30य्हम्बगीरीनो म्ही ङ्य्ही थेङ्तेङ् तम् पङ्टीब म्रङ्ज्यी। थेङ्य्ही मोसातेङ् एलीया #९:३० मोसातेङ् एलीया पर्मेस्वर्चे मोसात नीयम्मा न्हङ्जेत्ज्यी। एलीयात ङ्हच्छ्यङ् अगम्बक्त मुबल।मुबल। 31थेङ्य्हीनो स्वर्गइ महीमारी म्रङ्ज्यी। थेमा येसु यरुसलेम्री स्यीज्यीम् पर्मेस्वर्की योजना पुरा स्य्हेङ्थोस्येकी बारेरी येसुतेङ् तम् पङ्टीब मुबल।
32पत्रुसतेङ् ल्हो-ल्हो डबमा म्हेर्टीब मुबल। तर थेङ्यीमा छ्यीङ्खमम् थेङ्यीमाचे येसुइ महीमा ओसेम् थेङ्तेङ् म्ही ङ्य्ही रप्टीबल म्रङ्ज्यी। 33मोसातेङ् एलीयाचे येसुत ख्लेथेन्ब छ्यबे बेलोरी पत्रुसचे येसुत पङ्ज्यी, “लोप्पोन्, ङ्यीमा चुरी तब ज्यब तनेम्। ङ्यीमात गोर सोम् स्य्हेङ्पुङ्जेतो, एइ लागीरी गीः, मोसाइ लागीरी गीः ओसेम् एलीयाकी लागीरी गीः।” (पत्रुसचे तइ तम् पङ्थोबल बी म्हेन्न-अम्हेन्नलेनो पङ्लाज्यी।)
34पत्रुस तम् पङ्टीन-पङ्टीननो मुक्प खज्यीम् थेङ्मात उप्ज्यी। ओसेम् मुक्पचे थेङ्मात उप्प बीसेम् डबमा लोङ्ज्यी। 35मुक्प्पन्हङ्चे चोले पङ्बे केत् थ्येःज्यी, “चु ङइ ज, थेत ङचे दम्बल य्हीन्ब। थेचे पङ्बे तम् एङ्यीमाचे ङ्येनो।” 36चु सुङ्ज्यीन्ब बीसेम् थेङ्यीमाचे हुजुरी येसु गीःकीनो म्रङ्ज्यी। हुजु बेलोरी थेङ्यीमाचे म्रङ्बे तम्मा खल्तेएनो अस्येत्नले कुटीले टीज्यी।
येसुचे म्हङ् स्यप्पे ठीटत फेन्न लजेत्पल
(मत्ती १७:१४-१८; मर्कुस् ९:१४-२७)
37न्हम्स्योर्हङ् येसुतेङ् थेङ्की डब सोम् गङ्तोर्से युमम् य्हक्को म्हीमा दोबरी खज्यी। 38य्हक्को म्हीमा न्हङ्चे म्ही गीःचे केत् ङ्हच्छ्यङ् तेत्ज्यीम् पङ्ज्यी, “लोप्पोन्, ङ एत फ्या स्य्हु लब, ङइ जत स्य्हीपीन्जेतो। थे ङल गीःकीनो मुबे कोल य्हीन्ब। 39थेत म्हङ्चे चुङ्ब सात्चेनो क्रीङ्न लब। ओसेम् कङ्लङ् कुङ्लुङ् तज्यीम् थेइ सुङ्से कोप्स्यो डोङ्ब। खेम पङ्लेएनो थेत तोर् म्य्हा मोर् म्य्हा अस्य्हेङ्गदे म्हङ्चे पीत्नो अपीत्। 40ङचे एइ डबमात हुजु म्हङ् लब्लाको बी फ्या लज्यी। तर थेङ्यीमाचे अखम्।” 41येसुचे सुङ्ज्यी, “एङ्यीमा खतेबे बीस्वास् अरेबलतेङ् अज्यबे सेम् मुबे म्हीमा। गदेसम्म ङ एङ्यीमातेङ् तल? गदेसम्म ङ एङ्यीमात नाब?” ओसेम् थेङ्चे सुङ्ज्यी, “एइ जत चुरी बोउ।” 42ओसेम् हुजु ठीट खन-खननो म्हङ्चे चुङ्ज्यीम् म्य्हाज्यी। तर येसुचे म्हङ्त ठीट ग्यम्चे डोङ्ज्यीम् य्हरो बी कुल्जेत्ज्यी। ओसेम् ठीट फेन्ज्यीम् थेइ अपत सोप्तीपीन्जेत्ज्यी। 43पर्मेस्वर्की ङ्हच्छ्यङ् सक्ती म्रङ्ज्यीम् जम्मा म्हीमा थोम्ज्यी।
येसुचे देबेनो र्हङ् स्यीस्येकी बारेरी चर्चा स्य्हेङ्जेत्पल
(मत्ती १७:२२-२३; मर्कुस् ९:३०-३२)
येसुचे स्य्हेङ्जेत्पे लक् म्रङ्ज्यीम् जम्मा म्हीमा थोम्टीबे बेलोरीनो येसुचे थेङ्की डबमात सुङ्ज्यी, 44“ज्यनले ङ्येनो ङ एङ्यीमात ता पङ्ब छ्यटीब मुब। म्हीइ जत थेइ सत्तुर्माकी यारी पीन्स्ये मुब।” 45तर थेङ्चे ता सुङ्ब छ्याबल डबमाचे गोअखम्। चु तम्की अर्थ थेमाचे अगोखइ बी थेमा ग्यम्से छुम्बल मुबल। होत्तज्यीम् थेङ्यीमाचे चु तम् गोअखम्। ओसेम् थेङ्यीमा चु तम्की बारेरी येसुत ङ्योत्परी लोङ्ज्यी।
गोदोब्न्हङ्की ङ्हच्छ्यङ् खल?
(मत्ती १८:१-५; मर्कुस् ९:३३-४०)
46येसुइ डबमा र्हङ्न्हङ्री खल चइ ङ्हच्छ्यङ् य्हीन्ब बी तम् तज्यी। 47येसुचे थेमाइ बीचार् खेम्ज्यी। थेङ्चे कोल गीःत बज्यीम् र्हङ्की रेइरी रप्पुङ्जेत्ज्यी। 48ओसेम् थेमात सुङ्ज्यी, “खल्चे चोतेबे कोलत ङइ मीन्री स्वागत स्य्हेङ्ब, थेचे ङतएनो स्वागत स्य्हेङ्ब। ओसेम् खल्चे ङत स्वागत स्य्हेङ्ब, थेचे ङत पीत्युजेत्पलतएनो स्वागत स्य्हेङ्ब। एङ्यीमान्हङ् खल्चे र्हङ्त ज्यीद म्हेन्ब थेनो जम्मा न्हङ्री ङ्हच्छ्ङ् तब।”
49युहन्नाचे पङ्ज्यी, “लोप्पोन्, ङ्यीमाचे थेङ्की छेन्री म्हङ् लब्टीबे म्ही गीः म्रङ्ज्यी, तर ङ्यीमाचे थेत थल्हबो पङ्ज्यी। तलेपङ्सम् थे ङ्य्हङ्मा न्हङ्ल अय्हीन्।” 50तर येसुचे थेत सुङ्ज्यी, “थेत होले थपङो। तलेपङ्सम् खल्चे एङ्यीमात बीरोद् अस्य्हेङ्ज्यी हुजु एङ्यीमालनो य्हीन्ब।”
सामरीमाचे येसुत स्य्हेस अस्य्हेङ्बल
51येसु स्वर्गरी स्येःबे बेलो ज्यदङ् खटीबल तज्यीम् थेङ्चे यरुसलेमरीनो स्येःबे थुः लजेत्ज्यी। 52ओसेम् थेङ्चे ङोन्ग्यम्नो चवमात थेङ्की लागीरी जम्मा तम्मा तयार् स्य्हेङ्बरी सामरीया प्रदेस्की नम्सरी पीत्जेत्ज्यी। 53तर म्हीमाचे हुजुरी थेङ्त स्वागत अस्य्हेङ्। तलेपङ्सम् थेङ् यरुसलेमरी स्येःटीब मुब बी स्येःबल मुबल। 54याकुबतेङ् युहन्नाचे चु म्रङ्ब बीसेम्, थेङय्हीचे येसुत पङ्ज्यी, “प्रभु, ङ्यीमाचे स्वर्ग ग्यम्से मे तइपुङ्ज्यीम् थेङ्यीमात नास् स्य्हेङ्खइ बी थेङ्की थुः मुब?”
55तर येसुचे डबमा पट्टी दोःज्यीम् थेङ्यीमात बराजेत्ज्यी। 56ओसेम् थेङ्मा ल्हो-ल्हो नम्सरी स्येःजेत्ज्यी।
येसुइ लीप्चे ब्रबलमाचे फाथोबे सेइ
(मत्ती ८:१९-२२)
57थेङ्यीमा ग्यम्री स्येःटीमम्, म्ही गीःचे येसुत पङ्ज्यी, “थेङ् खन स्येःजेत्लेनो ङ थेङ्की लीप्चे ब्रस्ये मुब।” 58येसुचे थेत सुङ्ज्यी, “ल्हुन्दीमाल टीबे ऊखुङ्मा मुब, ङ्यम्ङ्यमाल टीबे जङ्मा मुब, तर म्हीइ जलमी क्र ग्युत्पे ग्लाकीएनो अरे।”
59ओसेम् थेङ्चे ल्हो-ल्हो म्ही गीःत सुङ्ज्यी, “ङइ लीप्चे ब्रउ।” तर हुजु म्हीचे पङ्ज्यी, “प्रभु, ङोन्ग्यम् ङइ स्यीबे अपतगीः बुप्परी ङ्यीपुङ्जेतो।” 60येसुचे थेत सुङ्ज्यी, “स्यीबे म्हीत स्यीबे म्हीचेनो बुप्पुङो। तर एमी पर्मेस्वर्की य्हुल्की बारेरी स्येत्परी ङ्यीउ।”
61ल्हो-ल्हो म्ही गीःचेएनो येसुत पङ्ज्यी, “ङ थेङ्की लीप्चे ब्रस्ये मुब, प्रभु, तर ङोन्ग्यम् ङइ म्हेम्हेमाज ङ्यीज्यीम् ङ येसुइ लीप्चे य्हर्ज्यी बी पङ्बरी ङ्यीपुङ्जेतो।” 62येसुचे थेत सुङ्ज्यी, “खल्चे ग्लब् मोइबे बेलोरी या गोर्री थेन्ज्यीम् ग्यप्चे दोःज्यीम् च्याब थे पर्मेस्वर्की य्हुल्की ज्योबल अत।”
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.