लुका 11
11
येसुचे लोप्जेत्पे प्रार्थना
(मत्ती ६:९-१३; ७:७-११)
1तीरेत् येसु ग्ला गीःरी प्रार्थना स्य्हेङ्जेत्टीब मुबल। थेङ्चे प्रार्थना स्य्हेङ्जेत्प बीसेम् थेङ्की डब गीः खज्यीम् थेङ्त पङ्ज्यी, “प्रभु, युहन्नाचे थेइ डबमात लोप्प र्हङ्ले, ङ्यीमात प्रार्थना स्य्हेङ्ब लोप्जेतो।” 2येसुचे थेङ्यीमात सुङ्ज्यी, “एङ्यीमाचे प्रार्थना चोले स्य्हेङो।
पर्मेस्वर् अप,
थेङ्की छेन् पबीत्र तखइ
थेङ्की य्हुल् खखइ
3दीने:लनो तोःबे चबे स्हे ङ्यीमात न्हङ्जेतो।
4ङ्यीमाचे स्य्हेङ्बे पापमा क्षमा न्हङ्जेतो
तलेपङ्सम् ङ्यीमाइ बीरुद्दरी पाप स्य्हेङ्बलमात ङ्यीमाचेएनो क्षमा पीन्बल मुब।
ओसेम् ङ्यीमात परीक्षरी ङीन थलजेतो।”
5ओसेम् येसुचे थेङ्यीमात सुङ्ज्यी, “एङ्यीमान्हङ्री खल्ल पङ्लेनो र्हो गीः मुब बी म्हेनो। म्हुनगुङ्री ए र्होकी दीम्री ङ्यीज्यीम् पङ्ब, ‘र्हो, ङत ग्येङ् सोम् खीत्पीनो, 6तलेपङ्सम् ङइ दीम्री थारीङ् ग्यम्से र्हो गीः खबल मुब। ओसेम् थेत पीन्बरी चबे स्हे तेएनो अरे।’ 7हुजु र्होचे दीम्न्हङ्चेनो पङ्ब, ‘ङत नर्सु थलोउ। म्रप् दुङ्ज्यीन्बल मुब। ओसेम् ङइ कोलमा ङतेङ् न्हुःबे ग्लारी मुब। ङ रेःज्यीम् एत तेएनो पीन्अखम्।’” 8ङ एङ्यीमात पङ्ब, थेचे र्हो म्हेन्ज्यीम एत तेएनो अपीन्लेएनो एचे अपेत्नले र्हीत्स्यीनो टीज्यी पङ्सम्, थे रेःज्यीम् एत गदे तोःज्यी होदे पीन्स्ये मुब।
9“होत्तज्यीम् ङ एङ्यीमात पङ्ब, र्हीतो! ओसेम् एङ्यीमात न्हङ्स्ये मुब। म्हयो ओसेम् एङ्यीमाचे यङ्स्ये मुब। म्रप्री डोङ्-डोङ् लो, ओसेम् एङ्यीमाकी लागीरी ठोङ्जेत्स्ये मुब। 10तलेपङ्सम् खल्चे र्हीत्ज्यी थेत न्हङ्स्ये मुब, ओसेम् खल्चे म्हइज्यी थेचे यङ्स्ये मुब। ओसेम् खल्चे डोङ्-डोङ् लज्यी थेइ लागीरी म्रप् ठोङ्जेत्स्ये मुब। 11एङ्यीमान्हङ्री खजु अपचे र्हङ्की जचे तर्ङ र्हीत्सम् पुख्री पीन्ल? 12ओसेम् नकफुम् र्हीत्सम् दीक्प ग्यल्बो पीन्ल? 13एङ्यीमा पापी तज्यीमेएनो एङ्यीमाइ कोलमात ज्यबे स्हे पीन्ब पङ्सम् स्वर्गइ अपत र्हीत्पलमात देमेन्नो पबीत्र आत्मा न्हङ्स्ये मुब।”
येसुतेङ् बालजीबुल
(मत्ती १२:२२-३०,४३-४५; मर्कुस् ३:२०-२७)
14येसुचे म्हङ् स्यप्ज्यीम् लेम्ब तबे म्ही गीःइ ल्ही ग्यम्चे म्हङ् लब्लाजेत्टीब मुबल। म्हङ् डोङ्य्हर्ब बीसेम् हुजु म्ही तम् पङ्ब थाल्दीज्यी। ओसेम् य्हक्को म्हीमा थोम्ज्यी। 15तर डेत्-डेत् म्हीमाचे पङ्ज्यी, “थेचे म्हङ्माकी ङ्हच्छ्यङ् बाल्जीबुलकी #११:१५ बाल्जीबुल चु चही सैतान्की ल्हो-ल्हो मीन् य्हीन्ब।सक्ती ग्यम्से म्हङ्मा लब्लाबल य्हीन्ब।” 16ल्हो-ल्होमाचेम् येसुत जाच्तीब म्हेन्ज्यीम्, “ङ्यीमात स्वर्गइ तेङेन्की चीनो गीः ङोनो” बी पङ्ज्यी। 17तर थेङ्यीमाचे म्हेन्टीबे तम् था यङ्ज्यीम् थेङ्यीमात येसुचे सुङ्ज्यी, “य्हुल्की म्हीमा र्हङ्न्हङ्री छेत्ज्यी पङ्सम् हुजु य्हुल् नास् तब। दीम् गीःकी म्हेम्हेमा र्हङ्न्हङ्री अथुन्ज्यी पङ्सम् हुजु दीम्नो थीब। 18ङचे बाल्जीबुलकी सक्ती ग्यम्चे म्हङ्मा ल्हप्पल य्हीन्ब पङ्ज्यीम् एङ्यीमाचे पङ्ब। तर सैतानमा र्हङ्न्हङ्री छेत्ज्यी पङ्सम् थेमाइ य्हुल् खले थाम्दील? 19ङचे बाल्जीबुल ग्यम्से म्हङ्मा ल्हब्बल य्हीन्ब पङ्सम् एङ्यीमा#११:१९ एङ्यीमाइ येसुचे हुजु बेलोइ धार्मीक् म्हीमातेङ् यहुदी धर्म-लोप्पोन्मात सुङ्बल य्हीन्ब।इ डबमाचे खल ग्यम्से म्हङ् ल्हप्प? एङ्यीमाइ गल्ती एङ्यीमाकी डबमाचेनो ङोन्स्ये मुब। 20तर ङचे पर्मेस्वर्की सक्ती ग्यम्चे म्हङ्मा लप्पल य्हीन्ब पङ्सम् एङ्यीमाइ गुङ्री पर्मेस्वर्की य्हुल् खज्यीन्बल मुब। 21बङ्ज्येन् म्हीचे हतीयार्मा नाज्यीम् र्हङ्की दीम् रुङ्सम् थेइ स्हेमा खल्चेएनो य्हो लअखम्। 22तर थे बीमम् बङ्ज्येन् म्ही खज्यीम् थेतेङ् छेत्सम् थेत डाज्यीम् थेइ जम्मनो हतीयार्मातेङ् स्हेमा ब्येन्ज्यीम् बोर्ब। ओसेम् र्हङ्की म्हीमात जुपीन्ब। 23खल म्ही ङ पट्टीचे अरे, थेचे ङत बीरोद् स्य्हेङ्ब। ओसेम् खल्चे ङतेङ् र्हुप्पे लक् अस्य्हेङ्, थेचे र्हुप्पलएनो ठम्लाब।
24“म्हङ् स्यप्पे म्ही ग्यम्से म्हङ् डोङ्य्हर्ब बीसेम् थे उजाड-ग्लामारी ङ्यीज्यीम् टीबे ग्ला म्हइबरी कोर्ब। तर थेचे टीबे ग्ला अयङ्ब बीसेम्, ‘ङ खनचे डोङ्खज्यी हुजु दीम्रीनो दोःज्यीम् ङ्यीब’ बी पङ्ब। 25थे हुजुरी दोःखमम् ङोन्ग्यम् थे टीबे दीम् सङ्सेङ् लज्यीम् ज्यब स्य्हेङ्बल यङ्ब। 26ओसेम् हुजु म्हङ् य्हर्ज्यीम् थे बीमएनो अज्यबे ल्हो-ल्हो म्हङ् ङ्यीस् हुजुरी टीबरी ङ्होत्ज्यीम् बब। ओसेम् हुजु म्हीइ गती ङोन्ग्यम्ल बीमएनो अज्यब तब।”
देमेन्की मोलम्
27येसुचे चु तम् सुङ्टीमम् य्हक्को म्हीमा न्हङ्चे अमकोल गीःचे केत् ङ्हच्छ्यङ् तेत्ज्यीम् पङ्ज्यी, “एत न्हबतेङ् ङ्य्हे ख्वाबे अमचे पर्मेस्वर् ग्यम्चे य्हक्को मोलम् यङ्बल मुब।” 28तर थेङ्चे सुङ्ज्यी, “बरु खल्चे पर्मेस्वर्की फ्रोइ ङ्येन्ज्यीम् ब्रब, हुजुचे य्हक्को मोलम् यङ्ब।”
म्हीमाचे चीनो म्हइबल
(मत्ती १२:३८-४२)
29य्हक्को म्हीमा र्हुप् तब बीसेम् येसुचे सुङ्ज्यी, “चु पुस्ताइ अज्यबे लक् स्य्हेङ्बे म्हीमाचे ङत तेङेन्की चीनो ङोनो बी पङ्ब। तर ङ योनाइ चीनो गीःकीनो पीन्ब। 30तलेपङ्सम् योना नीनबेकी म्हीमाइ लागीरी चीनो तबल र्हङ्ले म्हीइ ज चु पुस्ताइ म्हीमाकी लागीरी चीनो तस्ये मुब। 31न्यायकी दीन्री ल्होइ य्हुल् सेबाकी रानीचे रेःज्यीम् चु पुस्ताइ म्हीमाकी दोस् ङोन्स्ये मुब। तलेपङ्सम् थे थारीङ् ग्यम्चे सोलोमनकी बुद्दी ङ्येन्बरी खबल मुबल। तर चुरी सोलोमन बीमएनो ङ्हच्छ्यङ् गीः मुब। 32न्यायकी दीन्री नीनबेकी म्हीमा रेःज्यीम् चु पुस्ताइ म्हीमाकी दोस् ङोन्स्ये मुब। तलेपङ्सम् थेङ्यीमाचे योनाचे लोप्पल थ्येःज्यीम् पस्चताप स्य्हेङ्बल मुबल। तर चुरी योना बीमम्एनो ङ्हच्छ्यङ् गीः मुब।”
ल्हीकी मेतङ्
(मत्ती ५:१५; ६:२२-२३)
33“खल्चेएनो मेतङ् म्रज्यीम् पतीचे उप्ज्यीम् अथेन्। ओसेम् छुम्ज्यीम् अथेन्। तर दीम्न्हङ् खबे म्हीमात य्हल् तखइ बी नोबे ग्लारी थेन्ब। 34एइ मीः एइ ल्हीकी लागीरी मेतङ् य्हीन्ब। एइ मीः छ्यर्ब मुसम् एइ जम्मा ल्हीरी य्हल् तब। तर एइ मीः न्होङ्बल मुसम् एइ जम्मा ल्हीरी म्हुन्दुङ् तब। 35होत्तज्यीम् होसीयार् तउ। एतेङ् मुबे य्हल् म्हुन्दुङ् अतखइ। 36तारीएनो म्हुन्दुङ् अतनले एइ जम्मा ल्हीरी य्हल् मुज्यी पङ्सम्, मेतङ्की स्य्हेर्चे य्हल् तब र्हङ्ले एइ जम्मा ल्हीरी य्हल् तस्ये मुब।”
येसुचे फरीसीतेङ् धर्म-लोप्पोन्मात दोस् न्हङ्बल
(मत्ती २३:१-३६; मर्कुस् १२:३८-४०)
37येसुचे सुङ्ब बुत्प बीसेम् फरीसी गीःचे थेइ दीम्री स्य्हेःब सोल्बरी थेङ्त ङ्होत्ज्यी। होत्तज्यीम् थेङ् थेतेङ् स्येःज्यीम् स्य्हेःब सोल्बरी स्य्हुजेत्ज्यी। 38स्य्हेःब सोल्ब बीमम् ङोन्ग्यम् येसुचे फ्या अस्हील्बल#११:३८ फ्या अस्हील्बल यहुदीमाकी पेठीम् अनुसार केन् चब बीमम् ङोन्ग्यम् या की ख्रुथोब मुबल। म्रङ्ज्यीम् हुजु फरीसी थोम्ज्यी। 39होत्तज्यीम् प्रभुचे थेत सुङ्ज्यी, “एङ्यी फरीसीमा तङ्लोमा पगचेकीनो म्यप्प तर एङ्यीमाइ न्हङ्पट्टीचेम् लोभ्तेङ् अज्यबे स्हेमाचे प्लीङ्बल मुब। 40मुर्ख म्हीमा, खल्चे पगपट्टी स्य्हेङ्जेत्ज्यी न्हङ्पट्टीएनो थेङ्चे स्य्हेङ्जेत्बल अय्हीनो स्यीम? 41तर तङ्लोमाकी न्हङ्री मुबे स्हेमा प्रङ्नमात पीनो ओसेम् एङ्यीमाइ जम्मा स्हेमा चोखो तस्ये मुब।”
42“धीक्कार एङ्यी फरीसीमा! तलेपङ्सम् एङ्यीमाचे बाब्रेतेङ् जीरा ओसेम् ल्हो-ल्हो जम्मनो ज्यीद मसलइ दोङ्बोमालमी बो च्यीइ बो गीः पर्मेस्वर्त पीन्ब। तर एङ्यीमाचे म्हीमात स्य्हेङ्थोबे न्यायतेङ् पर्मेस्वर्त म्होइबमी म्लेत्प। एङ्यीमाचे ल्हो-ल्होमाएनो स्य्हेङ्ज्यीम् चु ङ्य्हीएनो अम्लेत्नले स्य्हेङ्थोब।”
43“धीक्कार एङ्यी फरीसीमा! तलेपङ्सम् यहुदीमा र्हुप् तबे दीम्री मुबे ठीरी टीबतेङ् बजारमारी म्हीमाचे स्य्हेस लज्यीम् लस्सो स्य्हेङ्खइ म्हेम्ब। 44धीक्कार एङ्यीमात! तलेपङ्सम् एङ्यीमा म्हीचे अम्रङ्बे दुर्स र्हङ्ब य्हीन्ब। ओसेम् म्हीमाचे दुर्स बी अस्येःज्यीम् हुजु जोसे ब्रब।”
45धर्म लोप्पोन्मा न्हङ्री गीःचे येसुत पङ्ज्यी, “लोप्पोन्, एचे चु सुङ्ज्यीम् ङ्यीमातएनो पेत्नलजेत्ज्यी।” 46ओसेम् येसुचे सुङ्ज्यी, “धीक्कार एङ्यी धर्म लोप्पोन्मातएनो! तलेपङ्सम् एङ्यीमाचे म्हीमात य्हक्को ल्हीबे दोत् कल्पीन्बल मुब। तर एङ्यीमाचे थेङ्यीमात या जुमी गीःएनो छ्यपीन्बल अरे।”
47“धीक्कार एङ्यीमात! तलेपङ्सम् एङ्यीमाचे एङ्यीमाइ म्हेमेमाचे सेत्पे अगम्बक्तमाइ ज्यबे दुर्समा स्य्हेङ्बल मुब। 48एङ्यीमाइ म्हेमेमाचे स्य्हेङ्बे लक् एङ्यीमाइ लक्चेनो ङोन्ब। तलेपङ्सम् एङ्यीमाइ म्हेमेमाचे अगम्बक्तमात सेत्ज्यी। ओसेम् एङ्यीमाचेमी थेङ्यीमाइ दुर्समा स्य्हेङ्ब। 49होत्तज्यीम् पर्मेस्वर्चे र्हङ्की बुद्दी ग्यम्से सुङ्ज्यी, ‘ङ अगम्बक्तमातेङ् प्रेरीतमात थेङ्यीमाज पीत्स्ये मुब। तर थेङ्यीमाचे डेत्-डेत् सेत्स्ये मुब। ल्हो-ल्होमात दुख पीन्स्ये मुब।’ 50होत्तज्यीम् जम्बुलीङ् स्य्हेङ्बे बेलो य्हङ्से सेत्पे जम्मा अगम्बक्तमाइ काःकी दोस् चु पुस्ताइ म्हीमाचे यङ्स्ये मुब। 51ङ एङ्यीमात पङ्ब, सेत्लाबे हाबील#ठुङ्ब ४:८ य्हङ्स्ये पर्मेस्वर्त तेन्बे दीम्न्हङ्की पबीत्र ग्लातेङ् बेदीइ गुङ्री सेत्लाबे जकरीया#२ इतीहास् २४:२०-२२ सम्मइ काःकी दोस् चु पुस्ताइ म्हीमाचे यङ्स्ये मुब।”
52“धीक्कार एङ्यी धर्म लोप्पोन्मा! तलेपङ्सम् पर्मेस्वर्की बारेरी स्येःबे बुद्दीइ म्रप् ठोङ्बे साचो एङ्यीमाचे कीन्बल मुब। एङ्यीमा र्हङ्एनो न्हङ्री अवङ्। ओसेम् न्हङ्री वङ्ब म्हइबल मातएनो पङ्अपुङ्।”
53येसुचे हुजु ग्ला पीत्थेन्ब बीसेम् धर्म लोप्पोनमातेङ् फरीसीमाचे थेङ्त बीरोद् लज्यी। ओसेम् हुजु बेलो य्हङ्से ल्हो-ल्हो य्हक्को तम्मा ङ्योत्प थाल्दीज्यी। 54थेङ्चे जोहाप् न्हङ्बे बेलोरी गल्ती सुङ्मुव बी थेङ्यीमाचे ज्यब्ज्यीम् टीज्यी।
वर्तमान में चयनित:
लुका 11: WTDG
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
