Yohanes 13
13
Yesu mangasei: kokoꞌna pasikolaNa
1Mangkonai: niraraa‑mo ti pampukauꞌ Paska, na ìsang Yesu moa teꞌ tempona‑mo Na paliia ti lino tee sumule: mao i Ama:. Nai pararanna, Na pulemu ti tau ung si miluhali taunNa i lino tee pang Na pulemu tùrung deaꞌ katampàkangna. 2Nipalennaꞌ‑mo ti anne: pihenginNa sola: pasikolaNa, pang Datuna dihata bulituku mangenang‑mo pinanahanna Yudas anakàna Simon tu Kariot, mangking mambaloko Yesu.
3Na ìsang Yesu moa teꞌ Ama: manghengi‑ming kuasa mampatu: nasang angkanna. Pang Na ìsang ho moa teꞌ bùruꞌNa, nai Puang, pang sumulea mao i Puang. 4TèdeꞌNa‑mi, pang Na esing ti kayaꞌ i sòhongnanNa. Na alanna‑mi ti besa ihanang lenang ung balanto Na passeaꞌ‑ing palehakàNa. 5MantolinNa‑mi uhai mao i loyang, màli: na marrara mangasei: kokoꞌna pasikolaNa, pang Na sangki ihanang to.
6Tòna Simon Petrus‑mo ti àla: Na asei:, musua: ti Petrus teꞌ, “O Tuang, aka na Kinta: ti ung mangaseia kokoꞌku?”
7Na sùmuinna‑mi teꞌ, “Aka ti ung Ku pukauꞌ tee, ha u ìsang‑mido i latenna, hampoꞌ u ìsànga i hunni.”
8Na konaina‑mi Petrus teꞌ, “Hari:! Ha mio:‑kaꞌ tungka Ta mangaseia kokoꞌku!”
Na sùmuinna‑mi Yesu teꞌ, “Ìna hang Ku asei:‑ko, baꞌ hari: umpamu i Koi:.”
9Musuana‑mi ti Simon Petrus teꞌ, “O Tuang, hau na kokoꞌku teng, sangadinna kangkangku ho pang bakàku.”
10Na sùmui Yesu teꞌ, “Tau ung dumoiꞌ‑mo, kalaena mapassi‑mo pang hang parallu‑ida hura: niasei:, sangadi kokoꞌna. Dio se tee, u malìsong‑mo se, hampoꞌ hang nasangmu‑i.” 11Na pusua: moa teꞌ hang nasangna‑i se malìsong, sàbaꞌ Na ìsang‑moda isai ti ung mambalòkI:.
12Tòna ladu‑mo mangasei: kokoꞌna‑i se, Na pake pole ti kayaꞌNa pang sumule: mao i kaoneangNa. MingkutikìNa‑mi moa teꞌ, “U pahang se naꞌ ti ung Ku pukauꞌ‑mo matung? 13U Mi konai: se Tungguru, pang Tuang. Pang sipatu: ti to, sàbaꞌ ìnang tongang‑da. 14Jadiꞌ, ìna Ku Tuang, pang Tungguru, pang Ku mangasei: kokoꞌmu se, baꞌ parallu ho dio se siasei: kokoꞌ. 15U Ku hengi‑ming se besa piheleꞌang, mangking u pukauꞌ dosse: ho mène: to. 16Matantu te ung Ku pusua: matung e teꞌ Hari:‑da besa kaunang ung làbi iaho nai tuangna, pang hari:‑da besa tau ung nipantuyu ung làbi iaho nai ung mampantuyu‑i. 17Ìna u ìsang‑mo se nasang ti te, u nipasakkea se ìna u pukauꞌ.
18Aka ti ung Ku pusua: tee, hang nasangmu‑i dosse: na patu:. Ku ìsang‑ko nasang ti tau ung Ku pilei‑mo. Hampoꞌ nasang tee nipukauꞌ mangking tikannaꞌ ti ung nironno: i Suraꞌna Puang teꞌ, ‘Tau sipingkuꞌKu, mamponi:‑Kaꞌ.’*#13:18 Mas. 41:10. 19I latenna, tempona hang jadi‑mi ti aka to, u Ku padeaꞌ‑ing se ìnang matung, mangking tempona jadi, u patongang se moa teꞌ Koi:‑mo ti Ung Lupu Ara.*#13:19 Ung Lupu Ara. Hele i 8:24. 20Matantu te ung Ku pusua: matung e teꞌ Tau ung mantarima isai-sai ti ung Ku pantuyu, sibali mantarima‑Maꞌ. Pang tau ung mantarima‑Kaꞌ, mantarima‑da ho Dea ung mampantuyu‑Maꞌ.”
Yesu mampupiìsang teꞌ besa tau mambalòkI:
(Mat. 26:21-25, Mrk. 14:18-21, Luk. 22:21-23)
21To na pusua:‑mo Yesu ti to, masussa tungka ti pinanahanNa. Na pupiìsangna‑mi teꞌ, “Matantu te ung Ku pusua: matung e teꞌ Besa nai àlaꞌmu se mampeheaa‑Kaꞌ.”
22Sipumahele-helena‑mi se ti pasikolaNa. Sumpu ti tangaꞌna‑i se mampatu: isainna ti ung Na patu:. 23Besanna pasikolaNa, ung Na pulemu,*#13:23 ung Na pulemu. Nitassereꞌ moa teꞌ Yohanes ti ung na turo: sua: te, Yohanes to ung marronno: suraꞌ tee. maturu manne: sidùkuꞌ Yesu. 24Na pampitubebena‑ming Simon Petrus ti tau to teꞌ, “Kutiki‑ingke isainta se ti ung Na patu:.” 25Mingahena‑mi i osokòna Yesu ti tau to, mingkutiki teꞌ, “Isaingki Tuang?”
26Na sùmuinna‑mi teꞌ, “Tau ung Ku àdoing roti ung Ku pintontong‑ing i panganne: dea‑mo to.” Na alanna‑mi ti roti santòpeke, Na pintontong‑ing i panganne:, Na àdo:‑ing Yudas anakàna Simon tu Kariot. 27To na palammàngi‑mi tau to ti roti to, na katama‑mo Datuna dihata bulituku. Musuana‑mi ti Yesu teꞌ, “Pukauꞌ‑mi masàraꞌ ti ung nu pukauꞌa.”
28Hampoꞌ hari: moi besa nai àlaꞌna pasikolaNa sintàna: ung mangìsang aka ti patuna Yesu musua: mène: to mao i Yudas. 29Ara ti ung mantannaꞌ moa teꞌ màka: massuo: Yudas mambalaꞌ ung niparalluinna i laling pampukauꞌ to, dea‑raka miàdo: seeng mao i tau ung si mase-mase, sàbaꞌ Yudas ti piàna: seengna‑i se.
30Na alanna‑i tau to ti roti to, pàtu: malai. Tempo to, hengi‑mo.
Besa parenta ung màle
31Tòna malai‑mo ti Yudas, musuana‑mi ti Yesu teꞌ, “I latenna, kamalabiꞌangna Anaka Tulino nipupiitaa‑mo, pang kamalabiꞌangna Puang nipupiitaa ho mangola: Anaka Tulino. 32Ìna kamalabiꞌangna Puang nipupiita mangola: Dea, na pupiitaa‑da ho Puang ti kamalabiꞌangna Anaka Tulino. Pang Na pukauꞌa‑mo ti to i latenna.
33O ana-anakàKu ung Ku pulemu, sangkìdoꞌ‑rai: ti tempo u Ku pasola: se. U Mi okaꞌa se, hampoꞌ mène: ung Ku pusua:‑mo mao i ung si nipiama: i aluku tu Yahudi, i latenna Ku pusua: ho matung teꞌ, Hang hela‑ko dosse: lumao i anto ung Ku lumaꞌi.
34U Ku hengi‑ing se besa parenta ung màle, dea‑mo sipulemu‑ko se. Mène: u Ku pulemu se, parallu‑da ho u sipulemu se. 35Nai anto‑mo, nasang tau mangìsànga moa teꞌ u pasikolaKu se.”
Yesu mampupiìsang pissangkaꞌna Petrus
(Mat. 26:31-35, Mrk. 14:27-31, Luk. 22:31-34)
36Mingkutikìna‑mi ti Simon Petrus teꞌ, “O Tuang, Ta maa iaka?”
Na sùmuinna‑mi teꞌ, “Hang hela‑kodo mangulaꞌ‑Kaꞌ i latenna mao i anto ung Ku lumaꞌia. Hampoꞌ i hunni u Mi ulaꞌa.”
37Musuana‑mi ti Petrus teꞌ, “O Tuang, aka pu dang ku helai: ti mangulaꞌ‑Ko i latenna? Ku sadia‑ko mate sàbaꞌ Kinta:!”
38Na sùmuinna‑mi Yesu teꞌ, “U sadia naꞌ mate sàbaꞌ Koi:? Matantu te ung Ku pusua: matung e teꞌ Ha moni‑mi ti manoko, u pintàlùnga‑mo Mi pissangkaꞌ‑ing!”
वर्तमान में चयनित:
Yohanes 13: skx
हाइलाइट
शेयर
कॉपी
Want to have your highlights saved across all your devices? Sign up or sign in
Yohanes 13
13
Yesu mangasei: kokoꞌna pasikolaNa
1Mangkonai: niraraa‑mo ti pampukauꞌ Paska, na ìsang Yesu moa teꞌ tempona‑mo Na paliia ti lino tee sumule: mao i Ama:. Nai pararanna, Na pulemu ti tau ung si miluhali taunNa i lino tee pang Na pulemu tùrung deaꞌ katampàkangna. 2Nipalennaꞌ‑mo ti anne: pihenginNa sola: pasikolaNa, pang Datuna dihata bulituku mangenang‑mo pinanahanna Yudas anakàna Simon tu Kariot, mangking mambaloko Yesu.
3Na ìsang Yesu moa teꞌ Ama: manghengi‑ming kuasa mampatu: nasang angkanna. Pang Na ìsang ho moa teꞌ bùruꞌNa, nai Puang, pang sumulea mao i Puang. 4TèdeꞌNa‑mi, pang Na esing ti kayaꞌ i sòhongnanNa. Na alanna‑mi ti besa ihanang lenang ung balanto Na passeaꞌ‑ing palehakàNa. 5MantolinNa‑mi uhai mao i loyang, màli: na marrara mangasei: kokoꞌna pasikolaNa, pang Na sangki ihanang to.
6Tòna Simon Petrus‑mo ti àla: Na asei:, musua: ti Petrus teꞌ, “O Tuang, aka na Kinta: ti ung mangaseia kokoꞌku?”
7Na sùmuinna‑mi teꞌ, “Aka ti ung Ku pukauꞌ tee, ha u ìsang‑mido i latenna, hampoꞌ u ìsànga i hunni.”
8Na konaina‑mi Petrus teꞌ, “Hari:! Ha mio:‑kaꞌ tungka Ta mangaseia kokoꞌku!”
Na sùmuinna‑mi Yesu teꞌ, “Ìna hang Ku asei:‑ko, baꞌ hari: umpamu i Koi:.”
9Musuana‑mi ti Simon Petrus teꞌ, “O Tuang, hau na kokoꞌku teng, sangadinna kangkangku ho pang bakàku.”
10Na sùmui Yesu teꞌ, “Tau ung dumoiꞌ‑mo, kalaena mapassi‑mo pang hang parallu‑ida hura: niasei:, sangadi kokoꞌna. Dio se tee, u malìsong‑mo se, hampoꞌ hang nasangmu‑i.” 11Na pusua: moa teꞌ hang nasangna‑i se malìsong, sàbaꞌ Na ìsang‑moda isai ti ung mambalòkI:.
12Tòna ladu‑mo mangasei: kokoꞌna‑i se, Na pake pole ti kayaꞌNa pang sumule: mao i kaoneangNa. MingkutikìNa‑mi moa teꞌ, “U pahang se naꞌ ti ung Ku pukauꞌ‑mo matung? 13U Mi konai: se Tungguru, pang Tuang. Pang sipatu: ti to, sàbaꞌ ìnang tongang‑da. 14Jadiꞌ, ìna Ku Tuang, pang Tungguru, pang Ku mangasei: kokoꞌmu se, baꞌ parallu ho dio se siasei: kokoꞌ. 15U Ku hengi‑ming se besa piheleꞌang, mangking u pukauꞌ dosse: ho mène: to. 16Matantu te ung Ku pusua: matung e teꞌ Hari:‑da besa kaunang ung làbi iaho nai tuangna, pang hari:‑da besa tau ung nipantuyu ung làbi iaho nai ung mampantuyu‑i. 17Ìna u ìsang‑mo se nasang ti te, u nipasakkea se ìna u pukauꞌ.
18Aka ti ung Ku pusua: tee, hang nasangmu‑i dosse: na patu:. Ku ìsang‑ko nasang ti tau ung Ku pilei‑mo. Hampoꞌ nasang tee nipukauꞌ mangking tikannaꞌ ti ung nironno: i Suraꞌna Puang teꞌ, ‘Tau sipingkuꞌKu, mamponi:‑Kaꞌ.’*#13:18 Mas. 41:10. 19I latenna, tempona hang jadi‑mi ti aka to, u Ku padeaꞌ‑ing se ìnang matung, mangking tempona jadi, u patongang se moa teꞌ Koi:‑mo ti Ung Lupu Ara.*#13:19 Ung Lupu Ara. Hele i 8:24. 20Matantu te ung Ku pusua: matung e teꞌ Tau ung mantarima isai-sai ti ung Ku pantuyu, sibali mantarima‑Maꞌ. Pang tau ung mantarima‑Kaꞌ, mantarima‑da ho Dea ung mampantuyu‑Maꞌ.”
Yesu mampupiìsang teꞌ besa tau mambalòkI:
(Mat. 26:21-25, Mrk. 14:18-21, Luk. 22:21-23)
21To na pusua:‑mo Yesu ti to, masussa tungka ti pinanahanNa. Na pupiìsangna‑mi teꞌ, “Matantu te ung Ku pusua: matung e teꞌ Besa nai àlaꞌmu se mampeheaa‑Kaꞌ.”
22Sipumahele-helena‑mi se ti pasikolaNa. Sumpu ti tangaꞌna‑i se mampatu: isainna ti ung Na patu:. 23Besanna pasikolaNa, ung Na pulemu,*#13:23 ung Na pulemu. Nitassereꞌ moa teꞌ Yohanes ti ung na turo: sua: te, Yohanes to ung marronno: suraꞌ tee. maturu manne: sidùkuꞌ Yesu. 24Na pampitubebena‑ming Simon Petrus ti tau to teꞌ, “Kutiki‑ingke isainta se ti ung Na patu:.” 25Mingahena‑mi i osokòna Yesu ti tau to, mingkutiki teꞌ, “Isaingki Tuang?”
26Na sùmuinna‑mi teꞌ, “Tau ung Ku àdoing roti ung Ku pintontong‑ing i panganne: dea‑mo to.” Na alanna‑mi ti roti santòpeke, Na pintontong‑ing i panganne:, Na àdo:‑ing Yudas anakàna Simon tu Kariot. 27To na palammàngi‑mi tau to ti roti to, na katama‑mo Datuna dihata bulituku. Musuana‑mi ti Yesu teꞌ, “Pukauꞌ‑mi masàraꞌ ti ung nu pukauꞌa.”
28Hampoꞌ hari: moi besa nai àlaꞌna pasikolaNa sintàna: ung mangìsang aka ti patuna Yesu musua: mène: to mao i Yudas. 29Ara ti ung mantannaꞌ moa teꞌ màka: massuo: Yudas mambalaꞌ ung niparalluinna i laling pampukauꞌ to, dea‑raka miàdo: seeng mao i tau ung si mase-mase, sàbaꞌ Yudas ti piàna: seengna‑i se.
30Na alanna‑i tau to ti roti to, pàtu: malai. Tempo to, hengi‑mo.
Besa parenta ung màle
31Tòna malai‑mo ti Yudas, musuana‑mi ti Yesu teꞌ, “I latenna, kamalabiꞌangna Anaka Tulino nipupiitaa‑mo, pang kamalabiꞌangna Puang nipupiitaa ho mangola: Anaka Tulino. 32Ìna kamalabiꞌangna Puang nipupiita mangola: Dea, na pupiitaa‑da ho Puang ti kamalabiꞌangna Anaka Tulino. Pang Na pukauꞌa‑mo ti to i latenna.
33O ana-anakàKu ung Ku pulemu, sangkìdoꞌ‑rai: ti tempo u Ku pasola: se. U Mi okaꞌa se, hampoꞌ mène: ung Ku pusua:‑mo mao i ung si nipiama: i aluku tu Yahudi, i latenna Ku pusua: ho matung teꞌ, Hang hela‑ko dosse: lumao i anto ung Ku lumaꞌi.
34U Ku hengi‑ing se besa parenta ung màle, dea‑mo sipulemu‑ko se. Mène: u Ku pulemu se, parallu‑da ho u sipulemu se. 35Nai anto‑mo, nasang tau mangìsànga moa teꞌ u pasikolaKu se.”
Yesu mampupiìsang pissangkaꞌna Petrus
(Mat. 26:31-35, Mrk. 14:27-31, Luk. 22:31-34)
36Mingkutikìna‑mi ti Simon Petrus teꞌ, “O Tuang, Ta maa iaka?”
Na sùmuinna‑mi teꞌ, “Hang hela‑kodo mangulaꞌ‑Kaꞌ i latenna mao i anto ung Ku lumaꞌia. Hampoꞌ i hunni u Mi ulaꞌa.”
37Musuana‑mi ti Petrus teꞌ, “O Tuang, aka pu dang ku helai: ti mangulaꞌ‑Ko i latenna? Ku sadia‑ko mate sàbaꞌ Kinta:!”
38Na sùmuinna‑mi Yesu teꞌ, “U sadia naꞌ mate sàbaꞌ Koi:? Matantu te ung Ku pusua: matung e teꞌ Ha moni‑mi ti manoko, u pintàlùnga‑mo Mi pissangkaꞌ‑ing!”
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in