Yohanes 14
14
Yesu‑mo ti dalang mao i Puang Ama:
1Musua: kang ho ti Yesu mao i pasikolaNa teꞌ, “Hau na masussa tùrung ti pinanahammu se. Mupatongang‑ko se mao i Puang, pang mupatongang‑ko se ho mao i Koi:. 2I tammingna AmangKu, boso: kaoneang. Ku lumaa mampatokana‑ingko se. Matantu hang Ku pusua:‑i ti tee matung i dang tongang‑i ti to. 3Ìna Ku ladu‑mo mampatokana‑ingko se, Ku bùruꞌa pole, pang u Ku bahaa se mao i anto, mangking u one: dosse: ho i kaoneang ung Ku kaonei:. 4Pang u ìsang se ti dalang mao i anto ung Ku lumaꞌia.”
5Musuana‑mi ti Tomas moa teꞌ, “O Tuang, hang ki ìsang‑ika iaka ti ung Ta lumaꞌia. Ki akaa ti mangìsang dalang lumao deꞌ?”
6Na sùmuinna‑mi teꞌ, “Koi:‑mo ti dalang, katongangang pang toaꞌna katuhoang. Hari:‑da moi besa tau ung hela deaꞌ i Ama:, i dang mangola:‑i Koi:. 7Ìna u Mi ìsang‑mo se, matantu u ìsànga se ho ti AmangKu. Na rara i latenna, u ìsang se ti Dea pang u ita‑mo ho ti Dea.”
8Musuana‑mi ti Pilipus teꞌ, “O Tuang, paitaꞌi‑kang ti Ama:, na ki tosang‑ra:.”
9Hampoꞌ Na sùmui teꞌ, “Masai‑mo tungka ta sola: se. Oꞌ, hang Mi ìsang‑mo:do? Tau ung mangita‑Maꞌ, mangita‑mo Ama:. Aka pu u moa teꞌ, ‘Paitaꞌi‑kang ti Ama:’? 10Ha u patongang‑i naꞌ moa teꞌ Ku pàraꞌ i laling Ama:, pang Ama: pàraꞌ i laling Koi:? Sua:-sua: ung Ku padeaꞌ‑ingko se, hang nai Koi: kalenanna‑iko, sangadinna nai Ama: ung pàraꞌ i Koi: pang mampukauꞌ kamaꞌangNa. 11Patongang‑Kaꞌ se teꞌ Ku pàraꞌ i laling Ama:, pang Ama: pàraꞌ i laling Koi:. I dang nu patongang‑ko se ti to nai ung Ku pusua: teng, patongang‑ko se sàbaꞌ dea ti kalle-kalleang ung Ku pukauꞌ, kamaꞌangna AmangKu.
12Matantu te ung Ku pusua: matung e teꞌ Tau ung mupatongang mao i Koi:, mampukauꞌa‑da ho kamaꞌang ung Ku pukauꞌ. Mala, mampukauꞌa‑da ung làbi lammuꞌ kang ho, sàbaꞌ Ku lumaa‑ko i Ama:. 13Pang aka teng ti ung nu palau se i laling konaKu, Ku pukauꞌa, mangking kamalabiꞌangna Ama: nipupiita mangola: AnakàNa. 14Ìna u mampalau se aka teng mao i Koi: i laling konaKu, Ku pukauꞌa.”
Pinanaha Malìsong niàluꞌ
15“Ìna u Mi pulemu se, u toroꞌia ti parentangKu. 16Pang Ku palaua mao i Ama: mangking u Na hengi‑ing se besa kang Pirannang, ung mampasolao: se deaꞌ tùrungna. 17Pirannang to dea‑mo Pinanaha Malìsong, ung nikonai: ho Pinanaha Katongangang. Lino tee hang hela‑i mantarima‑I, sàbaꞌ hang na ita‑I pang hang na ìsang‑I. Hampoꞌ dio se mangìsang‑I, sàbaꞌ u Na pasola: se i latenna pang pàraꞌa i laling dio se.
18Hang Ku paliio: dosse: miluhali ung heong. Ku bùruꞌa‑ko pole mao i dio se. 19Temponaa‑mo ti lino hang na ita‑Kaꞌ hura:. Hampoꞌ dio se, u Mi itaa se, sàbaꞌ Ku tuhoa pole, pang nai anto, u tuhoa dosse: ho. 20Tempo to, u ìsànga se moa teꞌ Ku pàraꞌ i laling AmangKu, pang dio se pàraꞌ i laling Koi:, pang Ku pàraꞌ i laling dio se.
21Tau ung mantokaꞌ parentangKu pang mantoroꞌi, tau to ìnang mampulemu‑Kaꞌ. Tau ung mampulemu‑Kaꞌ na pulemua AmangKu. Pang Koi: ho mampulemua tau to, pang mampupiitaa kalaeKu mao i dea.”
22Mingkutikìna‑mi ti Yudas, ung dang dea Yudas tu Kariot, mao i Yesu teꞌ, “O Tuang, aka ti ung mangurungang‑ing teꞌ Ta mampupiitaa‑mo kalaeTa mao i kami, pang handei: mao i lino?”
23Na sùmuinna‑mi teꞌ, “Tau ung mampulemu‑Kaꞌ, mantoroꞌia pipaturoKu. Pang AmangKu mampulemui:, pang Ki bùruꞌa mao i dea, pang leta: sola:. 24Tau ung dang mampulemu‑Kaꞌ, hang mantoroꞌi‑i pipaturoKu. Pipaturo: ung nu sàding se to, hang nai Koi:‑iko, sangadinna nai Ama:‑da ung mampantuyu‑Kaꞌ.
25Nasang te, u Ku padeaꞌ‑ming se, te u Ku pasola: se maang. 26Pang Pirannang to, Pinanaha Malìsong ung na pantuyua Ama: i laling konaKu, Dea‑mo ti ung mampaturoo: se nasang angkanna, pang mampakalehaio: se ho nasang ti ung Ku padeaꞌ‑mingko se.
27Kabeloang, u Ku palii:‑ing se. KabeloangKu kalenanna ti ung Ku hengi‑ingko se. Ung Ku hengi‑ingko se tee, hang sibali‑ida ti ung na hengi‑ing lino. Hau na masussa tùrung ti pinanahammu se, pang mariaꞌ. 28U sàding‑mo se ti suaKu teꞌ, Ku lumaa, pang Ku bùruꞌa pole. Àla: ung Mi pulemu‑ko se, àla: u pusannang se ti kalumaoangKu i Ama:, sàbaꞌ làbi iaho‑Da nai Koi:. 29I latenna, tempona hang jadi‑mi ti aka to, u Ku padeaꞌ‑ing se ìnang matung, mangking tempona jadi, u patongang se.
30Hang boso:‑i hura: Ku silàhaing‑ko se, sàbaꞌ bùruꞌa‑moda ti dea ung muparenta i lino tee. Hampoꞌ hari: kuasanna mao i Koi:, moi sangkìdoꞌ. 31Na moi mène: to, nasang tee nipukauꞌ mangking lino mangìsang moa teꞌ Ku mampulemu Ama:, pang mampukauꞌ aka ti ung Na parenta‑ingNaꞌ.
Hàme: se ta malai se nai ante.”
वर्तमान में चयनित:
Yohanes 14: skx
हाइलाइट
शेयर
कॉपी
Want to have your highlights saved across all your devices? Sign up or sign in
Yohanes 14
14
Yesu‑mo ti dalang mao i Puang Ama:
1Musua: kang ho ti Yesu mao i pasikolaNa teꞌ, “Hau na masussa tùrung ti pinanahammu se. Mupatongang‑ko se mao i Puang, pang mupatongang‑ko se ho mao i Koi:. 2I tammingna AmangKu, boso: kaoneang. Ku lumaa mampatokana‑ingko se. Matantu hang Ku pusua:‑i ti tee matung i dang tongang‑i ti to. 3Ìna Ku ladu‑mo mampatokana‑ingko se, Ku bùruꞌa pole, pang u Ku bahaa se mao i anto, mangking u one: dosse: ho i kaoneang ung Ku kaonei:. 4Pang u ìsang se ti dalang mao i anto ung Ku lumaꞌia.”
5Musuana‑mi ti Tomas moa teꞌ, “O Tuang, hang ki ìsang‑ika iaka ti ung Ta lumaꞌia. Ki akaa ti mangìsang dalang lumao deꞌ?”
6Na sùmuinna‑mi teꞌ, “Koi:‑mo ti dalang, katongangang pang toaꞌna katuhoang. Hari:‑da moi besa tau ung hela deaꞌ i Ama:, i dang mangola:‑i Koi:. 7Ìna u Mi ìsang‑mo se, matantu u ìsànga se ho ti AmangKu. Na rara i latenna, u ìsang se ti Dea pang u ita‑mo ho ti Dea.”
8Musuana‑mi ti Pilipus teꞌ, “O Tuang, paitaꞌi‑kang ti Ama:, na ki tosang‑ra:.”
9Hampoꞌ Na sùmui teꞌ, “Masai‑mo tungka ta sola: se. Oꞌ, hang Mi ìsang‑mo:do? Tau ung mangita‑Maꞌ, mangita‑mo Ama:. Aka pu u moa teꞌ, ‘Paitaꞌi‑kang ti Ama:’? 10Ha u patongang‑i naꞌ moa teꞌ Ku pàraꞌ i laling Ama:, pang Ama: pàraꞌ i laling Koi:? Sua:-sua: ung Ku padeaꞌ‑ingko se, hang nai Koi: kalenanna‑iko, sangadinna nai Ama: ung pàraꞌ i Koi: pang mampukauꞌ kamaꞌangNa. 11Patongang‑Kaꞌ se teꞌ Ku pàraꞌ i laling Ama:, pang Ama: pàraꞌ i laling Koi:. I dang nu patongang‑ko se ti to nai ung Ku pusua: teng, patongang‑ko se sàbaꞌ dea ti kalle-kalleang ung Ku pukauꞌ, kamaꞌangna AmangKu.
12Matantu te ung Ku pusua: matung e teꞌ Tau ung mupatongang mao i Koi:, mampukauꞌa‑da ho kamaꞌang ung Ku pukauꞌ. Mala, mampukauꞌa‑da ung làbi lammuꞌ kang ho, sàbaꞌ Ku lumaa‑ko i Ama:. 13Pang aka teng ti ung nu palau se i laling konaKu, Ku pukauꞌa, mangking kamalabiꞌangna Ama: nipupiita mangola: AnakàNa. 14Ìna u mampalau se aka teng mao i Koi: i laling konaKu, Ku pukauꞌa.”
Pinanaha Malìsong niàluꞌ
15“Ìna u Mi pulemu se, u toroꞌia ti parentangKu. 16Pang Ku palaua mao i Ama: mangking u Na hengi‑ing se besa kang Pirannang, ung mampasolao: se deaꞌ tùrungna. 17Pirannang to dea‑mo Pinanaha Malìsong, ung nikonai: ho Pinanaha Katongangang. Lino tee hang hela‑i mantarima‑I, sàbaꞌ hang na ita‑I pang hang na ìsang‑I. Hampoꞌ dio se mangìsang‑I, sàbaꞌ u Na pasola: se i latenna pang pàraꞌa i laling dio se.
18Hang Ku paliio: dosse: miluhali ung heong. Ku bùruꞌa‑ko pole mao i dio se. 19Temponaa‑mo ti lino hang na ita‑Kaꞌ hura:. Hampoꞌ dio se, u Mi itaa se, sàbaꞌ Ku tuhoa pole, pang nai anto, u tuhoa dosse: ho. 20Tempo to, u ìsànga se moa teꞌ Ku pàraꞌ i laling AmangKu, pang dio se pàraꞌ i laling Koi:, pang Ku pàraꞌ i laling dio se.
21Tau ung mantokaꞌ parentangKu pang mantoroꞌi, tau to ìnang mampulemu‑Kaꞌ. Tau ung mampulemu‑Kaꞌ na pulemua AmangKu. Pang Koi: ho mampulemua tau to, pang mampupiitaa kalaeKu mao i dea.”
22Mingkutikìna‑mi ti Yudas, ung dang dea Yudas tu Kariot, mao i Yesu teꞌ, “O Tuang, aka ti ung mangurungang‑ing teꞌ Ta mampupiitaa‑mo kalaeTa mao i kami, pang handei: mao i lino?”
23Na sùmuinna‑mi teꞌ, “Tau ung mampulemu‑Kaꞌ, mantoroꞌia pipaturoKu. Pang AmangKu mampulemui:, pang Ki bùruꞌa mao i dea, pang leta: sola:. 24Tau ung dang mampulemu‑Kaꞌ, hang mantoroꞌi‑i pipaturoKu. Pipaturo: ung nu sàding se to, hang nai Koi:‑iko, sangadinna nai Ama:‑da ung mampantuyu‑Kaꞌ.
25Nasang te, u Ku padeaꞌ‑ming se, te u Ku pasola: se maang. 26Pang Pirannang to, Pinanaha Malìsong ung na pantuyua Ama: i laling konaKu, Dea‑mo ti ung mampaturoo: se nasang angkanna, pang mampakalehaio: se ho nasang ti ung Ku padeaꞌ‑mingko se.
27Kabeloang, u Ku palii:‑ing se. KabeloangKu kalenanna ti ung Ku hengi‑ingko se. Ung Ku hengi‑ingko se tee, hang sibali‑ida ti ung na hengi‑ing lino. Hau na masussa tùrung ti pinanahammu se, pang mariaꞌ. 28U sàding‑mo se ti suaKu teꞌ, Ku lumaa, pang Ku bùruꞌa pole. Àla: ung Mi pulemu‑ko se, àla: u pusannang se ti kalumaoangKu i Ama:, sàbaꞌ làbi iaho‑Da nai Koi:. 29I latenna, tempona hang jadi‑mi ti aka to, u Ku padeaꞌ‑ing se ìnang matung, mangking tempona jadi, u patongang se.
30Hang boso:‑i hura: Ku silàhaing‑ko se, sàbaꞌ bùruꞌa‑moda ti dea ung muparenta i lino tee. Hampoꞌ hari: kuasanna mao i Koi:, moi sangkìdoꞌ. 31Na moi mène: to, nasang tee nipukauꞌ mangking lino mangìsang moa teꞌ Ku mampulemu Ama:, pang mampukauꞌ aka ti ung Na parenta‑ingNaꞌ.
Hàme: se ta malai se nai ante.”
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in