ଲୁକ 23
23
ପିଲାତ ର୍ଜାର୍ ଲ୍ଗେ ଯୀଶୁକେ ନିଲାଇ
(ମାଥି. ୨୭:୧,୨,୧୧-୧୪; ମାର୍କ ୧୫:୧-୫; ଯୋହ. ୧୮:୨୮-୩୮)
1କୁଟୁମ୍ ବ୍ସିରିଲା ସ୍ବୁ ଲକ୍ମ୍ନ୍ ଯୀଶୁର୍ ବିରୁଦେ ଉଲ୍ଟାଇ ଆର୍ ତାକେ ପିଲାତ ର୍ଜାର୍ ଲ୍ଗେ ନିଲାଇ। 2ସେମ୍ନ୍ ତାର୍ ବିରୁଦେ ଇ ସ୍ବୁ ଦସାର୍ କ୍ତା କ୍ମ୍କେ ଆରମ୍ କ୍ଲାଇ, “ଇ ମାନାଇ ଅମାର୍ ଲକ୍ମ୍ନ୍କେ ବୁଲ୍ ଶିକ୍ୟା ଦେମ୍ଲା ଆର୍ ରମ୍ ର୍ଜା କାଇସର୍କେ ସିସ୍ତୁ ଦେମ୍କେ ମ୍ନା କ୍ରୁଲା, ସେ ନିଜ୍କେ ଖ୍ରୀଷ୍ଟ ବ୍ଲି କ୍ମ୍ଲା।” 3ପିଲାତ ର୍ଜା ଯୀଶୁକେ ହ୍ଚାର୍ଲା, “ତୁଇ ଯିହୁଦିମ୍ନ୍କାର୍ ର୍ଜା?” ଯୀଶୁ ତାକେ ଉତର୍ଦିଲା, “ତୁଇ ନିଜେ କ୍ମ୍ଲିସ୍।” 4ପିଲାତ ମୁକିଆ ଜାଜକ୍ ଆର୍ ଲକ୍ମ୍ନ୍କେ କଇଲା, “ମୁଇ ଯୀଶୁର୍ ତ୍ଇହ୍ଣି କାଇ ଦସ୍ ନାହାମ୍ଲେ।” 5ମ୍ତର୍ ସେମ୍ନ୍ ବାର୍ ବାର୍ କ୍ମ୍କେ ଲାଗ୍ଲାଇ, “ଇ ମାନାଇ ଗାଲିଲୀ ଜିଲାଇ ହ୍ଣି ଯିହୁଦା ରାଜିର୍ ସ୍ବୁହାକ୍ ଲକ୍ମ୍ନ୍କେ ଶିକ୍ୟା ଦେଇକ୍ରି ସେମ୍ନ୍କେ ମାଡ୍ଗଳ୍ କ୍ରାମ୍ଲା।”
ହେରୋଦ୍ ର୍ଜାର୍ ଲ୍ଗେ ଯୀଶୁକେ ନିଲାଇ
6ପିଲାତ ର୍ଜା ଇକ୍ତା ଶୁଣ୍ଲା ଆର୍, “ଯୀଶୁ କାଇରି ଗାଲିଲୀ ଜିଲାର୍ ଲକ୍ କି” ବ୍ଲି ହ୍ଚାର୍ଲା? 7ଯୀଶୁ ଗାଲିଲୀ ଜିଲାର୍ ଲକ୍ବ୍ଲି ପିଲାତ ଶୁଣିକ୍ରି ସେ ଯୀଶୁକେ ହେରୋଦାର୍ ଲ୍ଗେ ହ୍ଟାଇଲା, ସେଡେବ୍ଳ୍ ହେରୋଦ୍ ର୍ଜା ହେଁ ଯିରୁଶାଲମ୍ ରେତିରିଲା।
8ଜ୍ଡେବ୍ଳ୍ ହେରୋଦ୍ ର୍ଜା ଯୀଶୁକେ ଦ୍କ୍ଲା, ସେ ବେସି ସ୍ର୍ଦା ଅଇଲା ବ୍ଲେକ୍ ସେ ଆଗ୍ତୁ ଯୀଶୁର୍ ବିଷୟ୍ ଶୁଣିରିଲା ଆର୍ ତାକେ ଦ୍କୁକ୍ ମ୍ନ୍କ୍ର୍ତିରିଲା, ସେ ଯୀଶୁର୍ ତ୍ଇହ୍ଣି ଚମ୍ତ୍କାର୍ କାମ୍ ଦ୍କୁକେ ଆଶା କ୍ର୍ତିରିଲା। 9ସେତାର୍ଗିନେ ହେରୋଦ୍ ର୍ଜା ଯୀଶୁକେ କ୍ତେକ୍ ପ୍ରଶ୍ନ ହ୍ଚାର୍ଲା, ମ୍ତର୍ ଯୀଶୁ କାଇ ଉତର୍ ନ୍ଦିଲା। 10ଆର୍ ମୁକିଆ ଜାଜକ୍ ଆର୍ ନିଆଇ ଶିକାଉତା ଲକ୍ମ୍ନ୍ ଯୀଶୁର୍ ବିରୁଦେ ଟିଆଅଇ ଦସାର୍ କ୍ତା କ୍ଉତିରିଲାଇ। 11ହେରୋଦ୍ ର୍ଜା ଆର୍ ତାର୍ ଶଇନ୍ମ୍ନ୍ ଯୀଶୁକେ ଲାଜ୍ କ୍ଲାଇ ଆର୍ ଲିନ୍ଦା କ୍ଲାଇ, ସେମ୍ନ୍ ର୍ଜାମ୍ନ୍ ହିନ୍ଦ୍ତି ସେନ୍କାର୍ ବ୍ଲ୍ ଆର୍ ସୁନ୍ଦୁର୍ ହ୍ଚିଆ ତାକେ ହିନ୍ଦାଇ କ୍ରି ପିଲାତ ର୍ଜାର୍ ଲ୍ଗେ ହ୍ଟାଇ ଦିଲାଇ। 12ସେଦିନ୍ ପିଲାତ ର୍ଜା ଆର୍ ହେରୋଦ୍ ର୍ଜା ଦୁଇଲକ୍ ସ୍ଙ୍ଗ୍ ଅଇଲାଇ। ଇତାର୍ ଆଗେ ସେମ୍ନ୍କାର୍ ବିତ୍ରେ ବେସି ବିରଦ୍ ରିଲାଇ।
ଯୀଶୁକେ ମ୍ର୍ଣ୍ ଡ୍ଣ୍ତ୍ ମିଳ୍ଲି
(ମାଥି. ୨୭:୧୫-୨୬; ମାର୍କ ୧୫:୬-୧୫; ଯୋହ. ୧୮:୩୯-୧୯:୧୬)
13ପିଲାତ ର୍ଜା ଆର୍ ମୁକିଆ ଜାଜକ୍, ପାରାଚିନ୍ମ୍ନ୍କେ ଆର୍ ଲକ୍ମ୍ନ୍ଦାକେ ମିଶ୍ଣେ ତାର୍ ଲ୍ଗେ ସେମ୍ନ୍କେ କଇଲା, 14ପିଲାତ ର୍ଜା ଲକ୍ମ୍ନ୍କେ କଇଲା, “ଯୀଶୁ ଲକ୍ମ୍ନ୍କେ କ୍ରାପ୍ ବାଟ୍ ନେମ୍ଲା ବ୍ଲି ତୁମିମ୍ନ୍ ମର୍ଲ୍ଗେ ଆଣି ରିଲାସ୍, ମ୍ତର୍ ମୁଇ ତୁମାର୍ ଆଗେ ତାକେ ପରିକ୍ୟା କ୍ଲେ ଆର୍ କାଇ ହେଁ ଦସାର୍ କ୍ତା ତୁମି କ୍ଉତିରିଲା ହର୍ ହାଇ ନ୍କେରି।
15ଆର୍ ହେରୋଦ୍ ର୍ଜା ହେଁ ଯୀଶୁର୍ ତ୍ଇହ୍ଣି କାଇ ଦସ୍ ହାଇ ନ୍କେରେ ଲାଗି, ସେ ଆକେ ମର୍ଲ୍ଗେ ଆରେକ୍ ଲେଉଟାଇ କ୍ରି ହ୍ଟାଇ ଦିଲା। ବ୍ଲେକ୍ ଇ ମାନାଇ ମ୍ର୍ଣ୍ ଡ୍ଣ୍ତ୍ହର୍ କାଇ ବୁଲ୍ କାମ୍କ୍ରି ନ୍କେରେ। 16ସେତାର୍ଗିନେ ମୁଇ ତାକେ କର୍ଡା ସ୍ଙ୍ଗ୍ ମାରିକ୍ରି ଚାଡି ଦେଇନ୍ଦ୍।” 17ରମ୍ ସ୍ର୍କାରାର୍ ନିୟମ୍ ହର୍ ପିଲାତ ର୍ଜା ସ୍ବୁ ନିସ୍ତାର୍ ହ୍ରବ୍ କାତାବ୍ଳ୍ ଲକ୍ମ୍ନ୍କାର୍ ଗିନେ ଗଟେକ୍ ଜ୍ଇଲେ ରିଲା ବନ୍ଦିକେ ଚାଡ୍ତି ରିଲା। 18ମ୍ତର୍ ସ୍ବୁ ଲକ୍ମ୍ନ୍ ମିସିକ୍ରି ବେଲ୍କି ଅଇକ୍ରି କଇଲାଇ, “ଯୀଶୁକେ ମ୍ର୍ନେ ମାରୁନ୍ଦ୍, ମ୍ତର୍ ବାରବାକେ ମୁକ୍ତି କ୍ର୍।” 19ସ୍ହର୍ ବିତ୍ରେ ଲକ୍ମ୍ନ୍କେ ମାଡ୍ଗ୍ଳ୍ କ୍ରିରିଲା ଦସେ ଆର୍ ଲକ୍ମ୍ନ୍କେ ମ୍ର୍ନେ ମାରିରିଲା ଦସେ ଆଣି ବାରବାକେ ଜ୍ଇଲେ ସ୍ଙ୍ଗାଇ ରିଲାଇ। 20ମ୍ତର୍ ପିଲାତ ର୍ଜା ଯୀଶୁକେ ଚାଡି ଦେମ୍କେ ମ୍ନ୍କ୍ରି ଲକ୍ମ୍ନ୍କେ କୁଦ୍ଲା ଆର୍ କ୍ତାବାର୍ତା କ୍ଲା। 21ମ୍ତର୍ ସେମ୍ନ୍ ଆରେକ୍ ବେଲ୍କି ଅଇକ୍ରି କଇଲାଇ, “ତାକେ କୁର୍ଶକାଟେ ଚ୍ଗାଉଆ।” 22ପିଲାତ ତିନିତର୍ ସେମ୍ନ୍କେ କଇଲା, “ସେ କାଇ ଦସ୍ କ୍ରିଆଚେ? ମୁଇ ଇ ମାନାଇର୍ ତ୍ଇହ୍ଣି ମ୍ର୍ନ୍ ଡ୍ଣ୍ତ୍ହର୍ କାଇ ଦସ୍ ନାହାଇ। ମୁଇ ଆକେ ଡ୍ଣ୍ତ୍ ଦେଇନ୍ଦ୍ ଆର୍ ଚାଡି ଦେଇନ୍ଦ୍।”
23ମ୍ତର୍ ସେମ୍ନ୍ ବେଲ୍କି ଅଇକ୍ରି ବ୍ଡ୍ ଟଣ୍ତ୍କ୍ରି ଜିଦ୍ କ୍ରି କଇଲାଇ, “ଯୀଶୁକେ କୁର୍ଶକାଟେ ଚ୍ଗାଉଆ।” ସ୍ରାସ୍ରି ବ୍ଳ୍ ତାକାର୍ ଜିଦ୍ କ୍ଲାକ୍ତା ହୁରା ଅଇଲି। 24ସେତାର୍ଗିନେ ପିଲାତ ର୍ଜା ସେମ୍ନ୍ ଜୁଇରି ମ୍ନ୍ କ୍ଲେକ୍ ସେରି କ୍ରତ୍ବ୍ଲି ଯୀଶୁକେ ମ୍ର୍ନ୍ ଡ୍ଣ୍ତ୍ ଆଦେଶ୍ ଦିଲା। 25ଜୁଇଲକ୍କେ ସେମ୍ନ୍ ମାଡ୍ଗଳ୍ କ୍ରିରିଲା ଆର୍ ଲକ୍ମ୍ନ୍କେ ମ୍ର୍ନେ ମାରିରିଲା ଦସେ ଆଣି ଜ୍ଇଲେ ସ୍ଙ୍ଗାଇ ରିଲାଇ, ବାରବାକେ ସେମ୍ନ୍ ଚାଡିଦେସ୍ ବ୍ଲି କ୍ଉତିରିଲାଇ, ସେତାର୍ଗିନେ ପିଲାତ ର୍ଜା ବାରବାକେ ଚାଡିଦିଲା ଆର୍ ଯୀଶୁକେ ସେମ୍ନ୍କାର୍ ଇଚାହର୍ ଜୁଇରି ମ୍ନ୍ କ୍ଲେକ୍ କ୍ରା ବ୍ଲି ସେମ୍ନ୍କାର୍ ଆତେ ସ୍ହ୍ରିଦିଲା।
ଯୀଶୁକେ କୁର୍ଶକାଟେ ମାର୍ଲାଇ
(ମାଥି. ୨୭:୩୨-୪୪; ମାର୍କ ୧୫:୨୧-୩୨; ଯୋହ. ୧୯:୧୭-୨୭)
26ଶଇନ୍ମ୍ନ୍ ଯୀଶୁକେ ଦ୍ରିକ୍ରି ନିଲାଇ, ସେମ୍ନ୍ ସ୍ହରେ ହ୍ଣି ଆସ୍ତିରିଲା କୂରୀଣୀୟ ଶିମୋନ୍ ନାଉଆର୍ ଏକ୍ଲାକେ ସେମ୍ନ୍ ବେଟ୍ ହାଇଲାଇ ଆର୍ ଆଣିକ୍ରି ଯୀଶୁର୍ କୁର୍ଶକାଟ୍ ଦ୍କିକ୍ରି ଯୀଶୁର୍ ହ୍ଚେ-ହ୍ଚେ ଇଣ୍ଡ୍ ବ୍ଲି ତାର୍ କ୍ନ୍ଦେ କୁର୍ଶକାଟ୍ ଲାଦ୍ଲାଇ।
27ଆରେକ୍, ବେସି ଲକ୍ମ୍ନ୍ ତାର୍ ଗିନେ କାନ୍ଦାବାଳ୍ ଅଇ ଜାତିରିଲାର୍ କ୍ତେକ୍ ମାଇଜି ଟକିମ୍ନ୍ ହେଁ ତାର୍ ହ୍ଚେ-ହ୍ଚେ ଜାତିରିଲାଇ। 28ଯୀଶୁ ସେମ୍ନ୍କାର୍ ହାକ୍ ବୁଲିକ୍ରି ଦ୍କ୍ଲା ଆର୍ କଇଲା, “ହେ ଯିରୁଶାଲମାର୍ ଟକିମ୍ନ୍ ମର୍ଗିନେ କାନ୍ଦାନାଇ, ମ୍ତର୍ ତୁମାର୍ ଗିନେ ଆର୍ ତୁମାର୍ ହିଲାଜିଲା ମ୍ନ୍କାର୍ ଗିନେ କାନ୍ଦା।
29କାଇତାକ୍ ଅନ୍କା ଦିନ୍ ଆସୁଲି ଲକ୍ମ୍ନ୍ ସେମ୍ନ୍କେ କଇଲା, ଦନ୍ୟ। ଜୁଇ ଟକିମ୍ନ୍ କ୍ବେ ହିଲା ଜ୍ର୍ନ୍ ନ୍କେରି ଆତ୍ତି ଆର୍ ଜୁଇ ଟକିମ୍ନ୍ ଗ୍ଗାଳେ ନ୍ରେତି ଆର୍ ଦୁଦ୍ ନ୍କାଳାଉତି ରେତି ସେମ୍ନ୍କାର୍ ଗିନେ ବ୍ଲ୍। 30ସେଡେବ୍ଳ୍ ଲକ୍ମ୍ନ୍ ଡଙ୍ଗୁର୍ ମ୍ନ୍କେ କ୍ଉତି, ‘ଅମାର୍ ଉହ୍ରେ ଅଦୁର୍’ ଆର୍ ବ୍ଡ୍ ଡଙ୍ଗୁର୍ ମ୍ନ୍କେ କ୍ଉତି ‘ଅମୁକ୍ ଡାହି ଅଉ।’ 31ଯଦି ଦ୍ର୍ମ୍ ଲକ୍ମ୍ନ୍କାର୍ ବିତ୍ରେ ଅତେକ୍ ପାପ୍ ଆସୁଲି ତ୍ବେ ପାପି ଲକ୍ମ୍ନ୍କେ ବେସି ଦୁକ୍କ୍ଷ୍ଟ ଅଇଦ୍।”
32ଆରେକ୍ ସେମ୍ନ୍ ମ୍ର୍ନେ ମାରୁକେ ଆରେକ୍ ଜଳେକ୍ ଦ୍ସିକେ ଯୀଶୁର୍ ସ୍ଙ୍ଗ୍ ନେତିରିଲାଇ।
33ଆର୍, ସେମ୍ନ୍ କାହାଳ୍ ନାଉର୍ ଜାଗାଇ ହଚ୍ଲାଇ ସେତି ସେମ୍ନ୍ ଯୀଶୁକେ କୁର୍ଶକାଟେ ଚ୍ଗାଇଲାଇ, ସେମ୍ନ୍ ଜଳେକ୍ ଦ୍ସିକେ ହେଁ ଯୀଶୁର୍ କାତାବାଟ୍ ଏକ୍ଲାକେ ଆର୍ ଡେବ୍ରି ବାଟ୍ ଏକ୍ଲାକେ କୁର୍ଶକାଟେ ଚ୍ଗାଇଲାଇ। 34ସେଡେବ୍ଳ୍ ଯୀଶୁ କଇଲା, “ଏ ଉବା ଏମ୍ନ୍କେ କେମାକ୍ର୍ ଏମ୍ନ୍ କାଇରି କ୍ରୁଲାଇ ସେରି ନ୍ଜାଣ୍ତି।” ସେମ୍ନ୍ ହିନ୍ଦିରିଲା ତାର୍ ହ୍ଚିଆ କ୍ଣ୍ତ୍କେ ଚିଟି କ୍ଲାଇ।
35ଲକ୍ମ୍ନ୍ ଟିଆଅଇ ଦ୍କ୍ତି ରିଲାବ୍ଳ୍ ଯିହୁଦିମ୍ନ୍କାର୍ ନେତାମ୍ନ୍ ଯୀଶୁକେ କ୍ମ୍କେ ଲାଗ୍ଲାଇ, “ସେ ଅଲ୍ଗା ଲକ୍ମ୍ନ୍କେ ଉଦାର୍ କ୍ଲା। ଆକେ ଯଦି ଇଶ୍ୱର୍ ହ୍ଟାଇଲା ଆଚେ ଆର୍ ଏ ଯଦି ଖ୍ରୀଷ୍ଟ ତ୍ବେ ନିଜ୍କେ ଉଦାର୍ କ୍ର୍।”
36ଆରେକ୍ ଶଇନ୍ମ୍ନ୍ ହେଁ ଯୀଶୁର୍ ଲ୍ଗେ ଆଇଲାଇ ଆର୍ ତାକେ ଅମ୍ବ୍ଳି ଅଙ୍ଗୁର୍ ର୍ସେ ବୁଡାଇ କ୍ରି ଆଣି ଯୀଶୁକେ କାମ୍କେ ଦିଲାଇ ଆର୍ ତାକେ ଲାଜ୍ କ୍ରାଇଲାଇ, 37ସେମ୍ନ୍ କଇଲାଇ, “ତୁଇ ଯଦି ଯିହୁଦିମ୍ନ୍କାର୍ ର୍ଜା ତ୍ବେ ନିଜ୍କେ ଉଦାର୍ କ୍ର୍।” 38ଯୀଶୁର୍ ମୁଣ୍ତ୍ ଉହ୍ରେ, ଗଟେକ୍ ହାଟାଇ ଏ ଯିହୁଦିମ୍ନ୍କାର୍ ର୍ଜା ବ୍ଲି ଲେକିକ୍ରି ଅଳାଇ ରିଲାଇ।
39ଆର୍ କୁର୍ଶକାଟେ ଚ୍ଗାଇ ରିଲାର୍ ଗଟେକ୍ ଦସି ଲକ୍ ତାକେ ଲିନ୍ଦା କ୍ରି କ୍ମ୍କେ ଲାଗ୍ଲା, “ତୁଇ ଯଦି ଖ୍ରୀଷ୍ଟ? ବ୍ଲେକ୍ ନିଜ୍କେ ଉଦାର୍ କ୍ର୍ ଆର୍ ଅମୁକ୍ ହେଁ ଉଦାର୍ କ୍ର୍।” 40ମ୍ତର୍ ଆରେକ୍ ଗଟେକ୍ ଦସି ଲକ୍ ସେ ଦ୍ସିକେ ଦ୍ମ୍କାଇ କ୍ରି କଇଲା, “ତୁଇ ମ୍ସାନ୍ ବାବେ ଡ୍ଣ୍ତ୍ ହାମ୍ଲିସ୍, ମ୍ତର୍ ତୁଇ ଇଶ୍ଵର୍କେ ହେଁ ନ୍ଡିରୁଲିସ୍? 41ଅମିମ୍ନ୍ ସିନା ଦୁଇ ଲକ୍ ହେଁ ଚର୍, ନିୟମ୍ ବାବ୍ରେ ଡ୍ଣ୍ତ୍ ବ୍ଗୁଲୁ, ମ୍ତର୍ ଇ ମାନାଇ କାଇ ଦସ୍ ହେଁ ନ୍କେରେ।”
42ଆରେକ୍, ସେ ଦସି ଲକ୍ କଇଲା, “ଏ ଯୀଶୁ ତୁଇ ତର୍ ରାଇଜ୍କେ ଜାସି ସେଡେବ୍ଳ୍ ମକେ ଅଳକ୍ ମ୍ନେ ହ୍କାଉ।” 43ଯୀଶୁ ତାକେ କଇଲା, “ସ୍ତ୍କ୍ରି ମୁଇ ତକେ କ୍ମ୍ଲେ, ଆଜି ତୁଇ ମର୍ସ୍ଙ୍ଗ୍ ସ୍ର୍ଗେ ହଚ୍ସି।”
ଯୀଶୁର୍ ମ୍ରଣ୍
(ମାଥି. ୨୭:୪୫-୫୬; ମାର୍କ ୧୫:୩୩-୪୧; ଯୋହ. ୧୯:୨୮-୩୦)
44ସେଡେବ୍ଳ୍ ଦିନ୍ ବାର୍ଟା ଅଇରିଲି, ଆର୍ ବେଳାର୍ ଉଜାଳ୍ ଉଣା ଅଇଲାକ୍ ତିନ୍ଟା ହ୍ତେକ୍ ଦେଶ୍ ଜାକ ଅନ୍ଦାର୍ ଅଇରିଲି, 45ଆରେକ୍ ଦ୍କା ମନ୍ଦିରାର୍ ବ୍ଡ୍ ହ୍ଚିଆ ବାଟ୍ ଦୁଆରେ ବାନ୍ଦିଦିଲା ହ୍ଚିଆ ମ୍ଜାଇ ଦୁଇ ହଳା କ୍ରି ଚିରି ଅଇଲି।
46ଆର୍ ଯୀଶୁ ବେଲ୍କି ଅଇକ୍ରି କଇଲା, “ଏ ଉବା, ମୁଇ ତର୍ ଆତେ ମର୍ ଜୀବନ୍କେ ସ୍ହ୍ରି ଦେମ୍ଲେ ବ୍ଲି କ୍ଇକ୍ରି ସେ ମ୍ଲା।” 47ଶଏଗଟ୍ ସେନାପତିର୍ ବ୍ଡ୍ ଅପିସର୍ ଇ ଗଟ୍ଣା ଦ୍କିକ୍ରି ଇଶ୍ଵରାର୍ ଦନ୍ୟବାଦ୍ କ୍ଲାଇ ଆର୍ କଇଲାଇ, “ସ୍ତ୍କ୍ରି ଇ ମାନାଇ ଗଟେକ୍ ଦ୍ର୍ମ୍ ଲକ୍ରିଲା।”
48ଆରେକ୍ ଜ୍ତେକ୍ ଲକ୍ମ୍ନ୍ ସେତି ଦ୍କୁକେ ରୁଣ୍ଡି ରିଲାଇ, ସେମ୍ନ୍ ଇ ସ୍ବୁ ଗଟ୍ଣା ଦ୍କିକ୍ରି ମ୍ନ୍ଦୁକ୍ ଅଇ ନିଜାର୍ ନିଜାର୍ ଉରେ ମାରି ଅଇଲାଇ ଆର୍ ନିଜାର୍ ନିଜାର୍ ଗ୍ରେ ଲେଉଟି ଗ୍ଲାଇ। 49ମ୍ତର୍ ଯୀଶୁକେ ବ୍ଲ୍ବାବେ ଜାଣିରିଲା ଲକ୍ମ୍ନ୍ ଆର୍ ଗାଲିଲୀ ଜିଲାଇ ହ୍ଣି ତାର୍ ହ୍ଚେ ହ୍ଚେ ଆସିରିଲା ମାଇଜି ଟକିମ୍ନ୍ ଅଳକ୍ ଦୁରିକେ ରେଇକ୍ରି ଇ ସ୍ବୁ ଗଟ୍ଣା ଦ୍କ୍ତି ରିଲାଇ।
ଯୀଶୁର୍ ମ୍ସୁଣ୍
(ମାଥି. ୨୭:୫୭-୬୧; ମାର୍କ ୧୫:୪୨-୪୭; ଯୋହ. ୧୯:୩୮-୪୨)
50ଆର୍ ଦ୍କା, ଯିହୁଦା ଦେଶାର୍ ହାରାମାଥିୟ ଗାମାର୍ ଯୋଷେପ୍ ନାଉର୍ ଗଟେକ୍ ଲକ୍ ଯିହୁଦିମ୍ନ୍କାର୍ କୁଟୁମ୍ ବ୍ସ୍ତା ଗଟେକ୍ ମାନ୍ ଦ୍ର୍ମ୍ ହାଉତା ଲକ୍ରିଲା। ସେ ଗଟେକ୍ ବ୍ଲ୍ ଲକ୍ ଆର୍ ଦ୍ର୍ମ୍ ଲକ୍ରିଲା, 51ଆର୍ ସେମ୍ନ୍ ଯୀଶୁକେ ମ୍ର୍ନେ ମାରୁନ୍ ବ୍ଲି କ୍ର୍ତିରିଲା ଯିହୁଦି ନିୟମ୍କେ ସେ ନ୍ମାନ୍ତିରିଲା, ମ୍ତର୍ ଇଶ୍ଵରାର୍ ରାଜି କ୍ବେ ଆସେଦ୍ ବ୍ଲି ଜାଗିରିଲା।
52ସେ ପିଲାତ ର୍ଜାର୍ ଲ୍ଗେ ଗ୍ଲା ଆର୍ ଯୀଶୁର୍ ମ୍ଲା ମ୍ଳ୍କେ ମାଗ୍ଲା, 53ଆରେକ୍, ସେ ଯୀଶୁର୍ ମ୍ଳ୍କେ ତ୍ଳେ ଉତ୍ରାଇ କ୍ରି ସେ ମ୍ଳ୍କେ ସୁକ୍ଲା ହ୍ଚିଆ ସ୍ଙ୍ଗ୍ ଗୁଳିଆଇକ୍ରି ଗଟେକ୍ ମ୍ସ୍ଣେ ନ୍ଇକ୍ରି ସ୍ଙ୍ଗାଇଲା, ସେତି କାକେ ହେଁ ମ୍ଲାଲକ୍କେ ନଇ ନ୍କେର୍ତି। 54ସେ ଦିନ୍ ବିଶାଉଣିଦିନାର୍ ଆଗ୍ତୁ ଦିନ୍ରିଲି, ବ୍ଲେକ୍ ବିଶାଉଣିଦିନ୍ ଲ୍ଗେ ଅଇ ଆସ୍ତି ରିଲି, 55ଜୁଇସ୍ବୁ ମାଇଜି ଟକିମ୍ନ୍ ଗାଲିଲୀ ଜିଲାଇ ହ୍ଣି ଯୀଶୁର୍ ହ୍ଚେ ହ୍ଚେ ଆସ୍ତି ରିଲାଇ ସେମ୍ନ୍ ଯୋଷେପାର୍ ସ୍ଙ୍ଗ୍ ମ୍ସ୍ଣେ ଗ୍ଲାଇ, ଆର୍ ସେ ମ୍ସ୍ଣେ ଯୀଶୁର୍ ମ୍ଲା ଗ୍ଗାଳ୍ କ୍ନ୍କ୍ରି ସ୍ଙ୍ଗାଇଲାଇ ସେରି ବ୍ଲ୍କ୍ରି ଦ୍କ୍ଲାଇ, 56ଆରେକ୍ ସେମ୍ନ୍ ଗ୍ରେ ଲେଉଟି ଆସିକ୍ରି ଯୀଶୁର୍ ଗ୍ଗାଳେ ବାସ୍ନା ଚିକାଣ୍ ଲାଗାମ୍କେ ତିଆର୍ କ୍ଲାଇ।
वर्तमान में चयनित:
ଲୁକ 23: BDVNT
हाइलाइट
शेयर
कॉपी
Want to have your highlights saved across all your devices? Sign up or sign in
Bodo Parja Bible (ବ୍ଡ଼୍ ହ୍ର୍ଜା) by The Love Fellowship is licensed under Creative Commons Attribution-ShareAlike 4.0 License.
