Han Kãme 2
2
Topẽ kuprĩg tỹ tỹ ẽg jagrẽ
1Vãhã tóg fénhta tỹ Pentecostes kurã tá krỹg mũ. Kỹ vẽnh kar vỹ vẽnh mãn kỹ nỹtĩ nĩ, Jesus ki ge kỹ nỹtĩ kar ẽn ag.
2Kỹ vãhã kanhkã tá kóho ri ke tóg mẽ há tĩ. Króg, he tóg mũ. Kỹ ĩn tóg kóho ri ke ẽn tỹ fór mũ, Jesus ki ge kỹ nỹtĩ ag nỹtĩ ẽn tá.
3Kỹ ag tóg nén nẽ vég mũ, hã ra tóg tỹ pĩ gru hã pẽ nĩ. Vẽnh kãpópãm kỹ tóg nĩ nĩ. Kỹ tóg ag kri nĩ' nĩ' he kãn mũ, pĩ gru hã pẽ ẽn ti. 4Kỹ Topẽ kuprĩg tóg ag ki ge kãn mũ. Kỹ ag tóg vẽnh vĩ ũ tugtó mũ, Topẽ kuprĩg tỹ ag krĩn kỹ, ti tỹ tỹ ag jagrẽ nĩn kỹ.
5Hã ra Jerusalém tá ke ũ ag tóg Topẽ to há nỹtĩ gé. Judeu ag vẽ gé, hã ra ag tóg povo tỹ hẽn ri ke mĩ mogmog ja nĩ. Hã kỹ ag vĩ tóg tó tỹ hẽn ri ke nĩ.
6Ag tỹ kóho ri ke ẽn mẽ kỹ ag tóg vẽnh mãn mũ. Kỹ ag tóg ag vĩ e ẽn ki Pedro ag tỹ nén tó mũ mẽg mũ. 7Kỹ tóg ag mỹ e tĩ. Ag fe tỹ hẽn ri ken kỹ ag tóg: “ha vé, Galiléia tá ke ag vẽ mỹr,” he mũ. “Galiléia tá ke ag vỹ vyr mỹ vĩ nỹtĩ. 8Hã ra ẽg tóg ẽg vĩ pẽ ki ag vĩ mẽg mũ,” he ag tóg. 9“Ẽg kã ũ ag tóg Pártia tá kãmũ mũ, kỹ ũ ag tóg Média tá kãmũ mũ gé, ũ ag tóg ga tỹ Elão tá kãmũ mũ, ũ ag tóg ga tỹ Mesopotâmia tá kãmũ mũ, ũ ag tóg Judéia tá kãmũ mũ, ũ ag tóg Capadócia tá kãmũ mũ, kar kỹ Ponto tá, Ásia tá, 10Frígia tá, Panfília tá, Egito tá, ga tỹ Líbia tá, ẽmã tỹ Cirene ẽn mã tá. Ũ ag tóg ẽmã tỹ Roma tá kãmũ mũ gé. 11Ũ ag tóg tỹ Judeu nỹtĩ, kar kỹ ũ ag tóg tỹ fóg tỹ Judeu jykre han mũ nỹtĩ gé. Ũ ag tóg goj vãso tỹ Creta tá kãmũ mũ, ũ ag tóg ga tỹ Arábia tá kãmũ mũ gé. Ẽg kar tóg ẽg vĩ pẽ ki ag tỹ Topẽ kãmén mũ mẽg mũ,“ he ag tóg. 12Ag mỹ e tĩn kỹ ag tóg jagnẽ mỹ: “ne nẽ hỹn'?“ he mũ. Ag fe tóg jũrũn ke mũ, ag tỹ ge ve ja tũ nỹtĩn kỹ.
13Ũ ag tóg hã ra nyg mũ. “Kronkron kỹ ag kãgter nỹtĩ mỹr,” he ag tóg.
Pedro tỹ ag mỹ Topẽ vĩ tó
14Kỹ Pedro tóg ũ tỹ 11 (ke) ag mré jẽgnẽ kỹ jamã há ra ag mỹ: “inh kanhkã',” he mũ. “Jerusalém tá ke'! Jẽmẽ há han ra, sỹ ãjag mỹ nén tó mũ ti,” he tóg. 15“Ãjag ne tóg: kronkron kỹ ag kãgter nỹtĩ, he mũ. Hã tũ vẽ hã ra,“ he tóg.
16“Hã ra tóg vãsỹ rán kỹ nĩ, ẽg tỹ ũri nén vég mũ ti. Topẽ vĩ tó tĩ tỹ Joel tóg vãsỹ tag rán ja nĩ, ha mẽ: 17“kurã tỹ ẽgno to hã sóg inh kuprĩg jẽnẽnh mũ, vẽnh kar mỹ, ti tỹ tỹ ag mré fag jagrẽ nĩ jé, he ja tóg nĩ, Topẽ ti. Kỹ ãjag krẽ ag tỹ fag mré Topẽ vĩ mẽ kỹ tónh ke vẽ. Kyrũ ag tỹ nén nẽ venh ke vẽ. Kófa ag tỹ vẽnh pétinh ke vẽ. 18Sỹ inh kuprĩg tỹ inh mré rãnhrãj mũ ag jagrẽ han ke vẽ, fag ke gé. Kỹ fag tóg ag mré inh vĩ tónh ke mũ gé, he tóg, Topẽ ti,” he tóg, Joel ti. 19“Ãjag tỹ nén han vãnh han jé sóg ke mũ gé, ãjag mỹ, kanhkã tá, ga tá ke gé, ẽprã, kyvénh mỹr, pĩ mỹr, nĩja mỹr. 20Kỹ rã tỹ kutyg ke vẽ, kysã kyvénh ke vẽ gé. Kar kỹ Topẽ kurã vẽ sir, kurã mág ẽn ti. 21Kỹ ũ tỹ Topẽ mỹ nén kar to vĩ mũ ẽn kren ke vẽ sir,” he tóg, Topẽ ti. Joel tỹ rán hã vẽ, vãsỹ,” he tóg.
22“Inh kanhkã', Nazaré tá Jesus ẽn vẽ mỹr. Ti hã tóg nén han vãnh hynhan ja nĩgtĩ. Topẽ jykre hynhan ja tóg nĩgtĩ, Topẽ tỹ ti jẽnẽn kỹ. Hã ra Topẽ tóg ti mỹ tó ja nĩ, ti tỹ milagre ẽn hynhan jé, ãjag tỹ ve kỹ ti to jykrén há han jé,“ he tóg. 23“Hã ra Topẽ tóg ãjag mỹ ti fẽg ja nĩ. Hã kỹ ãjag tóg ka to ti sa ja nĩ. Ti tén ja ãjag tóg nĩ. Kỹ ũ tỹ ka to ti sãg mũ ẽn ag jykre vỹ pãno tãvĩ nĩ. 24Hã ra Topẽ tóg ti rĩn mãn ja nĩ, hã kỹ tóg vẽser jagtar ẽn tỹ tũ' he ja nĩ, ti mỹ. Hã kỹ tóg vẽser jamã tá nĩg mág ja tũ nĩ, Jesus ti,” he tóg.
25“Hã kỹ Davi tóg Jesus jo tag tó ja nĩ, kỹ tóg Jesus tỹ ti jóg mré vĩ ri ke nĩ. Ti to tóg: ẽg jóg', he ja nĩ. Ã vég isóg nĩ nĩ. Inh pẽgja tá ã tóg nĩ nĩ, hã kỹ sóg krónh ke tũ nĩ. 26Hã kỹ inh fe tóg mrin ke mũ. Vĩ sér han isóg nĩ nĩ. Iser kỹ inh fár tóg nỹnh ke mũ, hã ra sóg to krĩ kufy tũ nĩ. 27Inh kuprĩg vỹ vẽnh kuprĩg jamã tá nĩg mág han ke tũ nĩ. Inh fár vỹ vag ke tũ nĩ gé, sỹ tỹ ã tỹ kuprẽg ja nĩn kỹ. 28Inh kanhrãn ã tóg nĩ nĩ, isỹ kanhkã to ẽpry ẽn ve há han jé. Isỹ ã mré nĩn kỹ tóg inh mỹ sér tãvĩ tĩ, he ja tóg nĩgtĩ, Davi ti,“ he tóg.
29“Inh kanhkã.' Davi to jykrén há han. Ti tỹ vẽnh kãmén tũ vẽ. Vãsỹ tóg ter mỹr, hã kỹ ẽg tóg ti kej vég tĩ, ũri. 30Ti tỹ ga mĩ tĩ mũn kã tóg Topẽ vĩ tó tĩ ja nĩgtĩ, Davi ti. Kỹ Topẽ tóg ti mỹ: ã krẽ'krẽ ag kã ũ vỹ tỹ pã'i mág nĩnh mũ, he ja nĩgtĩ. Ti tỹ Cristo kãtĩg ke tó jan hã vẽ. 31Hã kỹ tóg Cristo rĩr mãn ke tó ja nĩgtĩ gé, ti tỹ: inh fár vỹ vag ke tũ nĩ, hen kỹ. Cristo pijé vẽser jamã tá nĩg mág han', kỹ ti fár vỹ vag ja tũ nĩ gé,” he tóg, Pedro ti.
32“Cristo vẽ, hã vỹ: Jesus, he mũ. Topẽ vỹ ti rĩn mãn, kỹ ẽg kar tóg ti ve ja nĩgtĩ,” he tóg. 33“Topẽ tóg ti mỹ: kunĩg, inh pẽgja tá nĩ, he ja nĩ. Kỹ tóg ti mỹ ti tỹ ẽg mỹ nén tó ja ẽn nĩm, hã vỹ: Topẽ kuprĩg, he mũ. Hã kỹ tóg ẽg mỹ tỹ ẽg jagrẽ han mũ, Jesus ti. Hã kỹ ãjag tóg ũri tag vég mũ,” he tóg.
34“Davi hã tóg rĩr mãn ja tũ nĩ ver, kanhkã ra tóg tãpry ja tũ nĩ ver, ge ra tóg tag tó ja nĩ, ha mẽ: “ẽg jóg mág vỹ inh Senhor mỹ tag tó ja nĩ, hã vỹ: nĩ ra ver, inh pẽgja tá, 35sỹ ã kato vãsãnsãn mũ ag tỹ ã krẽm vin jé. Kỹ ag sigse vẽ sir,” he ja tóg nĩ. Davi tỹ tón hã vẽ,” he tóg.
36“Jesus tag, ãjag tỹ ka to ũn sãg mũ tag hã vỹ tỹ ẽg Senhor nĩ. Topẽ vỹ ti to: tỹ tóg Cristo nĩ, tỹ tóg vẽnh kar Senhor nĩ, he mũ. Ẽg povo tỹ Israel tỹ vẽnh vĩ tag kri finh ke vẽ,” he tóg, Pedro ti, ũ tỹ vẽnh mãn kỹ nỹtĩ ag mỹ.
37Ag tỹ ti vĩ tag mẽ kỹ ti jykre tóg ag kã ra rã mũ sir. Kỹ ag tóg ti mỹ: “kỹ ẽg hỹn hẽ ri kenh mũ, vỹ?“ he mũ, Jesus tỹ ũn vin mũ kar ag mỹ ke gé.
38Kỹ Pedro tóg ag mỹ: “ãjag jykre pãno tovãnh ra. Kỹ ẽg tóg ãjag kygpenh ke mũ, Jesus Cristo jiji tó kỹ,” he mũ. “Kỹ Topẽ tóg ãjag mỹ ãjag tỹ ti vĩ mranh ja tỹ vẽnh pãte fón ke mũ. Kỹ ãjag tóg Topẽ kuprĩg tỹ jagrẽ nỹtĩnh mũ gé. 39Ti tỹ ãjag hã mỹ ti nĩm ke vẽ, ãjag krẽ mỹ ke gé. Ti tỹ ũn mỹ vẽnh vĩ jẽnẽg mũ kar ag mỹ tóg nĩm tĩ, Topẽ ti, ẽg jóg mág ti, ag tỹ ver kuvar há tá mũ hã ra,” he tóg, Pedro ti.
40Vĩ tỹ hẽn ri ke han tóg, Jesus kãmén kỹ. Ag jyvẽn tóg mũ gé, kỹ tóg ag mỹ: “Jesus mỹ: inh kren han nĩ, hem nĩ,” he mũ. “Ẽg kar vỹ vẽjykre pãno han kãn, hem nĩ,“ he tóg.
41Ũ tỹ ti vĩ han mũ ag kygpég ag tóg mũ sir. Kurã ẽn kã ũn kygpe kỹ nỹtĩ ag vỹ tỹ ũ tỹ 3 mil (ke) nỹtĩ hỹn, hẽn ri ke mũn. 42Ẽn ag vỹ kurã kar ki Jesus tỹ ũn vin mũ ag vĩ jẽmẽ jé vẽnh mãn tĩ, jagnẽ ve jé ke gé. Kỹ ag tóg Jesus jamĩ ko mũ sir. Kỹ ag tóg ti mré vĩ mũ gé, kurã kar ki.
Jesus ki ge mũ ag jykre
43Kỹ Jesus tỹ ũn vin mũ ag tóg ẽg tỹ nén han vãnh tỹ hẽn ri ke han tĩ nỹtĩgtĩ. Hã kỹ vẽnh kar tóg Topẽ kamẽg tĩ. 44Jãvo ũ tỹ Jesus ki ge kỹ nỹtĩ ag tóg jagnẽ mré vẽjykre pir han mũgtĩ, fag ke gé. Kỹ ag tỹ nén vỹ tỹ jagnẽ tũ ri ke nỹtĩ. 45Ũ ag tóg ag tỹ nén ũ vẽne he mũ gé, jãnkamy to, kỹ ag tóg ũn jãnkamy tũ ag mỹ vẽnh kãpópãm tĩ. 46Kurã kar ki ag kar tóg Topẽ ĩn ra mũ tĩ, ag tỹ ti mré vĩ jé, fag ke gé. Ag ĩn kã ki ag tóg Jesus jamĩ ko mũgtĩ gé. Ag mỹ tóg sér tĩ sir, fag mỹ ke gé. 47Kỹ ag tóg Topẽ mỹ: “há ti nĩ,” he tĩ gé. Jo vẽnh kar tóg ag to há nỹtĩ gé. Kỹ Topẽ tóg kurã kar ki ũ ag mỹ krĩ há nĩm tĩ gé, kỹ ag tóg ti ki ge mũ. Hã kỹ ag tóg komẽr hã e nỹtĩ, fag ke gé.
वर्तमान में चयनित:
Han Kãme 2: kgp
हाइलाइट
शेयर
कॉपी
Want to have your highlights saved across all your devices? Sign up or sign in
© 2005, Wycliffe Bible Translators, Inc. in partnership with Sociedade Bíblica do Brasil and Missão de Cristianismo Decidido
Han Kãme 2
2
Topẽ kuprĩg tỹ tỹ ẽg jagrẽ
1Vãhã tóg fénhta tỹ Pentecostes kurã tá krỹg mũ. Kỹ vẽnh kar vỹ vẽnh mãn kỹ nỹtĩ nĩ, Jesus ki ge kỹ nỹtĩ kar ẽn ag.
2Kỹ vãhã kanhkã tá kóho ri ke tóg mẽ há tĩ. Króg, he tóg mũ. Kỹ ĩn tóg kóho ri ke ẽn tỹ fór mũ, Jesus ki ge kỹ nỹtĩ ag nỹtĩ ẽn tá.
3Kỹ ag tóg nén nẽ vég mũ, hã ra tóg tỹ pĩ gru hã pẽ nĩ. Vẽnh kãpópãm kỹ tóg nĩ nĩ. Kỹ tóg ag kri nĩ' nĩ' he kãn mũ, pĩ gru hã pẽ ẽn ti. 4Kỹ Topẽ kuprĩg tóg ag ki ge kãn mũ. Kỹ ag tóg vẽnh vĩ ũ tugtó mũ, Topẽ kuprĩg tỹ ag krĩn kỹ, ti tỹ tỹ ag jagrẽ nĩn kỹ.
5Hã ra Jerusalém tá ke ũ ag tóg Topẽ to há nỹtĩ gé. Judeu ag vẽ gé, hã ra ag tóg povo tỹ hẽn ri ke mĩ mogmog ja nĩ. Hã kỹ ag vĩ tóg tó tỹ hẽn ri ke nĩ.
6Ag tỹ kóho ri ke ẽn mẽ kỹ ag tóg vẽnh mãn mũ. Kỹ ag tóg ag vĩ e ẽn ki Pedro ag tỹ nén tó mũ mẽg mũ. 7Kỹ tóg ag mỹ e tĩ. Ag fe tỹ hẽn ri ken kỹ ag tóg: “ha vé, Galiléia tá ke ag vẽ mỹr,” he mũ. “Galiléia tá ke ag vỹ vyr mỹ vĩ nỹtĩ. 8Hã ra ẽg tóg ẽg vĩ pẽ ki ag vĩ mẽg mũ,” he ag tóg. 9“Ẽg kã ũ ag tóg Pártia tá kãmũ mũ, kỹ ũ ag tóg Média tá kãmũ mũ gé, ũ ag tóg ga tỹ Elão tá kãmũ mũ, ũ ag tóg ga tỹ Mesopotâmia tá kãmũ mũ, ũ ag tóg Judéia tá kãmũ mũ, ũ ag tóg Capadócia tá kãmũ mũ, kar kỹ Ponto tá, Ásia tá, 10Frígia tá, Panfília tá, Egito tá, ga tỹ Líbia tá, ẽmã tỹ Cirene ẽn mã tá. Ũ ag tóg ẽmã tỹ Roma tá kãmũ mũ gé. 11Ũ ag tóg tỹ Judeu nỹtĩ, kar kỹ ũ ag tóg tỹ fóg tỹ Judeu jykre han mũ nỹtĩ gé. Ũ ag tóg goj vãso tỹ Creta tá kãmũ mũ, ũ ag tóg ga tỹ Arábia tá kãmũ mũ gé. Ẽg kar tóg ẽg vĩ pẽ ki ag tỹ Topẽ kãmén mũ mẽg mũ,“ he ag tóg. 12Ag mỹ e tĩn kỹ ag tóg jagnẽ mỹ: “ne nẽ hỹn'?“ he mũ. Ag fe tóg jũrũn ke mũ, ag tỹ ge ve ja tũ nỹtĩn kỹ.
13Ũ ag tóg hã ra nyg mũ. “Kronkron kỹ ag kãgter nỹtĩ mỹr,” he ag tóg.
Pedro tỹ ag mỹ Topẽ vĩ tó
14Kỹ Pedro tóg ũ tỹ 11 (ke) ag mré jẽgnẽ kỹ jamã há ra ag mỹ: “inh kanhkã',” he mũ. “Jerusalém tá ke'! Jẽmẽ há han ra, sỹ ãjag mỹ nén tó mũ ti,” he tóg. 15“Ãjag ne tóg: kronkron kỹ ag kãgter nỹtĩ, he mũ. Hã tũ vẽ hã ra,“ he tóg.
16“Hã ra tóg vãsỹ rán kỹ nĩ, ẽg tỹ ũri nén vég mũ ti. Topẽ vĩ tó tĩ tỹ Joel tóg vãsỹ tag rán ja nĩ, ha mẽ: 17“kurã tỹ ẽgno to hã sóg inh kuprĩg jẽnẽnh mũ, vẽnh kar mỹ, ti tỹ tỹ ag mré fag jagrẽ nĩ jé, he ja tóg nĩ, Topẽ ti. Kỹ ãjag krẽ ag tỹ fag mré Topẽ vĩ mẽ kỹ tónh ke vẽ. Kyrũ ag tỹ nén nẽ venh ke vẽ. Kófa ag tỹ vẽnh pétinh ke vẽ. 18Sỹ inh kuprĩg tỹ inh mré rãnhrãj mũ ag jagrẽ han ke vẽ, fag ke gé. Kỹ fag tóg ag mré inh vĩ tónh ke mũ gé, he tóg, Topẽ ti,” he tóg, Joel ti. 19“Ãjag tỹ nén han vãnh han jé sóg ke mũ gé, ãjag mỹ, kanhkã tá, ga tá ke gé, ẽprã, kyvénh mỹr, pĩ mỹr, nĩja mỹr. 20Kỹ rã tỹ kutyg ke vẽ, kysã kyvénh ke vẽ gé. Kar kỹ Topẽ kurã vẽ sir, kurã mág ẽn ti. 21Kỹ ũ tỹ Topẽ mỹ nén kar to vĩ mũ ẽn kren ke vẽ sir,” he tóg, Topẽ ti. Joel tỹ rán hã vẽ, vãsỹ,” he tóg.
22“Inh kanhkã', Nazaré tá Jesus ẽn vẽ mỹr. Ti hã tóg nén han vãnh hynhan ja nĩgtĩ. Topẽ jykre hynhan ja tóg nĩgtĩ, Topẽ tỹ ti jẽnẽn kỹ. Hã ra Topẽ tóg ti mỹ tó ja nĩ, ti tỹ milagre ẽn hynhan jé, ãjag tỹ ve kỹ ti to jykrén há han jé,“ he tóg. 23“Hã ra Topẽ tóg ãjag mỹ ti fẽg ja nĩ. Hã kỹ ãjag tóg ka to ti sa ja nĩ. Ti tén ja ãjag tóg nĩ. Kỹ ũ tỹ ka to ti sãg mũ ẽn ag jykre vỹ pãno tãvĩ nĩ. 24Hã ra Topẽ tóg ti rĩn mãn ja nĩ, hã kỹ tóg vẽser jagtar ẽn tỹ tũ' he ja nĩ, ti mỹ. Hã kỹ tóg vẽser jamã tá nĩg mág ja tũ nĩ, Jesus ti,” he tóg.
25“Hã kỹ Davi tóg Jesus jo tag tó ja nĩ, kỹ tóg Jesus tỹ ti jóg mré vĩ ri ke nĩ. Ti to tóg: ẽg jóg', he ja nĩ. Ã vég isóg nĩ nĩ. Inh pẽgja tá ã tóg nĩ nĩ, hã kỹ sóg krónh ke tũ nĩ. 26Hã kỹ inh fe tóg mrin ke mũ. Vĩ sér han isóg nĩ nĩ. Iser kỹ inh fár tóg nỹnh ke mũ, hã ra sóg to krĩ kufy tũ nĩ. 27Inh kuprĩg vỹ vẽnh kuprĩg jamã tá nĩg mág han ke tũ nĩ. Inh fár vỹ vag ke tũ nĩ gé, sỹ tỹ ã tỹ kuprẽg ja nĩn kỹ. 28Inh kanhrãn ã tóg nĩ nĩ, isỹ kanhkã to ẽpry ẽn ve há han jé. Isỹ ã mré nĩn kỹ tóg inh mỹ sér tãvĩ tĩ, he ja tóg nĩgtĩ, Davi ti,“ he tóg.
29“Inh kanhkã.' Davi to jykrén há han. Ti tỹ vẽnh kãmén tũ vẽ. Vãsỹ tóg ter mỹr, hã kỹ ẽg tóg ti kej vég tĩ, ũri. 30Ti tỹ ga mĩ tĩ mũn kã tóg Topẽ vĩ tó tĩ ja nĩgtĩ, Davi ti. Kỹ Topẽ tóg ti mỹ: ã krẽ'krẽ ag kã ũ vỹ tỹ pã'i mág nĩnh mũ, he ja nĩgtĩ. Ti tỹ Cristo kãtĩg ke tó jan hã vẽ. 31Hã kỹ tóg Cristo rĩr mãn ke tó ja nĩgtĩ gé, ti tỹ: inh fár vỹ vag ke tũ nĩ, hen kỹ. Cristo pijé vẽser jamã tá nĩg mág han', kỹ ti fár vỹ vag ja tũ nĩ gé,” he tóg, Pedro ti.
32“Cristo vẽ, hã vỹ: Jesus, he mũ. Topẽ vỹ ti rĩn mãn, kỹ ẽg kar tóg ti ve ja nĩgtĩ,” he tóg. 33“Topẽ tóg ti mỹ: kunĩg, inh pẽgja tá nĩ, he ja nĩ. Kỹ tóg ti mỹ ti tỹ ẽg mỹ nén tó ja ẽn nĩm, hã vỹ: Topẽ kuprĩg, he mũ. Hã kỹ tóg ẽg mỹ tỹ ẽg jagrẽ han mũ, Jesus ti. Hã kỹ ãjag tóg ũri tag vég mũ,” he tóg.
34“Davi hã tóg rĩr mãn ja tũ nĩ ver, kanhkã ra tóg tãpry ja tũ nĩ ver, ge ra tóg tag tó ja nĩ, ha mẽ: “ẽg jóg mág vỹ inh Senhor mỹ tag tó ja nĩ, hã vỹ: nĩ ra ver, inh pẽgja tá, 35sỹ ã kato vãsãnsãn mũ ag tỹ ã krẽm vin jé. Kỹ ag sigse vẽ sir,” he ja tóg nĩ. Davi tỹ tón hã vẽ,” he tóg.
36“Jesus tag, ãjag tỹ ka to ũn sãg mũ tag hã vỹ tỹ ẽg Senhor nĩ. Topẽ vỹ ti to: tỹ tóg Cristo nĩ, tỹ tóg vẽnh kar Senhor nĩ, he mũ. Ẽg povo tỹ Israel tỹ vẽnh vĩ tag kri finh ke vẽ,” he tóg, Pedro ti, ũ tỹ vẽnh mãn kỹ nỹtĩ ag mỹ.
37Ag tỹ ti vĩ tag mẽ kỹ ti jykre tóg ag kã ra rã mũ sir. Kỹ ag tóg ti mỹ: “kỹ ẽg hỹn hẽ ri kenh mũ, vỹ?“ he mũ, Jesus tỹ ũn vin mũ kar ag mỹ ke gé.
38Kỹ Pedro tóg ag mỹ: “ãjag jykre pãno tovãnh ra. Kỹ ẽg tóg ãjag kygpenh ke mũ, Jesus Cristo jiji tó kỹ,” he mũ. “Kỹ Topẽ tóg ãjag mỹ ãjag tỹ ti vĩ mranh ja tỹ vẽnh pãte fón ke mũ. Kỹ ãjag tóg Topẽ kuprĩg tỹ jagrẽ nỹtĩnh mũ gé. 39Ti tỹ ãjag hã mỹ ti nĩm ke vẽ, ãjag krẽ mỹ ke gé. Ti tỹ ũn mỹ vẽnh vĩ jẽnẽg mũ kar ag mỹ tóg nĩm tĩ, Topẽ ti, ẽg jóg mág ti, ag tỹ ver kuvar há tá mũ hã ra,” he tóg, Pedro ti.
40Vĩ tỹ hẽn ri ke han tóg, Jesus kãmén kỹ. Ag jyvẽn tóg mũ gé, kỹ tóg ag mỹ: “Jesus mỹ: inh kren han nĩ, hem nĩ,” he mũ. “Ẽg kar vỹ vẽjykre pãno han kãn, hem nĩ,“ he tóg.
41Ũ tỹ ti vĩ han mũ ag kygpég ag tóg mũ sir. Kurã ẽn kã ũn kygpe kỹ nỹtĩ ag vỹ tỹ ũ tỹ 3 mil (ke) nỹtĩ hỹn, hẽn ri ke mũn. 42Ẽn ag vỹ kurã kar ki Jesus tỹ ũn vin mũ ag vĩ jẽmẽ jé vẽnh mãn tĩ, jagnẽ ve jé ke gé. Kỹ ag tóg Jesus jamĩ ko mũ sir. Kỹ ag tóg ti mré vĩ mũ gé, kurã kar ki.
Jesus ki ge mũ ag jykre
43Kỹ Jesus tỹ ũn vin mũ ag tóg ẽg tỹ nén han vãnh tỹ hẽn ri ke han tĩ nỹtĩgtĩ. Hã kỹ vẽnh kar tóg Topẽ kamẽg tĩ. 44Jãvo ũ tỹ Jesus ki ge kỹ nỹtĩ ag tóg jagnẽ mré vẽjykre pir han mũgtĩ, fag ke gé. Kỹ ag tỹ nén vỹ tỹ jagnẽ tũ ri ke nỹtĩ. 45Ũ ag tóg ag tỹ nén ũ vẽne he mũ gé, jãnkamy to, kỹ ag tóg ũn jãnkamy tũ ag mỹ vẽnh kãpópãm tĩ. 46Kurã kar ki ag kar tóg Topẽ ĩn ra mũ tĩ, ag tỹ ti mré vĩ jé, fag ke gé. Ag ĩn kã ki ag tóg Jesus jamĩ ko mũgtĩ gé. Ag mỹ tóg sér tĩ sir, fag mỹ ke gé. 47Kỹ ag tóg Topẽ mỹ: “há ti nĩ,” he tĩ gé. Jo vẽnh kar tóg ag to há nỹtĩ gé. Kỹ Topẽ tóg kurã kar ki ũ ag mỹ krĩ há nĩm tĩ gé, kỹ ag tóg ti ki ge mũ. Hã kỹ ag tóg komẽr hã e nỹtĩ, fag ke gé.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© 2005, Wycliffe Bible Translators, Inc. in partnership with Sociedade Bíblica do Brasil and Missão de Cristianismo Decidido