Han Kãme 3
3
Ũn kãnhgrĩ tỹ há' he
1Kejẽn Pedro mré João ag tóg Topẽ ĩn ra mũ mũ, meio dia pãte 3 óra ki. Judeu ag tỹ Topẽ mré vĩ jafã vẽ, hã vỹ: 3 óra, he mũ.
2Topẽ ĩn tá ũ tóg nĩ nĩ, ũn kãnhgrĩ. Ti mũr mũ kã tóg ge nĩ. Tá tóg: “inh mỹ nén ũ nĩm,” he nĩgtĩ, ũ tỹ Topẽ ĩn kã ra ge mũ ag mỹ.
Ẽn va ag tóg kãmũ mũ, jãnkã tá ti nĩm jé. Kỹ João mré Pedro ag tóg Topẽ ĩn tá junjun mũ. 3Ũn kãnhgrĩ tỹ Pedro ag ve kỹ tóg ag mỹ nén ũ to vĩ mũ. 4Kỹ ag tóg ti tugnỹm mũ. Kỹ Pedro tóg ti mỹ: “ẽg ki ẽvãnh,” he mũ. 5Kỹ tóg ag ki ẽvãnh mũ. “Ag hỹn inh mỹ jãnkamy nĩm ke mũ,” he tóg.
6Hã ra Pedro tóg ti mỹ: “jãnkamy tóg inh mỹ tũ tĩ,” he mũ. “Sỹ nén ma tĩ hã tỹ sóg ã mỹ nĩm mũ, hã vỹ: Jesus Cristo jiji hã tó kỹ, sóg ã mỹ: ha jẽg, he mũ,” he tóg, Pedro ti, ũn kãnhgrĩ mỹ. 7Kỹ tóg ti pẽgja tá ti kãgmĩ kỹ ti fẽg mũ.
Kỹ vãhã ti pẽn tóg tar' he mũ sir, ti pẽn nágnán ti. 8Hũm he tóg mũ sir. Jẽg há' he tóg mũ. Vãhã tóg tĩ mũ sir. Kỹ tóg ag mré Topẽ ĩn kã ra ra mũ sir. Tá tóg hũm hũm he mũ. Topẽ mỹ tóg vĩ há han mũ sir.
9Kỹ vẽnh kar tóg ti vég mũ, ti tỹ hũm hũm hen kỹ, ti tỹ Topẽ mỹ vĩ há han kỹ. 10Kỹ ag tóg ti ki kanhrãn mũ. “Topẽ ĩn jãnkã tá nĩ ẽn hã vẽ mỹr, vẽnh kar mỹ: inh mỹ nĩm, he tĩ ẽn hã vẽ mỹr,” he ag tóg ti to. Kỹ tóg ag mỹ e tĩ sir. Ag fe tóg jũrũn ke mũ sir.
Pedro tỹ Topẽ jykre kãmén
11Hã ra tóg Pedro mré João ag mré tĩ mũ, ũn kãnhgrĩ ja ẽn ti. Hã kỹ vẽnh kar tóg ag to vẽnh mãn mũ, Topẽ ĩn krẽm, pã'i tỹ Salomão he mũ ẽn sala tá. Ag mỹ tóg e tĩ, ti tỹ há' hen kỹ.
12 Pedro tỹ ũn e ẽn ag ve kỹ tóg ag mỹ: “inh kanhkã', ãjag fe hã ne tóg jũrũn ke mũ',” he mũ. “Ẽg tỹ vẽsóg ki ti tỹ há' he tũ vẽ. Topẽ tỹ ti tỹ há' he vẽ mỹr. Ẽg tỹ vẽjykre kuryj han mũ ra ẽg tóg ge han ki kagtĩg nỹtĩ,” he tóg.
13“Ẽg jógjóg ve ag vỹ Topẽ to há ja nỹtĩgtĩ, Abraão ti, Isaque ti, Jacó ti ke gé. Topẽ ẽn vẽ mỹr, ũ tỹ ti tỹ há' he mũ ti. Topẽ ẽn vỹ ti kósin tỹ ũn mág han. Ti hã vỹ tỹ Jesus nĩ. Hã ra ãjag tóg fóg tỹ pã'i tỹ Pilatos mỹ ti fẽg ja nĩgtĩ, kỹ tóg: ti kavãn jé sóg ke mũ, he mũ vẽ. 14Hã ra ãjag tóg ũ tỹ vẽjykre kuryj han mũ to, nejé, he ja nĩgtĩ, Topẽ tỹ ũn kuprẽg mũ ẽn to, Jesus ẽn to. Hã ra ãjag tóg ũ tỹ ũn tén mũ to: ti kava ra, he ja nĩgtĩ. 15Ũ tỹ ẽg rĩnrĩr han mũ ẽn tén ja ãjag tóg nĩgtĩ mỹr. Hã ra Topẽ tóg ti rĩn mãn ja nĩ, ti ter mũ hã ra, kỹ ẽg tóg ti ve ja nĩgtĩ,” he tóg.
16“Kỹ ẽg tóg Jesus ki ge mũ. Hã kỹ Jesus tóg ũn kãnhgrĩ ja tag tỹ tar' he mũ, ãjag tỹ ũn vég mũ tag ti. Jesus vỹ ti tỹ ti ki rã han. Hã kỹ tóg ti tỹ Jesus ki rã kỹ há' he mũ sir, ãjag rĩnve,” he tóg.
17“Inh kanhkã', ãjag tỹ ki kagtĩg nỹtĩn hã kỹ ãjag tóg Jesus tén ja nĩgtĩ, pã'i ag mré.
18Hã kỹ Topẽ tóg vãsỹ rán kỹ nĩ ẽn han. Topẽ vĩ tó tĩ ag kar tóg vãsỹ Jesus jagtar ke ti tó ja nĩgtĩ, Topẽ tỹ ag mỹ: ha tó, hen kỹ. “Topẽ tỹ ũn jẽnẽg mũ ẽn tỹ jagtar ke vẽ, Cristo ti,” he ja ag tóg nĩgtĩ.
19Kỹ ãjag jykre pãno tovãnh nĩ. Topẽ jykre ki gem nĩ, Topẽ tỹ ãjag tỹ ti vĩ mranh tỹ tũ' he jé. 20Kỹ ãjag tóg tỹ Topẽ mré ke nỹtĩnh mũ. Kỹ tóg ãjag krĩ tỹ kãnhvy' henh ke mũ. Kar kỹ tóg ãjag mỹ ti jẽnẽ mãn ke mũ gé, ti tỹ ãjag mỹ ũn jẽnẽnh ke mũ ẽn ti, Cristo ti, hã vỹ: Jesus, he mũ. 21Ti tỹ kanhkã tá nĩ vẽ ver. Ti tỹ ti kurã pétẽm kỹ tóg vãhã tá vỹn kenh ke mũ, Topẽ tỹ nén kar han mãn ke kurã ẽn kã.
Hã kỹ Topẽ tóg vãsỹ ti vĩ tó tĩ ag mỹ tó ja nĩgtĩ, ag tỹ vẽnh kar mỹ ti vĩ tó jé, ti tũ ag kar mỹ. 22Hã kỹ Moisés vỹ tag tó ja nĩ, ha mẽ: Topẽ vỹ ãjag mỹ ti vĩ tó tĩ ũ jẽnẽnh ke mũ, ti tỹ ãjag mỹ Topẽ vĩ tó jé, inh ri kén. Ẽn vĩ jẽmẽm nĩ. 23Ũ tỹ ti vĩ jẽmẽ jãvãnh ẽn ter ke vẽ, ẽn pijé tỹ Topẽ tũ nĩ', he ja tóg nĩgtĩ, Moisés ti,“ he tóg.
24 “Topẽ vĩ tó tĩ ag kar vỹ tó ja nĩgtĩ, ẽg tỹ ũri vég mũ tag ti. Samuel vỹ tag tó vén ja nĩgtĩ, kar kỹ ti nón ke ag tóg vãhã tag tó ja nĩ gé.
25Topẽ vĩ tó tĩ ẽn krẽ vỹ tỹ ãjag nỹtĩ. Ãjag jógjóg ve ag hã mré tóg jykrén ja nĩgtĩ, Topẽ ti, Abraão hã mré. Hã kỹ tóg Abraão mỹ: ã kósin ũ hã tugrĩn sóg vẽnh kar to há nĩnh mũ, he ja nĩgtĩ, Topẽ ti. 26Ãjag hã mỹ tóg ti kósin jẽnẽ, ti rĩn mãn kỹ. Ãjag hã mỹ tóg tó vén, ãjag tỹ tỹ Judeu nỹtĩn kỹ. Ãjag tỹ ãjag jykre pãno tovãnh jé,” he tóg, Pedro ti, João mré.
वर्तमान में चयनित:
Han Kãme 3: kgp
हाइलाइट
शेयर
कॉपी
Want to have your highlights saved across all your devices? Sign up or sign in
© 2005, Wycliffe Bible Translators, Inc. in partnership with Sociedade Bíblica do Brasil and Missão de Cristianismo Decidido
Han Kãme 3
3
Ũn kãnhgrĩ tỹ há' he
1Kejẽn Pedro mré João ag tóg Topẽ ĩn ra mũ mũ, meio dia pãte 3 óra ki. Judeu ag tỹ Topẽ mré vĩ jafã vẽ, hã vỹ: 3 óra, he mũ.
2Topẽ ĩn tá ũ tóg nĩ nĩ, ũn kãnhgrĩ. Ti mũr mũ kã tóg ge nĩ. Tá tóg: “inh mỹ nén ũ nĩm,” he nĩgtĩ, ũ tỹ Topẽ ĩn kã ra ge mũ ag mỹ.
Ẽn va ag tóg kãmũ mũ, jãnkã tá ti nĩm jé. Kỹ João mré Pedro ag tóg Topẽ ĩn tá junjun mũ. 3Ũn kãnhgrĩ tỹ Pedro ag ve kỹ tóg ag mỹ nén ũ to vĩ mũ. 4Kỹ ag tóg ti tugnỹm mũ. Kỹ Pedro tóg ti mỹ: “ẽg ki ẽvãnh,” he mũ. 5Kỹ tóg ag ki ẽvãnh mũ. “Ag hỹn inh mỹ jãnkamy nĩm ke mũ,” he tóg.
6Hã ra Pedro tóg ti mỹ: “jãnkamy tóg inh mỹ tũ tĩ,” he mũ. “Sỹ nén ma tĩ hã tỹ sóg ã mỹ nĩm mũ, hã vỹ: Jesus Cristo jiji hã tó kỹ, sóg ã mỹ: ha jẽg, he mũ,” he tóg, Pedro ti, ũn kãnhgrĩ mỹ. 7Kỹ tóg ti pẽgja tá ti kãgmĩ kỹ ti fẽg mũ.
Kỹ vãhã ti pẽn tóg tar' he mũ sir, ti pẽn nágnán ti. 8Hũm he tóg mũ sir. Jẽg há' he tóg mũ. Vãhã tóg tĩ mũ sir. Kỹ tóg ag mré Topẽ ĩn kã ra ra mũ sir. Tá tóg hũm hũm he mũ. Topẽ mỹ tóg vĩ há han mũ sir.
9Kỹ vẽnh kar tóg ti vég mũ, ti tỹ hũm hũm hen kỹ, ti tỹ Topẽ mỹ vĩ há han kỹ. 10Kỹ ag tóg ti ki kanhrãn mũ. “Topẽ ĩn jãnkã tá nĩ ẽn hã vẽ mỹr, vẽnh kar mỹ: inh mỹ nĩm, he tĩ ẽn hã vẽ mỹr,” he ag tóg ti to. Kỹ tóg ag mỹ e tĩ sir. Ag fe tóg jũrũn ke mũ sir.
Pedro tỹ Topẽ jykre kãmén
11Hã ra tóg Pedro mré João ag mré tĩ mũ, ũn kãnhgrĩ ja ẽn ti. Hã kỹ vẽnh kar tóg ag to vẽnh mãn mũ, Topẽ ĩn krẽm, pã'i tỹ Salomão he mũ ẽn sala tá. Ag mỹ tóg e tĩ, ti tỹ há' hen kỹ.
12 Pedro tỹ ũn e ẽn ag ve kỹ tóg ag mỹ: “inh kanhkã', ãjag fe hã ne tóg jũrũn ke mũ',” he mũ. “Ẽg tỹ vẽsóg ki ti tỹ há' he tũ vẽ. Topẽ tỹ ti tỹ há' he vẽ mỹr. Ẽg tỹ vẽjykre kuryj han mũ ra ẽg tóg ge han ki kagtĩg nỹtĩ,” he tóg.
13“Ẽg jógjóg ve ag vỹ Topẽ to há ja nỹtĩgtĩ, Abraão ti, Isaque ti, Jacó ti ke gé. Topẽ ẽn vẽ mỹr, ũ tỹ ti tỹ há' he mũ ti. Topẽ ẽn vỹ ti kósin tỹ ũn mág han. Ti hã vỹ tỹ Jesus nĩ. Hã ra ãjag tóg fóg tỹ pã'i tỹ Pilatos mỹ ti fẽg ja nĩgtĩ, kỹ tóg: ti kavãn jé sóg ke mũ, he mũ vẽ. 14Hã ra ãjag tóg ũ tỹ vẽjykre kuryj han mũ to, nejé, he ja nĩgtĩ, Topẽ tỹ ũn kuprẽg mũ ẽn to, Jesus ẽn to. Hã ra ãjag tóg ũ tỹ ũn tén mũ to: ti kava ra, he ja nĩgtĩ. 15Ũ tỹ ẽg rĩnrĩr han mũ ẽn tén ja ãjag tóg nĩgtĩ mỹr. Hã ra Topẽ tóg ti rĩn mãn ja nĩ, ti ter mũ hã ra, kỹ ẽg tóg ti ve ja nĩgtĩ,” he tóg.
16“Kỹ ẽg tóg Jesus ki ge mũ. Hã kỹ Jesus tóg ũn kãnhgrĩ ja tag tỹ tar' he mũ, ãjag tỹ ũn vég mũ tag ti. Jesus vỹ ti tỹ ti ki rã han. Hã kỹ tóg ti tỹ Jesus ki rã kỹ há' he mũ sir, ãjag rĩnve,” he tóg.
17“Inh kanhkã', ãjag tỹ ki kagtĩg nỹtĩn hã kỹ ãjag tóg Jesus tén ja nĩgtĩ, pã'i ag mré.
18Hã kỹ Topẽ tóg vãsỹ rán kỹ nĩ ẽn han. Topẽ vĩ tó tĩ ag kar tóg vãsỹ Jesus jagtar ke ti tó ja nĩgtĩ, Topẽ tỹ ag mỹ: ha tó, hen kỹ. “Topẽ tỹ ũn jẽnẽg mũ ẽn tỹ jagtar ke vẽ, Cristo ti,” he ja ag tóg nĩgtĩ.
19Kỹ ãjag jykre pãno tovãnh nĩ. Topẽ jykre ki gem nĩ, Topẽ tỹ ãjag tỹ ti vĩ mranh tỹ tũ' he jé. 20Kỹ ãjag tóg tỹ Topẽ mré ke nỹtĩnh mũ. Kỹ tóg ãjag krĩ tỹ kãnhvy' henh ke mũ. Kar kỹ tóg ãjag mỹ ti jẽnẽ mãn ke mũ gé, ti tỹ ãjag mỹ ũn jẽnẽnh ke mũ ẽn ti, Cristo ti, hã vỹ: Jesus, he mũ. 21Ti tỹ kanhkã tá nĩ vẽ ver. Ti tỹ ti kurã pétẽm kỹ tóg vãhã tá vỹn kenh ke mũ, Topẽ tỹ nén kar han mãn ke kurã ẽn kã.
Hã kỹ Topẽ tóg vãsỹ ti vĩ tó tĩ ag mỹ tó ja nĩgtĩ, ag tỹ vẽnh kar mỹ ti vĩ tó jé, ti tũ ag kar mỹ. 22Hã kỹ Moisés vỹ tag tó ja nĩ, ha mẽ: Topẽ vỹ ãjag mỹ ti vĩ tó tĩ ũ jẽnẽnh ke mũ, ti tỹ ãjag mỹ Topẽ vĩ tó jé, inh ri kén. Ẽn vĩ jẽmẽm nĩ. 23Ũ tỹ ti vĩ jẽmẽ jãvãnh ẽn ter ke vẽ, ẽn pijé tỹ Topẽ tũ nĩ', he ja tóg nĩgtĩ, Moisés ti,“ he tóg.
24 “Topẽ vĩ tó tĩ ag kar vỹ tó ja nĩgtĩ, ẽg tỹ ũri vég mũ tag ti. Samuel vỹ tag tó vén ja nĩgtĩ, kar kỹ ti nón ke ag tóg vãhã tag tó ja nĩ gé.
25Topẽ vĩ tó tĩ ẽn krẽ vỹ tỹ ãjag nỹtĩ. Ãjag jógjóg ve ag hã mré tóg jykrén ja nĩgtĩ, Topẽ ti, Abraão hã mré. Hã kỹ tóg Abraão mỹ: ã kósin ũ hã tugrĩn sóg vẽnh kar to há nĩnh mũ, he ja nĩgtĩ, Topẽ ti. 26Ãjag hã mỹ tóg ti kósin jẽnẽ, ti rĩn mãn kỹ. Ãjag hã mỹ tóg tó vén, ãjag tỹ tỹ Judeu nỹtĩn kỹ. Ãjag tỹ ãjag jykre pãno tovãnh jé,” he tóg, Pedro ti, João mré.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© 2005, Wycliffe Bible Translators, Inc. in partnership with Sociedade Bíblica do Brasil and Missão de Cristianismo Decidido