Han Kãme 4
4
Pã'i ag tỹ Pedro mré João to jũ
1Ag tỹ ver vẽmén nỹtĩ ra pã'i ag tóg tá junjun mũ, Topẽ ĩn to pã'i ag, ũ tỹ: “ẽg hỹn rĩnrĩr mãn ke tũ nĩ, ẽg ter kar kỹ,” he mũ ag mré hã. 2Kỹ ag tóg Pedro ag to jũgjũ mũ, ag tỹ: “Jesus vỹ rĩr mãn. Kỹ ẽg tóg ti ri kén rĩr mãn ke mũ gé, ẽg ter kỹ,“ hen kỹ. 3Hã kỹ ag tóg Pedro ag sigség mũ. Vẽseja kã tá ag tóg ag vãm mũ, ag tỹ tá nũgnũr pir han jé. Rãké ti nỹ ha, hã kỹ ag tóg: “ha ver kã tá nũgnũr,” he mũ.
4Hã ra ũ tỹ hẽn ri ke ag tóg Pedro ag vĩ mẽ kỹ kri fi ja nĩgtĩ. Ũ tỹ 5 mil (ke) ag vẽ, Jesus ki ge kỹ nỹtĩ ag, ũn tỹtá fag mré tó tũ.
5Tỹ vaj kỹ pã'i ag tóg vẽnh mãn mũ, kófa ag mré hã, Topẽ vĩ to ẽg kanhrãn tĩ ag mré hã, Jerusalém tá. 6Topẽ tũ to pã'i mág jiji hã vỹ: Anás, he mũ. Ag pã'i mág ũ jijin hã vỹ: Caifás, he mũ. Pã'i mág kanhkã ũ jiji hã vỹ: João, he mũ, kỹ ũ jijin hã vỹ: Alexandre, he mũ. Pã'i kar ag vỹ tá vẽnh mãn kỹ nỹtĩ. 7Vẽnh kuju ki ag tóg Pedro ag vin mũ, kỹ ag tóg: “ũ nỹ ãjag mỹ vẽjykre tag nĩm, ãjag tỹ ũn kãnhgrĩ ẽn tỹ há' he jé? Ũ jykre tỹ ãjag ti tỹ há' hé?“ he ag tóg mũ.
8Kỹ vãhã Topẽ kuprĩg tóg Pedro krĩn mũ. Kỹ tóg: “ha vé, 9nén ũ há to ãjag tóg ẽg sigség mũ, ẽg tỹ ũn kãnhgrĩ tỹ há' he mũ ẽn to,” he mũ. “Kỹ ãjag tóg vãhã ẽg jykre jẽmẽ sór mũ ha. 10Ãjag mỹ sóg ẽg jykre tónh mũ, Judeu kar tỹ ki kanhró nỹtĩ jé. Jesus tugrĩn tóg há' hé, Nazaré tá ke ẽn tugrĩn tóg tar jẽ nĩ, ãjag tỹ ũ tỹ ka to sãg mũ ẽn hã tugrĩn. Topẽ tóg ti rĩn mãn ja nĩ, ũ tỹ krunh to ter mũ ẽn ti,“ he tóg. 11“Jesus ẽn hã to tag tóg rán kỹ nĩ, ha mẽ: ãjag tỹ pó tỹ ĩn han kỹ ãjag tóg pó ũ fón, ti tỹ ãjag mỹ kórég nĩn kỹ. Hã ra Topẽ tóg pó ẽn hã tỹ ĩn nũna han mũ, he ja tóg nĩ.
12Ũ pijé ẽg kren han ke mũ vẽ'. Hã ra Topẽ tóg Jesus fẽg, ti hã tỹ ẽprã ke kar ag krenkren han jé, fag ke gé. Ẽg kren han ke mũ ũ venh ke tũ ẽg nĩ mỹr,” he tóg, Pedro ti.
13Kỹ tóg ag mỹ e tĩ. “Ẽg kamẽg tũ ag tóg nĩ mỹr,” he ag tóg, Pedro ag to. “Escola ki ge mág ja tũ ag nỹtĩ vẽ,” he ag tóg. To jykrén kỹ ag tóg: “Jesus mré ke ag vẽ,” he mũ.
14Hã ra ũn kãnhgrĩ ja ẽn tóg tá jẽ, ag mré. Kỹ ag tỹ ne tỹ ag kato vĩnh ke tóg tũ tĩ sir. 15Kỹ ag tóg Pedro ag mỹ: “ha ver kãpa jẽg,” he mũ. Kỹ pã'i ẽn ag tóg ver jagnẽ mré to jykrén mũ. 16Kỹ ag tóg: “Ẽg hỹn ag tỹ hẽ ri kenh mũ ha'?“ he mũ. “Jerusalém tá ke kar vỹ ag tỹ nén han mũ ki kanhró nỹtĩ. Kỹ ag jykre tóg vẽnh kar mỹ há nỹ. Kỹ ẽg tỹ ag to: ag ón vẽ, hen kỹ tóg vẽnh mỹ nĩ sir,” he ag tóg. 17“Ag tỹ hã ra vẽnh kar mỹ Jesus tó kỹ tóg vẽnh mỹ nỹ gé. Kỹ ẽg tỹ ag mỹ: ha tó mãn tũg, henh ke vẽ, ãjag tỹ ti tó mãn kỹ ẽg tóg ãjag vóg kónãn ke mũ ha, he jé ẽg tóg ke mũ,“ he ag tóg. 18Kỹ ag tóg Pedro ag jé prẽr mãn mũ. Kỹ ag tóg: “Ker ũ mỹ tó mãn hẽ'. Ker Jesus tỹ vĩ mãn hẽ',” he mũ.
19Hã ra Pedro tóg João mré ag mỹ: “Topẽ tóg ẽg mỹ: ha vẽnh kar mỹ tó, he ja nĩ. Hã ra ãjag tóg: “ker tó hẽ',” he mũ. Ẽg hỹn ũ tỹ hẽ vĩ han mũ', Topẽ vĩ vó, ãjag vĩ vó? Ne nỹ hỹn Topẽ mỹ há nĩnh mũ? Ẽg mỹ tó. 20Ẽg pijé tó tũg mũ', ẽg tỹ nén vég mũ ti, Jesus tỹ ẽg mỹ nén tó ja ẽn ti,” he ag tóg.
21Hã ra pã'i ag tóg: “ker tó hẽ', ker tó hẽ',” he mãn mũ gé. Kỹ ag tóg ag kygvãg mũ sir. Ag tỹ ag vóg kónãn há ra ag tóg ke tũ nĩ, vẽnh kar tỹ ag to há nỹtĩn kỹ, vẽnh kar tỹ Topẽ to: “há ti nĩ, hã kỹ tóg ũn kãnhgrĩ ẽn tỹ há' he mũ',” hen kỹ.
22Hã ra ũn kãnhgrĩ ja ẽn tóg tĩ nĩ sir. 40 (ke) anos kãfór han tóg, kỹ Topẽ tóg ti tỹ há' hé.
Jesus mré ke ag tỹ Topẽ mré vĩ
23 Pedro ag tỹ kygvar kỹ ag tóg ag mré ke ag to mũ mũ. Kỹ ag tóg pã'i tỹ ag mỹ nén tó mũ ẽn kãmén mũ, kófa ag tỹ: “ker Jesus tó hẽ',” he mũ ẽn ti. 24Kỹ vẽnh kar ag tóg Topẽ mỹ vĩ há han mũ. Kỹ ag tóg: “ẽg jóg mág', tỹ ã tóg vẽnh kar kri ke nĩ,” he mũ. “Kanhkã han ã mỹr, ga ti, goj ti ke gé, mĩ mũ kar ke gé. 25Ẽg jógjóg tỹ Davi krĩn ja ã tóg nĩgtĩ, ã kuprĩg tỹ. Kỹ tóg Jesus tó ja nĩgtĩ, kỹ tóg: fóg kar ag ne tóg jũgjũ mũ, kanhgág ag ke gé, he ja nĩgtĩ. 26Nação kar ag pã'i ag vỹ vẽnh génh kỹ nỹtĩ, ẽg pã'i ag ke gé, Topẽ kato tẽgtẽ jé, Topẽ tỹ ũn kuprẽg mũ ẽn ag kato, he ja tóg nĩgtĩ. 27Hã ra tóg ki hã tó ja nĩ. Ẽmã tag ki ag tóg vẽnh génh kỹ nỹtĩ, ã kósin tỹ Jesus kato, ũn kuryj nĩ ẽn kato. Pã'i mág tỹ Herodes vỹ ti kato tẽ mũ gé, pã'i tỹ Pilatos ke gé, fóg ag kar, Judeu ag kar ke gé. 28Ã tỹ vãsỹ nén tó mũ ẽn han ag tóg mũ sir. 29Pã'i ag tỹ ẽg mỹ nén tó mũ mẽ ã tóg, ag tỹ ẽg mỹ: “ker tó hẽ',” he mũ tag ti. Kỹ ẽg tỹ tar' hem nĩ, ẽg tỹ ag kamẽg tũ nĩ jé, ẽg tỹ ã vĩ tó jé, ẽg tỹ tỹ ã mré rãnhrãj tĩ nỹtĩn kỹ. 30Kỹ ẽg mré milagre hynhan nĩ gé. Ũn kaga ag tỹ há' hem nĩ, ẽg tỹ nén han vãnh han nĩ, ẽg tỹ ã mỹ to vĩn kỹ, ẽg tỹ ã kósin jiji tó kỹ, ũn kuryj nĩ ẽn,” he ag tóg, Topẽ mỹ.
31Ag tỹ ti mré vĩ kar kỹ ga tóg jũrũn ke mũ sir, ag tỹ vẽnhmãn kỹ nỹtĩ hã ra. Kỹ Topẽ kuprĩg tóg ag krĩn mũ gé. Kỹ ag tóg mũmẽg tũ nĩn kỹ Topẽ vĩ kãmén mũ sir.
Jesus ki ge kỹ nỹtĩ ag jykre pir
32Ũ tỹ Jesus ki ge kỹ nỹtĩ ag tóg jykre pir nỹtĩ. Ũ pijé ti tỹ nén to: “isũ vẽ,” he tĩ'. Ag tỹ nén kar to ag tóg: “ẽg tũ vẽ,” he tĩ, fag ke gé. 33Jesus tỹ ũn vin mũ ag tóg fag mré ẽg Senhor tỹ Jesus rĩr mãn tugtó mũ, to tar pẽ nỹtĩn kỹ. Kỹ Topẽ tóg ag ki rĩr há han mũ gé sir. 34Ag mré ke ũ pijé jagtar nỹtĩ'. Ag kã mĩ ũ tóg ẽpỹ nỹtĩ, kar ũ tóg ĩn nỹtĩ gé. Ag tũ ẽn vẽne he ag tóg mũ, kỹ ag tóg ti kaja ma kãmũ mũ, 35Jesus tỹ ũn vin mũ ag mỹ nĩm jé, jãnkamy ti. Kỹ ũn jagtar ag tóg jãnkamy ẽn to ag tỹ nén ve sór mũ ẽn mãn mũ sir, fag ke gé.
36Kỹ ũ tóg nĩ gé, ti jiji hã vỹ: José, he mũ. Jesus tỹ ũn vin mũ ag tóg ti to: Barnabé, he tĩ. Levi krẽ'krẽ ũ vẽ. Goj vãso tỹ Chipre tá ke vẽ.
37Ẽn hã vỹ ẽpỹ nĩ, kỹ tóg ti japỹ fón mũ, kỹ tóg Jesus tỹ ũn vin mũ ag mỹ ti kaja ma kãtĩ mũ. Kỹ ag tóg jagnẽ mỹ kãnhkrég mũ sir.
वर्तमान में चयनित:
Han Kãme 4: kgp
हाइलाइट
शेयर
कॉपी
Want to have your highlights saved across all your devices? Sign up or sign in
© 2005, Wycliffe Bible Translators, Inc. in partnership with Sociedade Bíblica do Brasil and Missão de Cristianismo Decidido
Han Kãme 4
4
Pã'i ag tỹ Pedro mré João to jũ
1Ag tỹ ver vẽmén nỹtĩ ra pã'i ag tóg tá junjun mũ, Topẽ ĩn to pã'i ag, ũ tỹ: “ẽg hỹn rĩnrĩr mãn ke tũ nĩ, ẽg ter kar kỹ,” he mũ ag mré hã. 2Kỹ ag tóg Pedro ag to jũgjũ mũ, ag tỹ: “Jesus vỹ rĩr mãn. Kỹ ẽg tóg ti ri kén rĩr mãn ke mũ gé, ẽg ter kỹ,“ hen kỹ. 3Hã kỹ ag tóg Pedro ag sigség mũ. Vẽseja kã tá ag tóg ag vãm mũ, ag tỹ tá nũgnũr pir han jé. Rãké ti nỹ ha, hã kỹ ag tóg: “ha ver kã tá nũgnũr,” he mũ.
4Hã ra ũ tỹ hẽn ri ke ag tóg Pedro ag vĩ mẽ kỹ kri fi ja nĩgtĩ. Ũ tỹ 5 mil (ke) ag vẽ, Jesus ki ge kỹ nỹtĩ ag, ũn tỹtá fag mré tó tũ.
5Tỹ vaj kỹ pã'i ag tóg vẽnh mãn mũ, kófa ag mré hã, Topẽ vĩ to ẽg kanhrãn tĩ ag mré hã, Jerusalém tá. 6Topẽ tũ to pã'i mág jiji hã vỹ: Anás, he mũ. Ag pã'i mág ũ jijin hã vỹ: Caifás, he mũ. Pã'i mág kanhkã ũ jiji hã vỹ: João, he mũ, kỹ ũ jijin hã vỹ: Alexandre, he mũ. Pã'i kar ag vỹ tá vẽnh mãn kỹ nỹtĩ. 7Vẽnh kuju ki ag tóg Pedro ag vin mũ, kỹ ag tóg: “ũ nỹ ãjag mỹ vẽjykre tag nĩm, ãjag tỹ ũn kãnhgrĩ ẽn tỹ há' he jé? Ũ jykre tỹ ãjag ti tỹ há' hé?“ he ag tóg mũ.
8Kỹ vãhã Topẽ kuprĩg tóg Pedro krĩn mũ. Kỹ tóg: “ha vé, 9nén ũ há to ãjag tóg ẽg sigség mũ, ẽg tỹ ũn kãnhgrĩ tỹ há' he mũ ẽn to,” he mũ. “Kỹ ãjag tóg vãhã ẽg jykre jẽmẽ sór mũ ha. 10Ãjag mỹ sóg ẽg jykre tónh mũ, Judeu kar tỹ ki kanhró nỹtĩ jé. Jesus tugrĩn tóg há' hé, Nazaré tá ke ẽn tugrĩn tóg tar jẽ nĩ, ãjag tỹ ũ tỹ ka to sãg mũ ẽn hã tugrĩn. Topẽ tóg ti rĩn mãn ja nĩ, ũ tỹ krunh to ter mũ ẽn ti,“ he tóg. 11“Jesus ẽn hã to tag tóg rán kỹ nĩ, ha mẽ: ãjag tỹ pó tỹ ĩn han kỹ ãjag tóg pó ũ fón, ti tỹ ãjag mỹ kórég nĩn kỹ. Hã ra Topẽ tóg pó ẽn hã tỹ ĩn nũna han mũ, he ja tóg nĩ.
12Ũ pijé ẽg kren han ke mũ vẽ'. Hã ra Topẽ tóg Jesus fẽg, ti hã tỹ ẽprã ke kar ag krenkren han jé, fag ke gé. Ẽg kren han ke mũ ũ venh ke tũ ẽg nĩ mỹr,” he tóg, Pedro ti.
13Kỹ tóg ag mỹ e tĩ. “Ẽg kamẽg tũ ag tóg nĩ mỹr,” he ag tóg, Pedro ag to. “Escola ki ge mág ja tũ ag nỹtĩ vẽ,” he ag tóg. To jykrén kỹ ag tóg: “Jesus mré ke ag vẽ,” he mũ.
14Hã ra ũn kãnhgrĩ ja ẽn tóg tá jẽ, ag mré. Kỹ ag tỹ ne tỹ ag kato vĩnh ke tóg tũ tĩ sir. 15Kỹ ag tóg Pedro ag mỹ: “ha ver kãpa jẽg,” he mũ. Kỹ pã'i ẽn ag tóg ver jagnẽ mré to jykrén mũ. 16Kỹ ag tóg: “Ẽg hỹn ag tỹ hẽ ri kenh mũ ha'?“ he mũ. “Jerusalém tá ke kar vỹ ag tỹ nén han mũ ki kanhró nỹtĩ. Kỹ ag jykre tóg vẽnh kar mỹ há nỹ. Kỹ ẽg tỹ ag to: ag ón vẽ, hen kỹ tóg vẽnh mỹ nĩ sir,” he ag tóg. 17“Ag tỹ hã ra vẽnh kar mỹ Jesus tó kỹ tóg vẽnh mỹ nỹ gé. Kỹ ẽg tỹ ag mỹ: ha tó mãn tũg, henh ke vẽ, ãjag tỹ ti tó mãn kỹ ẽg tóg ãjag vóg kónãn ke mũ ha, he jé ẽg tóg ke mũ,“ he ag tóg. 18Kỹ ag tóg Pedro ag jé prẽr mãn mũ. Kỹ ag tóg: “Ker ũ mỹ tó mãn hẽ'. Ker Jesus tỹ vĩ mãn hẽ',” he mũ.
19Hã ra Pedro tóg João mré ag mỹ: “Topẽ tóg ẽg mỹ: ha vẽnh kar mỹ tó, he ja nĩ. Hã ra ãjag tóg: “ker tó hẽ',” he mũ. Ẽg hỹn ũ tỹ hẽ vĩ han mũ', Topẽ vĩ vó, ãjag vĩ vó? Ne nỹ hỹn Topẽ mỹ há nĩnh mũ? Ẽg mỹ tó. 20Ẽg pijé tó tũg mũ', ẽg tỹ nén vég mũ ti, Jesus tỹ ẽg mỹ nén tó ja ẽn ti,” he ag tóg.
21Hã ra pã'i ag tóg: “ker tó hẽ', ker tó hẽ',” he mãn mũ gé. Kỹ ag tóg ag kygvãg mũ sir. Ag tỹ ag vóg kónãn há ra ag tóg ke tũ nĩ, vẽnh kar tỹ ag to há nỹtĩn kỹ, vẽnh kar tỹ Topẽ to: “há ti nĩ, hã kỹ tóg ũn kãnhgrĩ ẽn tỹ há' he mũ',” hen kỹ.
22Hã ra ũn kãnhgrĩ ja ẽn tóg tĩ nĩ sir. 40 (ke) anos kãfór han tóg, kỹ Topẽ tóg ti tỹ há' hé.
Jesus mré ke ag tỹ Topẽ mré vĩ
23 Pedro ag tỹ kygvar kỹ ag tóg ag mré ke ag to mũ mũ. Kỹ ag tóg pã'i tỹ ag mỹ nén tó mũ ẽn kãmén mũ, kófa ag tỹ: “ker Jesus tó hẽ',” he mũ ẽn ti. 24Kỹ vẽnh kar ag tóg Topẽ mỹ vĩ há han mũ. Kỹ ag tóg: “ẽg jóg mág', tỹ ã tóg vẽnh kar kri ke nĩ,” he mũ. “Kanhkã han ã mỹr, ga ti, goj ti ke gé, mĩ mũ kar ke gé. 25Ẽg jógjóg tỹ Davi krĩn ja ã tóg nĩgtĩ, ã kuprĩg tỹ. Kỹ tóg Jesus tó ja nĩgtĩ, kỹ tóg: fóg kar ag ne tóg jũgjũ mũ, kanhgág ag ke gé, he ja nĩgtĩ. 26Nação kar ag pã'i ag vỹ vẽnh génh kỹ nỹtĩ, ẽg pã'i ag ke gé, Topẽ kato tẽgtẽ jé, Topẽ tỹ ũn kuprẽg mũ ẽn ag kato, he ja tóg nĩgtĩ. 27Hã ra tóg ki hã tó ja nĩ. Ẽmã tag ki ag tóg vẽnh génh kỹ nỹtĩ, ã kósin tỹ Jesus kato, ũn kuryj nĩ ẽn kato. Pã'i mág tỹ Herodes vỹ ti kato tẽ mũ gé, pã'i tỹ Pilatos ke gé, fóg ag kar, Judeu ag kar ke gé. 28Ã tỹ vãsỹ nén tó mũ ẽn han ag tóg mũ sir. 29Pã'i ag tỹ ẽg mỹ nén tó mũ mẽ ã tóg, ag tỹ ẽg mỹ: “ker tó hẽ',” he mũ tag ti. Kỹ ẽg tỹ tar' hem nĩ, ẽg tỹ ag kamẽg tũ nĩ jé, ẽg tỹ ã vĩ tó jé, ẽg tỹ tỹ ã mré rãnhrãj tĩ nỹtĩn kỹ. 30Kỹ ẽg mré milagre hynhan nĩ gé. Ũn kaga ag tỹ há' hem nĩ, ẽg tỹ nén han vãnh han nĩ, ẽg tỹ ã mỹ to vĩn kỹ, ẽg tỹ ã kósin jiji tó kỹ, ũn kuryj nĩ ẽn,” he ag tóg, Topẽ mỹ.
31Ag tỹ ti mré vĩ kar kỹ ga tóg jũrũn ke mũ sir, ag tỹ vẽnhmãn kỹ nỹtĩ hã ra. Kỹ Topẽ kuprĩg tóg ag krĩn mũ gé. Kỹ ag tóg mũmẽg tũ nĩn kỹ Topẽ vĩ kãmén mũ sir.
Jesus ki ge kỹ nỹtĩ ag jykre pir
32Ũ tỹ Jesus ki ge kỹ nỹtĩ ag tóg jykre pir nỹtĩ. Ũ pijé ti tỹ nén to: “isũ vẽ,” he tĩ'. Ag tỹ nén kar to ag tóg: “ẽg tũ vẽ,” he tĩ, fag ke gé. 33Jesus tỹ ũn vin mũ ag tóg fag mré ẽg Senhor tỹ Jesus rĩr mãn tugtó mũ, to tar pẽ nỹtĩn kỹ. Kỹ Topẽ tóg ag ki rĩr há han mũ gé sir. 34Ag mré ke ũ pijé jagtar nỹtĩ'. Ag kã mĩ ũ tóg ẽpỹ nỹtĩ, kar ũ tóg ĩn nỹtĩ gé. Ag tũ ẽn vẽne he ag tóg mũ, kỹ ag tóg ti kaja ma kãmũ mũ, 35Jesus tỹ ũn vin mũ ag mỹ nĩm jé, jãnkamy ti. Kỹ ũn jagtar ag tóg jãnkamy ẽn to ag tỹ nén ve sór mũ ẽn mãn mũ sir, fag ke gé.
36Kỹ ũ tóg nĩ gé, ti jiji hã vỹ: José, he mũ. Jesus tỹ ũn vin mũ ag tóg ti to: Barnabé, he tĩ. Levi krẽ'krẽ ũ vẽ. Goj vãso tỹ Chipre tá ke vẽ.
37Ẽn hã vỹ ẽpỹ nĩ, kỹ tóg ti japỹ fón mũ, kỹ tóg Jesus tỹ ũn vin mũ ag mỹ ti kaja ma kãtĩ mũ. Kỹ ag tóg jagnẽ mỹ kãnhkrég mũ sir.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© 2005, Wycliffe Bible Translators, Inc. in partnership with Sociedade Bíblica do Brasil and Missão de Cristianismo Decidido