Firim fafu fal Aláemit

<div class="version vid1300 iso6393bqj" data-vid="1300" data-iso6393="bqj">
 <div class="book bkLUK">
 <div class="chapter ch17" data-usfm="LUK.17">
 <div class="label">17</div><div class="s">Y&#233;su o n&#8217;&#233;&#7549;ajul mala ganogor gagu g&#225;jahor me ni alagorol</div><div class="r">(M&#225;cie 18.6-7, 21-22 ; Maruk 9.42)</div><div class="p"> 1Y&#233;su natajen aah ulagorol : &#171; &#11363;an baj n&#225;nonan waf wajae e&#265;il bugan bugagu n&#8217;gulo ni gabut. Bare mata&#241;o &#7549;an m&#237;ni ni an ahumu ajae me ebet gupalol ni gatil. 2Ehoh an ahumu fuval f&#225;mah n&#8217;ehondor gural ni fal ehoe a&#265;ila ebet ni gatil ace ni mi&#241;il me. 3J&#237;tallo !</div><div class="p">In&#237; me atii natile, nu&#265;afol, mb&#8217;&#237;ni nabbanno ateh mahat, nuboketol. 4In&#237; me natile n&#8217;aw bi &#241;ono futoh ni &#241;&#225;uba funah fanur, ban &#7549;o&#7549; naban n&#225;kail &#241;ono futoh ni &#241;&#225;uba aagi natege mahat, &#7549;an uboketol. &#187;</div><div class="p"> 5 U&#7549;otoraaw n&#8217;guoh Ataw : &#171; Utajen g&#225;inenoli gufa&#331; g&#225;jalo ! &#187; 6Ataw n&#225;balil aah : &#171; In&#237; me jibajene g&#225;inen garee ti jukol fuyaba, &#7549;an j&#250;juen juoh bununuh baubu : &#8220;Ubbu&#265;oro, mbiban nuk&#8217;urogoro ni fal !&#8221; Ban &#7549;an bukanen ti julob bo me. &#187;</div><div class="p"> 7Y&#233;su nabba&#241; aagil : &#171; In&#237; me ace ni buru nabaje aroka nah&#8217;aa&#241;ol ter nah&#8217;ako&#241;ol sukoreol, aju me &#233;olul, &#7549;an &#7549;ia&#331; afanol aagol : &#8220;Ukela fiti&#241;&#8221; ? 8A-a, &#7549;an til aagol : &#8220;Uk&#8217;&#250;silom, uban n&#250;&#7549;uren wa&#241;i waa burok min &#250;kail usenom iti&#241; nirem ; mbi no nijae me eban &#7549;e, aw &#241;er n&#250;kail may uti&#241; nurem.&#8221; 9Ay &#7549;an asalen arokaol mata b&#250;oh nakakan wo narorenol me ? 10Manur mamu ni buru : Jikan me wo Al&#225;emit arorenul me &#7549;e jiban, n&#8217;juoh : &#8220;W&#243;li uroka g&#250;fuh jom ; jikakan wo j&#237;ari me jikan.&#8221; &#187;</div><div class="s">Y&#233;su o n&#8217;esen gahoy bugaa h&#225;hae yay gaamme gu&#241;en</div><div class="p"> 11Nemme Y&#233;su b&#250;jaor naam ni bo mbaa Y&#233;rusalem, n&#225;ni n&#8217;&#233;gat n&#8217;etut mof mamu maa Samari ni maa G&#225;lile. 12No nalof me &#233;suh ece, ni baj bugan gono gu&#241;en bugo h&#225;hae ejoge guilo r&#225;li 13n&#8217;gulob fatiya guoh : &#171; Y&#233;su, afan ahu, enili erum&#243;li ! &#187; 14N&#225;allo alujil naagil : &#171; Jujow bi n&#8217;ute&#331;enaaw min gujugul ! &#187;</div><div class="p">Ban no guomme n&#8217;ejow yay, n&#8217;guhoy bugo &#7549;e. 15Ace ni bugo, no najuh me b&#250;oh nahohoy, n&#225;veloul &#225;bba&#241;ul, ban nanamo esal fatiya Al&#225;emit. 16Naya g&#250;jul to n&#8217;guot Y&#233;su n&#225;silen bi n&#8217;ettam nasalol n&#237;moro. Kan o an ala Samari om. 17&#209;er Y&#233;su naah : &#171; Leti bugan gono gu&#241;en guyabe gahoy ? &#209;er bugagu gaamme futoh ni gubbagir, ubugelo ? 18Wa u&#265;ile bugagu gubba&#241;ulat g&#250;kail esal Al&#225;emit, min til ajaora#17.18 ajaora : Juluj bagitener babu baa L&#237;k 10.33 ahume o &#225;bba&#241;ul bare ? &#187; 19Aban naagol : &#171; Uilo ujow ; g&#225;ineni gu&#7549;ageni ! &#187;</div><div class="s">Y&#233;su o n&#8217;&#233;&#7549;ajul mala &#233;joul yay yaa J&#225;vi Al&#225;emit</div><div class="r">(M&#225;cie 24.23-28, 37-41)</div><div class="p"> 20E&#7549;&#225;risie yay n&#8217;guroren Y&#233;su nay J&#225;vi Al&#225;emit jijae me &#233;joul. Naagil : &#171; J&#225;vi Al&#225;emit ju&#241;umut &#233;joul an aluj jo maa t&#225;h. 21Gu&#241;umut eoh : &#8220;Juluj, uje !&#8221; ter &#8220;Juluj, ujua !&#8221; Jiffas b&#250;oh J&#225;vi Al&#225;emit uju n&#8217;etulul. &#187;</div><div class="p"> 22Aban naah ulagorol : &#171; Tinah talu &#7549;an ti&#265;igul to jijae me ema&#331; jujuh A&#241;ol Arafuhow mele funah fanur, bare mati jujugol. 23&#11363;an guogul : &#8220;Juluj taute ! Juluj tautua !&#8221; Bare niegul : Jambi jikebo, jambi jilagenil ! 24Jiffas b&#250;oh funah fafu fo A&#241;ol Arafuhow ajae me &#233;joul, &#7549;an &#225;joul ti baijer &#233;mit bo nihi buja&#331;en me &#233;mit galam bi ni gagu. 25Bare naate amundum &#225;lam n&#225;r, &#7549;an bugan bugagu bugaa jama gulalol.</div><div class="p"> 26Ti ni gunah gagu no N&#243;e aamen me m&#8217;buro&#331;, mamu may &#7549;an n&#237; mee funah &#233;bba&#241;ul yay yal A&#241;ol Arafuhow. 27Bugan bugagu fiti&#241; ni marem, b&#250;yab ni b&#250;yabo guomene, bi funah fafu fo N&#243;e anogen me ni busana babu b&#225;mah babu : no &#241;er b&#225;yuer mal mamu b&#225;mah babu bi&#265;ilo me min binemen bugagu bugo &#7549;e.</div><div class="p"> 28&#11363;an nogor may ti no Lot aamme m&#8217;buro&#331;#17.28 Juluj F&#237;&#265;ilum 18.16&#8211;19.29 : bugan bugagu fiti&#241; ni marem, funnom ni funnomen, buroh ni gate&#7549; guomene. 29Bare funah fafu fo Lot &#225;&#7549;ullo me Sodom, sambun ni sival sajejeh ni s&#250;loul n&#8217;&#233;mit sinemen bugagu bugo &#7549;e. 30Manur mamu mujae mee ebaj funah fafu fo A&#241;ol Arafuhow ajae me &#233;ra&#331;ul.</div><div class="p"> 31Funah faufu, an ajae me &#233;ni ni firihinja&#331; ya&#331;ol, jamb&#8217;&#225;avul bi e&#331;ar wa&#241;ol &#241;&#225;raru balama atey, mo may ahu ajae me &#233;ni n&#8217;ulah waw, jamb&#8217;aot me mbaa ya&#331;ol. 32Juosen wabaj me aar Lot#17.32 Juluj F&#237;&#265;ilum 19.26 ! 33An alih me e&#7549;agen buro&#331;ol, &#7549;an &#225;bbur bo, bare an &#225;bbur me bola, &#7549;an abaj buro&#331; babu b&#225;baerit me. 34Inj&#233; ilobul yo, n&#8217;efuga yauyu bugan g&#250;uba g&#250;ni me ni bura banur, ahu &#7549;an &#225;jaenumi, ahuo nahali to. 35Waare g&#250;uba &#7549;o&#7549; g&#250;ni me n&#8217;&#233;tu&#331; ti&#241; tanur, ahu &#7549;an &#225;jaenumi, ahuo nahali to. [36W&#225;ine g&#250;uba may g&#250;ni me n&#8217;ea&#241;, anur &#7549;an &#225;jaenumi, ahu nahali to.]#17.36 Ni bahi&#265;er bamme&#331;e b&#237;tiar, firim faufe f&#237;lero. &#187;</div><div class="p"> 37Ulagorol n&#8217;guogol : &#171; Afan&#243;li, d&#225;uru tay jae mee ebaj ? &#187; Naagil : &#171; To efulu&#331; yay ejae me &#233;ni, to may s&#250;gutum sasu sijae me eomunor. &#187;</div>
 </div>
 </div>
</div>

Yésu natajen aah ulagorol : « Ᵽan baj nánonan waf wajae eĉil bugan bugagu n’gulo ni gabut. Bare mataño ᵽan míni ni an ahumu ajae me ebet gupalol ni gatil. Ehoh an ahumu fuval fámah n’ehondor gural ni fal ehoe aĉila ebet ni gatil ace ni miñil me. Jítallo !
Iní me atii natile, nuĉafol, mb’íni nabbanno ateh mahat, nuboketol. Iní me natile n’aw bi ñono futoh ni ñáuba funah fanur, ban ᵽoᵽ naban nákail ñono futoh ni ñáuba aagi natege mahat, ᵽan uboketol. »
Uᵽotoraaw n’guoh Ataw : « Utajen gáinenoli gufaŋ gájalo ! » Ataw nábalil aah : « Iní me jibajene gáinen garee ti jukol fuyaba, ᵽan jújuen juoh bununuh baubu : “Ubbuĉoro, mbiban nuk’urogoro ni fal !” Ban ᵽan bukanen ti julob bo me. »
Yésu nabbañ aagil : « Iní me ace ni buru nabaje aroka nah’aañol ter nah’akoñol sukoreol, aju me éolul, ᵽan ᵽiaŋ afanol aagol : “Ukela fitiñ” ? A-a, ᵽan til aagol : “Uk’úsilom, uban núᵽuren wañi waa burok min úkail usenom itiñ nirem ; mbi no nijae me eban ᵽe, aw ñer núkail may utiñ nurem.” Ay ᵽan asalen arokaol mata búoh nakakan wo narorenol me ? Manur mamu ni buru : Jikan me wo Aláemit arorenul me ᵽe jiban, n’juoh : “Wóli uroka gúfuh jom ; jikakan wo jíari me jikan.” »

Nemme Yésu bújaor naam ni bo mbaa Yérusalem, náni n’égat n’etut mof mamu maa Samari ni maa Gálile. No nalof me ésuh ece, ni baj bugan gono guñen bugo háhae ejoge guilo ráli n’gulob fatiya guoh : « Yésu, afan ahu, enili erumóli ! » Náallo alujil naagil : « Jujow bi n’uteŋenaaw min gujugul ! »
Ban no guomme n’ejow yay, n’guhoy bugo ᵽe. Ace ni bugo, no najuh me búoh nahohoy, náveloul ábbañul, ban nanamo esal fatiya Aláemit. Naya gújul to n’guot Yésu násilen bi n’ettam nasalol nímoro. Kan o an ala Samari om. Ñer Yésu naah : « Leti bugan gono guñen guyabe gahoy ? Ñer bugagu gaamme futoh ni gubbagir, ubugelo ? Wa uĉile bugagu gubbañulat gúkail esal Aláemit, min til ajaora ahume o ábbañul bare ? » Aban naagol : « Uilo ujow ; gáineni guᵽageni ! »


Eᵽárisie yay n’guroren Yésu nay Jávi Aláemit jijae me éjoul. Naagil : « Jávi Aláemit juñumut éjoul an aluj jo maa táh. Guñumut eoh : “Juluj, uje !” ter “Juluj, ujua !” Jiffas búoh Jávi Aláemit uju n’etulul. »
Aban naah ulagorol : « Tinah talu ᵽan tiĉigul to jijae me emaŋ jujuh Añol Arafuhow mele funah fanur, bare mati jujugol. Ᵽan guogul : “Juluj taute ! Juluj tautua !” Bare niegul : Jambi jikebo, jambi jilagenil ! Jiffas búoh funah fafu fo Añol Arafuhow ajae me éjoul, ᵽan ájoul ti baijer émit bo nihi bujaŋen me émit galam bi ni gagu. Bare naate amundum álam nár, ᵽan bugan bugagu bugaa jama gulalol.
Ti ni gunah gagu no Nóe aamen me m’buroŋ, mamu may ᵽan ní mee funah ébbañul yay yal Añol Arafuhow. Bugan bugagu fitiñ ni marem, búyab ni búyabo guomene, bi funah fafu fo Nóe anogen me ni busana babu bámah babu : no ñer báyuer mal mamu bámah babu biĉilo me min binemen bugagu bugo ᵽe.
Ᵽan nogor may ti no Lot aamme m’buroŋ : bugan bugagu fitiñ ni marem, funnom ni funnomen, buroh ni gateᵽ guomene. Bare funah fafu fo Lot áᵽullo me Sodom, sambun ni sival sajejeh ni súloul n’émit sinemen bugagu bugo ᵽe. Manur mamu mujae mee ebaj funah fafu fo Añol Arafuhow ajae me éraŋul.
Funah faufu, an ajae me éni ni firihinjaŋ yaŋol, jamb’áavul bi eŋar wañol ñáraru balama atey, mo may ahu ajae me éni n’ulah waw, jamb’aot me mbaa yaŋol. Juosen wabaj me aar Lot ! An alih me eᵽagen buroŋol, ᵽan ábbur bo, bare an ábbur me bola, ᵽan abaj buroŋ babu bábaerit me. Injé ilobul yo, n’efuga yauyu bugan gúuba gúni me ni bura banur, ahu ᵽan ájaenumi, ahuo nahali to. Waare gúuba ᵽoᵽ gúni me n’étuŋ tiñ tanur, ahu ᵽan ájaenumi, ahuo nahali to. [Wáine gúuba may gúni me n’eañ, anur ᵽan ájaenumi, ahu nahali to.] »
Ulagorol n’guogol : « Afanóli, dáuru tay jae mee ebaj ? » Naagil : « To efuluŋ yay ejae me éni, to may súgutum sasu sijae me eomunor. »

Slušajte Lík 17