Anjam - 2014 Edition (NT) Non-Drama

Anjam - 2014 Edition (NT) Drama

<div class="version vid1743 iso6393boj" data-vid="1743" data-iso6393="boj">
 <div class="book bkJHN">
 <div class="chapter ch12" data-usfm="JHN.12">
 <div class="label">12</div><div class="s1">Maria a gore&#331; quleq tula&#331; boledamu Yesus aqa si&#331;gaq di bilentej</div><div class="p"> 1Ariya Juda na&#331;go yori bati koba jojomej. Bati 6 amqa brantqas. Deqa Yesus a tigelosiqa Betani qureq gilej. Qure di Lasarus agi Yesus na subq na tigeltej qaji aqa qure utru. 2Gilnaqa qure deqaji tamo u&#331;gasari na&#331;gi a unsibqa areboleboleinjrnaqa i&#331;gi goiyeteb. Marta a i&#331;gi suweiyosiq Lasarus Yesus wo tamo qudei ti metnjrnaq bosib koba na awoosib i&#331;gi uyoqneb. 3Onaqa Maria a gore&#331; quleq tula&#331; boledamu silali kobaquja na awaiyej qaji di jali&#331;aq jigsiqa osi bosiqa Yesus aqa si&#331;gaq di bilentosiqa aqa segi gate ba&#331;ga na piyetej. Onaqa gore&#331; aqa quleq na tal keretej. 4Onaqa Yesus aqa a&#331;gro bei Judas Iskariot agi bunuqna Yesus osiq jeu tamo na&#331;go ba&#331;q di atej qaji a Maria aqa kumbra di unsiqa &#331;iri&#331;osiq marej, 5&#8220;A kiyaqa gore&#331; di qari&#331;yosiq meni&#331; silali 300 osiq dena tamo i&#331;gi i&#331;gi saiqoji na&#331;gi aqaryainjrosai?&#8221; 6Judas a tamo i&#331;gi i&#331;gi saiqoji na&#331;gi qa are qalsiq anjam di marosai. A baji&#331; tamo. A Yesus aqa a&#331;gro na&#331;go silali jugwajqa qu&#331; taqatoqnej. Deqa na&#331;gi qu&#331; miligiq di silali ateqnab a na olo baji&#331;oqnej. A deqa are qalsiq anjam di marej.</div><div class="p"> 7Onaqa Yesus a Judas aqa anjam di qusiqa minjej, &#8220;U&#331;a di urat. A gore&#331; di ojesoqnem. A ijo jejamu subq atqajqa are qalsiq nami gereiyqo. 8Tamo i&#331;gi i&#331;gi saiqoji na&#331;gi bati gaigai ni&#331;gi ti sqab. Ariya e bati gaigai ni&#331;gi ti sqasai.&#8221;</div><div class="s1">Atra tamo kokba na&#331;gi Lasarus qalsib moiyotqa maroqneb</div><div class="p"> 9Juda tula&#331; gargekoba na&#331;gi qalieeb, Yesus a Betani qureq gilsiq di soqnej. Deqa na&#331;gi a unqa bele&#331;eb. Na&#331;gi Yesus segi unqajqa bosai. Yesus a nami Lasarus subq na tigeltej deqa na&#331;gi a dego unqa beb. 10Atra tamo kokba na&#331;gi Lasarus dego qalsib moiyotqa qairoqneb. 11Di kiyaqa? Yesus a Lasarus subq na tigeltonaqa Juda gargekoba na&#331;gi atra tamo kokba na&#331;gi uratnjrsib olo Yesus qa na&#331;go areqalo si&#331;gilatoqneb.</div><div class="s1">Mandor Koba Yesus a Jerusalem bej</div><div class="p"> 12Tamo u&#331;gasari tula&#331; gargekoba na&#331;gi yori bati unqajqa marsib Jerusalem bele&#331;eb. Bele&#331;osib nebeonaqa na&#331;gi endegsib queb, &#8220;Yesus a Jerusalem bqas.&#8221; 13Na&#331;gi degsib qusib deqa na&#331;gi tuwom ba&#331;ga ele&#331;osib Yesus gamq di turqajqa aiyeb. Aisib Yesus beqnaqa unsib tula&#331; lele&#331;oqnsib endegsib minjoqneb, &#8220;Iga ni qa tula&#331; areboleboleigeqnu. Ni Tamo Koba aqa &#241;am na bonum deqa a ni tula&#331; geregereimeqnu. Ni Israel na&#331;go Mandor Koba.&#8221;</div><div class="p"> 14Onaqa Yesus a donki osiqa quraq di awoej. Aqa kumbra deqa nami Qotei aqa anjam bei endegsib ne&#331;gre&#331;yeb unu, 15&#8220;O Saion tamo u&#331;gasari, ni&#331;gi ulaaib. Ni&#331;gi uniy. Nu&#331;go Mandor Koba a donki bunuj quraq di awoosiq beqnu.&#8221; 16Bati deqa Yesus aqa a&#331;gro na&#331;gi anjam di aqa utru poinjrosai. Bunuqna Yesus a moisiq &#241;am koba onaqa na&#331;gi anjam deqa olo are qalsib endegsib mareb, &#8220;Bole, anjam di Yesus qa ne&#331;gre&#331;yeb deqa tamo u&#331;gasari na&#331;gi lele&#331;oqnsib a bi&#331;iyoqneb.&#8221;</div><div class="p"> 17Ariya tamo u&#331;gasari Yesus a Lasarus metosiq subq na tigeltonaq uneb qaji na&#331;gi ma&#331;wa deqa saoqnsib laqneb. 18Laqnab tamo u&#331;gasari tula&#331; gargekoba na&#331;gi quoqneb. Deqa Yesus a donki bunuj quraq di awoosiq Jerusalem beqnaqa na&#331;gi a gamq di turqajqa aiyele&#331;eb. 19Ainabqa Farisi na&#331;gi na unjrsibqa segi segi maroqneb, &#8220;Iga Yesus si&#331;gila na saidyeqnamqa keresaiigeqnu. Ni&#331;gi uniy. Tamo u&#331;gasari kalil na&#331;gi a dauryeqnub.&#8221;</div><div class="s1">Grik tamo qudei na&#331;gi Filip minjeb, &#8220;Iga Yesus unqom&#8221;</div><div class="p"> 20Tamo u&#331;gasari Qotei louqa marsib yori bati unqajqa Jerusalem aiyele&#331;eb qaji na&#331;go ambleq di Grik tamo qudei soqneb. 21Grik tamo na&#331;gi di Filip aqaq di branteb. Di kiyaqa? Filip a dego Grik tamo. Filip aqa qure utru Betsaida. Qure di Galili sawaq di unu. Na&#331;gi Filip aqaq di brantosib nenemyeb, &#8220;O gago was, iga Yesus unqa kere e?&#8221; 22Onaqa Filip a aisiqa na&#331;go anjam di Andru minjsiqa Andru ombla gilsib olo Yesus minjeb. 23Minjnab qusiqa na&#331;gi kamba minjrej, &#8220;E Tamo A&#331;gro. Deqa e &#241;am koba oqajqa bati brantqo. 24E bole mer&#331;gwai. Kurgus yago breiyibqa mandamq aisim moiqasai di a la&#331;a sqas. Moiqas di a olo qoqi oqsim gei gargekoba atele&#331;qas. 25Dego kere tamo bei na aqa segi &#331;ambile tula&#331; qalaqalaiyqas di a padalqas. Ariya a mandamq endi aqa segi &#331;ambile qoreiyqas di a &#331;ambile gaigai sqas. 26Tamo bei na e wauetbqa osimqa a e daurbem. Yimqa qure e sqai di a dego e ombla sqom. A ijo wau yoqnqas di ijo Abu na a &#241;am kobaquja yqas.&#8221;</div><div class="s1">Jeu tamo na&#331;gi na Yesus soqtosib goge gaintqab</div><div class="p"> 27Osiqa Yesus a olo anjam endegsi marej, &#8220;Endego e are tula&#331; gulbekobaibqo. Deqa e endegsi Qotei pailyqai kiyo, &#8216;O ijo Abu, ni na marimqa bati uge endi ijoq baiq&#8217;? U&#331;gum, e degsi pailyqasai. Bati uge endi branteme. E deqa mandamq aiyem. 28O ijo Abu, ni na ino &#241;am tula&#331; kobaqujatime.&#8221; Yesus a degsi marnaqa la&#331; goge dena anjam endegsi brantej, &#8220;E ijo &#241;am kobaqujatonum. Ololo kobaqujatqai.&#8221; 29Anjam degsi brantonaqa tamo u&#331;gasari Yesus aqa areq di tigelesoqneb qaji na&#331;gi qusibqa segi segi maroqneb, &#8220;Kola anjam atqo kiyo?&#8221; Onaqa tamo qudei na&#331;gi mareb, &#8220;Sai. La&#331; a&#331;gro bei na Yesus anjam minjqo.&#8221;</div><div class="p"> 30Onaqa Yesus na kamba minjrej, &#8220;Anjam ni&#331;gi quonub qaji di e aqaryaibqajqa brantosai. Di ni&#331;gi aqaryai&#331;gwajqa brantqo. 31Ni&#331;gi quiy. Qotei na tamo u&#331;gasari mandamq endi unub qaji na&#331;gi peginjrqajqa bati bqo. A na mandam endeqa gate koba Satan taqal waiyqajqa bati dego bqo. 32E bini mandamq endi unum. Ariya bunuqna jeu tamo na&#331;gi na e soqtbosib goge gaintbqab. Yimqa bati deqa e na tamo u&#331;gasari kalil na&#331;gi are tigeltetnjritqa ijoq bqab.&#8221; 33Yesus a aqa segi moiqajqa gam boleq atqa osiqa deqa degsi marej.</div><div class="p"> 34Onaqa tamo u&#331;gasari na&#331;gi na kamba Yesus minjeb, &#8220;Kristus a bati gaigai sqas. Dal anjam nami degsib marnab iga quem. Deqa ni kiyaqa maronum, &#8216;E Tamo A&#331;gro soqtbosib goge gaintbqab&#8217;? Tamo A&#331;gro di tamo yai?&#8221;</div><div class="p"> 35Onaqa Yesus na minjrej, &#8220;Pulo&#331; a nu&#331;go ambleq di soki&#241;alayosim ni&#331;gi olo urat&#331;gwas. Deqa ni&#331;gi pulo&#331; ti sosib pulo&#331;q na laqniy. Yimqa ni&#331;gi ambrui&#331;gwasai. Tamo ambruq na laqnu qaji a qabiteqnu kiyo di a qalieqasai. 36Ni&#331;gi pulo&#331; ti sosib pulo&#331; qa nu&#331;go areqalo si&#331;gilatiy. Ni&#331;gi degyqab di ni&#331;gi pulo&#331; aqa a&#331;gro sqab.&#8221;</div><div class="s1">Juda tamo gargekoba na&#331;gi Yesus qa na&#331;go areqalo si&#331;gilatosai</div><div class="p">Yesus na tamo u&#331;gasari na&#331;gi anjam degsi minjrsiqa na&#331;gi uratnjrnaq na&#331;gi a olo unosai. 37A Qotei aqa ma&#331;wa gargekoba na&#331;go &#331;amdamuq di yeqnaqa na&#331;gi unoqneb. Unoqnsib ariya na&#331;gi Yesus qa na&#331;go areqalo si&#331;gilatosaioqneb. 38Na&#331;gi kumbra di yeb deqa anjam bei Qotei aqa medabu o tamo Aisaia a nami marej qaji di aqa damu brantej. A endegsi marej, &#8220;O Tamo Koba, tamo yai a gago anjam endi qusiqa aqa areqaloq di si&#331;gilatqo? Tamo yai a Tamo Koba aqa si&#331;gila unsiq poiyqo? Tamo dego bei sosai.&#8221; Aisaia a nami anjam degsi marej.</div><div class="p"> 39Deqa na&#331;gi Yesus qa na&#331;go areqalo si&#331;gilatqa keresai. Utru deqa Aisaia a anjam bei dego endegsi ne&#331;gre&#331;yej, 40&#8220;Qotei a na&#331;go &#331;amdamu getentetnjrej. A na&#331;go are miligi dego getentetnjrej. Deqa na&#331;gi na&#331;go &#331;amdamu na Qotei aqa kumbra bei unqa keresai. Na&#331;gi na&#331;go are miligiq na Qotei aqa anjam dego poinjrqa keresai. Deqa na&#331;gi are bulyosib ijoq bqa keresai. Deqa e na na&#331;gi boletnjrqasai.&#8221; 41Aisaia a nami Yesus aqa si&#331;gila unsiq deqa anjam degsi marej.</div><div class="p"> 42Bole, Juda gate gargekoba na&#331;gi are bulyosib Yesus qa na&#331;go areqalo si&#331;gilateb. Ariya na&#331;gi Farisi na&#331;gi ulainjrsib deqa na&#331;gi boleq di Yesus aqa &#241;am marosaioqneb. Na&#331;gi are qaleb, &#8220;Iga boleq di Yesus aqa &#241;am marqom di Farisi na&#331;gi iga Qotei tal miligiq gilqa saidgwab.&#8221; 43Na&#331;gi degsib are qaleb. Di kiyaqa? Na&#331;gi Qotei na na&#331;go &#241;am soqtqajqa arearetnjrosaioqnej. Tamo na&#331;gi na na&#331;go &#241;am soqtqajqa deqa arearetnjroqnej.</div><div class="s1">Yesus aqa anjam a tamo sigitosim tamo u&#331;gasari na&#331;gi peginjrqas</div><div class="p"> 44Onaqa Yesus a tula&#331; lele&#331;osiq marej, &#8220;Tamo bei a e qa aqa areqalo si&#331;gilatqas di a e qa segi aqa areqalo si&#331;gilatqasai. Ijo Abu e qari&#331;bej qaji a qa dego aqa areqalo si&#331;gilatqas. 45Tamo bei a e nubqas di a ijo Abu e qari&#331;bej qaji di dego unqas. 46E pulo&#331; bulosim mandamq aiyem. Deqa tamo u&#331;gasari kalil e qa na&#331;go areqalo si&#331;gilateqnub qaji na&#331;gi ambruq di sqasai. 47Tamo bei a ijo anjam qusimqa ariya a dauryqasai di e na a pegiyqasai. E tamo u&#331;gasari na&#331;gi peginjrqa bosai. E na&#331;gi ele&#331;qajqa bem. 48Tamo u&#331;gasari na&#331;gi e qoreibosib ijo anjam quqwa uratqab di na&#331;gi peginjrqajqa tamo bei unu. Anjam e mareqnum qaji a segi tamo sigitosim tamo u&#331;gasari na&#331;gi peginjrqas. Di&#331;o batiamqa anjam dena na&#331;gi peginjrqas. 49E ijo segi areqalo na anjam marosaieqnum. Ijo Abu e qari&#331;bej qaji a na anjam merbeqnaqa quoqnsim agi mareqnum. 50E qalieonum, ijo Abu aqa anjam di &#331;ambile gaigai sqajqa anjam. Deqa anjam kalil e mareqnum qaji di ijo Abu na e merbeqnaq quoqnsim agi mareqnum.&#8221;</div>
 </div>
 </div>
</div>

Ariya Juda naŋgo yori bati koba jojomej. Bati 6 amqa brantqas. Deqa Yesus a tigelosiqa Betani qureq gilej. Qure di Lasarus agi Yesus na subq na tigeltej qaji aqa qure utru. Gilnaqa qure deqaji tamo uŋgasari naŋgi a unsibqa areboleboleinjrnaqa iŋgi goiyeteb. Marta a iŋgi suweiyosiq Lasarus Yesus wo tamo qudei ti metnjrnaq bosib koba na awoosib iŋgi uyoqneb. Onaqa Maria a goreŋ quleq tulaŋ boledamu silali kobaquja na awaiyej qaji di jaliŋaq jigsiqa osi bosiqa Yesus aqa siŋgaq di bilentosiqa aqa segi gate baŋga na piyetej. Onaqa goreŋ aqa quleq na tal keretej. Onaqa Yesus aqa aŋgro bei Judas Iskariot agi bunuqna Yesus osiq jeu tamo naŋgo baŋq di atej qaji a Maria aqa kumbra di unsiqa ŋiriŋosiq marej, “A kiyaqa goreŋ di qariŋyosiq meniŋ silali 300 osiq dena tamo iŋgi iŋgi saiqoji naŋgi aqaryainjrosai?” Judas a tamo iŋgi iŋgi saiqoji naŋgi qa are qalsiq anjam di marosai. A bajiŋ tamo. A Yesus aqa aŋgro naŋgo silali jugwajqa quŋ taqatoqnej. Deqa naŋgi quŋ miligiq di silali ateqnab a na olo bajiŋoqnej. A deqa are qalsiq anjam di marej.
Onaqa Yesus a Judas aqa anjam di qusiqa minjej, “Uŋa di urat. A goreŋ di ojesoqnem. A ijo jejamu subq atqajqa are qalsiq nami gereiyqo. Tamo iŋgi iŋgi saiqoji naŋgi bati gaigai niŋgi ti sqab. Ariya e bati gaigai niŋgi ti sqasai.”

Juda tulaŋ gargekoba naŋgi qalieeb, Yesus a Betani qureq gilsiq di soqnej. Deqa naŋgi a unqa beleŋeb. Naŋgi Yesus segi unqajqa bosai. Yesus a nami Lasarus subq na tigeltej deqa naŋgi a dego unqa beb. Atra tamo kokba naŋgi Lasarus dego qalsib moiyotqa qairoqneb. Di kiyaqa? Yesus a Lasarus subq na tigeltonaqa Juda gargekoba naŋgi atra tamo kokba naŋgi uratnjrsib olo Yesus qa naŋgo areqalo siŋgilatoqneb.

Tamo uŋgasari tulaŋ gargekoba naŋgi yori bati unqajqa marsib Jerusalem beleŋeb. Beleŋosib nebeonaqa naŋgi endegsib queb, “Yesus a Jerusalem bqas.” Naŋgi degsib qusib deqa naŋgi tuwom baŋga eleŋosib Yesus gamq di turqajqa aiyeb. Aisib Yesus beqnaqa unsib tulaŋ leleŋoqnsib endegsib minjoqneb, “Iga ni qa tulaŋ areboleboleigeqnu. Ni Tamo Koba aqa ñam na bonum deqa a ni tulaŋ geregereimeqnu. Ni Israel naŋgo Mandor Koba.”
Onaqa Yesus a donki osiqa quraq di awoej. Aqa kumbra deqa nami Qotei aqa anjam bei endegsib neŋgreŋyeb unu, “O Saion tamo uŋgasari, niŋgi ulaaib. Niŋgi uniy. Nuŋgo Mandor Koba a donki bunuj quraq di awoosiq beqnu.” Bati deqa Yesus aqa aŋgro naŋgi anjam di aqa utru poinjrosai. Bunuqna Yesus a moisiq ñam koba onaqa naŋgi anjam deqa olo are qalsib endegsib mareb, “Bole, anjam di Yesus qa neŋgreŋyeb deqa tamo uŋgasari naŋgi leleŋoqnsib a biŋiyoqneb.”
Ariya tamo uŋgasari Yesus a Lasarus metosiq subq na tigeltonaq uneb qaji naŋgi maŋwa deqa saoqnsib laqneb. Laqnab tamo uŋgasari tulaŋ gargekoba naŋgi quoqneb. Deqa Yesus a donki bunuj quraq di awoosiq Jerusalem beqnaqa naŋgi a gamq di turqajqa aiyeleŋeb. Ainabqa Farisi naŋgi na unjrsibqa segi segi maroqneb, “Iga Yesus siŋgila na saidyeqnamqa keresaiigeqnu. Niŋgi uniy. Tamo uŋgasari kalil naŋgi a dauryeqnub.”

Tamo uŋgasari Qotei louqa marsib yori bati unqajqa Jerusalem aiyeleŋeb qaji naŋgo ambleq di Grik tamo qudei soqneb. Grik tamo naŋgi di Filip aqaq di branteb. Di kiyaqa? Filip a dego Grik tamo. Filip aqa qure utru Betsaida. Qure di Galili sawaq di unu. Naŋgi Filip aqaq di brantosib nenemyeb, “O gago was, iga Yesus unqa kere e?” Onaqa Filip a aisiqa naŋgo anjam di Andru minjsiqa Andru ombla gilsib olo Yesus minjeb. Minjnab qusiqa naŋgi kamba minjrej, “E Tamo Aŋgro. Deqa e ñam koba oqajqa bati brantqo. E bole merŋgwai. Kurgus yago breiyibqa mandamq aisim moiqasai di a laŋa sqas. Moiqas di a olo qoqi oqsim gei gargekoba ateleŋqas. Dego kere tamo bei na aqa segi ŋambile tulaŋ qalaqalaiyqas di a padalqas. Ariya a mandamq endi aqa segi ŋambile qoreiyqas di a ŋambile gaigai sqas. Tamo bei na e wauetbqa osimqa a e daurbem. Yimqa qure e sqai di a dego e ombla sqom. A ijo wau yoqnqas di ijo Abu na a ñam kobaquja yqas.”

Osiqa Yesus a olo anjam endegsi marej, “Endego e are tulaŋ gulbekobaibqo. Deqa e endegsi Qotei pailyqai kiyo, ‘O ijo Abu, ni na marimqa bati uge endi ijoq baiq’? Uŋgum, e degsi pailyqasai. Bati uge endi branteme. E deqa mandamq aiyem. O ijo Abu, ni na ino ñam tulaŋ kobaqujatime.” Yesus a degsi marnaqa laŋ goge dena anjam endegsi brantej, “E ijo ñam kobaqujatonum. Ololo kobaqujatqai.” Anjam degsi brantonaqa tamo uŋgasari Yesus aqa areq di tigelesoqneb qaji naŋgi qusibqa segi segi maroqneb, “Kola anjam atqo kiyo?” Onaqa tamo qudei naŋgi mareb, “Sai. Laŋ aŋgro bei na Yesus anjam minjqo.”
Onaqa Yesus na kamba minjrej, “Anjam niŋgi quonub qaji di e aqaryaibqajqa brantosai. Di niŋgi aqaryaiŋgwajqa brantqo. Niŋgi quiy. Qotei na tamo uŋgasari mandamq endi unub qaji naŋgi peginjrqajqa bati bqo. A na mandam endeqa gate koba Satan taqal waiyqajqa bati dego bqo. E bini mandamq endi unum. Ariya bunuqna jeu tamo naŋgi na e soqtbosib goge gaintbqab. Yimqa bati deqa e na tamo uŋgasari kalil naŋgi are tigeltetnjritqa ijoq bqab.” Yesus a aqa segi moiqajqa gam boleq atqa osiqa deqa degsi marej.
Onaqa tamo uŋgasari naŋgi na kamba Yesus minjeb, “Kristus a bati gaigai sqas. Dal anjam nami degsib marnab iga quem. Deqa ni kiyaqa maronum, ‘E Tamo Aŋgro soqtbosib goge gaintbqab’? Tamo Aŋgro di tamo yai?”
Onaqa Yesus na minjrej, “Puloŋ a nuŋgo ambleq di sokiñalayosim niŋgi olo uratŋgwas. Deqa niŋgi puloŋ ti sosib puloŋq na laqniy. Yimqa niŋgi ambruiŋgwasai. Tamo ambruq na laqnu qaji a qabiteqnu kiyo di a qalieqasai. Niŋgi puloŋ ti sosib puloŋ qa nuŋgo areqalo siŋgilatiy. Niŋgi degyqab di niŋgi puloŋ aqa aŋgro sqab.”

Yesus na tamo uŋgasari naŋgi anjam degsi minjrsiqa naŋgi uratnjrnaq naŋgi a olo unosai. A Qotei aqa maŋwa gargekoba naŋgo ŋamdamuq di yeqnaqa naŋgi unoqneb. Unoqnsib ariya naŋgi Yesus qa naŋgo areqalo siŋgilatosaioqneb. Naŋgi kumbra di yeb deqa anjam bei Qotei aqa medabu o tamo Aisaia a nami marej qaji di aqa damu brantej. A endegsi marej, “O Tamo Koba, tamo yai a gago anjam endi qusiqa aqa areqaloq di siŋgilatqo? Tamo yai a Tamo Koba aqa siŋgila unsiq poiyqo? Tamo dego bei sosai.” Aisaia a nami anjam degsi marej.
Deqa naŋgi Yesus qa naŋgo areqalo siŋgilatqa keresai. Utru deqa Aisaia a anjam bei dego endegsi neŋgreŋyej, “Qotei a naŋgo ŋamdamu getentetnjrej. A naŋgo are miligi dego getentetnjrej. Deqa naŋgi naŋgo ŋamdamu na Qotei aqa kumbra bei unqa keresai. Naŋgi naŋgo are miligiq na Qotei aqa anjam dego poinjrqa keresai. Deqa naŋgi are bulyosib ijoq bqa keresai. Deqa e na naŋgi boletnjrqasai.” Aisaia a nami Yesus aqa siŋgila unsiq deqa anjam degsi marej.
Bole, Juda gate gargekoba naŋgi are bulyosib Yesus qa naŋgo areqalo siŋgilateb. Ariya naŋgi Farisi naŋgi ulainjrsib deqa naŋgi boleq di Yesus aqa ñam marosaioqneb. Naŋgi are qaleb, “Iga boleq di Yesus aqa ñam marqom di Farisi naŋgi iga Qotei tal miligiq gilqa saidgwab.” Naŋgi degsib are qaleb. Di kiyaqa? Naŋgi Qotei na naŋgo ñam soqtqajqa arearetnjrosaioqnej. Tamo naŋgi na naŋgo ñam soqtqajqa deqa arearetnjroqnej.

Onaqa Yesus a tulaŋ leleŋosiq marej, “Tamo bei a e qa aqa areqalo siŋgilatqas di a e qa segi aqa areqalo siŋgilatqasai. Ijo Abu e qariŋbej qaji a qa dego aqa areqalo siŋgilatqas. Tamo bei a e nubqas di a ijo Abu e qariŋbej qaji di dego unqas. E puloŋ bulosim mandamq aiyem. Deqa tamo uŋgasari kalil e qa naŋgo areqalo siŋgilateqnub qaji naŋgi ambruq di sqasai. Tamo bei a ijo anjam qusimqa ariya a dauryqasai di e na a pegiyqasai. E tamo uŋgasari naŋgi peginjrqa bosai. E naŋgi eleŋqajqa bem. Tamo uŋgasari naŋgi e qoreibosib ijo anjam quqwa uratqab di naŋgi peginjrqajqa tamo bei unu. Anjam e mareqnum qaji a segi tamo sigitosim tamo uŋgasari naŋgi peginjrqas. Diŋo batiamqa anjam dena naŋgi peginjrqas. E ijo segi areqalo na anjam marosaieqnum. Ijo Abu e qariŋbej qaji a na anjam merbeqnaqa quoqnsim agi mareqnum. E qalieonum, ijo Abu aqa anjam di ŋambile gaigai sqajqa anjam. Deqa anjam kalil e mareqnum qaji di ijo Abu na e merbeqnaq quoqnsim agi mareqnum.”

Slušajte Jon 12