Lumasaaba - 2008 BSU (NT) Drama

<div class="version vid2183 iso6393myx" data-vid="2183" data-iso6393="myx">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Yesu nga ali mu moni tsa Pilato</div><div class="r">(Matayo 27.1-2,11-14; Mako 15.1-5; Yokana 18.28-38)</div><div class="p"> 1Baryo, babaandu boosi babaaba mu lubusano, benyukha bayila Yesu wa Pilato. 2Ibweene iyo barakikha khumuwabila nga baloma bari, &#8220;Umusaani yuno khwamunyoolele nga akosaasa babaandu be linaambo lyeefwe, nga abareesa khuuwanda kumusolo isi Kayisaali, naluundi nga elaanga khuuba niye Kristo Umuyiinga.&#8221;</div><div class="p"> 3Kila Pilato waamureeba ari, &#8220;Iwe uli Umuyiinga we Bayudaaya?&#8221;</div><div class="p">Yesu wamwiilamo ari, &#8220;Shili nga iwe n'ulomele.&#8221;</div><div class="p"> 4Aryo Pilato waloma basaayi bakhulu ni lituuli lye babaandu boosi ari, &#8220;Ise simbona ilomo iye kumusaango khu muundu yuno ta.&#8221;</div><div class="p"> 5Ne nibo beloosela khutsuntsumilisa bari, &#8220;Niye asasamasa babaandu ni indeekela yeewe mu Yuda mwoosi. Anyoowela mu Galilaaya, ni aluno woolile ni neeno yoosi.&#8221;</div><div class="s">Yesu bamwakaanisa wa Herode</div><div class="p"> 6Ne Pilato nga wawuliile shino, wareeba ari, &#8220;Umuundu yuno umu Galilaaya?&#8221; 7Naye n'ashimanyakho ari Yesu ama mu shisiintsa shishiwuliwa ni Herode, wamwakaanisayo isi Herode, uwaba nga naye ali mu Yerusalemu mu bifukhu ibyo.</div><div class="p"> 8Ne Herode n'abona Yesu, wekhoya naabi, lwekhuuba awulilatsakakho busa bilomo byeewe, ne nga khukhwaama khaale aba akana khu mubonakho, nga asuubila khubonakho nga akhola she kamakaanga shoosi. 9Herode wareeba Yesu bireebo bikali, ne Yesu walekha khumwiilamo ni lomo yoosi ta. 10Basaayi bakhulu ni baleekeli be kamakaambila ka Musa, bemikhawo nga bamutsuntsumilisa naabi. 11Aryo Herode ni basilikhale beewe, bakhomyaasaka Yesu nga bamutyabila. Bamukwaarisa ingubo imelamela, lwanyuma bamukobosayo isi Pilato. 12Khukhwaama ni khu shifukhu sheenesho, Herode ni Pilato bekyela be busaale, ne nga abe mataayi baaba babiiyanila.</div><div class="s">Yesu akhalilwa kumusaango kwe Khuufwa</div><div class="r">(Matayo 25.15-26; Mako 15.6-15; Yokana 18.39; 19.16)</div><div class="p"> 13Pilato walaanga atweela basaayi bakhulu, ni bawuli ni babaandu, 14waabaloma ari, &#8220;Inywe mundereere ano umuundu yuno nga muloma muri akoraanisaka babaandu. Ne bona ise namureebelesile mu moni tseenywe, ne nakhunyoolakho ilomo yoosi ikila mwamuwabila ta. 15Ikhaba ni Herode naye wakhunyoolakho ilomo yoosi isi mumufunisa ta, lwekhuuba wamukhukoboseele fwabeene nga ni mumubona. Umuundu yuno mbaawo sheesi akholile shishaakhila khumwiirisa ta. 16Ni nashiryo, ni ngane imale khumulatsakakho, kane imulekhuule.&#8221; 17Ne khu buli mayiiya ke Khuubirakho, abe Pilato ali ni khulekhuulakho umubowe mutweela esi babaandu bakanatsaka bari alekhuulibwe.</div><div class="p"> 18Ne lituuli lye babaandu bayokesela angaaki bari, &#8220;Uyo n'umwiire, ne ifwe ukhulekhuulile Baraba.&#8221; 19(Ne Baraba uyo aba wabowebwa mu mapuusu lwe khureera shishitulungu shishaba mu shiriimba isho, nilwe bubwiiri.)</div><div class="p"> 20Ne Pilato wakanikha luundi isi bali nga akana khulekhuula Yesu. 21Ne nibo beloosela khuyokesela angaaki bari, &#8220;Mutsaangilile khu musalaba, mutsaangilile khu musalaba.&#8221;</div><div class="p"> 22Aryo Pilato waabakanikhayo luundi ifuunda iye khataru ari, &#8220;Ne lwashiina? Shiina shisheene sheesi akholile? Ise simbona ilomo yoosi khu niye ikila yamwiirisa ta. Aso ni kane imale khumulatsakakho, kane imulekhuule.&#8221;</div><div class="p"> 23Ne nibo beloosela khuyokesela angaaki lukali lweene bari, Yesu aakha atsaangililwe khu musalaba, ni khuuyokesa khwaabwe khwaabiramo. 24Aryo kila Pilato akhalawo ari, sheesi bakana shibakholewele. 25Aryo waabalekhuulila umuundu isi baakana, uwaba waabowebwa lwe shishitulungu ni bubwiiri. Ne waawayo Yesu khuumukhola nga ni bakana.</div><div class="s">Bakhasi be Yerusalemu balilila Yesu</div><div class="p"> 26Ulwo basilikhale ni baaba nga bayila Yesu, bawaamba Simoni Umu Kurene, uwaba ama mu shaalo nga etsa mu shiriimba, bamutwikhisa kumusalaba khukusuta nga alondelela Yesu.</div><div class="p"> 27Lituuli lye babaandu bakali bamuloondakho, ni mu nibo mwabamo bakhasi babaaba balila luundi nga bamwantsuyila. 28Ne Yesu weshebukha, waabaloma ari, &#8220;Bakhasi be Yerusalemu, mukhaandilila ise ta, ne ni mwililile mwabeene ni babaana beenywe. 29Lwekhuuba bifukhu bilyoola lweesi babaandu baliloma bari, &#8216;Nga bali ni tsikhabi bakhasi bakuumba, ni bisoombo bibikhasaalatsakakho ta, ni kamabeele kakakhanunisatsakakho ta.&#8217; 30#Hos 10.8; Bimb 6.16Lwanyuma balilakikha khuloma tsinjiinji bari, &#8216;Ni mukhukwekho,&#8217; ni tsingoongo bari, &#8216;Ni mukhubiimbilile.&#8217; 31Lwekhuuba babaandu ni bakhola shino khu kusaala kubisi, ne khu kusaala kukwoomu, shiliiba shiryeena?&#8221;</div><div class="s">Yesu atsaangililwa khu musalaba</div><div class="p"> 32Aabawo basaani babaandi babili, bafuniaaki be kamakaambila, nabo bayilibwa khukhwiiribwila atweela ni Yesu. 33Ne ni boola mu shifwo sheesi balaanga bari &#8220;Shihaanga,&#8221; baamutsaangilila abweene awo, atweela ni baafuniaaki be kamakaambila tsana, mutweela khu mukhono kwa Yesu kumulayi, n'ukuundi khu mukhono kumunyeletsi. 34#Zab 22.18Yesu waaloma ari, &#8220;Paapa, n'ubeyakhile, lwekhuuba sibaamanyile byeesi bali khuukhola ta.&#8221;</div><div class="p">Baryo baakabanana bikwaaro byeewe nga babikhupilakho buukokha.</div><div class="p"> 35 # 
 Zab 22.7
 Babaandu bemikha balolelela, ni bawuli be Bayudaaya bamwoonela nga baloma bari, &#8220;Awonesatsaka babaandi, ari ne yiwonese umweene, noola niye ali Kristo, Umurobole wa Wele.&#8221;</div><div class="p"> 36 # 
 Zab 69.21
 Ni basilikhale nabo beetsa bamutsekhelela, beetsa is'ali bamuwa iviini indulutse, nga baloma bari, 37&#8220;Iwe noola uli Umuyiinga we Bayudaaya, ni wiwonese wamweene.&#8221;</div><div class="p"> 38Ne angaaki khu musalaba kweewe abaawo burone bubuloma buri, &#8220;YUNO NIYE UMUYIINGA WE BAYUDAAYA.&#8221;</div><div class="p"> 39Mutweela khu beesi kumusaango kwafuura, abe uwatsaangililwa atweela ni Yesu warakikha khufwotsola Yesu nga aloma ari, &#8220;Iwe s'uli niye Kristo ta? Ni wiwonese wamweene, ni nafwe nafwe ukhuwonese.&#8221;</div><div class="p"> 40Ne ukuundi uyo wamwikiitsa, nga aloma ari, &#8220;Iwe ni khuurya, s'urya Wele ta? Bona ifwe khuli khu shitaambiso shitweela busa ni naye. 41Ne ifwe, iwe ni nase, kumusaango kwakhufuurire lweebyo byeesi khwakholile. Ne umusaani uyu, mbaawo shiibi shoosi sheesi akholile ta.&#8221;</div><div class="p"> 42Lwanyuma waloma Yesu ari, &#8220;Yesu, ushebulilatsaka lweesi uliitsila mu shiriifwa she buyiinga bwoowo.&#8221;</div><div class="p"> 43Yesu wamwiilamo ari, &#8220;Ilala, ikhuboolela ndi, shaleelo kane ube ni nase mu shifwo she sangaalo mwikulu.&#8221;</div><div class="s">Khuufwa khwa Yesu</div><div class="r">(Matayo 27.45-56; Mako 15.33-41; Yokana 19.28-30)</div><div class="p"> 44 # 
 Luky 26.31-33
 Ulwo tsisaawa tsaba nga tsisesaba tse mwihangilwe, shishiilima shakwawo khu shiibala shoosi, khukhwoolesa khu saawa nga syeenda tse angoloobe, 45lwekhuuba inyaanga yakamisa khukhwaburukha. Ni ingubo iyatiimbibwa mu Lisaayilo Likhulu yonuukhamo khabili akari. 46#Zab 31.5Yesu waalomela angaaki ni likono likali ari, &#8220;Paapa, mu mikhono kyoowo indamo bulamu bwase.&#8221; Aryo nga n'amala khuloma aryo, wikhisa kumwoyo kweewe wafwa.</div><div class="p"> 47Umukhulu we kamaye n'abona ibyo byoosi bibibeelewo, waabuyila Wele nga aloma ari, &#8220;Ilala umusaani yuno abeele umuundu umukwalaafu.&#8221;</div><div class="p"> 48Ni kamatuuli ke babaandu babaabawo nga baabusaane, ni baabona bibibeelewo bino, bekhupaka mu shifuba nga beelayo ingo waabwe. 49#Luka 8.2,3Ne abo boosi abe babaamanya Yesu, ni bakhasi babaamuloondelela khukhwaama i Galilaaya, beemikha aleeyikho, nga balolelela bibiindu bino byoosi.</div><div class="s">Khusiikhiwa khwa Yesu</div><div class="r">(Matayo 27.57-61; Mako 15.42-47; Yokana 19.38-42)</div><div class="p"> 50-51Aabawo umusaani lisiina lyeewe Yusufu, uwaba umukhulu mu shiriimba she Yuda shishilaangibwa bari Alimaseya. Abe ali umusaani umulayi, nga naye abe aliindilila khukhwiitsa khwe Buyiinga bwa Wele. Ne abe ikhaba nga aba mutweela khu bakhulu be mu lukhobo, ne niye s'afukiilisana ni neesho sheesi baakhalawo ni sheesi baakhola ta. 52Yusufu yuno waatsya isi Pilato, wamuloomba kumulaambo kwa Yesu. 53Aryo wakuwanulayo, wakubowelela musuukha iwaanga, wakura mu &#331;ani iyabeetsebwa mu lwaanda, nga yakhusiikhiwatsakamo umuundu yeesi ta. 54Shifukhu shaba she khukhwi&#331;oona&#331;oona, lwekhuuba Sabato yaba ili aambi khurakikha.</div><div class="p"> 55Ne bakhasi babaloondelela Yesu khukhwaama i Galilaaya, baatsya ni Yusufu, babona i&#331;ani, ni kumulaambo kwa Yesu nga ni kwareebwamo. 56#Luky 20.10; Maka 5.14Lwanyuma bakobolayo ingo, ba&#331;oona&#331;oona bibiwunya bulayi ni kamafura. Ne khu shifukhu sha Sabato bawola, nga likaambila ni liloma.</div>
 </div>
 </div>
</div>

The Bible in Lumasaaba © Bible Society of Uganda, 2016. 

Baryo, babaandu boosi babaaba mu lubusano, benyukha bayila Yesu wa Pilato. Ibweene iyo barakikha khumuwabila nga baloma bari, “Umusaani yuno khwamunyoolele nga akosaasa babaandu be linaambo lyeefwe, nga abareesa khuuwanda kumusolo isi Kayisaali, naluundi nga elaanga khuuba niye Kristo Umuyiinga.”
Kila Pilato waamureeba ari, “Iwe uli Umuyiinga we Bayudaaya?”
Yesu wamwiilamo ari, “Shili nga iwe n'ulomele.”
Aryo Pilato waloma basaayi bakhulu ni lituuli lye babaandu boosi ari, “Ise simbona ilomo iye kumusaango khu muundu yuno ta.”
Ne nibo beloosela khutsuntsumilisa bari, “Niye asasamasa babaandu ni indeekela yeewe mu Yuda mwoosi. Anyoowela mu Galilaaya, ni aluno woolile ni neeno yoosi.”

Ne Pilato nga wawuliile shino, wareeba ari, “Umuundu yuno umu Galilaaya?” Naye n'ashimanyakho ari Yesu ama mu shisiintsa shishiwuliwa ni Herode, wamwakaanisayo isi Herode, uwaba nga naye ali mu Yerusalemu mu bifukhu ibyo.
Ne Herode n'abona Yesu, wekhoya naabi, lwekhuuba awulilatsakakho busa bilomo byeewe, ne nga khukhwaama khaale aba akana khu mubonakho, nga asuubila khubonakho nga akhola she kamakaanga shoosi. Herode wareeba Yesu bireebo bikali, ne Yesu walekha khumwiilamo ni lomo yoosi ta. Basaayi bakhulu ni baleekeli be kamakaambila ka Musa, bemikhawo nga bamutsuntsumilisa naabi. Aryo Herode ni basilikhale beewe, bakhomyaasaka Yesu nga bamutyabila. Bamukwaarisa ingubo imelamela, lwanyuma bamukobosayo isi Pilato. Khukhwaama ni khu shifukhu sheenesho, Herode ni Pilato bekyela be busaale, ne nga abe mataayi baaba babiiyanila.


Pilato walaanga atweela basaayi bakhulu, ni bawuli ni babaandu, waabaloma ari, “Inywe mundereere ano umuundu yuno nga muloma muri akoraanisaka babaandu. Ne bona ise namureebelesile mu moni tseenywe, ne nakhunyoolakho ilomo yoosi ikila mwamuwabila ta. Ikhaba ni Herode naye wakhunyoolakho ilomo yoosi isi mumufunisa ta, lwekhuuba wamukhukoboseele fwabeene nga ni mumubona. Umuundu yuno mbaawo sheesi akholile shishaakhila khumwiirisa ta. Ni nashiryo, ni ngane imale khumulatsakakho, kane imulekhuule.” Ne khu buli mayiiya ke Khuubirakho, abe Pilato ali ni khulekhuulakho umubowe mutweela esi babaandu bakanatsaka bari alekhuulibwe.
Ne lituuli lye babaandu bayokesela angaaki bari, “Uyo n'umwiire, ne ifwe ukhulekhuulile Baraba.” (Ne Baraba uyo aba wabowebwa mu mapuusu lwe khureera shishitulungu shishaba mu shiriimba isho, nilwe bubwiiri.)
Ne Pilato wakanikha luundi isi bali nga akana khulekhuula Yesu. Ne nibo beloosela khuyokesela angaaki bari, “Mutsaangilile khu musalaba, mutsaangilile khu musalaba.”
Aryo Pilato waabakanikhayo luundi ifuunda iye khataru ari, “Ne lwashiina? Shiina shisheene sheesi akholile? Ise simbona ilomo yoosi khu niye ikila yamwiirisa ta. Aso ni kane imale khumulatsakakho, kane imulekhuule.”
Ne nibo beloosela khuyokesela angaaki lukali lweene bari, Yesu aakha atsaangililwe khu musalaba, ni khuuyokesa khwaabwe khwaabiramo. Aryo kila Pilato akhalawo ari, sheesi bakana shibakholewele. Aryo waabalekhuulila umuundu isi baakana, uwaba waabowebwa lwe shishitulungu ni bubwiiri. Ne waawayo Yesu khuumukhola nga ni bakana.

Ulwo basilikhale ni baaba nga bayila Yesu, bawaamba Simoni Umu Kurene, uwaba ama mu shaalo nga etsa mu shiriimba, bamutwikhisa kumusalaba khukusuta nga alondelela Yesu.
Lituuli lye babaandu bakali bamuloondakho, ni mu nibo mwabamo bakhasi babaaba balila luundi nga bamwantsuyila. Ne Yesu weshebukha, waabaloma ari, “Bakhasi be Yerusalemu, mukhaandilila ise ta, ne ni mwililile mwabeene ni babaana beenywe. Lwekhuuba bifukhu bilyoola lweesi babaandu baliloma bari, ‘Nga bali ni tsikhabi bakhasi bakuumba, ni bisoombo bibikhasaalatsakakho ta, ni kamabeele kakakhanunisatsakakho ta.’ Lwanyuma balilakikha khuloma tsinjiinji bari, ‘Ni mukhukwekho,’ ni tsingoongo bari, ‘Ni mukhubiimbilile.’ Lwekhuuba babaandu ni bakhola shino khu kusaala kubisi, ne khu kusaala kukwoomu, shiliiba shiryeena?”

Aabawo basaani babaandi babili, bafuniaaki be kamakaambila, nabo bayilibwa khukhwiiribwila atweela ni Yesu. Ne ni boola mu shifwo sheesi balaanga bari “Shihaanga,” baamutsaangilila abweene awo, atweela ni baafuniaaki be kamakaambila tsana, mutweela khu mukhono kwa Yesu kumulayi, n'ukuundi khu mukhono kumunyeletsi. Yesu waaloma ari, “Paapa, n'ubeyakhile, lwekhuuba sibaamanyile byeesi bali khuukhola ta.”
Baryo baakabanana bikwaaro byeewe nga babikhupilakho buukokha.
Babaandu bemikha balolelela, ni bawuli be Bayudaaya bamwoonela nga baloma bari, “Awonesatsaka babaandi, ari ne yiwonese umweene, noola niye ali Kristo, Umurobole wa Wele.”
Ni basilikhale nabo beetsa bamutsekhelela, beetsa is'ali bamuwa iviini indulutse, nga baloma bari, “Iwe noola uli Umuyiinga we Bayudaaya, ni wiwonese wamweene.”
Ne angaaki khu musalaba kweewe abaawo burone bubuloma buri, “YUNO NIYE UMUYIINGA WE BAYUDAAYA.”
Mutweela khu beesi kumusaango kwafuura, abe uwatsaangililwa atweela ni Yesu warakikha khufwotsola Yesu nga aloma ari, “Iwe s'uli niye Kristo ta? Ni wiwonese wamweene, ni nafwe nafwe ukhuwonese.”
Ne ukuundi uyo wamwikiitsa, nga aloma ari, “Iwe ni khuurya, s'urya Wele ta? Bona ifwe khuli khu shitaambiso shitweela busa ni naye. Ne ifwe, iwe ni nase, kumusaango kwakhufuurire lweebyo byeesi khwakholile. Ne umusaani uyu, mbaawo shiibi shoosi sheesi akholile ta.”
Lwanyuma waloma Yesu ari, “Yesu, ushebulilatsaka lweesi uliitsila mu shiriifwa she buyiinga bwoowo.”
Yesu wamwiilamo ari, “Ilala, ikhuboolela ndi, shaleelo kane ube ni nase mu shifwo she sangaalo mwikulu.”


Ulwo tsisaawa tsaba nga tsisesaba tse mwihangilwe, shishiilima shakwawo khu shiibala shoosi, khukhwoolesa khu saawa nga syeenda tse angoloobe, lwekhuuba inyaanga yakamisa khukhwaburukha. Ni ingubo iyatiimbibwa mu Lisaayilo Likhulu yonuukhamo khabili akari. Yesu waalomela angaaki ni likono likali ari, “Paapa, mu mikhono kyoowo indamo bulamu bwase.” Aryo nga n'amala khuloma aryo, wikhisa kumwoyo kweewe wafwa.
Umukhulu we kamaye n'abona ibyo byoosi bibibeelewo, waabuyila Wele nga aloma ari, “Ilala umusaani yuno abeele umuundu umukwalaafu.”
Ni kamatuuli ke babaandu babaabawo nga baabusaane, ni baabona bibibeelewo bino, bekhupaka mu shifuba nga beelayo ingo waabwe. Ne abo boosi abe babaamanya Yesu, ni bakhasi babaamuloondelela khukhwaama i Galilaaya, beemikha aleeyikho, nga balolelela bibiindu bino byoosi.


Aabawo umusaani lisiina lyeewe Yusufu, uwaba umukhulu mu shiriimba she Yuda shishilaangibwa bari Alimaseya. Abe ali umusaani umulayi, nga naye abe aliindilila khukhwiitsa khwe Buyiinga bwa Wele. Ne abe ikhaba nga aba mutweela khu bakhulu be mu lukhobo, ne niye s'afukiilisana ni neesho sheesi baakhalawo ni sheesi baakhola ta. Yusufu yuno waatsya isi Pilato, wamuloomba kumulaambo kwa Yesu. Aryo wakuwanulayo, wakubowelela musuukha iwaanga, wakura mu ŋani iyabeetsebwa mu lwaanda, nga yakhusiikhiwatsakamo umuundu yeesi ta. Shifukhu shaba she khukhwiŋoonaŋoona, lwekhuuba Sabato yaba ili aambi khurakikha.
Ne bakhasi babaloondelela Yesu khukhwaama i Galilaaya, baatsya ni Yusufu, babona iŋani, ni kumulaambo kwa Yesu nga ni kwareebwamo. Lwanyuma bakobolayo ingo, baŋoonaŋoona bibiwunya bulayi ni kamafura. Ne khu shifukhu sha Sabato bawola, nga likaambila ni liloma.

Slušajte Luka 23