Ixil, San Juan Cotzal - 2001 Edition (NT)

<div class="version vid247 iso6393ixl" data-vid="247" data-iso6393="ixl">
 <div class="book bkMAT">
 <div class="chapter ch18" data-usfm="MAT.18">
 <div class="label">18</div><div class="s1">U je&#42892;saib&#42892;</div><div class="p"> 1Unchee&#42892; aatz i&#42892;ana, xaan opon q&#42892;u chusulib&#42892; k&#42892;atz u Jesuus utz, tal te ech tza&#42892;: &#8212;&#191;Ab&#42892;iste ma&#42892;j qe aas nim tijle&#42892;m si&#42892;an tu viQ&#42892;esalail u Tioxh tu Amlika?&#8212; Texh te.</div><div class="p"> 2Ech isik&#42892;le ul ma&#42892;l tal nitxa&#42892; u Jesuus. Itxakb&#42892;a&#42892; tixo&#42892;l. 3Utz tal ech tza&#42892;: &#8212;Ni&#42892;xhtek&#42892;val sete, sa&#42892;kojoko&#42892;p&#42892;ex tu viQ&#42892;esalail u Tioxh tu Amlika oj ye&#42892;k sach&#42892;exp&#42892;ex; oj ye&#42892;k seb&#42892;ensa etib&#42892; echa&#42892; ex tal nitxa&#42892; aas maanxho. 4Tan ab&#42892;iste va&#42892;l sataq&#42892; b&#42892;en tib&#42892; ch&#42892;oo echa&#42892; u tal nitxa&#42892; tza&#42892;, a&#42892; va&#42892;l nim tijle&#42892;m si&#42892;an tu viQ&#42892;esalail u Tioxh tu Amlika. 5Utz ab&#42892;il lak&#42892;ulun ma&#42892;l tal nitxa&#42892; tunb&#42892;ii echa&#42892; tza&#42892;, in a&#42892; nik&#42892;ulin tzi&#42892;.</div><div class="p"> 6Pek ab&#42892;il va&#42892;l sa&#42892;aq&#42892;on b&#42892;en ma&#42892;j q&#42892;u ch&#42892;ooal niman vetz tu paav, aal tek b&#42892;a&#42892;n saqitzax ok ma&#42892;l mam sivan siqul, che&#42892;b&#42892; triigo, ech se&#42892;nk&#42892;onaxoj oko&#42892;p tu u mar. 7Tilayol u paav tu u vatz tx&#42892;ava&#42892; tza&#42892; va&#42892;l niaq&#42892;on ku&#42892; q&#42892;u aanima. Loq&#42892; ech chitu&#42892; atzi&#42892;. Pek a&#42892; tiira tilayol saya&#42892;k u aanima va&#42892;l sataq&#42892; b&#42892;en imol tu paav. 8Ech toke&#42892; oj nitaq&#42892;b&#42892;enaxh vaq&#42892;ab&#42892; val aajan tu paav, aal tek b&#42892;a&#42892;n seesa. Tan k&#42892;uxh axh kut q&#42892;ab&#42892; utz, k&#42892;uxh axh kut ajan, ta&#42892;xhtzii so&#42892;okop&#42892;axh tu b&#42892;enq&#42892;ii b&#42892;ensaj. Tan k&#42892;uxh tz&#42892;ajel chit aq&#42892;ab&#42892; aajan, tilayol oj a&#42892; yakk&#42892;axh tu xamal u choob&#42892;al paav va&#42892;l ye&#42892;k iya&#42892;e&#42892;. 9Utz oj aal nitaq&#42892;b&#42892;enaxh u b&#42892;aq&#42892; avatz tu paav, yaaq&#42892; tzii tu u tacha&#42892;v. Aal b&#42892;a&#42892;n seesa tan, k&#42892;uxh ma&#42892;l ko&#42892;n b&#42892;aq&#42892; avatz, ta&#42892;xhtzii so&#42892;oko&#42892;p&#42892;axh tu b&#42892;enq&#42892;ii b&#42892;ensaj. Pek k&#42892;uxh tz&#42892;ajel ka&#42892;va&#42892;l b&#42892;aq&#42892; avatz, tilayol untz&#42892;oj a&#42892; yakk&#42892;axh tu u xamal u choob&#42892;al paav.</div><div class="s1">U tatin junun q&#42892;u aanimavatz u Tioxh</div><div class="p"> 10Ech toke&#42892;, kuenta&#42892;ex. Eteesach ko&#42892;xh iq&#42892;ii q&#42892;u ch&#42892;ooal niman vetz. Tan nojchit nivale&#42892; atil aanjel xeen tetz tu vunTat tu Amlika. 11[Tan aatz u K&#42892;aola va&#42892;l b&#42892;ennaj ko&#42892;n aanima, a&#42892; ul teesa tu u paav q&#42892;u&#42892;l ma&#42892;tich itz&#42892;ejxe&#42892;.]</div><div class="p"> 12&#191;Kam b&#42892;oj saelka nenache&#42892;? Atil koj ma&#42892;j vinaj aas 100 ikarne&#42892;l atile. Pek satz&#42892;ejxuka ma&#42892;j te. &#191;Oj tzik ye&#42892; sataq&#42892;ka va&#42892;t u 99 tzi&#42892; utz, se&#42892;nichok u tz&#42892;ejxinaj tulaj ja&#42892;jtze&#42892;? 13Ech oj lichab&#42892;a, ni&#42892;xhtek&#42892;val sete aas sa&#42892;xhtxuq&#42892;txun ti&#42892;. Paalch itxuq&#42892;txun ti&#42892; si&#42892;an vatz u 99 karne&#42892;l q&#42892;u&#42892;l yit&#42892; tz&#42892;ejxinaj koj. 14Utz echat ko&#42892;xh majte, yit&#42892; itxumb&#42892;al koj u kuTat tu Amlika aas satz&#42892;ejxu ma&#42892;j tu q&#42892;u ch&#42892;ooal niman vetz tzi&#42892;.</div><div class="s1">U tok ib&#42892;a&#42892;n q&#42892;u niman tetzu Jesuus tib&#42892;ilaj</div><div class="p"> 15Ech toke&#42892;, oj kam si&#42892;an vahermano see, al te, ka&#42892;l ko&#42892;xh axaan tuch&#42892;. Ech oj likan tab&#42892;il tokeb&#42892;al, vetooksal tu jik atzi&#42892;. Ech q&#42892;aavi ab&#42892;an b&#42892;a&#42892;n tuch&#42892;. 16Pek oj ye&#42892; ko&#42892;n likan tab&#42892;ile&#42892;, iq&#42892;o tek b&#42892;en ma&#42892;j oj ka&#42892;vo&#42892;j amol sai&#42892;. Ech ka&#42892;vo&#42892;j oxvo&#42892;j aanima sailon vinujul va&#42892;l saal te.#18.16 Choktaj u Deuteronoomio 19.15. 17Pek oj ye&#42892; ko&#42892;n paj latab&#42892;i tokeb&#42892;al vatz q&#42892;ul amol tzi&#42892;, al tek vatz q&#42892;u aanima niman tetz u Tioxh. Pek oj ye&#42892; ko&#42892;n paj likan tab&#42892;il tokeb&#42892;al va&#42892;l la&#42892;alax te tu q&#42892;u aanima niman tetz u Tioxh, aq&#42892; tek b&#42892;en aanima ye&#42892; tootzaj Tioxh, echa&#42892; q&#42892;u sub&#42892;ulla jajol ja&#42892;mel alkavaar. 18Tan ni&#42892;xhtek&#42892;val sete, kajay va&#42892;l seqitz tu u vatz tx&#42892;ava&#42892; tza&#42892;, saqitzpu tu Amlika majte. Utz kam va&#42892;l sechitpu tu u vatz tx&#42892;ava&#42892; tza&#42892;, sachitpu tu Amlika majte.</div><div class="p"> 19Utz nipajval sete majte oj atil ka&#42892;vo&#42892;j ex senuk&#42892; sevatz tu u vatz tx&#42892;ava&#42892; tza&#42892;, aas kam ko&#42892;xh ma&#42892;j ib&#42892;ii sejaje&#42892;, saaq&#42892;ax sete tu vunTat tu Amlika. 20Tan til molelku tib&#42892; ka&#42892;vo&#42892;j oxvo&#42892;j aanima ti&#42892; vunb&#42892;ii, latzi&#42892; atilk&#42892;in tixo&#42892;l majte.&#8212; Texhtu&#42892;.</div><div class="s1">Vichusun u Jesuus ti&#42892; u kuyu&#42892;m</div><div class="p"> 21Ech xaan opon u Lu&#42892; k&#42892;atz u Jesuus utz, tal te ech tza&#42892;: &#8212;&#191;UnB&#42892;aal jatpajul sunkuy ipaav vunhermano va&#42892;l kam ko&#42892;xh si&#42892;an ve? &#191;Jujpajul ko&#42892;n tzik?&#8212; Texhtu&#42892;.</div><div class="p"> 22Tal u Jesuus te ech tza&#42892;: &#8212;Jujpajul ko&#42892;n chajkojin see, pek jujpajul 70 sakuye&#42892;.</div><div class="p"> 23Aatz viQ&#42892;esalail u Tioxh tu Amlika, ela tuch&#42892; ma&#42892;l u ijlenal va&#42892;l i&#42892;an ti&#42892; jank&#42892;al itx&#42892;oj q&#42892;u taq&#42892;onom atil tzixe&#42892;. 24Utz aatz xe&#42892;t i&#42892;an ti&#42892;, iq&#42892;ol opon ma&#42892;l u taq&#42892;onom siatz aas ma&#42892;l 60,000 ija&#42892;mel q&#42892;ii aq&#42892;on itx&#42892;oj tzixe&#42892;. 25Aatz u vinaj tzi&#42892; tan, ye&#42892;t ole&#42892; ti&#42892; ichool vitx&#42892;oj. Ech aatz u ijlenal tal tek ik&#42892;ayil ok vatz aq&#42892;on tuch&#42892; tixoj, ik&#42892;aol, ime&#42892;al utz, tuch&#42892; kajay q&#42892;u tetz atile. Ech se&#42892;el vitx&#42892;oj tala. 26Pek peche&#42892; ku&#42892; u aq&#42892;onom vatz u b&#42892;aal taq&#42892;on, ijaj kuyb&#42892;al te. Tal te ech tza&#42892;: &#171;&#161;Kuyin! Ch&#42892;iab&#42892;itojin, unb&#42892;aal tan, sunchoo kajay vuntx&#42892;oj tzaxe&#42892;.&#187; Texh te. 27Ech txumax iatz u aq&#42892;onom tu u b&#42892;aal taq&#42892;on tzi&#42892; utz, ikuy ti&#42892; vitx&#42892;oj. Ech ichajpu.</div><div class="p"> 28Pek ta&#42892;xh elk&#42892;asu&#42892;l u aq&#42892;onom va&#42892;l kuyli tzi&#42892;, til tib&#42892; tuch&#42892; va&#42892;t u tetz aq&#42892;onomil atich itx&#42892;oj tzixe&#42892;. Ija&#42892;mel 100 q&#42892;ii aq&#42892;on vitx&#42892;oj. Utz itxaya, ipoch&#42892;i siqul tuul nichtal te ech tza&#42892;: &#171;&#161;Choo ko&#42892;n vatx&#42892;oj tzunxe&#42892; cheel!&#187; Chu te. 29Ech aatz u tetz aq&#42892;onomil tzi&#42892; tan, peche&#42892; siatz utz, nichijajab&#42892;e ech tza&#42892;: &#171;&#161;Kuyin! Ch&#42892;iab&#42892;itojin tan, sunchoo kajay vuntx&#42892;oj tzaxe&#42892;.&#187; Texh te. 30Pek aatz u aq&#42892;onom tzi&#42892; tan, ye&#42892;t ko&#42892;n isa&#42892;a. Ech tal tok tu tze&#42892;, ichoo nal kajay vitx&#42892;oj tala.</div><div class="p"> 31Unchee&#42892; ilax tunjot q&#42892;u tetz aq&#42892;onomil. Motx chit txumun ti&#42892; kam va&#42892;l b&#42892;anax tu vimol tzi&#42892; utz, ex tek tal tu u b&#42892;aal taq&#42892;on kam va&#42892;l motx tila. 32Ech aatz u b&#42892;aal aq&#42892;on tan, isavsa tek u aq&#42892;onom tzi&#42892; utz, tal te ech tza&#42892;: &#171;&#161;Onkonla aq&#42892;onom! &#161;Vetunkuyaxh ti&#42892; kajay vatx&#42892;oj tan, vetajaj kuyb&#42892;al ve! 33Pek &#191;kantu&#42892; yit&#42892; ech koj itxuml iatz vamol veta&#42892;ana, echa&#42892; untxumt aatz?&#187; Texh te. 34Ech techal ilakp ivi&#42892; u b&#42892;aal taq&#42892;on ti&#42892;. Toksa tiq&#42892;ab&#42892; q&#42892;u tz&#42892;u&#42892;man preexhu utz, ichoo nal kajay vitx&#42892;oj tzixe&#42892;. 35Echat si&#42892;an vunTat tu Amlika sete majte, oj yit&#42892; tuch&#42892; etaanima sekuy ipaav emol.&#8212; Texh u Jesuus.</div>
 </div>
 </div>
</div>

Uncheeꞌ aatz iꞌana, xaan opon qꞌu chusulibꞌ kꞌatz u Jesuus utz, tal te ech tzaꞌ: —¿Abꞌiste maꞌj qe aas nim tijleꞌm siꞌan tu viQꞌesalail u Tioxh tu Amlika?— Texh te.
Ech isikꞌle ul maꞌl tal nitxaꞌ u Jesuus. Itxakbꞌaꞌ tixoꞌl. Utz tal ech tzaꞌ: —Niꞌxhtekꞌval sete, saꞌkojokoꞌpꞌex tu viQꞌesalail u Tioxh tu Amlika oj yeꞌk sachꞌexpꞌex; oj yeꞌk sebꞌensa etibꞌ echaꞌ ex tal nitxaꞌ aas maanxho. Tan abꞌiste vaꞌl sataqꞌ bꞌen tibꞌ chꞌoo echaꞌ u tal nitxaꞌ tzaꞌ, aꞌ vaꞌl nim tijleꞌm siꞌan tu viQꞌesalail u Tioxh tu Amlika. Utz abꞌil lakꞌulun maꞌl tal nitxaꞌ tunbꞌii echaꞌ tzaꞌ, in aꞌ nikꞌulin tziꞌ.
Pek abꞌil vaꞌl saꞌaqꞌon bꞌen maꞌj qꞌu chꞌooal niman vetz tu paav, aal tek bꞌaꞌn saqitzax ok maꞌl mam sivan siqul, cheꞌbꞌ triigo, ech seꞌnkꞌonaxoj okoꞌp tu u mar. Tilayol u paav tu u vatz txꞌavaꞌ tzaꞌ vaꞌl niaqꞌon kuꞌ qꞌu aanima. Loqꞌ ech chituꞌ atziꞌ. Pek aꞌ tiira tilayol sayaꞌk u aanima vaꞌl sataqꞌ bꞌen imol tu paav. Ech tokeꞌ oj nitaqꞌbꞌenaxh vaqꞌabꞌ val aajan tu paav, aal tek bꞌaꞌn seesa. Tan kꞌuxh axh kut qꞌabꞌ utz, kꞌuxh axh kut ajan, taꞌxhtzii soꞌokopꞌaxh tu bꞌenqꞌii bꞌensaj. Tan kꞌuxh tzꞌajel chit aqꞌabꞌ aajan, tilayol oj aꞌ yakkꞌaxh tu xamal u choobꞌal paav vaꞌl yeꞌk iyaꞌeꞌ. Utz oj aal nitaqꞌbꞌenaxh u bꞌaqꞌ avatz tu paav, yaaqꞌ tzii tu u tachaꞌv. Aal bꞌaꞌn seesa tan, kꞌuxh maꞌl koꞌn bꞌaqꞌ avatz, taꞌxhtzii soꞌokoꞌpꞌaxh tu bꞌenqꞌii bꞌensaj. Pek kꞌuxh tzꞌajel kaꞌvaꞌl bꞌaqꞌ avatz, tilayol untzꞌoj aꞌ yakkꞌaxh tu u xamal u choobꞌal paav.

Ech tokeꞌ, kuentaꞌex. Eteesach koꞌxh iqꞌii qꞌu chꞌooal niman vetz. Tan nojchit nivaleꞌ atil aanjel xeen tetz tu vunTat tu Amlika. [Tan aatz u Kꞌaola vaꞌl bꞌennaj koꞌn aanima, aꞌ ul teesa tu u paav qꞌuꞌl maꞌtich itzꞌejxeꞌ.]
¿Kam bꞌoj saelka nenacheꞌ? Atil koj maꞌj vinaj aas 100 ikarneꞌl atile. Pek satzꞌejxuka maꞌj te. ¿Oj tzik yeꞌ sataqꞌka vaꞌt u 99 tziꞌ utz, seꞌnichok u tzꞌejxinaj tulaj jaꞌjtzeꞌ? Ech oj lichabꞌa, niꞌxhtekꞌval sete aas saꞌxhtxuqꞌtxun tiꞌ. Paalch itxuqꞌtxun tiꞌ siꞌan vatz u 99 karneꞌl qꞌuꞌl yitꞌ tzꞌejxinaj koj. Utz echat koꞌxh majte, yitꞌ itxumbꞌal koj u kuTat tu Amlika aas satzꞌejxu maꞌj tu qꞌu chꞌooal niman vetz tziꞌ.

Ech tokeꞌ, oj kam siꞌan vahermano see, al te, kaꞌl koꞌxh axaan tuchꞌ. Ech oj likan tabꞌil tokebꞌal, vetooksal tu jik atziꞌ. Ech qꞌaavi abꞌan bꞌaꞌn tuchꞌ. Pek oj yeꞌ koꞌn likan tabꞌileꞌ, iqꞌo tek bꞌen maꞌj oj kaꞌvoꞌj amol saiꞌ. Ech kaꞌvoꞌj oxvoꞌj aanima sailon vinujul vaꞌl saal te. Pek oj yeꞌ koꞌn paj latabꞌi tokebꞌal vatz qꞌul amol tziꞌ, al tek vatz qꞌu aanima niman tetz u Tioxh. Pek oj yeꞌ koꞌn paj likan tabꞌil tokebꞌal vaꞌl laꞌalax te tu qꞌu aanima niman tetz u Tioxh, aqꞌ tek bꞌen aanima yeꞌ tootzaj Tioxh, echaꞌ qꞌu subꞌulla jajol jaꞌmel alkavaar. Tan niꞌxhtekꞌval sete, kajay vaꞌl seqitz tu u vatz txꞌavaꞌ tzaꞌ, saqitzpu tu Amlika majte. Utz kam vaꞌl sechitpu tu u vatz txꞌavaꞌ tzaꞌ, sachitpu tu Amlika majte.
Utz nipajval sete majte oj atil kaꞌvoꞌj ex senukꞌ sevatz tu u vatz txꞌavaꞌ tzaꞌ, aas kam koꞌxh maꞌj ibꞌii sejajeꞌ, saaqꞌax sete tu vunTat tu Amlika. Tan til molelku tibꞌ kaꞌvoꞌj oxvoꞌj aanima tiꞌ vunbꞌii, latziꞌ atilkꞌin tixoꞌl majte.— Texhtuꞌ.

Ech xaan opon u Luꞌ kꞌatz u Jesuus utz, tal te ech tzaꞌ: —¿UnBꞌaal jatpajul sunkuy ipaav vunhermano vaꞌl kam koꞌxh siꞌan ve? ¿Jujpajul koꞌn tzik?— Texhtuꞌ.
Tal u Jesuus te ech tzaꞌ: —Jujpajul koꞌn chajkojin see, pek jujpajul 70 sakuyeꞌ.
Aatz viQꞌesalail u Tioxh tu Amlika, ela tuchꞌ maꞌl u ijlenal vaꞌl iꞌan tiꞌ jankꞌal itxꞌoj qꞌu taqꞌonom atil tzixeꞌ. Utz aatz xeꞌt iꞌan tiꞌ, iqꞌol opon maꞌl u taqꞌonom siatz aas maꞌl 60,000 ijaꞌmel qꞌii aqꞌon itxꞌoj tzixeꞌ. Aatz u vinaj tziꞌ tan, yeꞌt oleꞌ tiꞌ ichool vitxꞌoj. Ech aatz u ijlenal tal tek ikꞌayil ok vatz aqꞌon tuchꞌ tixoj, ikꞌaol, imeꞌal utz, tuchꞌ kajay qꞌu tetz atile. Ech seꞌel vitxꞌoj tala. Pek pecheꞌ kuꞌ u aqꞌonom vatz u bꞌaal taqꞌon, ijaj kuybꞌal te. Tal te ech tzaꞌ: «¡Kuyin! Chꞌiabꞌitojin, unbꞌaal tan, sunchoo kajay vuntxꞌoj tzaxeꞌ.» Texh te. Ech txumax iatz u aqꞌonom tu u bꞌaal taqꞌon tziꞌ utz, ikuy tiꞌ vitxꞌoj. Ech ichajpu.
Pek taꞌxh elkꞌasuꞌl u aqꞌonom vaꞌl kuyli tziꞌ, til tibꞌ tuchꞌ vaꞌt u tetz aqꞌonomil atich itxꞌoj tzixeꞌ. Ijaꞌmel 100 qꞌii aqꞌon vitxꞌoj. Utz itxaya, ipochꞌi siqul tuul nichtal te ech tzaꞌ: «¡Choo koꞌn vatxꞌoj tzunxeꞌ cheel!» Chu te. Ech aatz u tetz aqꞌonomil tziꞌ tan, pecheꞌ siatz utz, nichijajabꞌe ech tzaꞌ: «¡Kuyin! Chꞌiabꞌitojin tan, sunchoo kajay vuntxꞌoj tzaxeꞌ.» Texh te. Pek aatz u aqꞌonom tziꞌ tan, yeꞌt koꞌn isaꞌa. Ech tal tok tu tzeꞌ, ichoo nal kajay vitxꞌoj tala.
Uncheeꞌ ilax tunjot qꞌu tetz aqꞌonomil. Motx chit txumun tiꞌ kam vaꞌl bꞌanax tu vimol tziꞌ utz, ex tek tal tu u bꞌaal taqꞌon kam vaꞌl motx tila. Ech aatz u bꞌaal aqꞌon tan, isavsa tek u aqꞌonom tziꞌ utz, tal te ech tzaꞌ: «¡Onkonla aqꞌonom! ¡Vetunkuyaxh tiꞌ kajay vatxꞌoj tan, vetajaj kuybꞌal ve! Pek ¿kantuꞌ yitꞌ ech koj itxuml iatz vamol vetaꞌana, echaꞌ untxumt aatz?» Texh te. Ech techal ilakp iviꞌ u bꞌaal taqꞌon tiꞌ. Toksa tiqꞌabꞌ qꞌu tzꞌuꞌman preexhu utz, ichoo nal kajay vitxꞌoj tzixeꞌ. Echat siꞌan vunTat tu Amlika sete majte, oj yitꞌ tuchꞌ etaanima sekuy ipaav emol.— Texh u Jesuus.

Slušajte Mateo 18