Nkoya - 2010 Edition (NT) Drama

<div class="version vid3091 iso6393nka" data-vid="3091" data-iso6393="nka">
 <div class="book bkLUK">
 <div class="chapter ch14" data-usfm="LUK.14">
 <div class="label">14</div><div class="s1">Yeshu ukunyongomanisha mulume mukakukola</div><div class="p"> 1Mutena umo Wakukatala Yeshu wenginine mu litala lya Kafwalishi wa mukulwane na kulya ncima, pe bantu bamuconcomekele. 2Kwezile mulume umo kuli Yeshu wekalile na wulweli wakuzimbazimba. 3Yeshu wambile ku bakakulongesha ndayano na Bafwalishi ngayi, &#8220;Kati ndayano zikwitabilisha kunyongomanisha muntu ha Mutena Wakukatala ndi?&#8221;</div><div class="p"> 4Ngoboni bamwenene. Yeshu washimbile uya mulume, wamunyongomanishile, niho amutongwezele ngayi aye. 5#Mat 12:11. Kami wabepwile ngayi, &#8220;Kati yani kukwenu, ndi mwanendi wa mulume hinge pulu yendi binawili mu liteke, ukubula ku nyankupa kumufumishamo ndaba ngayi ha Mutena Wakukatala?&#8221;</div><div class="p"> 6Bakwangile kumukumbula hanebye.</div><div class="s1">Kulilimbwilisha na kuyumbula bayeni</div><div class="p"> 7Oho Yeshu atoshele ngayi baya behaniwile bahatile bipona bya kumbili, wambile nguli kukwabo ngayi, 8#Zinc 25:6-7. &#8220;Oho unehaniwi ku shimbo sha shifupawenga, hinga wikala ku mwanya wakumbili, kutina kampe ku naba banehaniwi kukwiza wamuleemu kupitakana obe. 9Ou unamihana ubili wenu, ukamba kukwobe ngayi, &#8216;Pana ou muntu shipona.&#8217; Niho ukayuvwa lisheni na kwikala ha shipona sha mamaninino. 10Ngoboni oho unehaniwi, yanga ukekale ha shipona sha kunyima, ngayi oho uya unakwihana eza, ukamba kukwobe ngayi, &#8216;Muhoni, yanga ukekale kumbili.&#8217; Eshe shikakuletela maleema ha meho abaminobe banehaniwi nimwabo. 11#Mat 23:12; Luka 18:14. Ndaba ou nimwendi wakulinenehesha ukashepeshiwa, kami ou ukulishepesha ukaneneheshiwa.&#8221;</div><div class="p"> 12Niho Yeshu ambile kuli uya wamwihanine ngayi, &#8220;Oho ukutenda byakulya bya mwaana hinge bya mulalilo, hinga wihana bahoni bobe hinge bawushinda wobe hinge lupashi lwobe hinge bandambo bobe ba kuheta. Kutina nibo kami bakakwihana, bakubweshele ebye wabapanine. 13Ngoboni ndi unapingi shimbo yihana ba kushepwa, bihole, ba kupenga mawulu na tushishitwa, 14pe ukatambula mfuywezi ndaba bakabula bya kukubweshela. Nyambi ukakubweshela ha mutena waku shanguka kwa bakakwoloka.&#8221;</div><div class="s1">Nguli ya shimbo shashinene</div><div class="r">(Mateo 22:1-10)</div><div class="p"> 15Umo hanobo bekalile nendi ku tebulu oho ayuvwile eshe ambile kuli Yeshu ngayi, &#8220;Uli na mfuywezi ou ukekala ku shimbo mu Wene wa Nyambi!&#8221;</div><div class="p"> 16Yeshu wambile kukwendi ngayi, &#8220;Shikati shimo muntu umo watendele shimbo shashinene, kami wehanine bantu babengi. 17Watumine mukamulimo wendi ha shikati sha kulya na ku shimikila baya behaniwile ngayi, &#8216;Yekenu, ndaba nimwabyo byawahakale!&#8217; 18Ngoboni nimwabo batatikile kukweshoka. Wa kutatika wambile kukwendi ngayi, &#8216;Nalanda mfuba, kami nafwanini kuya na kuyimona, nikulomba ngayi mu nyatileko.&#8217; 19Wamina wambile ngayi, &#8216;Nalanda mapulu likumi, kami nili na kuwezeka, nikulomba ngayi mu nyatileko.&#8217; 20Wamina kami wambile ngayi, &#8216;Nayeke wuluno, nohobene kutwesha kwiza nifwako.&#8217;</div><div class="p"> 21&#8220;Mukamulimo uyo wabokele, watongwezele hekulyendi byuma ebye. Niho mwine litala apilamine shikuma, wambile ku mukamulimo uyo ngayi, &#8216;Yanga wanguwangu mu zinzila na ku zimbanza za mu munzi, ulete kuno ba kushepwa, bihole, tushishitwa na ba kupenga mawulu.&#8217; 22Mukamulimo uyo wambile ngayi, &#8216;Hekulu, eshe unalaya shinatendiwi, ngoboni mwanya nikowushili.&#8217; 23Niho hekulyendi ambile kukwendi ngayi, &#8216;Yanga ku mikwakwa na mu litunga, ukakandikize bantu beze bengine ngayi litala lyami linzale. 24Nikumitongweza ngayi, kowa umo ku baya balume nehanine ukayela ku mayambwayambwa wami!&#8217; &#8221;</div><div class="s1">Ndando ya kwinga ndongesha</div><div class="r">(Mateo 10:37-38)</div><div class="p"> 25Likunge lya bantu babengi bayilenga hamo na Yeshu, pe wafutukile na kwamba kukwabo ngayi, 26#Mat 10:37. &#8220;Muntu ndi ukwiza kukwami kwakubula kuzimba tatiyendi na mandiyendi, mukazendi na bana bendi, bawushinda wendi na bampanzendi, hinge wumi wendi, kutwesha kwinga ndongesha wami wufwako. 27#Mat 10:38; 16:24; Mako 8:34; Luka 9:23. Kami nimwendi ukubula kushimba shishempakano shendi na kunkonka, kutwesha kwinga ndongesha wami wufwako. 28Yani hakati kenu ndi ukushinga kutenda litala, ha kubula kwikala taha hanci na kufwanikiza ndando yalyo amone ndi uli na mali akutwesha kumanisha nawo? 29Ndaba ndi ukuzika mwimbi na kukwanga kumanisha mulimo, bantu bakamonako nimwabo bakatatika kumukumangiza, 30na kwamba ngayi, &#8216;Ou muntu watatikile kutenda, ngoboni wakwanga kumanisha!&#8217;</div><div class="p"> 31&#8220;Hinge mwene ngani ukushinga kulwisha mwene wamina, ha kubula kwikala taha hanci na kuhanganika ngayi kati ukutwesha kuliyavwisha na nzita ya bantu ba makulukazi likumi kulihangana na uyo ukwiza na nzita ya bantu ba makulukazi makumi abili? 32Ndi kutwesha wufwako noho, wamina oho ushili kwakutali, niye ukatuma bantumwana mu kunyepa ku mwena. 33Nahiyo kami nimwendi hakati kenu wakubula kulihupwiza ku nimwabyo alinabyo, kutwesha kwinga ndongesha wami wufwako.</div><div class="s1">Mushele wawuhamu</div><div class="r">(Mateo 5:13; Mako 9:50)</div><div class="p"> 34&#8220;Mushele wenga shuma shashitobe, ngoboni ndi mushele unahamuku ukatobalishiwa nahiti? 35Kuwahisha limvu hinge kuwinga wilo kutwesheka wufwako ngoboni bantu ba kuwuyumbila ha munkanda. Ou uli na matu akuyuvwa, ayuvwe!&#8221;</div>
 </div>
 </div>
</div>

Libuka Lya Kuyela © Bible Society of Zambia, 2020.

Mutena umo Wakukatala Yeshu wenginine mu litala lya Kafwalishi wa mukulwane na kulya ncima, pe bantu bamuconcomekele. Kwezile mulume umo kuli Yeshu wekalile na wulweli wakuzimbazimba. Yeshu wambile ku bakakulongesha ndayano na Bafwalishi ngayi, “Kati ndayano zikwitabilisha kunyongomanisha muntu ha Mutena Wakukatala ndi?”
Ngoboni bamwenene. Yeshu washimbile uya mulume, wamunyongomanishile, niho amutongwezele ngayi aye. Kami wabepwile ngayi, “Kati yani kukwenu, ndi mwanendi wa mulume hinge pulu yendi binawili mu liteke, ukubula ku nyankupa kumufumishamo ndaba ngayi ha Mutena Wakukatala?”
Bakwangile kumukumbula hanebye.

Oho Yeshu atoshele ngayi baya behaniwile bahatile bipona bya kumbili, wambile nguli kukwabo ngayi, “Oho unehaniwi ku shimbo sha shifupawenga, hinga wikala ku mwanya wakumbili, kutina kampe ku naba banehaniwi kukwiza wamuleemu kupitakana obe. Ou unamihana ubili wenu, ukamba kukwobe ngayi, ‘Pana ou muntu shipona.’ Niho ukayuvwa lisheni na kwikala ha shipona sha mamaninino. Ngoboni oho unehaniwi, yanga ukekale ha shipona sha kunyima, ngayi oho uya unakwihana eza, ukamba kukwobe ngayi, ‘Muhoni, yanga ukekale kumbili.’ Eshe shikakuletela maleema ha meho abaminobe banehaniwi nimwabo. Ndaba ou nimwendi wakulinenehesha ukashepeshiwa, kami ou ukulishepesha ukaneneheshiwa.”
Niho Yeshu ambile kuli uya wamwihanine ngayi, “Oho ukutenda byakulya bya mwaana hinge bya mulalilo, hinga wihana bahoni bobe hinge bawushinda wobe hinge lupashi lwobe hinge bandambo bobe ba kuheta. Kutina nibo kami bakakwihana, bakubweshele ebye wabapanine. Ngoboni ndi unapingi shimbo yihana ba kushepwa, bihole, ba kupenga mawulu na tushishitwa, pe ukatambula mfuywezi ndaba bakabula bya kukubweshela. Nyambi ukakubweshela ha mutena waku shanguka kwa bakakwoloka.”


Umo hanobo bekalile nendi ku tebulu oho ayuvwile eshe ambile kuli Yeshu ngayi, “Uli na mfuywezi ou ukekala ku shimbo mu Wene wa Nyambi!”
Yeshu wambile kukwendi ngayi, “Shikati shimo muntu umo watendele shimbo shashinene, kami wehanine bantu babengi. Watumine mukamulimo wendi ha shikati sha kulya na ku shimikila baya behaniwile ngayi, ‘Yekenu, ndaba nimwabyo byawahakale!’ Ngoboni nimwabo batatikile kukweshoka. Wa kutatika wambile kukwendi ngayi, ‘Nalanda mfuba, kami nafwanini kuya na kuyimona, nikulomba ngayi mu nyatileko.’ Wamina wambile ngayi, ‘Nalanda mapulu likumi, kami nili na kuwezeka, nikulomba ngayi mu nyatileko.’ Wamina kami wambile ngayi, ‘Nayeke wuluno, nohobene kutwesha kwiza nifwako.’
“Mukamulimo uyo wabokele, watongwezele hekulyendi byuma ebye. Niho mwine litala apilamine shikuma, wambile ku mukamulimo uyo ngayi, ‘Yanga wanguwangu mu zinzila na ku zimbanza za mu munzi, ulete kuno ba kushepwa, bihole, tushishitwa na ba kupenga mawulu.’ Mukamulimo uyo wambile ngayi, ‘Hekulu, eshe unalaya shinatendiwi, ngoboni mwanya nikowushili.’ Niho hekulyendi ambile kukwendi ngayi, ‘Yanga ku mikwakwa na mu litunga, ukakandikize bantu beze bengine ngayi litala lyami linzale. Nikumitongweza ngayi, kowa umo ku baya balume nehanine ukayela ku mayambwayambwa wami!’ ”


Likunge lya bantu babengi bayilenga hamo na Yeshu, pe wafutukile na kwamba kukwabo ngayi, “Muntu ndi ukwiza kukwami kwakubula kuzimba tatiyendi na mandiyendi, mukazendi na bana bendi, bawushinda wendi na bampanzendi, hinge wumi wendi, kutwesha kwinga ndongesha wami wufwako. Kami nimwendi ukubula kushimba shishempakano shendi na kunkonka, kutwesha kwinga ndongesha wami wufwako. Yani hakati kenu ndi ukushinga kutenda litala, ha kubula kwikala taha hanci na kufwanikiza ndando yalyo amone ndi uli na mali akutwesha kumanisha nawo? Ndaba ndi ukuzika mwimbi na kukwanga kumanisha mulimo, bantu bakamonako nimwabo bakatatika kumukumangiza, na kwamba ngayi, ‘Ou muntu watatikile kutenda, ngoboni wakwanga kumanisha!’
“Hinge mwene ngani ukushinga kulwisha mwene wamina, ha kubula kwikala taha hanci na kuhanganika ngayi kati ukutwesha kuliyavwisha na nzita ya bantu ba makulukazi likumi kulihangana na uyo ukwiza na nzita ya bantu ba makulukazi makumi abili? Ndi kutwesha wufwako noho, wamina oho ushili kwakutali, niye ukatuma bantumwana mu kunyepa ku mwena. Nahiyo kami nimwendi hakati kenu wakubula kulihupwiza ku nimwabyo alinabyo, kutwesha kwinga ndongesha wami wufwako.


“Mushele wenga shuma shashitobe, ngoboni ndi mushele unahamuku ukatobalishiwa nahiti? Kuwahisha limvu hinge kuwinga wilo kutwesheka wufwako ngoboni bantu ba kuwuyumbila ha munkanda. Ou uli na matu akuyuvwa, ayuvwe!”

Slušaj Luka 14