Bible translation: Lomwe © The Bible Society of Malawi, 2014 www.biblesociety-malawi.org/ Recording of Lomwe New Testament ℗ Hosanna, 2017

Elhomwe - 2014 MWI (NT) Non Drama

Elhomwe - 2014 MWI (NT) Drama

<div class="version vid3325 iso6393lon" data-vid="3325" data-iso6393="lon">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">Yesu ni Zakeyu</div><div class="p"> 1Yesu va olendwaaye aayeella m'muzindani wa Yeriko. 2Wenko waakhalla muthu nnddina naye Zakeyu. Aari muullupalli a ookhomiha musonkho nave aakhalla ni eyuuma. 3Nave aapaalla omoona Yesu wi aari aani koma aari ookhuveya, sika khaaworille omoona Yesu ekaamba ya mulloko wa athu. 4Aathamakella vahoollo va mulloko wa athwaayo, awella m'muteekhoni wanamukuyu wi amoone Yesu vawi ayeella musewu yooyo. 5Yesu aphiyalleeye vanipuronimvo, aamuweha Zakeyu allota wi, &#8220;Zakeyu, akuva kittha vawi ollello vaava kinaphwanella kakhalle ni weyaano onyumbani wawo.&#8221;</div><div class="p"> 6Zakeyu ahaakuva, akittha nave amwaakhella Yesu onyumbani waye moohakallalla. 7Athu attheene yoonillaayo yaananariwa ellota wi, &#8220;Ooya akhalle mulleto o enyumba ya muthu oochimwa!&#8221;</div><div class="p"> 8Zakeyu ahiimella allota wa Apwiya wi, &#8220;Apwiya, kineerokawa variyari eyuumaaka kivelleelle wa athu oohoowa nave ayo kawaakhilleemi ddeko ddiwa mowaalleka, kineerewaahokollosella osese.&#8221;</div><div class="p"> 9Yesu aallota wi, &#8220;Olliye ni nibanja naye aavullusiwa ollello vawi nayeenettho tti edduullu dda Abrahamu. 10Mi, Mwaana a Muthu, kawiille wi kiwaashaashe ni waavullusa athu oohollowa.&#8221;</div><div class="s">Niphwanaphwaniho na makobiri</div><div class="r">(Mat 25.14-30)</div><div class="p"> 11Athwaayo yaamwiiwa Yesu allotaka. Vano aavirellella ollotanko nave ahaalleella niphwanaphwaniho. Enthawi yeeyo aari vakhuviru ophiya o Yerusalemu nave athu yaganiza wi omwene wa Mulluku wahaatamella. 12Yesu aallota wi, &#8220;Waakhalla muthu a mu nibanja noovuwa oyo apaalla oya o ellapo yawoorekama wi awarihiwe omwene. Nave apaallattho wi ahokollweelle owaniwa awarihiwa. 13Ahinatimulle, aawiithana allupa muttekwaaye khumi, amuvaha arive muthu nikobiri nimodda aalleella wi, &#8216;Mweetellekena malonda ophiyera kiweewo.&#8217; 14Vano athu oowaniwaalle yaanamwiita nave atimullalleeye athwaayo yaamuruma oorumiwa wi allote wi, &#8216;Hiyaano khaninapaalla wi muthu yoolla akhalle mwenaahu.&#8217;</div><div class="p"> 15&#8220;Koma aawarihiwave omwenoolle nave aahokollweella owaniwa. Vano aawiithana allupa mutteko aavahilleeye makobiraalle wi adduwelle yaapindulallevo ddikavi. 16Awaamboolle aawa allota wi, &#8216;Apwiya, koopindulavo makobiri khumi va nikobiri mwakinnyalleenyunne.&#8217; 17Mwenoolle aallota wi, &#8216;Woheera phaama, we mullupa mutteko aphaama! Kaambiiwa waaroromelleya va ddeko dding'onong'ono, oneerokolamulella mizinda khumi.&#8217; 18Mullupa mutteko aneepiilli aawattho allota wi, &#8216;Apwiya, koopindulavo makobiri matthanu va nimodda mwakinnyalleenyunne.&#8217; 19Mwenoolle aallotattho wi, &#8216;Oneerokolamulella mizinda mitthanu.&#8217;</div><div class="p"> 20&#8220;Mullupa mutteko aneeraru aawa allota wi, &#8216;Apwiya, ngoonani, nikobiri nanyu tti nna, kaanimakille vakuwoni. 21Kaamawoovani kaambiiwa nyuwaano tti muthu awumma murima, munakusa eyo ehiri yaanyu navettho munahata nnddo muhaallilleenyu.&#8217; 22Nave mwenoolle aallota wi, &#8216;We, mullupa mutteko oonanara murima, kinaathware mawaawo yaayo wi kuuvaanyihe weyaano! Onnadduwella wi miyaano tti muthu awumma murima, ookusa ehiri yaaka nave oohata eyo kihaanlleemi. 23Vano kaambiiwa tini wahikongolihalleewe makobiraakaayo wa oopolleyiha makobiri wi miyaano voohokollowani kaakhelle mattheene ni yoopinduleene?&#8217;</div><div class="p"> 24&#8220;Ahaalleellattho athu yaari vaavwaayo wi, &#8216;Mwaakheni nikobirinno nave mumuvahe mullupa mutteko oyo arina makobiri khumi.&#8217; 25Nave yaamulleella wi, &#8216;Apwiya ookhallana khalle makobiri khumi!&#8217; 26#Mat 13.12; Mrk 4.25; Luk 8.18Ahaakhulla wi, &#8216;Kinimuulleellani wi attheene erina ello, eneerewaanjereriwa ddimodda koma ayo ehinna ello naari ddooyeva eriiwanannddo eneerewaakhiwa. 27#Mat 25.14-30Vano wa adanaaka ayo yahipaalla wi kikhalle mweniiwa, akuseni muweena wuno nave muwiiphe kiwoonaka!&#8217; &#8221;</div><div class="s">Yesu anavollowa mu Yerusalemu</div><div class="r">(Mat 21.1-11; Mrk 11.1-11; Yoh 12.12-19)</div><div class="p"> 28Yesu amallihalle ollota ddenndda, aavirellella oya o Yerusalemu. 29Aatamenlleeye matawoni a Betefage ni Betaniya vakhuviru ni mwaango wa Olivi, ahaarumiha oohudderaaye eelli wi ehoolle. 30Ahaalleella wi, &#8220;Khaweni m'muzi muhoollo mwanyu. Wenko mwaphiya muneeromuphwanya mwaana a bulu oomakellelliwa, oyo ahinawelliweke nikhalle nene. Mwamuttaphulle muweena wa miyaano. 31Muthu uukohani wi, &#8216;Kaambiiwa tini muneereenyu yeeyo?&#8217; Mumulleelle wi, &#8216;Apwiya#19.31 Apwiya: apaalle Mwaneena. ennampaalla.&#8217; &#8221;</div><div class="p"> 32Yaavenya eya yaphwanya ddittheddene ddiri moollikana ni mmo Yesu allotilleeye. 33Yamuttaphulliiwa bulooyo, aneenaayo yaallota wi, &#8220;Munamuttaphullella tini?&#8221;</div><div class="p"> 34Yahaakhulla wi, &#8220;Apwiya aakhalla ni mutteko,&#8221; 35Yaawaana wa Yesu mwaana a bulooyo, yaanddellella ddawiikhuneella ddiwa va yooyo nave emuwellihavo Yesu. 36Bulooyo eeteeye, oohudderaayo yahaanddellella ddawiikhuneella ddiwa m'musewuni.</div><div class="p"> 37Aatamenlleeye o Yerusalemu, voosesereya va mwaango wa Olivi, mulloko muullupalli wa oohudderaaye yaamutitimiha Mulluku moohakallalla ni mawu oowella ekaamba ya ddeko ddoottikhiniha yoonilliiwa wi, 38#Mas 118.26&#8220;Oodalisiwa Mwene oyo anawa mu nnddina na Apwiya! Murendelle oddullu nave ntitimiho wa Mulluku!&#8221;</div><div class="p"> 39Afarisi* amodda ayo yaari m'mullokonimmo yaallota wa Yesu wi, &#8220;Ahuddihi, amaalliheni oohudderaanywaalla!&#8221;</div><div class="p"> 40Yesu aawaakhulla wi, &#8220;Kinimuulleellani naari emanlle alliwaalla, mallukwaalla eneerokhuwa.&#8221;</div><div class="s">Yesu anamwinllella Yerusalemu</div><div class="p"> 41Aatamenlleeye o Yerusalemu nave awoonilleeye muzindooyo, aawinllella 42Nave aallota wi, &#8220;Waaweerokhalla phaama waadduwenlleke ollello ddeko ddoopaalleya wi murendelle owe! Koma ddoovitthiwa wi miitthwaawo ehiddooneke! 43Enthawi eneerophiya yawi adanaawo eneerokata malliti moowaapheella nave eneerewaapheella embali ddittheddene. 44Eneerowiiphani nimodda ni aniinyu nave khavikhalla nlluku naari nimodda va nikhwaaye nihinaamorihiwe ni alliwaayo. Vawi khamwaapwathille dda enthawi eyo Mulluku awiilleeye wi uuvulluseni!&#8221;</div><div class="s">Yesu anawiikariha athu mu enyumba ya Mulluku</div><div class="r">(Mat 21.12-17; Mrk 11.15-19; Yoh 2.13-22)</div><div class="p"> 45Vano Yesu aavollowa mu enyumba ya Mulluku aamba owiikarihamo athu yakulliha ddeko ddiwa. 46#Yes 56.7; Yer 7.11Nave aallota wi, &#8220;Mulluku aallota mu mawaaye wi, &#8216;Enyumbaaka ekhalle enyumba yoovekellamo.&#8217; Koma nyuwaano mooyitthattusa nipuro nawiipitthamo allupaawiiya!&#8221;</div><div class="p"> 47 # 
 Luk 21.37
 Nllapo ni nllapo Yesu aanahuddiha mu enyumba ya Mulluku. Nave allupa mukutho uullupalli, ahuddihi a malamulo* ni attekweene a Ayuda* yaanaashaasha ettilla yoomwiiphella. 48Koma kheyaaphwanyille ettilla yoomwiiphella kaambiiwa athu attheene yamwiiwenlle yahaakonda mawaaye wunchichi sika kheyaapaalla ohiyanana.</div>
 </div>
 </div>
</div>

Yesu va olendwaaye aayeella m'muzindani wa Yeriko. Wenko waakhalla muthu nnddina naye Zakeyu. Aari muullupalli a ookhomiha musonkho nave aakhalla ni eyuuma. Nave aapaalla omoona Yesu wi aari aani koma aari ookhuveya, sika khaaworille omoona Yesu ekaamba ya mulloko wa athu. Aathamakella vahoollo va mulloko wa athwaayo, awella m'muteekhoni wanamukuyu wi amoone Yesu vawi ayeella musewu yooyo. Yesu aphiyalleeye vanipuronimvo, aamuweha Zakeyu allota wi, “Zakeyu, akuva kittha vawi ollello vaava kinaphwanella kakhalle ni weyaano onyumbani wawo.”
Zakeyu ahaakuva, akittha nave amwaakhella Yesu onyumbani waye moohakallalla. Athu attheene yoonillaayo yaananariwa ellota wi, “Ooya akhalle mulleto o enyumba ya muthu oochimwa!”
Zakeyu ahiimella allota wa Apwiya wi, “Apwiya, kineerokawa variyari eyuumaaka kivelleelle wa athu oohoowa nave ayo kawaakhilleemi ddeko ddiwa mowaalleka, kineerewaahokollosella osese.”
Yesu aallota wi, “Olliye ni nibanja naye aavullusiwa ollello vawi nayeenettho tti edduullu dda Abrahamu. Mi, Mwaana a Muthu, kawiille wi kiwaashaashe ni waavullusa athu oohollowa.”


Athwaayo yaamwiiwa Yesu allotaka. Vano aavirellella ollotanko nave ahaalleella niphwanaphwaniho. Enthawi yeeyo aari vakhuviru ophiya o Yerusalemu nave athu yaganiza wi omwene wa Mulluku wahaatamella. Yesu aallota wi, “Waakhalla muthu a mu nibanja noovuwa oyo apaalla oya o ellapo yawoorekama wi awarihiwe omwene. Nave apaallattho wi ahokollweelle owaniwa awarihiwa. Ahinatimulle, aawiithana allupa muttekwaaye khumi, amuvaha arive muthu nikobiri nimodda aalleella wi, ‘Mweetellekena malonda ophiyera kiweewo.’ Vano athu oowaniwaalle yaanamwiita nave atimullalleeye athwaayo yaamuruma oorumiwa wi allote wi, ‘Hiyaano khaninapaalla wi muthu yoolla akhalle mwenaahu.’
“Koma aawarihiwave omwenoolle nave aahokollweella owaniwa. Vano aawiithana allupa mutteko aavahilleeye makobiraalle wi adduwelle yaapindulallevo ddikavi. Awaamboolle aawa allota wi, ‘Apwiya, koopindulavo makobiri khumi va nikobiri mwakinnyalleenyunne.’ Mwenoolle aallota wi, ‘Woheera phaama, we mullupa mutteko aphaama! Kaambiiwa waaroromelleya va ddeko dding'onong'ono, oneerokolamulella mizinda khumi.’ Mullupa mutteko aneepiilli aawattho allota wi, ‘Apwiya, koopindulavo makobiri matthanu va nimodda mwakinnyalleenyunne.’ Mwenoolle aallotattho wi, ‘Oneerokolamulella mizinda mitthanu.’
“Mullupa mutteko aneeraru aawa allota wi, ‘Apwiya, ngoonani, nikobiri nanyu tti nna, kaanimakille vakuwoni. Kaamawoovani kaambiiwa nyuwaano tti muthu awumma murima, munakusa eyo ehiri yaanyu navettho munahata nnddo muhaallilleenyu.’ Nave mwenoolle aallota wi, ‘We, mullupa mutteko oonanara murima, kinaathware mawaawo yaayo wi kuuvaanyihe weyaano! Onnadduwella wi miyaano tti muthu awumma murima, ookusa ehiri yaaka nave oohata eyo kihaanlleemi. Vano kaambiiwa tini wahikongolihalleewe makobiraakaayo wa oopolleyiha makobiri wi miyaano voohokollowani kaakhelle mattheene ni yoopinduleene?’
“Ahaalleellattho athu yaari vaavwaayo wi, ‘Mwaakheni nikobirinno nave mumuvahe mullupa mutteko oyo arina makobiri khumi.’ Nave yaamulleella wi, ‘Apwiya ookhallana khalle makobiri khumi!’ Ahaakhulla wi, ‘Kinimuulleellani wi attheene erina ello, eneerewaanjereriwa ddimodda koma ayo ehinna ello naari ddooyeva eriiwanannddo eneerewaakhiwa. Vano wa adanaaka ayo yahipaalla wi kikhalle mweniiwa, akuseni muweena wuno nave muwiiphe kiwoonaka!’ ”


Yesu amallihalle ollota ddenndda, aavirellella oya o Yerusalemu. Aatamenlleeye matawoni a Betefage ni Betaniya vakhuviru ni mwaango wa Olivi, ahaarumiha oohudderaaye eelli wi ehoolle. Ahaalleella wi, “Khaweni m'muzi muhoollo mwanyu. Wenko mwaphiya muneeromuphwanya mwaana a bulu oomakellelliwa, oyo ahinawelliweke nikhalle nene. Mwamuttaphulle muweena wa miyaano. Muthu uukohani wi, ‘Kaambiiwa tini muneereenyu yeeyo?’ Mumulleelle wi, ‘Apwiya ennampaalla.’ ”
Yaavenya eya yaphwanya ddittheddene ddiri moollikana ni mmo Yesu allotilleeye. Yamuttaphulliiwa bulooyo, aneenaayo yaallota wi, “Munamuttaphullella tini?”
Yahaakhulla wi, “Apwiya aakhalla ni mutteko,” Yaawaana wa Yesu mwaana a bulooyo, yaanddellella ddawiikhuneella ddiwa va yooyo nave emuwellihavo Yesu. Bulooyo eeteeye, oohudderaayo yahaanddellella ddawiikhuneella ddiwa m'musewuni.
Aatamenlleeye o Yerusalemu, voosesereya va mwaango wa Olivi, mulloko muullupalli wa oohudderaaye yaamutitimiha Mulluku moohakallalla ni mawu oowella ekaamba ya ddeko ddoottikhiniha yoonilliiwa wi, “Oodalisiwa Mwene oyo anawa mu nnddina na Apwiya! Murendelle oddullu nave ntitimiho wa Mulluku!”
Afarisi* amodda ayo yaari m'mullokonimmo yaallota wa Yesu wi, “Ahuddihi, amaalliheni oohudderaanywaalla!”
Yesu aawaakhulla wi, “Kinimuulleellani naari emanlle alliwaalla, mallukwaalla eneerokhuwa.”

Aatamenlleeye o Yerusalemu nave awoonilleeye muzindooyo, aawinllella Nave aallota wi, “Waaweerokhalla phaama waadduwenlleke ollello ddeko ddoopaalleya wi murendelle owe! Koma ddoovitthiwa wi miitthwaawo ehiddooneke! Enthawi eneerophiya yawi adanaawo eneerokata malliti moowaapheella nave eneerewaapheella embali ddittheddene. Eneerowiiphani nimodda ni aniinyu nave khavikhalla nlluku naari nimodda va nikhwaaye nihinaamorihiwe ni alliwaayo. Vawi khamwaapwathille dda enthawi eyo Mulluku awiilleeye wi uuvulluseni!”


Vano Yesu aavollowa mu enyumba ya Mulluku aamba owiikarihamo athu yakulliha ddeko ddiwa. Nave aallota wi, “Mulluku aallota mu mawaaye wi, ‘Enyumbaaka ekhalle enyumba yoovekellamo.’ Koma nyuwaano mooyitthattusa nipuro nawiipitthamo allupaawiiya!”
Nllapo ni nllapo Yesu aanahuddiha mu enyumba ya Mulluku. Nave allupa mukutho uullupalli, ahuddihi a malamulo* ni attekweene a Ayuda* yaanaashaasha ettilla yoomwiiphella. Koma kheyaaphwanyille ettilla yoomwiiphella kaambiiwa athu attheene yamwiiwenlle yahaakonda mawaaye wunchichi sika kheyaapaalla ohiyanana.

Slušajte Luka 19