The Ateso Bible

Ebaibuli 2012 (Drama NT)

<div class="version vid436 iso6393teo" data-vid="436" data-iso6393="teo">
 <div class="book bkLUK">
 <div class="chapter ch11" data-usfm="LUK.11">
 <div class="label">11</div><div class="p"> 1 # 
 Luk 5:33. Kosodi kanen, nakilipia kaibois adiopet, nakedaunia, kotema ediopet kosesisiakake atiar, &#8220;Ejakait, kisisianakinai sio ailip, kwape kisisianakinia Yokana da ikekesisiak.&#8221; 2#Mat 6:9-13. Kotema kes atiar, &#8220;Nailipiata, kineras ebe, Papakosi loejai toma akuj, ekonikiror kitalaunai. Akonijakanut kobu. Nuikoto kiswamai kakwap, kwape iswamaere kotoma akuj. 3Koinanakinai sio ikosinyamat luka &#331;inipaaran; 4Kisionioi sio akosidiakanareta; naarai kisioniei isio lukapeseninikosi. Sirikiya sio toma acodunio, konye koyuunai sio kama ejai lokaronon.&#8221;</div><div class="p"> 5Kotema kes atiar, &#8220;I&#331;ai kayesi yenejai ekepapero, kelot mama ejai kidi&#331; kuare, kotema &#331;es atiar, &#8216;Opaperoka, koyuunai ber kimugatin iuni; 6naarai adolu ekapapero mamaka ebuni kalosit, emamei eo&#331; idiobore yenainakini &#331;es ainyam&#8217;; 7#Mat 26:10. ebo&#331;okini lokotogo ebe, &#8216;Sirikiitapas eo&#331;; egolol ekek, kiperi eo&#331; nepepe kikadwe koitada; mam apedori anyoun ainakin jo&#8217;? 8#Luk 18:5. Katemari yes atiar, Karaida mam enyouni ainakin naarai erai ekepapero, konye kanuka akei&#331;ai&#331;ait enyouni einakini &#331;es luipuda kere. 9#Mat 7:7-11. Katemari yes atiar, Kilipa, kiinakinio; komoata, idumunete; kiku&#331;uku&#331;oto, ki&#331;aikinio, 10Naarai &#331;in yenilipi ijaikinio, yenemoi edumuni, ka yeniku&#331;uku&#331;i da enaikinio. 11I&#331;ai bo kayesi erai papa, arai kilipi ikokuke emugati, einakini tope amoru? Arai bo agar, ido aibois kagar einakini tope &#331;es emun? 12Arai kilip abeet, einakini tope ekiriton? 13Aso arai yes lukaronok iienete ainakin ikusidwe ainakineta nuejok, mam kereka itelekarit noi Papakus loejai toma akuj ainakin &#331;ul luilipete &#331;es Emoyo Lokalaunan?&#8221;</div><div class="p"> 14 # 
 Mat 12:22-30,43-45; Mk 3:22-27. Kosodi kanen ire&#331;eari &#331;esi ajokit naba&#331;, Kelom ajokit, kiner loba&#331;; koumokis ikodeta. 15#Mat 9:34; 10:25. Konye kobalas ice kakesi ebe, &#8220;Ire&#331;eari &#331;esi ajokin kanuka Beelesebul ekapolon loka ajokin.&#8221; 16#Mat 12:38; 16:1; Mk 8:11. Kocodut ice, kokotosi aanyunet naebuni kotoma akuj. 17Konye kejeni &#331;esi akeceomisio, kotema kes atiar, &#8220;&#330;inijakanut naetiakatiakaun asurokin bon emudiar; arai etogo ketogo ibiror. 18Aso arai etiakatiakaun Satan bon, ikonakini ai akejakanut icasi? Naarai ibalasi yesi ebe ere&#331;eari eo&#331; ajokin kanuka Beelesebul. 19Aso arai ere&#331;eari eo&#331; ajokin kanuka Beelesebul, ido bo ikusidwe ire&#331;earete kanuka i&#331;ai? Kanuka &#331;un &#331;es eraatar &#331;ul ikusikatubok. 20#Any 8:19. Konye arai ere&#331;eari eo&#331; ajokin kebokorit loka Edeke, aso adolu ajakanut naka Edeke mamakus, 21Etu&#331;anan lokagogon ekapi lujiisike idari alaroke, inapakina ikeboro: 22#Kol 2:15. Konye naebunokinia ekagogo&#331;on loedeparit &#331;es, ipikori edemari lujiisike kere luamunokina &#331;esi, ka akorokor i&#331;atanake, 23#Mk 9:40; Luk 9:50. Itu&#331;anan yenimam ejai keo&#331;, &#331;es yenikekoloka; itu&#331;anan da yenimam etukonokini keo&#331;, isiarakini.</div><div class="p"> 24&#8220;Kelonu emoyo loerono kotu&#331;anan, itori aiboisio nuemameete akip, emoot nekiye&#331;unet; keoliki, ebala ebe, &#8216;Abo&#331;ori togoka nekabunio.&#8217; 25Kebo&#331;u, edumuni epieitai, epesitai da. 26#Yok 5:14. Kosodi do elosi eupunos kimoyon ice ikanykaarei luitelekarito &#331;es aronis; elomarete kesi da esalete nen; ejautene loka itu&#331;anan ka&#331;in lokawasia eraun loerono adepar losodit.&#8221;</div><div class="p"> 27 # 
 Luk 1:28,42,48. Kosodi kanen, napinera akiro &#331;un, kiworo adiopeberu kotoma okodet, kotema atiar, &#8220;Isirere&#331;itoi aliliget nakipotiere jo, ka ikisin da lukinaki.&#8221; 28#Luk 8:15,21. Konye Yesu kobala ebe, &#8220;Konye ca, nuitelekarito, isirere&#331;itoi luiirarete akirot naka Edeke, koricata da!&#8221;</div><div class="p"> 29 # 
 Mat 12:38-42. Kosodi naketukokinotor ikodeta mamake&#331;, kogeu atemar kes atiar, &#8220;Atur na erai atur nakaronon; emoot aanyunet, kwabo mam einakinio aanyunet, dimarai aanyunet naka Yona. #Mat 16:4; Mk 8:12; 1 Kor 1:22. 30#Yok 3:4. Naarai kwape keraar Yona aanyunet kama ejaas itu&#331;a luko Ninebe, kwape kwa&#331;in eraunia Okoku loka etu&#331;anan kama ejai atur na, 31#1 Ika 10:1-10; 2 Siit 9:1-12. Enyouni akabaka naka E&#331;alakimak kapaaran naka etube nepepe kitu&#331;a luka atur kana, itetelekari kes akiro; naarai abu &#331;esi kobu kosa&#331;e loka akwap akiirar acoa naka Solomon, ido koany, ejai ne yenitelekarit Solomon. 32#Yok 3:5. Enyounete ikiliok luka Ninebe kapaaran naka etube nepepe katur na itetelekarete &#331;es akiro; naarai apotu kesi kitoronikinos kanuka alimonokin naka Yona, ido koany, ejai ne yenitelekarit Yona, 33#Mat 5:15; Mk 4:21; Luk 8:16. Emamei yeninokokini atala kibwaik aipany arai toma obukit, dimarai ikajakini ocoget, tetere epedorete luelomunete aanyun aica. 34#Mat 6:22,23. Atala naka akuan &#331;es akoniko&#331;u; arai oteni akoniko&#331;u, akonikuan kere ecai; konye arai erono, akonikuan da emutono. 35Aso kocoite kinye aica nakotomakon araun amuton. 36Aso arai ecai akonikuan kere, komamei adiotutubet naemutono, ileleba kere aica pas, kwape katala nakinwakakinit jo kaicake.&#8221;</div><div class="p"> 37 # 
 Luk 7:36; 14:1. Napinera, konyara Eparisayot ediopet oreke aimor ka&#331;es lukapaaran; koloma kiboikin ainyam. 38#Mat 15:2. Keanyu Eparisayot &#331;ol koumok, naarai mam ber kilosit eroko enyama. 39#Mat 23:1-36. Kotema Ejakait &#331;es atiar, &#8220;Kwana yes Iparisayon itesegarete ki&#331;a kakolin ka asanin, konye kotomakus ileleba ai&#331;at ka aronis, 40Iba&#331;iok yesi! Lokesubi lukokuiu mere &#331;es lokesubi lukotoma da? 41Konye koinakisi lukotoma araut ainakineta nukaitim; ido koany, elaete kere kamakus.</div><div class="p"> 42 # 
 Leb 27:30. &#8220;Konye itukwi yes Iparisayon! Naarai iinanakinete idiopet kotomon yenika alilot ka ecaboi ka &#331;inikiyot kere, inyeinete etube ka amin naka Edeke; ibusakinit yes aswam &#331;un komam inyeinete kwa da. 43#Luk 20:46. Itukwi yes Iparisayon! Naarai iminasi iicolo&#331;o lukapolou katukosia, ka aiyogao kagwelanareta. 44Itukwi yes! Naarai iputos katesin numam etakanete, nuitorito itu&#331;a komam ejenete.&#8221;</div><div class="p"> 45Kobo&#331;ok ediopet koricakisila kotema &#331;es atiar, &#8220;Ekesisianakinan, kiner ijo kwa&#331;in kimoromor sio da.&#8221; 46Kotema atiar, &#8220;Itukwi yes da iricakisila! Naarai isibwokete itu&#331;a ibwokon lukala&#331;irok, konye yes ikulepek mam itirorete ibwokon kediopet kobokorokus. 47Itukwi yes! Naarai idukete atesin nuka inabin luapotu lukapapaakus koara. 48Aso iraas ikajenak icamunito da aswamisio nuka lukapapaakus; naarai kes lukearete, yes da idukete atesinakec, 49Kanuka &#331;un inera acoa naka Edeke ebe, &#8216;Ejukakini kes inabin ka ikiyakia, earete ice kakes, ereete,&#8217; 50tetere itepesenio atur na aokot nuka inabi; kere, nukebukoros ameun kapetetait naka akwap, 51#Age 4:8; 2 Siit 24:20-21. ameun kaokot nuka Abel kiton aokot nuka Sakaria, lokearakinio kidi&#331; ketem ka aibois nakalaunan. Eebo, katemari yes atiar, Itepesenio kotoma atur kana. 52Itukwi yes iricakisila! Naarai ilemut alacetait naka aijen; mam yes ilomarito, ido itikokinito luakotos alomar.&#8221;</div><div class="p"> 53Nakelomunia kanen, kogeut ikewadikak ka Iparisayon aridakin jokan, ka ai&#331;iti&#331;it akiro nuipu, 54#Luk 20:20. kolokata &#331;es tetere ipoki kakirot naelomuni kaitukuke.</div>
 </div>
 </div>
</div>

Ateso Old Version Bible © United Bible Societies, 1961.

Kosodi kanen, nakilipia kaibois adiopet, nakedaunia, kotema ediopet kosesisiakake atiar, “Ejakait, kisisianakinai sio ailip, kwape kisisianakinia Yokana da ikekesisiak.” Kotema kes atiar, “Nailipiata, kineras ebe, Papakosi loejai toma akuj, ekonikiror kitalaunai. Akonijakanut kobu. Nuikoto kiswamai kakwap, kwape iswamaere kotoma akuj. Koinanakinai sio ikosinyamat luka ŋinipaaran; Kisionioi sio akosidiakanareta; naarai kisioniei isio lukapeseninikosi. Sirikiya sio toma acodunio, konye koyuunai sio kama ejai lokaronon.”
Kotema kes atiar, “Iŋai kayesi yenejai ekepapero, kelot mama ejai kidiŋ kuare, kotema ŋes atiar, ‘Opaperoka, koyuunai ber kimugatin iuni; naarai adolu ekapapero mamaka ebuni kalosit, emamei eoŋ idiobore yenainakini ŋes ainyam’; eboŋokini lokotogo ebe, ‘Sirikiitapas eoŋ; egolol ekek, kiperi eoŋ nepepe kikadwe koitada; mam apedori anyoun ainakin jo’? Katemari yes atiar, Karaida mam enyouni ainakin naarai erai ekepapero, konye kanuka akeiŋaiŋait enyouni einakini ŋes luipuda kere. Katemari yes atiar, Kilipa, kiinakinio; komoata, idumunete; kikuŋukuŋoto, kiŋaikinio, Naarai ŋin yenilipi ijaikinio, yenemoi edumuni, ka yenikuŋukuŋi da enaikinio. Iŋai bo kayesi erai papa, arai kilipi ikokuke emugati, einakini tope amoru? Arai bo agar, ido aibois kagar einakini tope ŋes emun? Arai kilip abeet, einakini tope ekiriton? Aso arai yes lukaronok iienete ainakin ikusidwe ainakineta nuejok, mam kereka itelekarit noi Papakus loejai toma akuj ainakin ŋul luilipete ŋes Emoyo Lokalaunan?”
Kosodi kanen ireŋeari ŋesi ajokit nabaŋ, Kelom ajokit, kiner lobaŋ; koumokis ikodeta. Konye kobalas ice kakesi ebe, “Ireŋeari ŋesi ajokin kanuka Beelesebul ekapolon loka ajokin.” Kocodut ice, kokotosi aanyunet naebuni kotoma akuj. Konye kejeni ŋesi akeceomisio, kotema kes atiar, “Ŋinijakanut naetiakatiakaun asurokin bon emudiar; arai etogo ketogo ibiror. Aso arai etiakatiakaun Satan bon, ikonakini ai akejakanut icasi? Naarai ibalasi yesi ebe ereŋeari eoŋ ajokin kanuka Beelesebul. Aso arai ereŋeari eoŋ ajokin kanuka Beelesebul, ido bo ikusidwe ireŋearete kanuka iŋai? Kanuka ŋun ŋes eraatar ŋul ikusikatubok. Konye arai ereŋeari eoŋ ajokin kebokorit loka Edeke, aso adolu ajakanut naka Edeke mamakus, Etuŋanan lokagogon ekapi lujiisike idari alaroke, inapakina ikeboro: Konye naebunokinia ekagogoŋon loedeparit ŋes, ipikori edemari lujiisike kere luamunokina ŋesi, ka akorokor iŋatanake, Ituŋanan yenimam ejai keoŋ, ŋes yenikekoloka; ituŋanan da yenimam etukonokini keoŋ, isiarakini.
“Kelonu emoyo loerono kotuŋanan, itori aiboisio nuemameete akip, emoot nekiyeŋunet; keoliki, ebala ebe, ‘Aboŋori togoka nekabunio.’ Keboŋu, edumuni epieitai, epesitai da. Kosodi do elosi eupunos kimoyon ice ikanykaarei luitelekarito ŋes aronis; elomarete kesi da esalete nen; ejautene loka ituŋanan kaŋin lokawasia eraun loerono adepar losodit.”
Kosodi kanen, napinera akiro ŋun, kiworo adiopeberu kotoma okodet, kotema atiar, “Isirereŋitoi aliliget nakipotiere jo, ka ikisin da lukinaki.” Konye Yesu kobala ebe, “Konye ca, nuitelekarito, isirereŋitoi luiirarete akirot naka Edeke, koricata da!”
Kosodi naketukokinotor ikodeta mamakeŋ, kogeu atemar kes atiar, “Atur na erai atur nakaronon; emoot aanyunet, kwabo mam einakinio aanyunet, dimarai aanyunet naka Yona. Naarai kwape keraar Yona aanyunet kama ejaas ituŋa luko Ninebe, kwape kwaŋin eraunia Okoku loka etuŋanan kama ejai atur na, Enyouni akabaka naka Eŋalakimak kapaaran naka etube nepepe kituŋa luka atur kana, itetelekari kes akiro; naarai abu ŋesi kobu kosaŋe loka akwap akiirar acoa naka Solomon, ido koany, ejai ne yenitelekarit Solomon. Enyounete ikiliok luka Ninebe kapaaran naka etube nepepe katur na itetelekarete ŋes akiro; naarai apotu kesi kitoronikinos kanuka alimonokin naka Yona, ido koany, ejai ne yenitelekarit Yona, Emamei yeninokokini atala kibwaik aipany arai toma obukit, dimarai ikajakini ocoget, tetere epedorete luelomunete aanyun aica. Atala naka akuan ŋes akonikoŋu; arai oteni akonikoŋu, akonikuan kere ecai; konye arai erono, akonikuan da emutono. Aso kocoite kinye aica nakotomakon araun amuton. Aso arai ecai akonikuan kere, komamei adiotutubet naemutono, ileleba kere aica pas, kwape katala nakinwakakinit jo kaicake.”
Napinera, konyara Eparisayot ediopet oreke aimor kaŋes lukapaaran; koloma kiboikin ainyam. Keanyu Eparisayot ŋol koumok, naarai mam ber kilosit eroko enyama. Kotema Ejakait ŋes atiar, “Kwana yes Iparisayon itesegarete kiŋa kakolin ka asanin, konye kotomakus ileleba aiŋat ka aronis, Ibaŋiok yesi! Lokesubi lukokuiu mere ŋes lokesubi lukotoma da? Konye koinakisi lukotoma araut ainakineta nukaitim; ido koany, elaete kere kamakus.
“Konye itukwi yes Iparisayon! Naarai iinanakinete idiopet kotomon yenika alilot ka ecaboi ka ŋinikiyot kere, inyeinete etube ka amin naka Edeke; ibusakinit yes aswam ŋun komam inyeinete kwa da. Itukwi yes Iparisayon! Naarai iminasi iicoloŋo lukapolou katukosia, ka aiyogao kagwelanareta. Itukwi yes! Naarai iputos katesin numam etakanete, nuitorito ituŋa komam ejenete.”
Koboŋok ediopet koricakisila kotema ŋes atiar, “Ekesisianakinan, kiner ijo kwaŋin kimoromor sio da.” Kotema atiar, “Itukwi yes da iricakisila! Naarai isibwokete ituŋa ibwokon lukalaŋirok, konye yes ikulepek mam itirorete ibwokon kediopet kobokorokus. Itukwi yes! Naarai idukete atesin nuka inabin luapotu lukapapaakus koara. Aso iraas ikajenak icamunito da aswamisio nuka lukapapaakus; naarai kes lukearete, yes da idukete atesinakec, Kanuka ŋun inera acoa naka Edeke ebe, ‘Ejukakini kes inabin ka ikiyakia, earete ice kakes, ereete,’ tetere itepesenio atur na aokot nuka inabi; kere, nukebukoros ameun kapetetait naka akwap, ameun kaokot nuka Abel kiton aokot nuka Sakaria, lokearakinio kidiŋ ketem ka aibois nakalaunan. Eebo, katemari yes atiar, Itepesenio kotoma atur kana. Itukwi yes iricakisila! Naarai ilemut alacetait naka aijen; mam yes ilomarito, ido itikokinito luakotos alomar.”
Nakelomunia kanen, kogeut ikewadikak ka Iparisayon aridakin jokan, ka aiŋitiŋit akiro nuipu, kolokata ŋes tetere ipoki kakirot naelomuni kaitukuke.

Slušajte Luka 11