For more information about this Bible please click the link below:  Bible Society of Zambia 

The Bible in Mbunda ©The Bible Society of Zambia, 2006 ℗ Hosanna, 2023

The Bible in Mbunda

<div class="version vid627 iso6393mck" data-vid="627" data-iso6393="mck">
 <div class="book bkLUK">
 <div class="chapter ch14" data-usfm="LUK.14">
 <div class="label">14</div><div class="s1">Yesu akangwisa muka-mushongo</div><div class="p"> 1Yesu wakovelele mu njuvo ya mukulunu umo wa vaFaliseo nakulya nendi a Litangwa Lyakuhwima, co vanu vamukengelele. 2Co munalume umo wavinjile mushongo wakuzimba mendi na mavoko wezile kuli Yesu, 3co Yesu wehwile valongisi va majwi a Lishiko na vaFaliseo ngwendi, &#8220;Lishiko lyetu litutavesa kukangwsia munu a Litangwa Lyakuhwima indi embwe?&#8221;</div><div class="p"> 4Oloni vakevo volokele kuluu kuvendekele cuma nacimo cai. Yesu wakwatele uje munu wamukangwisile, co uje munu waile. 5#Mat 12:11 Asinoni Yesu wendekele kuli vakevo ngwendi, &#8220;Nga umo weni ali na munendi wa munalume nambe ngombe yendi awila mu lisima a Litangwa Lyakuhwima, kuma kasa kumutundisamo a Litangwa Lyakuhwima ndi?&#8221;</div><div class="p"> 6Oloni vakevo kuvasele kumukumbulula a cuma eci.</div><div class="s1">Kulikeesa nakujumbula vangenzi</div><div class="p"> 7Yesu wamwene vangenzi vamo vakele nakulyangwila myela ya kasingimiko, co voshe wavatelelele cisimo eci ngwendi, 8#Vis 25:6-7 &#8220;Omo munu akulanya ku ciwano ca vushombolwa, kesi utumbame a citumbamo ca vulemu. Kutewa amo valanya weka nakutuvakana vulemu, 9co uje namilanyele muvavoshe muvavali aija nakwendeka kuli yove ngwendi, &#8216;Ana citumbamo kuli ou!&#8217; Co ukaziva shwamwa akununguluka nakukatumbama a citumbamo cacindondo. 10Oloni omo vakulanya, tumbama a citumbamo cacindondo, co uje nakulanya omo aija akukuleka ngwendi, &#8216;Ove musamba tumbama a citumbamo ca vulemu!&#8217; Co ukawana kasingimiko ku mesho a vakweni voshe vaje vaunatumbama navo kukulya. 11#Mat 23:12; Luk 18:14 Omwo woshe uje akalyaka ku vukama vakamukeesa, co woshe uje alikeesa vakamwaka ku vukama.&#8221;</div><div class="p"> 12Asinoni Yesu wendekele kuli uje wamulanyele ngwendi, &#8220;Nga uvwaesa kulya kwa mutanya nambe kulya kwa cingwezi, kesi ulanye vasamba vove nambe vandolome vove nambe vavushoko vwove nambe vandambo vove vaka-kufuka, omwo navo lalo vakakulanya, co mu ngila eyi vakakwilwisila vije viwalingile. 13Oloni omo ulinga ciwano, lanyako vaka-kuutwa na vaka-kujenduka na vilema na tupuputwa, 14co ukavezika, omwo vakevo kuvakasa kukwilwisila vije viwunavana. Njambi ikeye akakwilwisilavyo a litangwa livakasanguka vaka-vushunga ku vatsi.&#8221;</div><div class="s1">Cisimo ca ciwano cakama</div><div class="r">(Mateo 22:1-10)</div><div class="p"> 15Omo munu umo wa vaje vakele ku mesa wazivile evi, wendekele kuli Yesu ngwendi, &#8220;Vanavezika vaje vakatumbama ku ciwano mu Vumwene vwa Njambi!&#8221;</div><div class="p"> 16Co Yesu wamulekele ngwendi, &#8220;Kwakele munu umo wavwaesele ciwano cakama walanyele vanu vavangi. 17Omo simbu ya ciwano yetele, watumine ngamba yendi kuli vaje vavalanyele ngwendi, &#8216;Ijeni, vyuma vyoshe vinavwaa laja!&#8217; 18Oloni voshe vashangumukile kuleulula. Wakulivanga walekele uje ngamba ngwendi, &#8216;Njinalanda lihya lyange, co njinapande kuyako njikalimone, njilomba ngwange unjisambese.&#8217; 19Mukwavo lalo ngwendi, &#8216;Njinalanda vingombe likumi vakulima, co njiya njikaveseke, njilomba ngwange unjisambese.&#8217; 20Weka lalo ngwendi, &#8216;Njinambata munakazi, cooni a cuma eci kunjasa kuyako.&#8217; 21Co uje ngamba waile wakalekele shukulu yendi vyuma vyoshe vije vivendekele. Co shukulu yendi waluvalele wendekele kuli ngamba yendi ngwendi, &#8216;Ya vwasi ku vitapalo na ku tuvingila twatundondo twakuya ku nganda ukalanye vaka-kuutwa na vaka-kujendoka na tupuputwa na vilema.&#8217; 22Co vwasi-vwasi uje ngamba wendekele ngwendi, &#8216;Shukulu cinalingiwa laja ngwe muwanjishikile, anga kunacisala mwela wakama.&#8217; 23Co shukulu yendi wendekele kuli ikeye ngwendi, &#8216;Ya ku vitapalo vyakama na ku tuvingila twatundondo ukasindiye vanu vaije kuno ngeci njuvo yange yakushule. 24Njimileka muvavoshe ngwange kukwesi umo kuli vaje vanalume vanjalanyele akalya vyakulya vyange!&#8217; &#8221;</div><div class="s1">Vije vyapande ndongisi</div><div class="r">(Mateo 10:37-38)</div><div class="p"> 25Mbunga yakama vakele nakuya amo na Yesu, co watengulukile nakwendeka kuli vakevo ngwendi, 26#Mat 10:37 &#8220;Woshe uje aija kuli yange kasa kupwa ndongisi yange kuvanga anjizeme yange kutuvakana mwazema ishe na vaina, munakazi wendi na vana vendi, vandolome vendi na vandokazi vendi, nakuzema yange kutuvakana mwalizema ikeye vavenya lalo. 27#Mat 10:38; 16:24; Mak 8:34; Luk 9:23 Co woshe uje kambata cilindakano cendi nakunjikava kasa kupwa ndongisi yange embwe. 28Nga umo weni ali na vutumbe vwakutunga kaposhi, co akulivanga atumbama nakulava vingai akafweta, nakumona ngeci ali na vimbongo vyakumanesa vipangi vyendi. 29Nga kapwisilemo, co kakasa kumanesa kaposhi omo nendi laja luvula, co vaje vakamona vije vyalingiwa vakashangumuka kumujola, co vakendeka 30ngwavo, &#8216;Ou munalume washangumukile kutunga oloni kamenesele vipangi vyendi!&#8217; 31Nga mwene aya na vanu vakupwa 10,000 nakulwa nzita na mukwavo mwene uje aija na vanu vakupwa 20,000, co napande kutumbama asi akulivanga ayongole nga ali na nzili yakulwa na uje mukwavo mwene. 32Co nga ikeye kapwisilemo, napande kutuma lijwi nakuliwana na uje mukwavo mwene omo simbu acili kulyala ngeci alombe kwoloka.&#8221; 33Yesu wamanesele kwendeka ngwendi, &#8220;Na kuli yeni voshe, ou kaseza vyuma vyoshe alinavyo kasa kupwa ndongisi yange.&#8221;</div><div class="s1">Mwongwa wakushamuka</div><div class="r">(Mateo 5:13; Mako 9:50)</div><div class="p"> 34&#8220;Mwongwa wapwa wauvwa, oloni nga ushamuka, co utovala vatijo? 35Kucitava lalo kuwaka mu lihya, nambe kuulinga vwilo, oloni vaumbila kuti. Nga muli na matwi, ziveni!&#8221;</div>
 </div>
 </div>
</div>

Yesu wakovelele mu njuvo ya mukulunu umo wa vaFaliseo nakulya nendi a Litangwa Lyakuhwima, co vanu vamukengelele. Co munalume umo wavinjile mushongo wakuzimba mendi na mavoko wezile kuli Yesu, co Yesu wehwile valongisi va majwi a Lishiko na vaFaliseo ngwendi, “Lishiko lyetu litutavesa kukangwsia munu a Litangwa Lyakuhwima indi embwe?”
Oloni vakevo volokele kuluu kuvendekele cuma nacimo cai. Yesu wakwatele uje munu wamukangwisile, co uje munu waile. Asinoni Yesu wendekele kuli vakevo ngwendi, “Nga umo weni ali na munendi wa munalume nambe ngombe yendi awila mu lisima a Litangwa Lyakuhwima, kuma kasa kumutundisamo a Litangwa Lyakuhwima ndi?”
Oloni vakevo kuvasele kumukumbulula a cuma eci.

Yesu wamwene vangenzi vamo vakele nakulyangwila myela ya kasingimiko, co voshe wavatelelele cisimo eci ngwendi, “Omo munu akulanya ku ciwano ca vushombolwa, kesi utumbame a citumbamo ca vulemu. Kutewa amo valanya weka nakutuvakana vulemu, co uje namilanyele muvavoshe muvavali aija nakwendeka kuli yove ngwendi, ‘Ana citumbamo kuli ou!’ Co ukaziva shwamwa akununguluka nakukatumbama a citumbamo cacindondo. Oloni omo vakulanya, tumbama a citumbamo cacindondo, co uje nakulanya omo aija akukuleka ngwendi, ‘Ove musamba tumbama a citumbamo ca vulemu!’ Co ukawana kasingimiko ku mesho a vakweni voshe vaje vaunatumbama navo kukulya. Omwo woshe uje akalyaka ku vukama vakamukeesa, co woshe uje alikeesa vakamwaka ku vukama.”
Asinoni Yesu wendekele kuli uje wamulanyele ngwendi, “Nga uvwaesa kulya kwa mutanya nambe kulya kwa cingwezi, kesi ulanye vasamba vove nambe vandolome vove nambe vavushoko vwove nambe vandambo vove vaka-kufuka, omwo navo lalo vakakulanya, co mu ngila eyi vakakwilwisila vije viwalingile. Oloni omo ulinga ciwano, lanyako vaka-kuutwa na vaka-kujenduka na vilema na tupuputwa, co ukavezika, omwo vakevo kuvakasa kukwilwisila vije viwunavana. Njambi ikeye akakwilwisilavyo a litangwa livakasanguka vaka-vushunga ku vatsi.”


Omo munu umo wa vaje vakele ku mesa wazivile evi, wendekele kuli Yesu ngwendi, “Vanavezika vaje vakatumbama ku ciwano mu Vumwene vwa Njambi!”
Co Yesu wamulekele ngwendi, “Kwakele munu umo wavwaesele ciwano cakama walanyele vanu vavangi. Omo simbu ya ciwano yetele, watumine ngamba yendi kuli vaje vavalanyele ngwendi, ‘Ijeni, vyuma vyoshe vinavwaa laja!’ Oloni voshe vashangumukile kuleulula. Wakulivanga walekele uje ngamba ngwendi, ‘Njinalanda lihya lyange, co njinapande kuyako njikalimone, njilomba ngwange unjisambese.’ Mukwavo lalo ngwendi, ‘Njinalanda vingombe likumi vakulima, co njiya njikaveseke, njilomba ngwange unjisambese.’ Weka lalo ngwendi, ‘Njinambata munakazi, cooni a cuma eci kunjasa kuyako.’ Co uje ngamba waile wakalekele shukulu yendi vyuma vyoshe vije vivendekele. Co shukulu yendi waluvalele wendekele kuli ngamba yendi ngwendi, ‘Ya vwasi ku vitapalo na ku tuvingila twatundondo twakuya ku nganda ukalanye vaka-kuutwa na vaka-kujendoka na tupuputwa na vilema.’ Co vwasi-vwasi uje ngamba wendekele ngwendi, ‘Shukulu cinalingiwa laja ngwe muwanjishikile, anga kunacisala mwela wakama.’ Co shukulu yendi wendekele kuli ikeye ngwendi, ‘Ya ku vitapalo vyakama na ku tuvingila twatundondo ukasindiye vanu vaije kuno ngeci njuvo yange yakushule. Njimileka muvavoshe ngwange kukwesi umo kuli vaje vanalume vanjalanyele akalya vyakulya vyange!’ ”


Mbunga yakama vakele nakuya amo na Yesu, co watengulukile nakwendeka kuli vakevo ngwendi, “Woshe uje aija kuli yange kasa kupwa ndongisi yange kuvanga anjizeme yange kutuvakana mwazema ishe na vaina, munakazi wendi na vana vendi, vandolome vendi na vandokazi vendi, nakuzema yange kutuvakana mwalizema ikeye vavenya lalo. Co woshe uje kambata cilindakano cendi nakunjikava kasa kupwa ndongisi yange embwe. Nga umo weni ali na vutumbe vwakutunga kaposhi, co akulivanga atumbama nakulava vingai akafweta, nakumona ngeci ali na vimbongo vyakumanesa vipangi vyendi. Nga kapwisilemo, co kakasa kumanesa kaposhi omo nendi laja luvula, co vaje vakamona vije vyalingiwa vakashangumuka kumujola, co vakendeka ngwavo, ‘Ou munalume washangumukile kutunga oloni kamenesele vipangi vyendi!’ Nga mwene aya na vanu vakupwa 10,000 nakulwa nzita na mukwavo mwene uje aija na vanu vakupwa 20,000, co napande kutumbama asi akulivanga ayongole nga ali na nzili yakulwa na uje mukwavo mwene. Co nga ikeye kapwisilemo, napande kutuma lijwi nakuliwana na uje mukwavo mwene omo simbu acili kulyala ngeci alombe kwoloka.” Yesu wamanesele kwendeka ngwendi, “Na kuli yeni voshe, ou kaseza vyuma vyoshe alinavyo kasa kupwa ndongisi yange.”


“Mwongwa wapwa wauvwa, oloni nga ushamuka, co utovala vatijo? Kucitava lalo kuwaka mu lihya, nambe kuulinga vwilo, oloni vaumbila kuti. Nga muli na matwi, ziveni!”

Slušajte Luka 14