Popularni biblijski stihovi od Luk 23

Podijeli

Yaʼne ech tal Jesuus s-eche: —InBʼaal, kuy ipaʼv inqʼa xaol, inqʼa tira yeʼ tootzaqle jaʼle uvaʼ nik ikʼaxbʼisa, —xeʼt Jesuus. Tul xeʼtaq vet inqʼa sol saatxhoq s-vatzaq tiʼ tilixeʼ jaʼl laʼich iqʼon inqʼa toksaʼm Jesuus.

Tul ech tal Jesuus s-te s-eche: —Toq val see uvaʼ: Txheel toq atinoq axh sinkʼatza tu Bʼaʼnla Atibʼal, —xeʼt Jesuus.{*}

Yaʼne ech tal vet te Jesuus s-eche: —Laʼxh uulsa in sakʼuul uvaʼs laʼ ul abʼant iqʼesalil, —xeʼte.

Yaʼne yakʼilxh isichʼin Jesuus. Tul ech tal Jesuus s-eche: —¡InBʼaal, nik voksa u vaanxelal taqʼabʼ! —xeʼt Jesuus. Taletz kuxh vet Jesuus u yol uvaʼe, tul yeʼ jaʼ vet ul ixev Jesuus; atz kam vet Jesuus.

Motxetz aqʼbʼ vet tu atibʼal uvaʼ ‹Bʼaqil Viʼ› chich eʼli, tul tzitzi aqʼaxik vet jaʼ Jesuus vatz kurus. Atz junun taqʼax vet jaʼ kaʼvaʼl inqʼa yaabʼla vinaq vatz kurus. Vaʼl, jaʼ tisebʼal Jesuus. Atz vaʼt, jaʼ timax Jesuus.

Aʼetzxh itxhaqʼaan vet qʼij, tul ok val u mam tokto tiibʼa u txʼavaʼ s-kaqaayil, tetxhal topoon s-oxvaʼl oora s-kuʼebʼal qʼij. Tul tira ok tokto tivatz u qʼij. Atz rinp vet u mamaʼ tʼebʼkin bʼuʼq tinikʼa, uvaʼ atich jaʼ s-qʼanbʼal tuul u tostiuxh.

Tiletz vet viqʼesal sol jankʼal inqʼa motx utxhi, tul ech tal vet tiʼ toksal iqʼij quBʼaal Tiuxh s-eche: —¡Nuq bʼakxhtuʼ uvaʼ jikla bʼakxh vinaq naq uvaʼe! —xeʼt veteʼ.