Popularni biblijski stihovi od Yohane 1

Podijeli

Shi mɛi abɔ ni here lɛ, ni amɛhe egbɛi lɛ nɔ amɛye lɛ, ehã amɛ hegbɛ akɛ amɛtsɔ̃mɔ Nyɔŋmɔ bii

Shishijee mli lɛ Wiemɔ lɛ yɛ momo, ni Wiemɔ lɛ kɛ Nyɔŋmɔ yɔɔ ni Wiemɔ lɛ Nyɔŋmɔ ni.

ni la lɛ tsoɔ yɛ duŋ lɛ mli, ni duŋ lɛ nyɛɛɛ enɔ eye.

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Lɛ enɔ atsɔ̃ afee nibii fɛɛ, ni ashiii lɛ afeee nɔ ko nɔ ko ni afee. Emli wala yɔɔ, ni wala lɛ ji gbɔmɛi ala lɛ

Enɔ jetsɛremɔ lɛ Yohane na Yesu miiba eŋɔɔ ni ekɛɛ, “Naa Nyɔŋmɔ Toobi lɛ ni woɔ je lɛ esha lɛ kɛyaa lɛ!

Je lɛ mli la lɛ yɔɔ, ni enɔ atsɔ̃ afee je lɛ, shi je lɛ leee lɛ. Lɛ diɛŋtsɛ emɛi aŋɔɔ eba, ni mɛi ni ji lɛ diɛŋtsɛ emaŋbii lɛ hereee lɛ.

Anɔkwa la lɛ ni tsoɔ hãa mɔ fɛɛ mɔ lɛ baa je lɛ mli nɛɛ.

Ejaakɛ Mla lɛ, Mose nɔ atsɔ̃ akɛhã; shi dromɔ kɛ anɔkwale lɛ, Yesu Kristo nɔ etsɔ̃ kɛba.