Popularni biblijski stihovi od Luka 8

Podijeli

Nobwo mu marova malahi, nava lwa va hulira makuva, va ga gumira nomwoyo mulahi kandi mudoto, vama liama nobwikudziri.

Nabwo bwa gwa mu mafwa, nava ava hulira, navutswa lwa va genda ku inzira yavo, amadidikano, nobutugi, nelikayirwa lye liva mwoyo lya ka lunu, vi va miga si va komelidza kindu.

Navo va veye ku lwanda nava, lwa va hulira va bugirira likuva nobuyanzi; navutswa si va li nemiri, ava suuvira hakekeke, navutswa inyinga yeligeridzwa va twula.

Kandi ya va volera, Lisuuvira lyenyu li veye ha li ha? Va tia, ni va genya, ni va volerana, Ibwaha uyu, a loga kali kihuudzudzi nenyanza, na vi mu hulira?

Avoku inzira navo ava hulira; ma Setani yadza kutwulidza likuva zana mu myoyo gyavo, gase va la suuvira va hone.

Kigira si ha veye nekindu kya viswa ki li vula kulang'aminywa; kandi si ha li nekyaviswa ki li vula kumanyekana nokuloleka habulavu.

Mukali lwa ya lola si ya nyala kwivisa, yadza na a degera, na a gwa hasi imbiri wewe na a vola imbiri wavandu vosi kya ya mu dirira, kandi kuli ya honnywa bwangu. Naye ya mu volera, Mkana wange, lisuuvira lilyo li ku honnyi; u tsie nemirembe.

Ni va tsia kuye Di va mu vukidza, ni va vola, Mwami, Mwami, ku veye mu budivi. Ya vuka na a gaya kihuudzudzi, nevi guvuii vya madzi: vya hera, gwa li mubng'eera linene.