Popularni biblijski stihovi od O LUKAS 23

Podijeli

De o Yesus wohubayanga, ”Ama, önanga nahi apongo! Onanga ihi orikua okia önanga yodiai.” O Yesus aipakeanga genangoka önanga imäkokeregu imoteke o undi.

”Nongaku,” o Yesus wïtemo unangika, ”O wange nënanga aha ngona dede Ngohi o Firdausoka.”

Daha ünanga wotemo, ”Yesus nohihininga ngohi, nako Ngona noböa hokä o Koano!”

Daha o Yesus wopöaka de Ai ilingi makuatil̄e, ”Ama! Anigiama mahoatika Ahi diri tohilapahi!” Wotemo hoko gënanga ipaha, Unanga wohonenge.

Maöraha yadono o ngï yaheto-hetongo ”O häeke makabelanga”, önanga iwisalib o Yesus deʼ yahinoto o nyawa madorou gënanga – womatëngo o Yesus ainirakoka deʼ womatengoli Ai higiloka.

Mudukua o takoro ngimoi de hinoto o wange ikorona, o wange malako itararonua, deʼ o berera mata-mataika idadi ihuhutu duru hiädono o takoro hange bimaoa. O guba yanü nuneuku ma Jou ai Tau magoronaka, ikakihi ibelaka hinotoka.

Maöraha o tentaraoka madoomu manga baluhu wamäke okia i dädadioka, ünanga wihigiriri ma Jou Madutu. Daha ünanga wotemo, ”Igoungu, Unanga wahowonua!”