Popularni biblijski stihovi od Yoano 1

Podijeli

Pakuba bonse mobavujila bamutambwile, ne kwitabila mu jizhina janji, ibo bo apeele luusa lwa kwikala ke baana ba Lesa.

Mu ntendekelo mwajinga ao Mambo, ne ao Mambo ajinga na Lesa, ne ao Mambo ajinga Lesa.

Ne akyo Kyeya kisaamina mu mfishi, ne mfishi kechi ikishinda ne.

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Byonse byalengelwe kwi aye, kabiji kafwako nangwa kimo kyalengelwe kwa kubula aye ne. Mwi aye mwajinga bumi, ne abwa bumi bwajinga Kyeya kya bantu.

Byo bwakiile lukelo Yoano wamwene Yesu kasa eya ko aji, kabiji wa ambile amba, “Talai, Mwana Mukooko wa Lesa, ye ufumya bundengamambo bwa ba pano pantanda!

Aye wajinga pano pantanda, ne pano pantanda palengelwe kwi aye, bino ba pano pantanda kechi bamuyukile ne. Waishile ku ba kwanji mwine, bino bantu banji mwine kechi bamutambwile ne.

Akyo kyajinga kyeya kya kine, kisaamina bantu bonse, pa kwiya pano pantanda.

Mambo Mizhilo yapainwe mwi Mosesa, bino bupe ne bukine bwaishile mwi Yesu Kilishitu.