Popularni biblijski stihovi od Vilinga 5

Podijeli

Oloze Petulu navakwavo vaposetolo vakumbulwile ngwavo, Etu kuvanga twononokenga Kalunga, kuhambakana vatu.

Kaha hakumbi hakumbi kavalitwaminyine kunangula nakwambulula muze mu Tembele nakuzuvo hizuvoko, ngwavo Yesu Ikiye Kulishitu.

Oloze Petulu ambile ngwenyi, Ove Ananyiya, mwomwo ika Satana nazalisa muchima wove numba uhanjike vyamakuli kuli Shipilitu Wajila nakuswekaho jimbongo jimwe hajize walanjisanga mavu ove? Shimbu kanda uwalanjise, kumana kaapwanga oveko numba? Hakuwalanjisa, ndando yawo nawa kayapwanga mungolo joveko numba? Nyi mwomwo ika watakanga chuma kana mumuchima wove? Kawahanjikile makuli kuli vatuko, oloze kuli Kalunga! Ananyiya hakwivwa mazu awa, alimbukile nakufwa. Kaha vosena vaze vachivwile vevwile woma waunene.

Oloze jino hali vatu ava, nangumyamba ngwami, fumisenuho mavoko enu, vechenu. Mwomwo punga eyi chipwe milimo eyi, nge yakufuma kuli vatu, kaha nayikuma. Oloze nge yakufuma kuli Kalunga, kaha kamweshi kuhasa kuyihonesako, navamiwana kupwa muvaka-kole jaKalunga! Kaha avakunywine.